三川居酒屋 (已結業)

感覺都幾有日本居酒屋🏮感覺，裝潢好似日本草屋，幾過癮幾有特色。不過可能因為店面唔大，所以坐得有d逼有d窄，而且比較嘈。清酒煮蜆🍶大概有十幾隻，d蜆都算幾大隻，蜆肉都幾實不過好似唔係好夠鮮甜，酒味唔算好濃。同埋有幾隻食到有少少沙。😢牛肉鍋🐂本來想食泡菜豚肉鍋不過因為朋友完全唔食得辣所以最後就點左牛肉鍋。都幾好食，牛肉片肉質都幾嫩滑，份量都OK。牛舌🐂🍢呢個好值得推介！唔貴但係都幾大舊幾厚切，而且燒得啱啱好，唔會過於濃味，牛味好濃。其實有時串燒真係簡簡單單用黑胡椒就已經好好食，唔使用得太多調味料。

約左朋友係銅鑼灣食飯，銅鑼灣一向多日本餐廳，所以有時都唔知食邊間好。今次朋友帶我食呢間係地庫，叫做「三川」。見到係特別推介，所以就點左清酒煮蜆。食落覺得都OK，蜆肉幾大隻，好夠甜，不過好似無咩酒味，如果多少少酒味會更幾好更加香。牛舌好好食！一串三塊都幾大塊，幾抵食，好值得點。另外點左白饍，肉質好肥美，因為用左好多醬料所以食落都幾濃味。不過呢個都唔算平。因為怕唔夠飽，所以order左個牛肉粒鵝肝炒飯。點知原來超級大份，份量超級多。味道正正常常唔算特別好好食。鵝肝係一整塊，不過因為燒得太耐所以偏乾所以一般般。

收工和朋友一起來這間日本餐廳happy hour，叫左好多野食手，日式牛肉鍋，博多名太子卷，明太子玉子燒，大板難波牛肉石頭飯，姿燒日本魷魚筒，三文魚壽司，油甘魚壽司，火炙帶子壽司，炸魷魚，火之夢壽司山，食物質素不錯，但因為份量唔係好多，所以叫左好多個餸先夠飽。

同朋友來食銅鑼灣食個晚餐，叫了幾樣餸加啤酒，客戶服務好好。火之夢壽司山 （海膽，吞拿魚蓉和蟹肉 ）-海膽吞拿魚好新鮮，十分惹味。明太子燒玉子 - 暖暖的，最鍾意蛋料理，有明太子的咸味中和下，好食。牛舌串燒 - 唔記得影相，超juicy，好有口感，夠肥美石頭鍋 - 上菜時不夠熱，不夠飯焦

朋友生日大哂❤️佢話見到相好吸引話要試，橫掂好耐無試下所謂既居酒屋feel🤣🤣🤣我地得兩個人既，原先就坐細台既，真係迫迫地，後期我地真係叫得多野食，就幫我地轉左卡位，即時好坐好多，服務都唔錯既厚燒牛舌 呢個好食丫，不過真係唔平丫$58一串 原條鰻魚飯🤣 呢個襯熱食先好食，好少地方有成條上，通常一塊塊就算，所以見到忍唔住叫左明太子蛋捲 ok Ge, 整得幾靚都係串燒 呢個係雞要左個什菜鍋青瓜

朋友想食日本野 本身心儀附近另一間餐廳不過最衰星期日好多地方都有限時 令到我地都有啲卻步男朋友上黎openrice search下 發現到呢間居酒屋仲要地點超方便 響地鐵站行2分鐘左右就到雖然餐廳係地底一層 不過佢門面都好易搵店舖係木系裝修 入到去覺得好warm燈光都好柔和 好舒服 係一個好適合同朋友黎談心既好地方連menu都係木刻 好有feel我地幾個叫左好多款野食牛肉鍋不過不失牛肉唔算靚 較普通四色市場魚生飯同三文魚刺身刺身整體不算太肥美 帶子略嫌薄身蟹籽沙律正常 青瓜絲夠凍軟殼蟹沙律幾好 粉漿唔會過厚蟹身都幾大隻 蟹膏都好多牛油果同及鰻魚比例均勻卷物亦屬份量之作 粒粒都成粒麻雀咁大炒飯用鐵版上 熱辣辣底部仲有少少飯焦粒 口感豐富但蟹肉較少 蟹膏味亦不太濃好好味既玉子燒味道教得岩岩好 不會過甜牛舌燒到表面脆卜卜食落仍keep到juicy口感似普通豬肉乾如果燒得再乾身少少會野味啲!飲品推薦呢款highball甜甜地既柚子蜜加埋whisky好岩女仔口味

為方便慶祝朋友生日,專登揀番喺銅鑼灣區嘅食肆,食得太高級我又肉痛,食得太平我又覺得太寒酸,然後我同事就推介我去呢間三川居酒屋食日本嘢,啱喎!就番朋友嘅收工時間,仲可以撞正佢哋嘅宵夜時段優惠添!!!九點之後二人前套餐嘅荀價只需要$398蚊就可以自選六式項目,包括：沙律+鍋物+燒物+主食+刺身同埋甜品。連我朋友睇完餐牌都話流哂口水呢......A.沙律：生日喎...梗係要食豪小小,加咗$18蚊就可以轉和風魚生沙律,沙律裡面會包括有三文魚+吞拿魚同埋八爪魚,醬汁酸酸地,用嚟做開胃前菜的確一流。B.鍋物：我哋都鍾意食辣嘢,所以叫咗個泡菜豚肉鍋,喺日式嘅餐廳食到韓式嘅煮法都幾特別,泡菜辣湯我最鍾意,夠哂惹味,豬肉片切得夠薄,入口夠腍,湯裡面仲有好多娃娃菜,吸收哂啲湯味更加之正,如果有碗飯嘅話可能我哋連啲湯都飲埋C.燒物：鹽燒三文魚頭係我朋友嘅至愛,碟嘢嚟到嘅時候佢仲話：「點解可實物可以同幅圖片係一樣㗎(?!)」貨真價實,冇花冇假呀呢次~個魚頭用鹽燒,啱啱好冇燶到,如果怕太咸嘅話可以自己唧啲檸檬汁上去中和一吓。D.主食：蒲燒原條鰻魚飯,估唔到係係原條鰻魚上,超級巨型我拍隻手埋去有我成隻手臂咁長,而

聖誕節，一行十人加一嬰兒，訂了一間vip房晚飯。未知是佳節當前還是留房必要，是有最低消費的。雖然如此，但朋友們商量過後，覺得價錢亦屬合理，所以也照訂房。準時到達後等了一會，便可以入房。房間不算太大，十人加bb剛剛好。沒想到居酒屋也有嬰兒椅呢先點冷盤，刺身、海膽、沙律、壽司......為了要食盡最低消費，也真是肆無忌憚地叫叫叫！必食加拿大海膽，超鮮甜刺身也很新鮮呢。還有一款叫螢光魷魚，很有咬口兼鮮甜，值得一試。冷盤過後，就是小食及熱葷。必食推介有鰻魚飯及煙肉年糕。鰻魚不是林林的那種，是像白鱔那種彈牙的質地，加上暖暖的珍珠米，真是配合得天衣無縫。煙肉年糕亦是必食之選，兩種平平無奇的食材，沒有想到是如此配合。淡淡的年糕加上味濃的煙肉，味道剛好，不會過咸或過淡。除了食物吸引，服務態度也是一流！！幾位服務員均親切有禮，不但會為我們介紹各款食物，就連同行的嬰兒也照顧週全。麻煩他們為bb斟和暖水，他們遞上杯子時竟說:已用手背試過水溫，啱飲試問有邊間餐廳會這樣呢？！它，真的讓我有回到家的感覺

今日係星期日，一早要起身出席公司有份贊助既活動，星期六已經要返工今日又要返，成個星期都要早起，慘慘慘! 😪為咗補償自己這個星期要返足7日工，所以中午去咗銅鑼灣搵食🍱，其實銅鑼灣有好多唔錯既日本居酒屋，而中午多數都有定食選擇。我就行下行下遇到呢間係地庫既「三川居酒屋」，呢間居酒屋望落好新，裝修亦好日式，雖然我一個人，佢哋都比我坐係啲二人間隔位，坐得好舒服好自在😊，而定食選擇都算多，價錢係銅鑼灣黎講唔算貴，我今日勁想食刺身，最後選擇了「特鮮丼」(價錢$118)，有4款刺身、魷魚及魚子、跟前菜、沙律同味噌湯，個味噌湯好清唔咸，刺身好新鮮、厚身同有鮮甜味，好好味! 😋下次會選擇夜晚黎，試下佢哋啲特式料理同飲返杯sake先🍶。

日本式嘅居酒屋總係別有一番風味，但真正有質素嘅喺香港確實唔多。而銅鑼灣作為香港嘅「飲食重鎮」，當然都有唔少嘅日式居酒屋可以一試啦！今次就同朋友試試呢間位於䌓華嘅軒尼斯道，一間隱而地庫嘅日式居酒屋。首先，餐廳嘅裝潢好有特色，好似模仿日本古時嘅小草屋咁，而且屋薝上仲有疑似雪花LOL食物方面，價錢相當相宜，我同朋友二人同行小試一個dinner set「大滿足套餐」，佢可以自選唔同嘅菜色配搭，幾flexable，最啱大多又想試多啲嘢嘅人，就算再光臨都唔怕悶，可以隨時選自己鍾意嘅菜式！前菜係個本家薯仔沙律，見menu寫住chef pick，自然要試試。薯仔係原個上，十分有趣，醬汁混合咗麻醬同其他配料，幾refreshing，大家不妨一試！另外刺身方面係三文魚同劍魚腩，兩者都幾厚身，好食！另外個日式牛鍋，湯底好濃郁，牛味亦一樣相當出，愛牛之人一定大讚正正正！鹽燒鯖魚就不過不失，最後亦係最飽肚嘅蟹膏炒飯，炒得幾乾身，米飯粒粒分明，不過蟹味就略為爭啲。

有時夜收工，好多食肆都已經cut左單，想搵野填肚都難。沿軒尼斯道一直行，經過見到燈火點點，先知地庫有間居酒屋。過左9點仲有優惠套餐，二人餐都係$398，想飲下野仲有任飲放題比較少見既薯仔沙律，佐以士多啤梨、藍莓同日式胡麻醬，味道酸中帶甜、好開胃。真係原球薯仔黎海膽鮮甜唔苦，紫菜脆身，唔似有啲舖頭擺到淋哂。壽喜燒湯底鹹香濃郁，牛肉有五六片，唔會太肥搞到個湯好油。裡面有豆腐、粉絲同大白菜，煮到稔身，索哂汁好入味油香十足，肉質滑嫩，比起鯖魚無乜骨，更易食。巨型鰻魚壽司真係原條鰻魚，而且幾厚肉，不過燒得耐左啲同埋唔夠油香，好在有香口既鰻魚汁搭夠，白飯唔係珍珠米，口感一般。中意食紅豆既人一定要試下紅豆味，真係有粒粒紅豆，香甜有咬口；反而綠茶味唔算太突出。宵夜有前菜有小食有飯有甜品，認真豐富，下次夜收工又多個填肚既選擇

三川居酒屋聽聞老細都好鍾意日本，去到見到啲裝修都相信係😂😂😂😂😂成個感覺係好似比客人置身「三川」咁。以木系裝修出發，配草繩草屋設計！唔得閒飛轉日本都可以嚟呢到感受下！嘢食方面佢有清酒放題，啱哂酒鬼啊🤣🤣🤣宵夜飲酒一流！今次食咗個鍋物覺得不過不失，材料都好豐富，除咗丸類、粉絲、冬菇咩都有啲，最緊要佢個湯底夠熱！係咁嘅天氣飲啖暖哂！另外，難波牛肉石頭飯都係熱辣辣上，仲有飯焦添🤤🤤🤤好好味

今日突然宵夜想食日本野，出開銅鑼灣，所以就係銅鑼灣搵食，發現到呢間野，有個自選套餐，為左一板海膽而衝來的！
呢到裝修好有特色，好似真係去了日本居酒屋的感覺！呢到宵夜時段仲有120分鐘任飲放題，岩哂鍾意飲酒，由於朋友唔太飲得，所以今次就冇試到佢個任飲放題啦！2人自選套餐 ＄398沙律：
點了豆腐野菜沙律，用了芝麻醬，配上很多滑豆腐！超大碟的沙律菜，又有蕃茄、士多啤梨同藍莓。羅馬生菜食落好新鮮，好爽口，豆腐好嫩，啖啖芝麻醬！鍋物：
鍋物就揀了雞丸豆腐野菜鍋，這個鍋很豐富，除了有雞肉丸，裡面仲有些粉絲、冬菇等。鍋個湯底好入味，為食物加添不了分數，雞丸啖啖肉，好香口燒物：燒物就點了鹽燒鯖魚，餐廳將鯖魚燒到外皮好香脆，鯖魚本身都好夠味，仲有成隻手咁大條！鍾意嘅仲可以吱啲檸檬汁！食事：大板難波牛肉石頭飯，食石頭飯指定動作，就係唔好即刻撈，等大概1－2分鐘，咁就會有飯焦！牛肉石頭飯有泡菜，所以食落唔會好乾，會有啲汁，牛肉都好juicy！刺身：
為左一板海膽而衝來的，當然都冇失望！份量多，配有紫菜、青瓜！海膽好新鮮，入口即融，好creamy，一啲腥味都冇！甜品：
最後的是甜品，點了一份紅豆及芝麻雪糕

今日朋友想食日本嘢，带我來到銅鑼灣永光商業大廈的三川居酒屋。餐廳於21:00後推出宵夜時段，有一個非常抵食的$398二人套餐，及正做着$250可享120分鐘任飲放題。我們點了一個$398二人套餐，總共有沙律、火鍋、燒物、主食、刺身、甜品共六款。每個款式又各自有不同的選擇，令人花多眼亂。經過一輪深思熟慮後，我們選擇了蟹子沙律、清酒煮蜆、燒魷魚筒、原版海膽刺身、高菜蟹膏蟹肉炒飯及綠茶雪糕。蟹子沙律比較迷你，但是蟹子、青瓜絲和醬汁比例調得剛好，將他們混在一起吃，一邊感受青瓜的爽脆，同時亦感受到蟹子在口內爆裂的快感，實在非常過癮。清酒煮蜆這煲蜆的份量不錯，有10多隻。而且每隻蜆的肉都頗大，夾雜清酒的香氣，吃下去非常醒神。我還忍不住喝了幾口清酒湯呢！燒魷魚筒魷魚的份量很大，幾乎有我的一張半手掌那麼大。魷魚的肉很有彈性，咬下去會覺得這條魷魚很有運動量🤭，簡單地配合燒汁也很好吃。原版海膽刺身這個海膽是一版上的，份量也不錯。吃下去會覺得海膽很新鮮，味道很濃，有點像在日本吃的感覺一樣。高菜蟹膏蟹肉炒飯份量非常之大，我們兩位差不多各自吃了四碗才吃完。每粒飯也非常分明，配合蟹膏蟹肉令到炒飯的味道得到昇華，非

開心星期日專登揸車車🚙同爸爸去到銅鑼灣購物同周圍行下，不知不覺原來都9點幾先我地要食野了，就係sᴏɢᴏ附近搵下有咩餐廳食先，發現了呢間三川居酒屋。原來夜晚9點是宵夜時段做緊期間限定 “秋之祭 50%半額”，二人前只需$398 自選6式套餐所以吸引了我們！還可以選擇另加120分鐘🍶清酒任飲放題，不過今天同爸爸出來揸左車，所以要留返下次喔！2人自選套餐是係A-F 每款揀一樣A)沙律就選擇了自家製薯仔沙律，薯仔淋上了麻醬好配合💕仲有蟹柳絲刺身就係五選一，五款刺身都好吸引～經過一輪思考就揀咗原版海膽刺身🤤🤤海膽嘅份量勁多，滿滿的😍😍底下有d青瓜絲可用紫菜夾埋一齊食，好鮮甜，係口到也有溶化的感覺燒物方面就選中了日本魷魚筒，大大隻沖滿了燒汁醬😍聞到點點炭燒味，食落好彈牙又唔會燒到好乾身食事就係蒲燒原條鰻魚飯哇...哇...哇...鰻魚嘅長度仲長過隻碟嘅直徑啊😆鰻魚係厚身有點點油脂仲有鍋物，雞丸豆腐野菜鍋有雜菜，冬菇豆腐仲有粉絲雪糕就係每人都有一杯，作為綠茶愛好者當然叫左綠茶味啦！綠茶味勁濃呀💕💕