七本(居食屋)日本料理 (已結業)

同朋友即興約食飯，兩丁友冇book枱，冇人早到攞位，注定食唔到好野😩本來諗住食唦嗲王，不過果度真係多人到嘔，咁唯有轉地點啦。行到呢間野 ，竟然冇人排隊，仲有位，咁餓到暈嘅兩條友就揀左呢間野尼食。呢間野聽就聽過，不過就未試過。好多人都話呢間野退哂步，冇以前咁好食。咁我不嬲都唔係話一個好揀飲擇食嘅小朋友，加上對日本菜有無限心心眼，所以d野食又唔覺話點難食，不過不失咁啦。不過，我地果晚係order左牛油鐵板燒帶子，佢就上左個多菇菇帶子，咁我地見都係帶子，同埋味道都唔算差，就放過佢啦。唯一一樣麻麻地嘅係地方太窄，我地坐樓上，算係叫走廊位啦，入面仲有一張二人枱，每次入面張枱嘅人行出行入，我地都要起身比佢地出或者入左先，有d尷尬同掃興，我明我明。。。都係土地問題。。。整體尼講，都算ok啦，係隻刺身船比較搶眼d。可惜我地得兩丁友，如果唔係可以order多d野食😋

已經幫襯左女人街依間日本嘢食好多年，貪佢夠平同埋質素都唔差，今日有朋友生日三個人，再次幫襯，雖然佢已經加左好多價，但其實質素都仲保持到以前咁，亦都比起出邊嘅日本鋪頭平。我哋嗌左個刺身拼盤，串燒拼盤，同埋卷物，兩支酒，刺身拼盤二百零蚊，每件刺身都有三件，刺身都幾肥美同新降，不過串燒就麻麻哋，鰻魚卷都幾抵食。

今天與友人在旺角想找一間餐廳進行午膳，後來被門口的餐牌和日式風格的餐廳所吸引，所以便進去試試。首次進到去，發現餐廳的設計有點奇怪，椅子和椅子中間的空隙極少，一個人在中間穿過的話十分困難，可見環境十分擠迫。其後，一名態度惡劣的男經理為我們下單。我們先清楚說出套餐的名字和數字，但他依然是聽不清楚，還大聲惡罵我們要清楚說出名字。之後我點了一個竹壽司套餐，配烏冬。烏冬5分鐘後送到，但口感不佳，麵質很硬，很像沒熟的一樣，勉強能吃。吃過烏冬後，等了很久還未拿到壽司。要等了30分鐘後，才看見服務員拿著壽司來。不過她拿錯給了鄰桌的人（鄰桌的人還未點餐），其後才問是否我點的壽司。我心想，不是按著桌子號碼來配餐，為什麼會有錯配問題？可見員工培訓不足。加上，壽司口感和質感很差，壽司飯是鹹的，三文魚吃得出有腥味，其他壽司也是冰凍的問題，極差口感！我想，最好吃的應該都是餐飲可樂吧，哈哈！我肯定下次不會再來了

食過一次之後，回味。又平又抵食所以，決定再去食食物依舊的正常值得食嘅。但是，是次用餐經歷，太激心。不得不申請賬戶，大吐不快。不是期待服務超好，可是今次太離譜，落錯單不是客人的錯，服務員落錯不是好大問題，今次食評不是要講落錯單嘅事。而是店內有個男經理，知道有人落錯單，大聲不斷地講下次咪俾客人指住圖黎落單，一定會錯！直指是客人的錯！問題是由頭到尾，我地無人指住圖黎落單，我地口述落單的！那個男經理，不只是講一次！不停咁講！又大聲！好討厭！這是經理應有的待客之道嗎？

之前試過六丸，已經覺得超值，今晚有老人家在場，行得不遠，就係七本食，都知是同一集團，好耐冇食，重係咁有水準，尤其是吉列炸蠔，北海道芝士黃金扇貝，三文魚生，真係不枉此行。

平時成日食d連鎖嘅壽司店，今次諗住試吓女人街既小店。一來諗住試吓新野，二來諗住會平啲。原來我錯喇...估佢唔到，原來價錢絕對不比板長 monster sushi平，環境裝修當然冇人哋咁靚啦，服務都仲要幾普通下，真係好有女人街風味。不過問心，味道其實都OK既！三文魚刺身都幾新鮮，而且都大件！呢度嘅食物份量都好大，三文魚卷好大，火焰箱壓壽司仲大😱 食完真係唔洗食其他野🙈 個箱壓壽司上面有一塊牛油，上枱之後就係你面前點火，舊牛油係一路燒，一路溶落去壽司度，勁香😝 清酒煮蜆都幾大隻，而且好香sake味☺️ 最後果個唔記得叫咩名，有鰻魚，有雞扒，仲有米線之類既野，食到超飽😯Overall，味道幾好，不過價錢略高，而且服務可以有改進既空間

今天我和同事又去女人街找餐廳吃午餐，大家都想吃日本菜，於是我們便去這間餐廳吃午餐。我叫了照燒雞扒拉麵，配餃子，我同事叫了滑蛋鰻魚飯。飲品叫了熱檸茶。照燒雞扒拉麵方面，雖然雞扒都算大塊，不過雞扒煎得太久了，雞皮都燶了，肉質又粗糙，又沒有雞汁，雞扒又乾又硬，很難咬開。雞扒都可以煮到咁難吃，真的十分（佩服）！拉麵當然是港式拉麵，拉麵有點淡而無味，而且太淋了，好彩湯底咸咸的，拉麵總算可以入口。還有拉麵內的塘心蛋十分難吃！餃子方面，餃子皮有點厚，餃子內有豬肉和菜，雖然都是炸得比較燶，不過味道不錯 。滑蛋鰻魚飯方面，賣相真的十分差，看了都不開胃！不過鰻魚都算大塊，味道還可以，菇類味道都Ok。熱檸茶方面，味道不過不失。價錢方面，照燒雞扒拉麵$36，送餃子和熱飲。滑蛋鰻魚飯$40，送熱飲。其實十分便宜的！環境方面，餐廳都算乾淨的，至少乾淨過隔離的魚心日本料理。不過，服務態度十分差，特別是那位男經理，不斷呼呼喝喝！對自己員工又呼呼喝喝，對客人又呼呼喝喝 ！我知道你人手不足，那麼人手人足就應該請多幾個人，呼呼喝喝是沒有用的！我們進餐期間，他不斷大叫，吵死了！還有，食物上菜速度比較慢，千萬不要叫便當，我隔離

七本一向是我和友人喜愛光顧的居酒屋，位於旺角鬧市，方便到達，逛街後可在此用膳歇一歇。食物的價錢相宜，便可品嚐到多款美食，是平民恩物。事隔兩三個多月再來，發現食物質素好像有些退步。已往惠顧滿$100可以$25換一客三文魚刺身，現在已漲價為$40, 這是可以接受的，畢竟現在的物價貴了，只是不及以往那麼抵食，因此這晚我們沒有再點三文魚刺身，改為點其他三款菜式。鐵板牛油帶子上枱時散發著牛油的香味，但吃下時沒有嚐到很多牛油味，本以為這樣就蓋不過帶子的鮮味，但其實帶子的原味欠奉不過尚算肉厚，口感是不錯的。鰻魚炒飯是令我們最失望的我和友人一向喜愛點這個，但我想以後也不會再點了。如圖所見，目測炒飯上一丁點鰻魚也沒有，本以為寶物藏底，但吃到底的時候才發現只有一丁點鰻魚粒雖然餐牌上的圖片只供參考，但也未免差距太大吧，況且，餐牌上顯示的鰻魚已不多了可幸是飯是粒粒煙韌，也帶有甜咸的醬油味，味道吸引均勻，算是炒得不錯。香芒乳酪吉列蝦卷的味道一般，整個飯卷靠芒果來提升味道，炸蝦香脆，但沒有炸蝦應有的惹味，飯卷頗硬，感覺飯好像不太新鮮？不過總比鰻魚飯真材實料

去食個午餐，侍應態度差，叫左個魚生飯，味道又係差，魚生好難食，我未試過食一塊之後，無意欲再食過去，就咁個飯都係難食既，普通一杯熱奶茶，都沖得好差，最後加5蚊要個三文魚壽司，先叫一般。一世唔會再去，食左$60，雖然唔叫貴，但下次就算唔洗錢我都唔會再去。唔推介！！！！

行行下街諗唔到食乜好，是但走左入間日式鋪頭試試。點知入到去，無人招呼你，都算數，諗住搵個位坐，呢到周圍大把位，係都要叫人去搭檯，入去個位又要有野阻住，個服務員竟然拎住杯水企左係到，等我地自己開條路出黎，我心諗你係咪今日last day，hea做到咁，跟住都算，之後又有兩個客入黎，竟然有個4人位坐，然後隔一陣又黎兩個，又係坐4人位，有無搞錯？跟住叫野食，叫左個刺身船，啲三文魚淡而無味，食左幾件就放棄左啲炸又炸到黑晒，用隔夜油炸，大家要食自己小心壽司啲飯又用生飯，炸蝦又成舊粉加州卷求其掂下啲蟹籽火搞掂非常求其！絕無下次亦唔推薦！

係旺角行到肚餓 想平平地搵間日本野食 就同6個朋友試左呢間係通菜街既居食屋😬✏️「紫薯甘栗炸物」❤️其中呢個炸餅性價比算高 賣相唔錯 食落去紫薯蓉同甘栗蓉既份量都多 仲配合得好好 甜度適中 又食到粒粒既紫薯 亦炸得幾香脆 抵讚😝✏️「角切刺身飯」❤️三文魚刺身被切開一粒粒 配合埋蝦籽青瓜蟹柳等等配料同飯既份量合比例 唔會食到尾得飯無配料😆 ✏️「三文魚刺身」❤️之後再食左晚市優惠「$40 三文魚刺身」大約有8塊 都幾新鮮同肥美 好抵食😋💰每人埋單都係$60到～ 價錢幾合理呀 環境同食物質素都唔錯！

是晚睇完場戲，已經晚上9點半。即刻衝去女人街醫肚先。餐牌 款式多，價錢都合理。雜錦刺身冷烏冬x2 附麻醬。冷烏冬份量足，一啖刺身點醬油，一啖烏冬點麻醬...好滿足。惠願滿80蚊，十件三文魚只需加40蚊。厚切肥美，抵。埋單都係百幾蚊ja...下次要多d 人黎試多d 款先！！！

八點到旺角晚上，搵啲平平地食，係女人街搵左幾間，路過呢間七本就入左去食啦。無乜人，唔駛等。入去揀左個魚生飯同蕃茄牛肉烏冬。魚生飯點完好快就黎到，但係成碗飯好凍，好似係雪櫃拎出黎咁wasabi 都雪到好凍同埋唔好味成碗飯好難食另外個牛肉烏冬，啲牛咬唔開咁因為太難食，連相都影到咁

今日本來去CAFE但又麻麻地，朋友話食日本野就記得這間小店，之前一直都食開覺吾錯，差不多大約幾個月就黎食一次，但都差不多二年冇黎了。點知今日比較失望，野食質素差左而且待應完全冇理到個鍋，直情個鍋斜左都吾知，倒左少少係朋友度，好彩另一個待應叫住佢先倒左少少，好吾小心！～我諗這餐廳堅要改善，如果咁大鍋應該用2隻手和吾好咁滿吧…..我地2個人食左$330價錢係抵食….只限抵食，質素有改善。燒三文魚頭：黎到吾太熱已覺一般，醬汁好酸，酸到係我地都冇用汁沾黎食，而且魚頭下面位極少肉而且冇魚油，好失望。什錦刺身丼：份量好多，飯只係普通飯，而且飯係偏硬身，有插幾下先可以用匙子黎食。刺身份量都吾少，有吞拿魚，三文魚，魷魚，青瓜和蟹籽，但吾太新鮮偏乾身，食左一半冇食了。牛肉鍋烏冬：鍋好大…但湯吾太熱，味道偏甜，烏冬好淋身沒有味感（已經加最貴$15稻庭烏冬），菜好多吸晒味還不錯，牛肉有4片，肉質偏硬同味道冇咩肉味。三文魚刺身：食左滿夠金額就可以用$40食到刺身，黎到份量都吾少喎，但食落好淡口又三文魚冇咩味，最後我地食左5片已經冇食了。軟殻蟹，海膽手卷和芥苿魷魚壽司，紫菜偏淋吾脆口，反而材料都幾新鮮味道吾錯喎

女人街一頭食物選擇多，價錢又不貴！因門口的隊伍吸引而嘗試！當然這是需要等候一段時間！叫左刺身（堂食過$100便可以$40換取）刺身有十件，厚身，顏色不算好鮮豔，但鮮甜！另外叫左一刺身小食船：份量如圖一樣，份量十足！有前菜螺肉，少辣，有口感！十件刺身，加四件壽司。蝦肉壽司肉質一般！蟹柳則是普通蟹棒，不過不失！炸物皮較厚，內裡肉質經調味，幾入味，有五味粉味：有炸蝦兩件、年膏、炸墨魚片、炸蠔！另有蟹子加洲卷四件：飯少軟，夾左沙律醬、青瓜及蟹子！味道還可饅魚柳川鍋：大鍋上檯，鍋中有饅魚及雞肉，夾左滑蛋冬菇，下層即是粉絲！一鍋多料，少辣的，雞肉肉質少滑，饅魚則麻麻，少腥，幸好粉絲補教，粉絲呢曬醬汁，入味！魷魚大條，肉質彈牙，燒得不錯，可怕醬汁過甜令人失望的波士頓卷：只是圖片吸引！飯都是軟，味道好淡，正常卷物都會有壽司醋的味道，但這只是夾青瓜粒，蛋等卷成一團！不值試食平價食用！