七本(居食屋)日本料理 (已結業)

Lunch hour 12半去女人街食日本野，平時七本係叫外賣多，今次試下堂食。午餐餐牌，睇落去就幾吸引，我同一位同事嗌左個定食自選套餐，另一位就點左鰻魚炒飯，午餐包熱飲同一碗味增湯。鰻魚炒飯好快就上，味道正常，鰻魚分量亦算多。我同另一位同事就冇咁好彩，等到天昏地老先有得食，趕時間真係唔好叫便當。賣相有d差。。不過味道都ok。呢間堂食無下次，平時七本叫外賣都要預多d時間，今日試過堂食終於知點解，餐廳得好少客人，d野食都可以上得甘慢，睇黎唔關個送外賣事。侍應都好似遊魂甘，點三個餐都要我地重覆幾次

近年每週都會到旺角最少一遍，因此留意到花園街有不少日式餐廳。在七本門外的海報看到$40有10二文魚刺身，所以進內試試。細看餐牌才發現要惠顧滿$120，方可以優惠價$40吃到10件三文魚刺身。為了享用此優惠，我們點了三款食品。首先，優惠價三文魚刺身先到。雖然是優惠價食品，但刺身都是厚切，以此價錢來說，實屬超值。豬軟骨豆腐鍋味道一般，選用了百福滑豆腐，但湯底有點過甜。牛柳蕃茄烏冬上桌時已不太熱，牛柳有點難咬，湯底不夠蕃茄味。譚仔三哥的蕃茄湯底夠為優秀。最後，人均消費約$110，性價比尚可。

下午茶 諗住搵好嘢食， 經過女人街， 見到大大個易拉架， 好似好平好抵食， 果斷入去試下。 同朋友一人叫一碗拉麵， 佢就叫咗豬軟骨拉麵 ，而我就叫左吉列豬扒拉麵。 先嚟嘅係豬軟骨拉麵 ，面頭得兩舊豬軟骨， 性價比已經低 ，完全係將貨就價， 不過算啦一分錢一分貨， 廿幾蚊唔好要求咁多， 豬軟骨都煮得唔錯 ，肉夠淋， 骨夠軟。再來 吉列豬扒拉麵， 一上枱， 得半塊豬扒， 以為畀人食咗一半， 又係性價比超低， 一塊豬扒幾多錢， 心情畀佢大打折扣。成個下午茶最出色嘅 ，一定係罐可樂， 仲要係可口可樂， 真係一罐咁畀你， 唯一唔好無得要冰底。加五蚊要多咗碟加州卷， 正常貨色。

服務態度可算劣,比杯茶我就叫我縮開,唔想比茶就唔好比囉,叫左個角切魚生飯,等左35分上下鐘先有得食,仲要上到枱時,發現貨不對版,餐牌上明明有三文魚子,上到枱一粒都唔見,魚生量少就算,當因為價錢便宜當少魚生係正常,但貨不對版又服務差,真係唔會再黎食。

晚試食夠＄120可以加＄40叫10塊三文魚刺身(原價80)，還可以幾新鮮。櫻花海膽反卷等得比較耐，事關佢入面舊蝦要炸，上枱係岩岩炸好嘅。一入口，甜。粉紅魚鬆厚左d亦唔太平均，甜到淨係食到魚鬆同炸蚱味，海膽亦同餐牌上嘅大細唔同，得半舊，有舊仲好肉酸咁pat左係到，賣相都幾差。唯一好嘅就係蝦係岩岩炸起（定唔知係咪返炸，冇為意）。個人好鍾意食軟殼蟹叫咗牛油果軟蟹飯反卷，好期待。一上枱就第一時間夾黎食，點知大伏、係大伏、係超級大伏！軟殻蟹外面係應該咬落去脆架嘛，枱上呢6舊野唔單止唔脆，係好韌！韌到食扒咁，非常之失望。舊蟹唔係熱嘅，相信100%唔會係新鮮炸起，當然食落都知唔係，都唔知炸完擺左係到幾耐！我好想同店員反映，但當時仲有碟未黎所以就費事。好在叫得唔多野，隔離枱一對夫婦叫左一個$128拼盤，一個炒飯同魚生飯，食到一半都聽到個男人同老婆講：「好難食喎，大佬。」我地表示有同感。總括，呢間日本野對食物質素冇要求，處理食物好求其；而價錢又唔係平，我認為佢定價比一般高。難怪晚市時間都咁少人，一定唔會再去。

旺角向來是食肆集中地，各色其色，豐儉由人。在通菜街一帶，隱藏了不少食肆，當中日式的也有不少，例如這到來到的七本。在晚飯時段，原先侍應招呼我們到2樓坐，奈何環境實在太迫太熱，坐不下去。正當我們想離開之際，恰巧地鋪有人埋單離坐，才令我們可以繼續在此用餐是次點了鰻魚雞肉窩，魚生飯及魚生。以中價日式食品來說，水平算是不俗。我們邊食邊開會，在遠離金融中心的旺角，談論金融行業的傳聞和消息，感覺上應該會安全一點，也能談得放一點!不過，就是談得太放，搞到連相也拍不到，只能影到餐牌而已

本來唔係食呢間，因食開果間執左，見餐牌食物差唔多！叫左呢客特盛刺身丼，同相片都幾大差別，顏色唔吸引，似擺左一段時間咁，飯份量唔多，刺身食落無咩味道，唔係因肚餓都未必想食！呢客三文魚刺身做特價所以叫埋，芥末比得好少，唔足夠囉，味道普通！侍應服務態度一般，都費時坐咁耐, 食完埋單走人！

這間日本嘢都算係我前幾年最鍾意食嘅餐廳 ，但因為實在太耐沒有去過 ，今日想再食日本嘢就記得佢 。今日去到大約十點鐘人數唔多，坐低咗之後就叫咗一個三文魚刺身， 蒜牛柳粒， 豚肉定食 仲有鰻魚卷。 鰻魚卷呢到有失望，因為同相完全都唔同 ，飯冇乜味 幸好就係材料都夠，但係芥末唔好食 ，所以整體只屬一般， 豚肉定食味道反而唔錯，但係豬肉味唔夠濃郁。飲品嗌咗檸檬茶，但係檸檬茶味好怪，所以飲咗兩啖冇飲。 三文魚刺身 ，有10片份量都好夠，三文魚屬正常唔太差，但係唔可以講佢係好有魚油感。整返嚟講其實係比之前差咗，所以今次都有啲失望。

早2日在旺角想食日本野，我印象中呢間野唔太差的。。。所以入咗去，7點半都未好多人。2個人叫了滑蛋豬扒飯，芒果蟹肉卷，雜錦串燒同加$40 要10片三文魚刺身。等了好耐，眼見枱枱都只有熟食。想不到，第一樣來的竟然係滑蛋豬扒飯(Sorry 矇咗🙈)我同男友一同呆了，點解滑蛋豬扒飯係咁嘅樣。。。。。。睇真d個menu，原來係煮的，佢冇錯。。。係我冇為意俾個圖誤導咗🙄ok, 豬扒還好，蛋太少，唔滑，太多湯。之後到串燒呢個不錯，牛舌偏硬，帶子有d腥。三文魚刺身還不錯的，但食到有魚鱗。。。😮好了！到芒果蟹肉卷首先，芒果切得不好，有一舊得半片飯，我相信也不是日本米！好差！😡都算，d米有d生骨嘅感覺！仲有其中一舊好明顯係卷尾，冇問題，但得半舊餡，d蟹肉得陣雪味👎🏻👎🏻👎🏻👎🏻👎🏻以後唔去！

第一次食到咁既滑蛋豬扒定食一心以為係一個飯上面舖左滑蛋同豬扒點知原來係一個鍋 d 豬扒浸著d 湯再另上一個白飯 😑😑😑下面舖左所謂的'滑蛋' 但明明就係少少蛋漿同d 冬菇同金菇 唔明點解個滑蛋會有埋金菇冬茹仲要咁水🤦🏻‍♀️🤦🏻‍♀️🤦🏻‍♀️忍唔住問侍應有冇黎錯左 佢竟然話冇真係第一次見最後一樣離譜事就係menu 寫定食包飯同麵豉湯就黎食完都未見湯 心有不妙 再問侍應我個定食有冇飲品 佢話冇 咁係咪姐係個湯就係個鍋浸著d 滑蛋就等如麵豉湯？！ 完全唔值的日本菜

點了份番茄牛肉蛋包飯，看見餐牌圖片是滿滿的番茄，雖然我知道圖片僅供參考，但是上桌的時候一個番茄的影都沒有........而且今次吃的總覺得有點臭味？味道怪怪的 跟上幾個月吃的完全不一樣 上次也是吃這個 但是當時是非常好吃😋 今次餓得不得了 想念上次吃的美味就去吃了，反正這次有點失望😞

長話短說，如題。一聽電話已經唔好聲氣，明明我一句都未講就一句彈埋嚟「我地唔送外賣（黑人問號）？」之後想話訂位，佢就留低咗句「等等⋯」之後就無再拎返起個電話。未食已經令到我唔想去食👍🏻

係旺角想食日本野通常都會去旺角女人街果頭。其實呢間已經食過好幾次，但頭幾次都OK。但今次真係忍唔住要打返個食評俾佢。去到既時候6點半左右，人流未算多。我想同男朋友一齊坐，我地慣左唔會坐對方對面，而且店舖明明都有好多空位，服務員都係唔比話唔得。無奈。　我地問店員點解唔可以一齊坐，佢地只係HEA我地話要放野.... 其實實情係放咩呢？我真係諗唔通。明明店入面人都係三兩個，空間同位都夠，客人要求都唔得？非常無奈。同埋佢地態度好差。食物方面唔講啦都係麻麻地價錢一般真係以後都唔會再黎。。。。

跟朋友在旺角看完電影便到了女人街吃晚餐這條街有很多不同的餐廳可供選擇中西日韓越泰都有 看到有幾間日式料理 在門外看了一下餐牌 食物的種類都差不多然後隨便進了這一間晚市優惠 $40 10片三文魚刺身刺身厚度不算薄 新鮮 鮮甜 角切刺身飯還算足料 刺身新鮮 有三文魚粒 油甘魚粒 𩶘魚粒 蟹柳粒 甜玉子粒 但可惜飯有點硬 感覺到碗是凍的 可能是連飯一起預先雪在雪櫃鰻魚飯 鰻魚份量不算少 肉質還可以 不是多骨飯加上鰻魚汁後 味道不錯混合旁邊的甜玉子 也不錯

物價高企，唯有努力工作靜待時機。平日做野咁辛苦，Lunch時當然唔想待薄自己，呢間位於女人街ge「七本料理」，絕對適合知慳識儉ge打工仔。「七本」閒日有午市推廣，只要係一點前埋單，就可以有85折優惠。幫襯果日天氣凍，正好食個牛肉火鍋暖下胃。我點左一個「雜錦牛肉鍋」($42)跟可樂(加$3)，落完5分鐘都唔洗，一鍋一飯已經送到黎。牛肉火鍋有菜有蛋有蘿蔔，賣相睇落都算OK，而份量足夠，味道亦唔失禮。牛肉鍋加可樂原價$45，埋單折實$39，正宗「大件夾抵食」！至於餐廳環境，只算係一般旺角質素，但整體感覺企理，而且服務都OK。係呢個價錢下食到日式料理，已經十分之抵，等我下次再去試埋其他先！