七本(居食屋)日本料理 (已結業)

一年多前已經吃過，每每想起那刺身船，都忍不住想再去吃一頓剛好這天有時間這個優惠已經做了很久了, 很吸引, 可以試試看!先來一個牛油果軟殼蟹卷軟殼蟹滿脆的, 加上壽司上的沙律跟蟹籽,不錯吃!再來一個蓄茄烏冬, 味道濃郁, 烏冬也不是煮太久, 剛好有點咬口!這是大家都清楚的加州卷, 覺得壽司飯有點太黏口, 沒有分開一顆顆的但材料很多, 也很大!最後是三文魚腩壽司, 滿新鮮肥美, 有點厚切.最後每人一百左右, 覺得還可以的因為已經吃很撐XDDD我覺得還好的~ 雖然壽司飯沒有之前一樣好吃但性價比也OK的

獨自一人的下午茶餓得很 行過見到呢間 之前食過呢度既一個海鮮拉麵 咸到不得了但今次俾佢吸引左我！醉心芝士雞鍋 $45連飯及熱飲之前食過瘋魔一時的吉野家芝士雞鍋啲椒味令我覺得感覺好差 同埋鍋細細好易痴底！七本呢個令我有驚喜！佢係無火上既 師傅已一早整熱雖然所謂的醉心芝士好明顯係後加上雞件既面上面不過都幾好食！ 有五件大雞！湯底亦好香 唔算太過咸👍🏻五件雞的底下 有大量菜！好好啊 夠晒健康兼且無火唔怕痴底！$45價錢仲連杯熱檸水 好抵食！只係店員依舊不太好禮貌 入到去冇人理 而點野食叫好多次都好似聽唔到咁😅

今日難得一見，齊人一路行一路諗食咩，行入巷仔睇有咩餐廳，見到門口一大個二人前鍋，望埋餐牌價錢算平，就入左去~我地三個女仔叫左5樣野食哂都飽肚～1.三文魚刺身$28有8件， 厚肉新鮮🤓2.刺身小食船$98，刺身新鮮，小食又熱又脆👍🏻3汁燒魷魚筒$48，好好味😋4.海鮮鍋二人前$98，個面好多海鮮，個底係粉絲同娃娃菜👍🏻份量足5.蟹膏帶子炒飯$58。都好多粒帶子，飯略有蟹膏味，不過不失🙂抵食👍🏻賣單都係330加一$363，服務唔錯，不停加茶，啲野都上得好快，下次會再去😁

是夜放工約了老弟和表姐食飯，他們訟想食日本菜，那我便將大權交到他們手中。因為貪就腳來了女人街食，被門前的侍應拉左入去。店內黑黑的，人也不少。但環境不令人討好，對食物信心都不大。誰知被我估中，是個伏。刺身完全唔得，好腥好水，拉面就一大陣味精味，我好耐無食過一餐咁難食的飯，成晚心情都唔多好早知食譚仔仲好。

食物和價錢的質素不乎打開餐牌，基本大致價錢是中上位，$60up我們一行3人 下午6點叫餐叫了串燒，特盛海鮮飯，三文魚頭鍋定食定食只是加一碗白飯與麵豉湯 已經10蚊(本來有個鍋物是2人前的，但定食卻只跟一個飯和湯，咁叫咩2人前呢？)等20分鐘材上菜而來的只是一個3文魚頭鍋，沒有飯和湯特盛海鮮飯 等多5分鐘都沒來白飯 追問侍應，說要加10蚊我們說已經加了，之後另一個侍應說在上面個層煮緊,白飯來到時又乾又硬有飯焦,只好用鍋湯浸飯食而特盛海鮮飯個飯底壽司醋味很濃，而且也很乾身，而魚生也只是一般新鮮沒魚味等多10幾分鐘，串燒才到燒到乾晒水牛舌和牛肉粒乾到咬唔開服務唔好價錢黎講呢個食物水準叫差下次唔會再黎食

三文魚刺身: 便宜又肥美!!!新鮮!!! 刺身船: 可能太少人點的關係... 一整船刺身都不太新鮮... 串燒牛肉粒: 絕對不是即點即燒的... 可能牛肉粒本身已是半熟狀態, 然後再加熱... 所以上碟時只是微溫...完全不好吃!!! 燒雞泡魚干: 雞泡魚干燒得很乾身, 而且帶有燒魚干香味, 佐酒一級棒!!! 芥辣八爪魚壽司: 紫菜不脆...不合格!!! 帶子壽司: 帶子大大粒, 但沒有鮮味... 芒果炸蝦卷: 材料很豐富, 蟹子也很多... 但是炸蝦比較多"麵粉炸醬"... 海膽卷: 一點也不新鮮...難食!!! 牛肉火鍋: 一個字: 咸!!!

前日早收工去了旺角剪頭髮，然後去探朋友收工食飯，在不知道食什麼東西的時候，朋友就說帶我去又靚又正的日本料理。我地只有兩個大人一個兩歲的小朋友，她就推介吃$88 刺身小食船，一送上來超開心的，大大架船十片三文魚、甜蝦、螺肉、帶子燒、天婦羅、蝦餅、加州捲不過個天婦羅太厚粉，食落口好粉好硬👎然後叫了紫薯牛油燒（個名同樣是我亂組合) 比普通就咁燒有唔同層次既味道，先來好濃的牛油香，然後微甜，不過對於我黎講，呢個試過就夠了香芋丸子，從未食過就叫叫看，一直以為入面會是硬身的香芋，食落口原來係軟身得黎脆脆地，我跟小朋友都喜歡．食然後見到隔離台叫既野都好吸引，呢個我相信我一定會再去，特別是得兩個人叫$88的小食船樣樣都食到☺️ 而且結帳只需$201

凍檸檬茶：檸檬和紅茶比例不錯！也沒有過甜！壽司盛：不要期望！但沒有不新鮮味道！拉麵：也不要期望！（以上兩圖是一個非常豐盛的set lunch，＄5x－＄6x⋯超值！一個女生絕對吃不下全部！）咖哩豬扒飯：咖哩味道不錯！豬扒也是熱辣辣的！明顯是即炸的！

一直都喜歡女人街的居食屋, 價錢合理, 質素不差, 試了多間, 也真心覺得不錯服務還可改進一點, 吃了2 次, 都有漏單的情況. 但還可接受. 環境也可以, 只是多人時會擠逼了一點. 

由於本人同朋友超愛食三文魚刺生既關係，所以就揀左呢間七本，睇食評都話呢間刺身抵死。我地6點半去到，當然好多位，但我地個位近廚房，初時有好勁漂白水味，有啲噁心。耐左就好啲，可能慣左~啲野食都上得好快，一黎就黎三文魚刺身(半磅), 唔知點解食極都有好多 呢個係優惠黎，成張單夠$100就可以以$28叫半磅，抵食。呢個大板燒都唔錯，夠熱，唔粉，都算係咁。我個鰻魚壽司比較冰凍囉 炸蝦就唔知，我個fd食，佢都冇話好唔好；花之戀好味 呢個三魚腩邊咸到呢 ,都唔知個師傅唔記得自己落完鹽又再落，定係佢係急凍想整走雪味。我同個fd 就係咁落檸檬汁，落完好好多。如果冇咁咸都好既。呢個我冇食唔知，我個fd 淨係識講佢厚囉，冇comment。蕃薯完全唔甜冇味，但$22有5件囉~整體黎講，真係黎呢到係食三文魚同埋可以同fd聚聚囉~

朋友最鐘意食大機構的壽司店，但今日吾想成日都食元氣之類，經過見到七本（之前食過OK啦，所以今日見冇人就入去食下）點知勁大驚喜店舖都比較舊，但還可接受衞生程度，待應都手腳快比水之類黎野食都超快，可能因為只有1／3人食緊野價錢都合理，味道新鮮，份量夠但有2樣係好驚喜28蚊三文魚吾係求其，新鮮同厚肉（食滿某價錢就可以享用）八爪魚厚身又多，陳設又靚都係60蚊吾洗不過如果芥辣就冇咩味，差少少，紫菜有少少林但朋友食左話一定會再黎，因為以這個價錢食到這質素好好！～希望可以KEEP到啦。。但衞生再好D就更好

本人一向麻麻地女人街的餐廳，但友人堅持想食呢間...OK,試一次...又OK woo烤紫薯栗子餅：栗子餅第一個到，新鮮炸起，外脆內香。紫薯帶香，甜度剛剛好，栗子幾有咬口，match得好好。海膽炒飯：外表同茶記炒飯冇咩分別，入面有d橙色碎粒，以意為海膽，點知係大量紅蘿蔔。味道上，食唔出海膽味，不過價錢咁平，ｏｋ啦半磅三文魚刺身：好像食滿左某個價錢就可以用特價叫，所以枱枱都有叫，雖然特價但都幾新鮮牛肉窩：個湯好甜，好味，但...唔知係咪落左好多糖呢？

又經過女人街今日熱熱地想食下日本野，見門面幾大就是但入了去，入去感覺好麻麻，因有d焗同坐得唔太舒服D野唔係好貴價錢可接受，好快選了海鮮卷，牛肉豆腐窩同海膽炒飯，仲有一個南瓜天婦羅，牛肉窩同炒飯都好快食啦牛肉窩入口好甜，好似落左糖咁，好在有豆腐淡淡地咁食落去冇咁甜，海膽炒飯賣相不討好，好淡，海膽味亦冇咩，等左好耐海鮮卷先嚟，呢個ok ge,又唔會太大驚喜，整體嚟講係冇咩味，冇咩值得推介

一打開餐牌，第一個反應係好平 $30已經食到個飯。魚生飯最平都只係$38。選擇都幾多。三文魚魚生飯，賣相唔錯，份量幾大。三文魚切得好薄，唔肥，冇乜魚香味。唔太差既，只可以話一分錢一分貨。野食黎得好慢，又黎錯左，服務唔係幾好，個女侍應好似唔耐煩咁。

實不相暪其實我係好鐘意食日本菜呢間上個月中去過一次, 今個月終於忍唔住又去多次今次4個人去點左6樣野食!第一樣係海鮮芝士烏冬如果得一兩個人食既話會好流,好彩有4個人姐,芝士汁都幾濃, 仲幾多海鮮添唔錯唔錯!第二樣係炸芝士年糕Wow…都係芝士!肯定係新鮮炸起上, 因為係辣口咖!!!超脆薄外皮咬左一口, D芝士流出黎, 正到暈啊!推介! 記得要襯熱食!之後係大阪燒Um..唔好味好乾身, 就算有汁都救唔到!而且好粉, 加上冇乜配料係中間, 好差!再之後係炸雞軟骨呢個唔錯呀! 新鮮上! 炸粉好薄! 粒粒都外脆內彈牙配上沙津醬, 食唔停口啊!另外仲有煎餃子,冇乜特別同冇乜餡!塊皮煎到硬哂好普通最後叫左個鰻魚卷(好似係…唔sure個名)我唔食鰻魚, 所以comment唔到,但朋友們話唔錯今次都係唔洗等位!服務都叫做不過不失啦! 好主動加水!不過今次坐樓上, 唔係幾容易叫人上黎點菜!總括而言,係抵食優質嘅日本餐廳,而且同朋友聚腳都係個唔錯既選擇啊!