七本(居食屋)日本料理 (已結業)

物價高企，唯有努力工作靜待時機。平日做野咁辛苦，Lunch時當然唔想待薄自己，呢間位於女人街ge「七本料理」，絕對適合知慳識儉ge打工仔。「七本」閒日有午市推廣，只要係一點前埋單，就可以有85折優惠。幫襯果日天氣凍，正好食個牛肉火鍋暖下胃。我點左一個「雜錦牛肉鍋」($42)跟可樂(加$3)，落完5分鐘都唔洗，一鍋一飯已經送到黎。牛肉火鍋有菜有蛋有蘿蔔，賣相睇落都算OK，而份量足夠，味道亦唔失禮。牛肉鍋加可樂原價$45，埋單折實$39，正宗「大件夾抵食」！至於餐廳環境，只算係一般旺角質素，但整體感覺企理，而且服務都OK。係呢個價錢下食到日式料理，已經十分之抵，等我下次再去試埋其他先！