一點心 (通菜街)

营业中

休息中

男友鍾意食點心,於是又去左一點心好多人等位,不過我地唔係等左好耐坐低點好野食,阿姐話無哂馬拉糕,然後我地cancel左不過無耐隔離枱有馬拉糕食?佢地係遲過我地黎and遲過我地落單講返野食,真係無咩特別糯米雞 : 我食左一舊飯,好硬蝦餃 : 正常粉果 : 同上,無咩特別好食之處,當然唔係難食鮮蝦菜苗餃 : 我同男友一致認同係最出色既魚湯浸魚肚 : 魚湯有d咸,同埋我有d懷疑係味精湯...不過魚肚好大舊,都唔少棉花雞 : 我淨係食魚肚,所以對我黎講同上面無咩分別...魚湯好食d,因為棉花雞好多油整體黎講唔係難食,不過係無咩特別食唔到個個讚既馬拉糕好可惜,不過由於我地有俾人呃既感覺(話無哂馬拉糕)所以無咩再返黎食既意欲...

元宵節又去行吓花墟應吓節, 之前就去一點心度醫肚先, 我平時多數閒日仲tea time來, 所以好少見到呢d周日排隊虛'憾'場面, 我次次都只是walk-in就有位, 今次要等30分鐘.點了鳳爪, 牛栢葉, 四寶雞扎, 皮蛋瘦肉粥, 沙薑雞腳, 精製馬拉糕, kick錯了古法馬蹄糕, 亞姐好醒目的問我是否真的要馬蹄糕, 樣樣都仍是幾好食除了那跌watt四寶滑雞扎, 其中一件好像被人拿了一部分似的, 又少了一隻冬菇添, 舊火腿仲鬼死咁肉酸, 睇到人地隔離枱碟滑雞扎正常地咁靚, 唯有感嘆我地時運低啦, 唔食晒d馬拉糕為了多點一個鮮蝦菜苗餃, 富貴呀, 豆苗近日成百蚊斤架 $14咋, 好味.雖然咁忙, d亞姐都不斷的自動波添茶, 聽到如果有人叫蛋散, d亞姐就會問要蜜糖定煉奶喎, 以前淨得煉奶加花生, 食過一次就咪搞我lu, 下次試吓先.

相信都應該有唔少人幫襯過<一點心>.响太子區,(我覺得)都算係最好食既點心店了!幫襯過好多次,水準依然!店內大部份既點心我都鍾意食,亦都覺得好好食,有:第一位鍾意食:粟米粥:- 粥煲得夠棉,粟米夠香,落少許胡椒粉,仲夠惹味!第二位:鮮蝦腐皮卷- 個腐皮卷煎得啱啱好,唔會太硬皮亦唔會"林pet pet",個餡又多蝦,總之就成個鮮蝦腐皮卷都香口好味!第三位:咸水角- 又係嗰句,炸得啱啱好!好香好好味!第四位:鮮蝦豆苗餃- 皮薄餡靚!最怕食到d餃個餃皮係又厚又un又難咬!<一點心>做呢個餃就出色喇!第五位:蝦餃- 都係啦,皮薄餡靚囉!基本上<一點心>所有有蝦餡既點心都好好味!因為有d點心店,d蝦真係有強勁既死蝦雪蝦味,好難頂!其他值得一試既仲有:鳳爪排骨飯 / 鳳爪 / 焗叉燒餐包 / 雞扎 / 糯米雞...

不知道這裡是否生意太旺場了,所以叫樣樣點心都無.....點了煎蘿蔔糕,煎堆仔,蝦餃,黑椒牛仔骨, 豉汁蒸鳳爪,皮蛋瘦肉粥,咖哩蒸魷魚煎蘿蔔糕: 都不錯,不會粉多過蘿蔔,味道還不算太鹹(70分)煎堆仔: 加埋上一次幫襯,已經點了兩次,真的很正,裡面的芝麻雖然我不愛吃,但跟那個煎堆配合得好好~平時我連芝麻糊都不愛吃,這件小小的點心令我愛上芝麻了(80分)蝦餃: 皮薄,餡都不錯~蝦好爽口,而且又不太多肥肉(75分)黑椒牛仔骨,豉汁蒸鳳爪: 無乜黑椒味,但味道鹹淡適中~鳳爪好淋,都好入味(70分)皮蛋瘦肉粥: 原來這裡的粥真係好好味,食落口感覺似係屋企煲的一樣,同埋無咩味精,我每次來到都會點這碗粥(80分)咖哩蒸魷魚: 感覺麻麻地....好普通的魷魚(70分)經過這兩次幫襯之後,日後我會繼續來的~

好少機會過嚟旺角呢頭，人生路不熟，在四處覓食時路過一點心見到好多人排隊，即刻用手機上Openrice睇睇食唔食得過，嘻，係唔係好聰明呢！？不過講真句，如果唔係有咁多笑臉我都未必㨂食呢間，因為店內都幾逼，枱同枱之間距離好近。點了四寶滑雞扎、煎蛋牛肉飯、鮮竹牛肉球、蜜汁叉燒包、炸兩、馬拉糕。樣樣都ok喎，其中牛肉球（有鮮味）同馬拉糕係至愛。平時去親酒樓都好想叫馬拉糕，因為好想懷舊吓，不過次次都好挫敗，因為通常都係唔好味，我唔識講有乜唔妥，乾、「鞋」、唔香．．．總之唔好味。不過呢度嘅馬拉糕就超好味，一食忘不了！侍應生服務ok啦，以咁既價錢黎講都算係咁，我同小朋友兩個人坐張四人枱成半個鐘等honey，侍應生都無俾面色，係自己唔好意思啫！無加一，兩大一細都係＄95，好抵食呀！

見今日凍凍地，不如駕車落去一點心食，先前都去過一次，食物質素整體不錯，今次再去，點了北菰雞飯、山竹牛肉、蝦餃和芥蘭。山竹牛肉﹕市面一些牛肉球帶有很多梳打粉味兼太鬆，這間完全沒有這些問題，上次吃煎蛋牛肉飯時已經對此印象深刻。北菰雞飯﹕雞肉很滑，冬菰肉厚，而飯亦軟硬適中，不會有「倒汗水」。芥蘭﹕略嫌枝條粗了些，食到最後，發現那甜豉油和外面調製的有少許不同，總之好味。蝦餃﹕一穩四隻，皮薄多蝦，食落很爽口，多番少少筍絲會好些。

因為時間尚早 (6.30), 所以都叫容易搵位. 我地6個人坐低就睇有咩好食.整體食物都ok, 新鮮, 至於價錢, 正常時段當然係正價, 由2x 至4x 不等.可樂5蚊罐, 唔算貴, 可接受.個場就真係比較嘈, 唔係我問題, 原來我d朋友都有同感. 不論係食客, 就連講電話既人都感受得到. 嘈既指數真係100%, 我講電話時個fd 仲問我你響邊, 我以為你去左邊個大排檔.最後我覺係嘈d, 不過都可以選呢間, 因為真係就腳. 出到街大把車走.

沒有茶樓的風味沒有高談闊論的太太們沒有父母的陪伴我們仨以點心為一個晚餐燒賣 :沒有人說是吃點心必備但永遠都會叫的.很乾身 ... 失望馬拉糕是友人萬分推介,叫我不得不試猶如咬著棉花一樣..鬆軟含著朱古力一樣 .. 很快就溶化 菜苗餃新鮮, 料足,皮亦不太厚,中上之作炸兩等了很久,還以為是即叫即製 熱得要命的可是...剛巧相反炸兩不熱,還帶點硬身... 奶皇包(2/$10)包很軟,很滑的可是內涵太少, 吃不出有奶和蛋黃的味道沒有談天說地我們仨的一個晚餐只有 不足之感

外皮過厚的咸水角令人吃不消像咬著一個炸的糯米粉糰, 非常可怕雖然內餡不錯, 但第一口咬下去已經要吐了炸得亦算油膩, 不會再order了!

回想起從前不分早晚來開飯的日子... 已是很久很久以前的事了今天妹妹跟同事遠卦太子來這兒吃lunch~1口氣點了17個點心!!! 連店員都擔心我們能否吃得完﹏-(妹妹出名揀飲擇食,, 所以不能為17款點心都給予評價~~)麻香奶黃酥: 如棋子餅size, 面頭鋪著白芝麻的小酥餅, 上桌時已涼了, 奶黃味道甚好吃煎蘿蔔糕: 極少蘿蔔絲, 整舊糕感覺很粉 =[焗叉燒餐包: 又是涼的, 沒甚麼叉燒粒, 只有醬, 甜甜的味道普通蝦腸粉: 腸粉皮又厚又粉, 包工也很差＊蝦餃: 熱騰騰上桌已穩拿及格分數, 皮夠薄, 蝦雖小但鮮味＊馬拉糕: 同樣是熱騰騰~ 原籠即蒸, 1籠已分好6件, 鬆軟而且不會過甜 =]家鄉咸水角: 都是涼的, 不過放涼了也未至於覺得油膩, 餡料味道ok奶黃包: 妹妹喜歡這種傳統奶黃包多於流沙包..不過這個奶黃包就不好吃=[包偏硬, 有點實, 奶黃餡偏到1邊去, 讓妹妹吃了好幾口白麵包... 奶黃味道又有點怪, 比麻香

上次一試另一人氣點心鋪,感覺不太好, 於是再揾另一間再試, 一入去, 發覺裝修格局都比上間舒服, 這間杯碟及怏子都很整齊, 怏子更用紙巾包住, 十分細心, 叫了幾樣點心, 可惜餐包一早賣晒, 牛肉球都幾大粒, 蝦蛟啲蝦好鮮味,不過就細粒左啲, 炸雲吞其實唔錯, 可惜唔係即炸, 有點失, 總括來講都唔錯, 起碼比上間好, 上一間以自居來自高級酒店主管開, 但質素相差甚遠, 雖不是付酒店費用, 但起碼都不要差咁遠, 我覺得呢間反而没有搞咁多噱頭, 實實際際好啲, 我會再來幫趁的

今日放假....接囡囡放工就特登去一點心食野因為佢好想食點心時間6:30...等左15mins就有位坐今次叫左 1.燒賣 好得~好好食~o的蝦大隻爽口 (推介) 2.蝦餃 都唔差~ (推介) 3. 雞扎 味道比較淡 4. 炸兩 正~ "翠"扑扑~ (推介) 5. 燸米雞 十分足料 (推介)值得下次再來光顧~~~

平日行過總係見好多人在排隊，心想梗係食品有水準，卒之搵日去幫襯。果日因唔太肚餓，只係叫左個例湯螺片霸王花、生炒糯米飯同埋炸雲吞。例湯唔太多味精，有幾塊肉碎，但就冇螺片碎，十零蚊算係咁；生炒糯米飯份量少，料少也太多油，比起茶樓差好多。炸雲吞亦然，雖然是剛炸起，脆卜卜，但又係皮多料少，單是叫呢幾樣都已經是水準以下，看看其他人叫的點心也是樣子麻麻。加上服務差兼坐得唔舒服，真唔明點解咁多食評讚好！

星期六同未來老爺奶奶黎試呢間點心, 預早慶祝母親節. 我同男友十點幾黎到, 大約等20分鐘有位. 呢間d 空間闊落d, 比起另一間人氣點心店坐得舒服多了.4個人食, 可以試好多, 比較喜歡既有:焗义燒餐包 - 餡多汁好味, 熱辣辣, 第一推介馬拉糕 - 圓拱形我最鐘意, 好軟熟, 甜味剛好, 第二推介义燒腸 - 大條多餡, 但皮未夠薄蝦餃 - 粒粒鮮蝦, 美味潮州粉果 - 比起一般酒樓細件, 但無咁味精糯米雞 - 餡料足, 有蛋黃有雞, 好味佢地上菜速度好快, 我估都係想我地快食快走, 侍應有禮貌.我覺得幾好既係d 野食好似無咩味精, 因為食完我唔會成日想飲水. good!

母親節帶了母親來到一點心, 因為去到已4點, 都係等左5分鐘就入到坐. 我地叫了1. 蝦腸粉 - 真係好滑好食, 係豉油較甜要扣小小分. 不過真係好得呀,仲要只係16元好抵2. 馬拉糕 - 一向都好好食, 水準keep到.3. 豬骨粥 - 佢既粥一向都煮得好綿無得彈呀.4. 牛柏葉 - 好淋好香蔥味, 正.5. 蝦肉腐皮卷 - 第一次叫, wow 好新鮮好熱又cripsy我地3個人都說正.6. 燒賣-無咩肥肉既燒賣, 好食.7. 雞扎- 最中意佢既雞扎入面有好大件既魚肚好淋, 好入味, 好好食.無加一, 3個人食到包包都係$106. 真係平及正.