一點心 (通菜街)

营业中

休息中

炸云吞真係好好味~可惜食唔到叉燒餐包~因為9點幾去到已經賣晒~粉果皮薄...正!!雞扎夠晒入味~鳳瓜都好好味服務員都好好服務,唔似旺角某出名點心店態度惡劣

被一大籠精裝古法馬拉糕吸引了我...是日光顧這間也是拿了米芝蓮一粒星既點心店下午3點幾來到等了10分鐘就有位了食物質素與另一間, 在廣華街, 又係拎左米芝蓮一粒星既點心店不相佰仲但價錢就略高一點點不過呢度等位唔使好耐無廣華街果間多人等位多到咁誇張呢主角來了:精裝古法馬拉糕正宗古法庶糖味成個籠滿哂咁大件出面好少有架味道好, 夠鬆軟唔癡底唔會黏住張牛油紙架小提示: 店內有兩款馬拉糕: (精裝馬拉糕$14) vs (古法馬拉糕$12)後者古法馬拉糕應該無成個籠咁大件架精裝先係唔好叫錯布拉腸粉又是出色好滑, 好薄而且好大碟腸粉足足有成10條蝦米浸得夠軟夠淋加埋d蔥花好香鮮蝦菜苗餃好足料裡面有爽脆馬蹄,冬菇,爽中蝦,新鮮豆苗內涵一d都唔吝嗇外型精緻雖然店子得獎又多捧場客但店員一d都唔高傲服務態度保持好呢間真係值得推介又唔哂等好耐位效率又好

米記一星, 當然要去試試. 但有著添好運的珠玉在前, 一點心可以更佳嗎?牛肉腸粉: 普通過普通, 腸粉皮略厚, 料又唔多. 但好左也是新鮮, 不推薦鳳爪排骨飯: 比普通好半點, 讚賞位是在豉油做了手腳, 不是普通的生抽, 而用上加了工的熟豉油蛋散: 優良之選, 分了練奶及糖漿, 試了糖漿, 真的不錯. 夠散, 唔硬, 唔會太甜, 要食~馬拉糕: 優良之選, 鬆軟而有彈性, 不太油膩. 要試~腐皮煎蝦卷: 良品, 蝦大隻, 新鮮, 不太油膩菜苗餃: 良品, 可試原因是菜好新鮮~棉花雞: 良品, 棉花不錯~咖哩魷魚: 普通過普通, 如一般茶樓比添好運, 一點心選擇太多, 令到不夠精~比添好運, 一點心等待時間短, 只是3張檯, 5-10分鐘就ok~ 而且地方亦闊落不少

粉葛鯪魚湯$16叉燒腸粉$15沙薑雞腳$22油菜$12章魚肉餅飯$17炸疍散$13茶$2 x 2 合共$99.00佢個湯好足料，好住家feel，有添飲嘅衝動腸粉滑，皮不厚不薄雞腳好入味，沙薑醬惹味，食唔停口菜灼得過淋收你十幾元，肉餅都唔會係手挅，唔夠章魚味，飯有咬口疍散炸得鬆化，花生椰絲落得鬆手是日焗叉燒飽同馬拉糕冇貨，有啲失落，要嚟多次試埋去通常食完點心都口渴，呢度就唔覺

自米米 / 電視推介後, 都真係想試試一點心是否真的咁好味~~~ 話說, 當添好運未被米米發掘時, 我們已經油麻地添好運D點心真係幾精緻 ! 於是就抱著一顆祈望的心情去比較, 去嚐試 ~ 去前,已經預左會是超多人,起碼等一個鐘~~ok , finally 不足一個鐘就有位了, 坐位比添記好小小~ 添記真係好Q迫~~~ 2 個人叫左山竹牛肉, 糯米雞, 韮王鮮蝦腸,叉燒焗餐包, 馬拉糕,腐皮煎蝦卷, 鳳爪排骨飯 --- 7個點心 ($ 108 )山竹牛肉 <---- OK jer , 同酒樓冇太大分別, 合格囉~~~ 最差個薤王鮮蝦腸 < ---- 腸粉皮略粘厚,一D都不可以說精緻, 好在不硬 & 實, 這一點添記做得好好,添記做的是薄到透明 ,好精緻的, 我吃不到有韮王lorrrrr, 但最差最差的是用料, 蝦是腥是實的 , 搞錯 !!! 連普通到不普通的茶樓都做得好過佢 !! 叉燒焗餐包<---- 好普通, 普通的茶樓都做到 ! 煎蝦腐皮卷 <---- 佢係有用豬肉做餡料, 但是用了好韌, 咬不開, 原來是大大舊肥豬肉!!!! 仲有, D腐皮有小

本來約左媽咪12點9，但因火車問題所以遲左之後用電話教媽咪行去攞位先，點知佢又唔係好識行到咁上下我都到左，之後就入去攞飛仔等位等ge人唔算多，多是上了年紀的人在等裡面就多返工ge人，所以等到差唔多lunch time完就好快有位...一盅北菇滑雞飯：初頭媽咪話唔好叫，但我堅持，同酒樓個D比好味少少牛肉球：我＆媽咪至愛，媽咪話好食，我就覺得ok檑沙炸煎堆：好熱，仲辣咀....好正食個時要小心蝦餃：較細隻叉燒包：比一般ge大，得兩個，唔錯菜苗餃：味道徧淡

下午3時30分先去到,拎到張30號飛,問阿姐叫到幾多號,佢話3號,因為諗住怒食,所以朝早到而家只係食左個"面包"打底,於是行左去金華買個菠羅包醫下肚先,其實中間好多人都冇等,所以先可以25分鐘入得,亦都有唔少一個人來食等位期間,我已經劃定食咩,一入到去就俾左點心紙佢,d野好快到x 燒腸------冇乜味,dx 燒好似唔多新鮮,感覺上差過酒樓果d添＂向＂螺湯---唔錯, 要試雞扎,鮮蝦菜苗餃---冇特別,不過不失棉花雞---友人叫的,由於佢冇耐前食左野,我要清其他野,所以冇試菜乾咸骨粥---第一推介,可我本人鐘意食粥,雖然其中有一舊好大的骨係完全冇肉咁滯,但好入味,唔錯!鳳爪排骨飯---可以不試可惜,d馬拉糕又賣晒,下次要早d走來叫外賣先得比起之前食過幾間的點心舖,呢間都可以一試,2人埋單 $120 有找

米芝蓮 又黎喇最想試食GE係筲箕灣的咖哩 但對我太遠有機會經過先去會一會正題見太子有食肆入選 當然唔可以放過不過 自己都唔會預佢好食到飛起1點5 午餐時間 十幾人等候中外賣自取香滑奶黃包(10)+鳳爪排骨飯(17)包種發酵時間不足 麵團不夠鬆軟 略帶發粉味奶黃 吉士成份重 欠缺蛋香味 普通鳳爪偏乾 排骨"鬆到"冇肉味飯稍軟欠煙韌平價食府 可以再試

續上篇，即晚再度光顧，有少許恐怖，但上次只試了幾款啊，打這篇食評時，我已因食得太飽和濟，要兩度光顧廁所，短時間也不會食點心了。雖然有點兒想試利小館，下次吧!今次六點三已經進入館內，不用等位，兩個人可以食多些，試多些。今次有位POST 埋個LIST 間舖有甚麼選擇，選擇方面算是較多，花多眼亂。因為手誤之禍，本想吃馬拉糕，TICK 錯了古法馬蹄糕，不打緊，再叫。終於食到成枱放不完，不是呢，是這裡起菜速度很快，一次過便到了。之前那篇寫過了，就不說了。首推幾樣吧，一般貨色的就不多說了。北菇棉花雞不錯，雖然我只愛棉花(魚肚)，這裡的魚肚不會像其他的店浸發成水棉花，一放落口就即刻出水那些。魚肚也不腥，我很怕那種腥味，這裡沒有。放在口中，也食到很爽滑。北茹加雞就沒甚麼特別。鮮蝦菜苗餃正噢! 好過蝦餃，這種款色的皮算是薄了，因用皮不同用在鮮蝦餃的皮。要有些少厚度先好吃，皮很煙UN。餡料很FRESH，食得出菜苗的香味，有種大地回春和在綠田園的味道。其次，餡料混在一起沒有出水，處理得很好，成個餃很滑和新鮮。下次會再叫!

今晚去排練話劇前，由手機新聞知道多間點心店獲米芝蓮一星食肆，頓時立即想到要親身一試，終於選了太子的「一點心」。因為是一個人去吃，所以雖然出面很多人排隊（他們許多不知道這店剛獲米芝蓮一星食肆認證），因此很快便有位。由於吃量有限，所以只點了三碟點心，另加一個盅頭鳳爪排骨飯。鳳爪排骨飯：後加卻首先到，份量雖小，但亦足夠。叉燒腸粉：驚喜的是配上荷蘭豆，其他點心店或酒樓都沒有這樣的配搭。蝦餃：最好吃的點心，剛好一口吃完一個，蝦相當爽口！魚湯鮮竹卷：唯一味道稍遜的，不過魚湯卻相當清甜。得到米芝蓮一星，亦是對這間點心店美食的肯定，只怕下次光顧時，因米芝蓮一星的吸引力，要等很久才有位了。

今日十二點幾知道一年一度米芝蓮港澳區飲食指南又出場，位於太子神秘角落，找了一會兒先找到。上年，試過添好運點心，知道早試少排隊，遲試等幾粒鐘又迫人，今日得閒就飛撲出去了。找了一回，以為門口在運動場道，找來找去也找不到，原來門口在旁邊。去到門口，已經是兩點幾了，很多人站在外面，叫到6x號，拿到81號票。以前有排等，事實相反，有好多人等不耐煩已走了，所以等了約十分鐘左右吧。入到店內，我被安排坐在剛被用來作有線採訪的位子，位子還熱熱的。坐下來，望望點心紙，發現價錢跟添好運差不多，好，就盡力試一試。因為今次是獨行到訪，不能點太多。雖然想盡試，上次第一次試添好運便2人食了3XX蚊，飽到嘔。結果點了以下的......馬拉糕真的是好大件，成個籠也載滿了，見到就飽，個人來講對馬拉糕不是太鍾愛，但這裡的馬拉糕比較鬆軟，裡面的氣孔較為多，亦沒有外面的那麼甜，對香港人來說，這個口味不錯，可以一次過吃幾件。鮮蝦腐皮卷，一定要食，食過都要再食。首先，咬開外層香脆的腐皮，炸得真的夠脆，雖然較油，過關。其次，咬開了，裡面的餡料新鮮，鮮蝦夠鮮夠多夠適中，是小弟試過眾多鮮蝦腐皮卷最好的。炸蛋散賣相很漂亮，上面配上芝麻和糖

新一年的星店結果又推出了, 大家當然繼續議論紛紛. 我就覺得星只是一個參考, 既然人家推介到, 最好的方法還是親身一試才知真假. 眾間新入圍的, 這裡是幾出人意表的也一星店, 看來之後會大排長龍, 不如就趁今晚馬上一試吧.未夠七點來到, 等候的人不算好多, 但都要等十分鐘先有位. 店子環境不太大, 擺位是幾逼的, 當然, 來這裡, 是不應該計環境的. 餐牌選擇有九大類, 兩個人吃不能吃得太多, 就要五款食物.鳳爪排骨飯 $17: 5分, 份量不少, 兩個人吃也足夠. 鳳爪相當乾, 無味, 排骨好肥好油, 不過撈埋飯同吃還算可以.蜜汁叉燒腸 $15: 4分, 腸粉皮是相當厚, 叉燒是偏肥, 但就沒有甚麼蜜味. 加上兩粒荷蘭豆, 相當奇怪, 跟腸粉完全夾不了.白灼青油菜 $12: 2分, 揀了菜心, 灼得相當老, 菜都變黃了, 實實的, 好難咬開.薄皮鮮蝦餃 $17: 2分, 賣相奇差, 四粒蝦餃是完完全全的黐埋一舊, 扯開的時候, 皮還跟蝦分離. 這個吃法, 真是最適合愛剩吃蝦餃皮的頌揚. 叫得薄皮鮮蝦餃, 皮其實都幾厚, 蝦肉也不太鮮. 名不符實.精製馬拉糕 $14: 6分: 是五樣中

上星期4, 去左太子既一點心食野.佢價錢好經濟, 仲唔收加一添.同同事叫左D點心食.薄皮鮮蝦餃: D皮真係比平時食開既薄, 皮薄餡又靚, 入面隻蝦都新鮮好食.馬拉糕: 同平時食開既賣相唔同, 佢個係圓形, 整得好靚, 一羅起件馬拉糕好軟熟, 放入口超..超...彈牙, 正.腐皮卷: 外層整到威化咁脆, 入面咬開見到有蝦係到添, 落足料~要試下.奶皇酥:依到既招牌, 上面好多芝麻, 酥皮好脆, 入面又唔會太甜又唔利...正~間野係MK警署附近架JA~

終於去試這間店，同友人二人計劃了一星期，上網看地圖，都好易揾，太子mtr步行約5分鐘。去都約7:45p.m，等了10-15分鐘。當選點心時，聽見店員同隔離檯講"馬拉糕買晒"，我和友人立刻唔開心，因為一早計劃想試"古法馬拉糕"。我們最後點了以下點心:鳳爪排骨飯: 真係好好食，的飯蒸得剛剛好，排骨都好好食。蝦餃：真係可以同大酒樓比，皮薄蝦甜，好得。炸雲吞：好脆不太油，蝦甜。芥蘭：ok，幾甜。魚湯鮮竹卷：普通，可接受。因為個飯太好食，encore個北菇滑雞飯，的雞都幾好食，個飯都ok，但都係鳳爪排骨飯好食的。下次要早的來，要試古法馬拉糕"﹗

星期日一行五人一起到太子一點心食晏仔...是日橫風橫雨,仍要在門外風足雨打一小時,未入座時發現舖面不算大,不過見伙記動作十分敏捷,未落單先期待。酸甜炸吞: 脆卜卜好好味呀!!精製馬拉糕: 真係好軟,好香,好滑,如果唔係要食更多既野,一定要ENCORE古法炸蛋散: 好香脆,可選落糖漿或練奶。又唔會好膩,推介呀!鳳爪排骨飯: 好味!家鄉咸水角: 唔會軟到一PAIR野咁,咬落去仲好香口呀!煎旦牛肉飯: 呢個就真係麻麻啦,牛肉雖好滑,但衰左係隻煎蛋度!太老啦~!服務十分勤快及周到。價錢十分公道,全部都不用過HK$20,好味過酒樓個D好多!!樓面太少,五人位要等好耐,仲要5人住4人座位。