一鳴屋台料理

营业中

休息中

彷如置身日本的屋台料理今日專登去上水搵食， 行過見到門面裝修好靚超級日本feel， 實在太耐冇去旅行啦，所以見到二話不說就入咗去食， 入面嘅裝修亦都好配合日本風格， 感覺就好似去咗日本屋台食拉麵一樣。豚肉生薑燒丼 $68非常豐富， 佢個丼擺盤好靚睇見都好開胃😍 首先食咗冷盤，入邊有秋葵蘑菇同粟米芯， 然後就有個沙律， 冷盤同沙律菜食材非常新鮮。另外有個小食唐揚炸雞，炸雞入面非常嫩滑， 不會非常乾柴， 最特別的就是炸雞的醬汁， 食得到入面是有芥末的沙律醬，配合炸雞非常完美。主食豚肉生薑燒， 豚肉肥瘦均勻 ，食落不會嚡口， 豚肉份量亦不少 ，有七至八塊， 加埋牙菜和椰菜配合炒， 食落味道夾之餘亦都唔會覺得肥膩， 白飯用日本珍珠米上面加咗日本飯素，所以空口就咁食白飯都好好食黑蒜油叉燒細麵 $70 + 豬軟骨$20 + 溏心蛋$12 + 特飲小食 $30 + 太麵$15拉麵先飲過湯底， 感受到豬骨嘅濃湯底，配以黑蒜油香， 已經令人一而再灌下一口又一口的湯， 細切嘅䓤花，爽口木耳絲， 已經不是香港所有拉麵舖可以做得到， 先叫上細麵， 麵質軟淋， 感覺真的像日本司傅在我身邊剛剛炮製， 叫了叉燒，

今日係舊墟行過，見到一鳴屋台料理既日本野就入去試下。估唔到有驚喜😳，味道各方面都幾好，老實講區內來來去去都係個幾間日本野，無咩選擇。佢個餐牌都算多野揀，主食有拉麵同便當，仲有好多小食。淨係便當都有八款，今次我揀左吉列豬扒便當，賣相非常吸引，沙律同配菜好開胃，吉列豬扒外脆內軟，一口咬落去肉汁係口入面四淺，非常Juicy，仲有配埋唐揚炸雞小吃，一樣香脆多汁。而拉麵有五款口味，而今次就試下一鳴拉麵，拉麵可以選擇麵條粗幼，麵質，細葱，配料同辛辣，可以按個人喜好配搭。拉麵好有水準，湯底香濃，麵條吸收左湯汁再啜入口，味道濃郁，叉燒肥美非常，但係一啲都唔漏，連湯都飲晒，非常滿足。小食方面我點左燒河豚乾，汁燒雞翼同唐揚雞軟骨。河豚乾好惹味，如果飲酒嘅話可以當下酒菜，燒雞翼好香口，肉質嫩滑，絶對係必食選擇，加埋雞軟骨甘香酥脆，但係一啲都唔油膩，食幾多都唔怕。整體來講都係好食，環境又舒服，坐得好闊落，試菜都快，值得推介👍👍👍👍

餐廳主打拉麵和便當，拉麵有4款湯底選擇(豬骨濃湯/黑蒜/赤辛/香菜)，呢個自家製黑蒜味湯底係推介呀，夠濃郁和重蒜味，麵質揀咗硬身，都幾有咬口，叉燒肥瘦適中，入口甘香。加埋蔥和唐辛醬，令碗麵更加好味🌶。此外，午市跟餐加$30，有飲品和一個小食😋。小食叫咗炸雞和餃子🥟每款有4件。炸雞即叫即炸，咬落香脆，啖啖肉又夠juicy。餃子都唔錯，點埋個特色醬汁就唔覺得膩。🔸黑蒜叉燒/豬軟骨拉麵 🧄🍜 🔸炸雞 🔸餃子 📍一鳴屋台料理上水馬會道180號

女店員態度惡劣中午一點幾鐘，我們一行四人，一踏入門口，女店員在門口粗聲粗氣叫我們：自己揾位坐。我們坐了在中間卡位，入到去樓面只得女職員一個，我們了舉幾次手都沒有過來取點餐紙。其中我們有個女性朋友想要暖水，問女職員取，一句得埋嚟：無暖水，咁就走開咗。全程匿埋係收銀位，好似唔當間舖有客咁又勁冇禮貌。中午食個飯每人舊幾水，原本開開心心食飯，結果就入去受氣，以後都不會再幫襯。

馬鞍還未來，那麼繼續遊走開心行，上水特色日本拉麵店，餐廳內播放著輕快的日本音樂，帶你進到返到日本一樣。 午餐主打拉麵與便當，即是最出色的兩大項「為什麼做人總是要選擇？    因為⋯⋯要選擇，所以才會知道得來不易，才會珍惜。」今次就選了拉麵仲要係辣。。。 麵有兩種選擇（仲可選軟硬度），湯底有四種選擇（食辣仲有三種辣度），蔥及配料也可選，可見店主的細心，顧客至上的心意。 湯底有豬骨香味，加上我選了中辣，更顯惹味。每一條麵條也吸收了湯汁的味道，凈湯+麵，都開心滿足。 我當然對自己好好，有不同配菜伴麵：叉燒外皮燒得焦香入味；豬軟骨炆得軟骨位也成了膠狀，嘩嘩嘩，係心機菜……；木耳絲增加了口感；炸蒜超香；半熟蛋好味，仲有最愛的櫻花蝦。 仲點選了炸雞做小食：外脆內嫩，仲要係juice ，點做到呀；仲有4大件，超級滿足。飲品當然要清新口味的西柚梳打，簡直一絕。 下次再嚟食原條鰻魚便當。

今日去上水搵朋友，行去龍豐對面一帶睇下有咩餐廳岩食😋因為呢邊好多餐廳見到呢間裝修好靚，好日式居酒屋feel就睇下餐牌，價錢唔貴又岩食就入左去啦🤣午市有自選拉麵同便當🍱 選擇，免加一服務費多豐盛既午餐🤩🤩簡左赤辛太麵（地獄醬豬骨湯）$70配料可選擇叉燒或者豬軟骨 因為想兩樣都食所以加多$20，湯底唔太辣豬軟骨超淋，最愛半熟蛋，流心度不錯叉燒有火炙過，肉和焦邊好香口加左$10味筍 份量照多沾埋湯食一流拉麵可加$30變套餐（一份小食同一杯特飲）原條蒲燒鰻魚便當🍱 好豐盛饅魚好厚肉無骨，肉質好味😋鰻魚汁調味適中，唔會太甜太重味有多兩件炸雞食食完個便當都好飽🤣🤣

難得入上水搵fd玩 佢推薦呢間唔錯嘅日本餐廳🍴🇯🇵 就咁睇個門口裝修已經好日系😍當自己去緊旅行🧳餐廳環境雖然係長方形設計 不過位置之間都好寬敞👍🏻坐得好舒適😆食物除左幾款拉麵🍜仲有好多小食串燒選擇😆😆正啊！🧄黑蒜拉麵湯底超濃超濃郁！好濃黑蒜油味🤪就咁睇個顏色都知足料！溏心蛋啱啱好好味😋叉燒肥瘦適中😋🦆鴨胸湯拉麵（期間限定）職員一來就有推薦，見未食過就嗌來試吓🤪鴨湯湯底都好濃郁😋鴨味濃 鴨胸都好嫩 🥰鍾意食鴨嘅朋友都不妨一試🧀芝士明太子玉子燒原條玉子上枱🥰切開仲有拉絲😋😋蛋整得唔錯 入口仲有啲濕潤不會過老😚🐙章魚御好燒都幾大塊😋而且好足料好多章魚😛😛都有足夠菜 不會得好厚嘅麵粉👍🏻味道都好味🥰🍗一鳴創作醬炸雞都有5-6大舊炸雞🍗新鮮出爐 炸粉薄 肌肉嫩而入味👍🏻點埋特調嘅醬幾fresh😋😋🥩鹽燒牛柳粒牛柳夠嫩 牛味濃👍🏻配上蔥好似都有香茅🤔幾特別 比較少見😆味道都唔錯🐥雞皮串燒燒到幾香🤪 略嫌唔夠脆😛如果燒多陣會更正🐥燒雞軟骨應該係燒汁雞軟骨 偏甜 雞軟骨處理得唔錯 😌😌🧀芝士年糕呢個真心必食😍 年糕好煙靭 配埋芝士餡 好夾🤣🤣食完想encore🤓呢間嘢好多選擇😆😆 整體嘅性價比都幾高☺️

📍 上水 一鳴屋台料理居酒屋feel ，吧枱對住廚房，木系裝修，有兩層🤎食拉麵為主🍜有5種口味，其中一款係神秘湯底。一坐低侍應就主動提供凍檸檬水比客人🍋𓇠 香菜叉燒拉麵 $78 𓇠芫荽愛好者必食！我仲要埋多蔥💚湯底呈青綠色，濃厚但唔會覺得油膩。芫荽醬完美融合咗豬骨湯底，估唔到超夾！比普通豬骨湯底清新🍜配料可揀叉燒/豬軟骨，我揀咗叉燒，有2大塊，半肥瘦，點唐辛醬更惹味😋麵條揀咗太麵同硬身，拉麵掛到湯👍🏻溏心蛋有半隻🥚木耳絲爽口，荀要額外加錢😢𓇠 芒果菠蘿乳酸梳打 $28 𓇠原本想叫青蘋果白桃乳酸🍏但賣曬🙈店員推介呢杯，話好受客人歡迎。飲落酸酸甜甜，如果有果肉就更好🥭🍍如果想再重口味少少，枱面有乾蒜、辣椒粉、辣油、白芝麻、七味粉比客人自己調味🌶PS 聽講呢間嘅小食，例如御好燒、鰻魚玉子燒同炸雞🍗都幾出名，但今次無食到，下次有機會再試！▪️類別：#yinkifoodie_noodles #yinkifoodie_🇯🇵🔺味道：4/5🔹服務：4/5🔸環境：4.5/5

經常出面食日本菜，喺上水食日本嘢真係少，今次就嚟上水舊佳試一試開業冇幾耐嘅日本餐廳首先，裝修好有日本居酒屋嘅感覺，今次同幾位朋友嚟，座位方面完全唔窄，好寬敞～另外，餐牌上都有好多嘢揀，有拉麵、串燒、丼飯等等由於同有人都叫咗好多嘢食，喺度我最深印象㗎最推薦嘅有拉麵、串燒以及御好燒1. 黑蒜豬軟骨拉麵呢度選擇性好多，無論係湯、拉麵、配料以及辛辣度都可以自由選擇，咁我就揀咗黑蒜豬軟骨太麵；個湯底唔太油，拉麵軟硬適中，而且啲豬軟骨好淋，份量都唔少，正～ 2. 串燒串燒方面，因為都同幾個朋友嚟，所以都叫左幾多，喺度大推雞皮、雞翼以及雞肉京蔥燒，三樣嘢都十分脆，味道都配得岩岩好，京蔥真係可能係而間鋪殺手鐧，無論係串燒抑或係拉麵內嘅京蔥麵好入味👍🏻3. 章魚御好燒御好燒熱辣辣送上嚟，已經贏咗一大半，另外，啲料好足夠，章魚同埋木魚滿滿的，所以食得好滿足～ 最後，必須要讚吓呢間鋪嘅職員個個都好有禮貌，同埋好主動幫手

係上水，日本餐廳都算多，但好似居酒屋嘅真係少見，今日同一大堆朋友就黎到而間好似開業不耐嘅「一鳴」餐單上有好多日本小食……係度我最深印象，亦推薦嘅係玉子燒、蜜糖芝士年糕同埋「限量」拉麵1. 芝士明太子玉子燒一切個陣，就知而樣野唔好差～ 蛋嫩滑，配埋流心芝士同明太子好香，重點唔會太咸，必定要encore 2. 蜜糖芝士年糕 本身都冇乜嘢想法，應該都係普普通通一個年糕，但食落去我後悔了，後悔叫咁少，年糕軟綿綿，配埋芝士同埋蜜糖，口感+味道都100分3. 限量拉麵— 蔥油鴨湯拉麵配鴨胸呢度選擇拉麵嘅自由度十分高，無論係湯底、麵、麵質、配料以及辛辣度都可以自由揀，正～ 鴨湯方面，濃濃嘅鴨味再配上嫩滑厚厚嘅鴨胸；另外必須要提+大讚，拉麵內嘅京蔥100分，十分入味最後，必須要讚，職員好有禮物+好主動幫手👍🏻👍🏻

最近出太多外面食飯😋嚟個久違嘅上水Dinner👍🏻聽街坊報料上水開左間新嘅日式拉麵店😋今晚返上水陪男朋友享受日式上水之夜🌃間舖係用和式嘅裝修⛩️每張櫈都好貼心咁下面都有個小籃子放包包🛍我哋安排坐喺吧台位！不過唔算係好逼嗰款🤔兩個人一個空間 都算幾闊落！仲有冰水提供🧊絕對係熱辣辣天氣下嘅恩物😍黑蒜叉燒拉麵 $78🐷限定拉麵(蔥油鴨湯拉麵配鴨胸)$88🦆主食拉麵都係寫紙仔揀自由配搭🤤湯底/麵/麵質/配料/辛辣度都可以揀😍自由度非常高👍🏻今日嘅限定係鴨湯拉麵🦆咁特別 所以我們嗌左一個😋另加一個黑蒜湯叉燒拉麵🧄鴨湯湯底都算清 而且食到濃濃鴨味🤤就咁食已經好正！不過如果另外再加少少拉麵胡椒的話😳就令佢更上一層樓🤯胡椒嘅微辛令鴨味更鮮 更突出👍🏻黑蒜湯底就更加唔使講😂簡直係my favorite！充滿蒜味嘅湯底邊有得輸😆我們揀晒幼麵同埋太麵🍜試晒兩款麵嘅質地！幼麵雖然幼不過仲好彈牙😆不過男朋友更鐘意太麵 鐘意佢夠咬口😬 肉類方面鴨胸同叉燒都好出色🤩肥瘦分明！溏心蛋甜到入心🥚總括而言拉麵質素屬高質派👍🏻配料豐富都幾足料！湯底稠濃夠惹味🤤正！燒芝士年糕 $28🧀小食order咗燒芝士年糕🧀年糕個皮烤到微

嚟都上水天平邨，行過對面見到有一間一鳴屋台料理，噤冇得去日本，好懷念日本嘅大排檔(屋台)料理，當然要入去感受下啦！如果坐吧枱嘅話，就真係好有日本大排檔feel，可惜我哋無坐吧枱；首先就梗係斟兩杯水飲下，竟然係清涼嘅檸檬水，精神為之一振; 咁之後就點咗個香菜叉燒拉麵，汁燒鯖魚便當，一個鰻魚玉子燒和煎雞軟骨餃子；好快脆個香菜叉燒拉麵就嚟到喇，我揀咗個普通軟度嘅麵，食落都好爽口彈牙，叉燒質量都幾好，如果啲香菜味可以更加強啲呢就完美喇！而個鰻魚玉子燒，啲蛋好滑鰻魚亦都好彈牙，如果用鰻魚粒代替兩條幼幼嘅鰻魚肉，咁切起上嚟就會更加方便，食落亦都可以更加美味；雞軟骨餃子煎得好香脆，雖然花一番牙力去咬，但係未做亦都唔錯；最後個燒鯖魚便當，青魚燒得好香亦都好有魚油香味，相當出色，用嚟送飯真係一絕，而便當中嘅沙律亦都好新鮮清甜，如果唐揚冇炸得咁硬呢就完美喇！總括來說都相當嘅水準！

通常在歌賦街及佐敦食拉麵，昨晚在上水第一次試這店，水準超乎我想像。在北區找合格的拉麵不易，這裡環境乾淨企理，食物全部即叫即做，價錢親民，三個靚女職員都很有禮，洗手間更看出心思。這裏的拉麵價錢比一般同質素的平，湯底及叉燒都很高質，我們還叫了串燒，蛋卷，及煎麵，全部都即叫即做，熱辣辣，非常好吃。特別一提那個日式煎麵，入邊很多海鮮，用料非常多。一定會再來！A very impressed dinner in new territory, all the food in high quality with very reasonable price!

一鳴除咗可以食拉麵之外，亦有唔少屋台料理嘅選擇～鰻魚玉子燒🍳玉子燒原塊上碟，望落方正挺身，切開之後見到個玉子燒非常滑，中心仲有少許蛋汁，食落鬆軟濕潤，中間係鰻魚粒，面頭加咗照燒汁，味道帶甜，忍唔住一啖接一啖咁食😋免治雞肉棒🐓一共有5款口味，今次揀咗月見醬油，雞肉棒係球狀，燒得微脆又唔會太燶，表面𠝹咗一條條坑紋，可以增加面積沾上更加嘅蛋黃汁，亦令到蛋汁可以流入中間嘅位置!汁燒厚切牛舌心🐂牛舌有四塊，質地爽口，因為厚切嘅緣故，咬落都幾多汁，以黑椒同鹽作調味，面頭有蔥花汁燒珍寶帆立貝🐚帆立貝的確有番一定大細，裙邊燒到少少脆，而帆立貝肉都仲係軟身，醬汁調味適中👌生薑汁炒雜菜🥬雜菜堆成小山咁，份量比想像中多，有椰菜、木耳、洋蔥等🥢

上水舊墟一帶一向都多野食, 不過日式餐廳就得一兩間, 不過年頭終於開左一間一鳴屋台料理呀~~同媽咪兩個一於去試下喱間新餐廳, 餐廳的格局有濃濃的日本氣息, 唔單止有BAR台位, 亦有卡座, 環境都算闊落。我地當日叫左一個豚肉生薑燒便當($68), 一個汁燒鯖魚便當($68), 兩個便當價錢都非常相宜XD有配烏龍茶一杯~~不得不提的就係便當雖然價錢唔貴, 但係配菜同用料都十分用心, 例如豚肉生薑燒便當就配左炸雞﹑沙律﹑菇﹑炒椰菜等等, 擺盤好精美呀~同埋餐廳仲特別係飯上面加左D飯素, 令到便當更加豐富左~豚肉生薑燒聽講係日式家常菜，因為多汁送飯一流, 喱到既豚肉生薑燒都做得好好食, 唔單止冇肥膩感, 加上醬汁既豚肉令我地都胃口大增~食哂成個便當呀~雖然我唔食魚, 但媽媽話汁燒鯖魚便當都好好食, 佢話鯖魚做法唔難, 但係有一D餐廳會做得比較重腥味, 但喱到魚肉肥美，味道唔腥，加埋香濃嘅燒汁一齊食，好滿足~~~上水終於有多間日式野, 下次又多個選擇啦~~