一鳴屋台料理

营业中

休息中

今日去咗一鳴食晚餐豬骨濃湯拉麵湯底鹹味適中，香濃豬骨味，拉麵掛湯，叫多咗隻溏心蛋，入面蛋黃熟度啱啱好唔會漏出嚟。菠蘿青檸薄荷葉特飲，賣相唔錯之餘亦都好大杯，味道夠酸有菠蘿味，非常開胃。燒芝士年糕，口感軟綿綿，芝士甜中帶鹹，味道唔錯，外面嘅糯米皮亦燒得香脆。燒鰻魚，鰻魚肥美，但醬汁偏鹹。明太子海鮮什錦御好燒賣相吸引，面頭有木魚絲同明太子醬，味道較濃郁，裡面都好多嘅蝦同章魚，仲有生菜絲中和味道，表面亦燒得香脆。炸原隻軟殼蟹，軟殼蟹非常厚肉，外脆內軟，加啲檸檬汁更開胃。生薑汁炒什菜炒得幾香，醬汁味道偏濃，什菜爽口新鮮 。汁燒茄子嘅口感唔會燒得好淋，質感啱啱好，配上蔥同芝麻醬令味道更豐富。雞肉京蔥燒嘅份量充足，雞肉亦口感豐富帶點肉汁，唯燒得焦咗少少。

一嗚衝出大埔 係上水開咗分店 今次試吓佢啲日式料理同串燒唐揚原隻軟殼蟹 $48啱啱炸起嘅軟殼蟹好香口好脆 入面嘅肉質豐富厚身 味道亦唔會過漏燒芝士年糕$28燒芝士年糕燒得啱啱好 表皮少少微焦 入面年糕少少軟熟帶點煙韌 加埋甜甜地嘅味道明太子海鮮御好燒 $78面頭有好豐富嘅木魚同明太子醬 入面嘅海鮮份量充足 充滿魷魚 蝦仁等等 麵粉唔會多到令口感偏粉漿燒赤魚一夜干 $68吸乾咗水份嘅赤魚 鮮味突出 肉質彈牙爽口鰻魚串燒 $48鰻魚切得中等厚度 口感偏少少硬身 配上嘅鰻魚醬汁比較濃郁雞肉京蔥燒 $46雞肉配京蔥燒一流 不過今次整體燒得焦咗啲一嗚拉麵$75 麵條揀咗偏硬嘅細麵 配叉燒菠蘿一千零一夜 $32飲品好大杯好足料 菠蘿嘅甜味加埋青檸 薄荷葉嘅微微酸味 令整杯味道好清新 飲落舒適

呢間一鳴已經成為咗我心目中嘅北區no.1 拉麵當想食拉麵嘅時候，就自自然然會諗起佢🦪限定拉麵 - 牡蠣豚骨湯拉麵呢個拉麵真係不得了，喜歡食蠔嘅朋友仔絕對不能錯過！先講一講個蠔，總共有三隻， size唔算大，但係超級肥美！表面應該係搽咗醬汁再燒過，超級香，裏面竟然係生蠔嘅口感，勁鮮甜，真係估佢唔到！湯底係經典嘅豚骨湯，再加上蠔嘅鮮味，原來係好夾好好味架🌶️赤辛拉麵呢個拉麵嘅湯超濃厚，拉麵超級掛湯，再加埋有肉碎同木耳絲，每一啖都好惹味。豬軟骨都好腍，超級入味，正！🦑燒魷魚一夜干魷魚嘅份量都幾多，味道都唔錯，但略嫌燒得唔夠香口。🐟唐揚北海道池魚仔呢個小食用嚟送啤酒一流！池魚仔炸得好香，配沙律醬好好食，好快唔覺唔覺就食晒成碟！🍺Orion 5% （日本沖繩）

📎餐廳類別：日本菜🇯🇵⏰用餐時段：晚飯雖然餐廳座落係較為偏僻嘅上水但係店舖好門口好吸睛 🇯🇵😍一睇就睇到晚餐時段八點左右到 座位已滿近80%店舖菜式選擇有好多 拉麵🍜串燒 一品料理…價錢方面相當貼地 以呢個質素嚟講 真係算抵食🫡留意到全店大部份人都食拉麵所以我都叫咗一碗試吓 👅豚骨湯叉燒拉麵🍜配嘅流心蛋好好食😋章魚🐙御好燒 一上枱聞到好香 口感屬於偏濕（只係我個人比較鍾意食乾身的）雞軟骨串燒 味道係夠嘅 幾好食蒜蓉牛油🧈炒雜菌 大大碟 抵食👍🏻燒鯖魚🐟 每次去日式餐廳/都好鍾意叫嘅一個菜式 呢間燒得啱啱好 夠香😍雞皮🫣呢個推薦呀 好好食又脆羊架🫡羊架算幾大件 不過調味比較淡芝士年糕 👅👌🏻👌🏻好食 有咬口🍽餐廳環境：🧡🧡🧡🧡💛🙋🏻‍♀️餐廳服務：🧡🧡🧡🧡💛👨🏻‍🍳👩🏻‍🍳味道🧡🧡🧡💛💛💲性價比：🧡🧡🧡🧡💛

黎到上水返工幾個月，朋友又喺古洞開工，想約食飯但都好難揀餐廳，因為上水抵食嘅鋪頭都收得好早，朋友又鍾意食拉麵之類嘅日本嘢。好彩搵到呢間餐廳，舒服好坐，食品質素同性價比都幾高。六點幾就完全天黑嘅上水，有幾分晨咁早就天黑嘅日本嘅感覺xd鋪頭好乾淨企理，播住舒服嘅日本歌。職員都好年青有活力同禮貌。食物方面主打拉麵，但實際上咩都有，好似居酒屋。我點左黑蒜豚骨湯底拉麵，朋友就原味豚骨。再加玉子燒同雞軟骨。湯底嘅豚骨鮮味好突出，黑蒜味亦同豚骨味好夾，增加少少刺激又唔削減果份甜味。麵好爽口，而且有爽脆嘅木耳絲增加口感。原味都同樣OK叉燒半肥瘦，唔會只係一舊煲湯豬肉咁鞋颯颯。而且有烤過，食落更加香口。溏心蛋又係高質，蛋黃有酒味。小食都好有心機，玉子燒夠甜夠滑，而且面頭好多木魚絲，用鹹香味吊玉子嘅鮮甜出嚟，值得一讚。雞軟骨就係高cp之選，幾十蚊夠大兜，又爽脆又香口。吹水送飯一流。完食圖，朋友連湯都飲埋，我剩低一啖，太飽了上水有呢類餐廳真係增添唔少色彩，喺度返工返學都有更多選擇。

上水有林林總總的日式餐廳，但我還是喜歡這一間餐廳主打一般拉麵及小食等，但製作認真，食品質素有保證，水準跟日本當地的餐廳差不多。今天我打大佬，叫一個芫荽拉麵，芫荽咪道十分出眾，但豬骨湯底的味道亦沒有蓋過，兩者配合得剛剛好，是一款很好的fusion菜。隨後一點款日本大阪燒，廚師的手藝非常好，除了豐富的海鮮外，大阪燒的底面易煎得剛剛，是用心之作。這間餐廳，價錢親民，質素有保證，是一間物有所值的餐廳，歡迎大家經過先進去一試

今次推介一間食店比鍾意去居酒屋同埋食燒物嘅朋友～尤其係住喺北區萬勿錯過！餐廳叫做一鳴，果然抵食到驚人！小編試左以下幾款食物~🍽燒牛柳粒及羊架👍🏼👍🏼👍🏼👍🏼羊架非常juicy~火侯拿捏得恰到好處，鎖住羊嘅肉汁同鮮味，不過怕羶味就可能食牛會適合啲🐮牛柳粒口感都一流，彈牙得嚟又唔會燒得太乾😋🍽燒帝皇蟹柳及帆立貝👍🏼👍🏼👍🏼👍🏼叫得帝王蟹柳果然夠晒大條～雖然唔係真嘅蟹肉，但係落啲醬再燒都非常好食！帆立貝就更加正，鍾意海鮮嘅絕對不能錯過！大大隻又有海鮮嘅鮮味，而且好有咬口，忍唔住嗌咗兩串~總括而言，餐廳嘅燒物質素中上，但價錯平民，性價比相當高～飲品方面，燒酌梳打等都好飲，未諗到今晚食咩不妨一試😁

一鳴喺北區有好幾間分店，係幾有規模嘅日式餐廳，今次特登試一試一鳴屋台料理，有各式各樣嘅燒物同埋拉麵，果然幾好味！小編試左以下嘅食物～1️⃣河豚乾及燒魷魚一夜干⭐️⭐️⭐️⭐️河豚出名有劇毒，所以處理一定要好小心，一定要好有技巧同埋經驗～但係有咁嘅危險性都咁多人食證明佢嘅味道真係好特別無可替代！河豚乾同埋燒魷魚一夜干都高質，用嚟送酒一流😋2️⃣黑蒜豬骨拉麵⭐️⭐️⭐️拉麵一嚟一定要試一試個湯先～果然非常香濃，面嘅質地都好彈牙好有咬口，再加埋可以自選加紫菜同埋蛋，隻溫泉蛋亦都整得好流心，食到lam Lam 脷!總括而言，住北區嘅你今晚唔知食咩不妨試一試一鳴～其他嘅燒牛柳粒同埋皇帝蟹柳等等都好女味，食過翻尋味😙

20:20分入去 20:30先攞我張單 20:45先落單 到21:20我都仲未食到啲野 吹完都仲係未有野食到 雖然野食味道唔差 但服務係0分 真係等到餓死 我仲要有個小朋友係度 有無搞錯

燒翠玉瓜外脆內軟十分多汁，必食👍🏻👍🏻雞軟骨外皮燒得香脆，鹽燒味道剛好，不會過鹹。免治雞肉棒 （1串）大阪燒風免治雞肉棒燒雞肉配合埋啲雞軟骨一齊非常有咬口，而且每串都係即叫即燒所以上枱嘅時候都熱辣辣唐揚雞軟骨不會太乾，非常之香口，新鮮炸起脆卜卜熱辣辣。青蘋果白桃乳酸梳打唔會太甜，帶少少乳酸，梳打夠晒清涼消暑。黑蒜拉麵(晚市）味荀湯底濃濃的，黑蒜湯散發出陣陣的蒜香味，非常香。麵質地可以選擇，我就揀咗普通軟硬適中，同埋幼麵，麵上掛上黑蒜湯底汁，配合得天衣無縫，再加上紫菜同埋糖心蛋能做到蛋黃全流心的效果。回味無窮！唐揚雞配咖喱薯餅定食唐揚雞炸得好酥脆，咖喱薯餅我覺得幾好味，外層炸到脆卜卜，內層就軟綿綿，而且味道適中，咖喱味又唔會好鹹。正！

朋友聽講呢度嘅午餐好好食，一定要拉我去試下，好啦好啦，咁一齊試新野啦。呢度裝修帶有日本風，簡約，木系，令我非常懷念以前去日本旅行時嘅居酒屋。仲有吧台座位，拉近廚師同食客嘅距離。午市主要揀多款日式便當或者自選拉麵。日式便當配汽水或烏龍茶。自選拉麵好個人化，由湯底，麵條麵質到配菜，都可以可以自己揀，實啱自己口味啦。今日日式便當揀左唐揚雞配咖哩薯餅。擺盤非常精緻，好靚，一黎就眼睛食先，已經覺得好滿意。咖哩薯餅外脆內軟，薯蓉好滑，咖喱味充滿著口腔。唐揚雞大大件，份量十足，炸粉唔算厚，雞肉滑，仲配合有微辣芥末味嘅沙律醬，唔錯。沙律菜爽甜，但對貪靚嘅女士黎講，沙律醬就略嫌太多了。黑蒜叉燒豬軟骨拉麵，黑蒜油豬骨湯配黑蒜油，味道好香，味道鮮甜。豬軟骨一夾就散，煮得好軟稔，好入味，就算係軟骨部分都一咬就開，膠感十足，好正。拉麵仲有紫菜，雲耳絲，增加口感。仲加錢叫左餃子，真係好滿足呀。午市嘅便當同拉麵都非常出色，可惜冇小食，唯有下次晚市時候再黎，試下佢嘅玉子燒，御好燒啦。

朋友過黎北區揾我食飯係石湖墟行過見到幾靚就入去 好似係新開以前見到以為係台灣野 見佢個名寫台料理咁原來係日本野haha個裝修環境都好靚好舒服用木做主題仲要有2層樓高menu如上 叫左幾樣野同一個朋友食食唔到太多首先係叫 香菜湯叉燒拉麵 $78個湯好好味 有芫茜但又唔會好似出面啲餐廳咁有陣青味冇青味仲要有芫茜味 加埋d拉麵一流叉燒都好食然後因為鐘意食蛋同竹筍就加錢叫埋估唔到$10就可以比咁多我加蛋$12叫左個燒河豚乾 $46好好食 香口得黎又唔會太硬 少脆同朋友都話好好食 入口陣味好香必食汁燒厚切牛舌心 $56好香好好食 應該有秘制醬汁整過而且牛舌燒到啱啱好 好有咬口入口Juicy 同朋友都讚不絕口最後叫左個 鰻魚御好燒 $88好大塊估唔到入面好多大隻鮮蝦滿滿醬汁 正飽到爆炸以上埋單$308

疫情之下，同朋友見面嘅機會真係比以前少咗，難得見面，梗係要搵間好少少嘅餐廳一齊食返餐好。我同朋友都好鍾意食日本嘢，而家冇得去旅行，唯有搵間有日本風味嘅餐廳頂住先🧄黑蒜拉麵🍜朋友點咗個黑蒜拉麵，佢話個湯底好香豬骨味，黑蒜味好濃，但又唔會好油膩。豬軟骨亦好腍，好入味。海鮮什錦炒麵由於我之前已經試過拉麵，所以今次試吓佢嘅炒麵。都幾足料，有好多唔同嘅海鮮做配料，味道較為清淡。相比之下，我個人會比較推薦呢度嘅香濃拉麵。🐙章魚御好燒呢個御好燒賣相唔錯，非常足料，每一啖都係餡料，配上呢個冇得輸嘅日式醬汁，正！🐮鹽燒牛柳粒牛柳粒香嫩juicy，一啲都唔韌，簡單以少少鹽調味，已經好正。🧀燒芝士年糕呢個係邪惡又好味嘅小食，裏面半溶嘅芝士令人好滿足。

今晚同朋友嚟到上水呢間勁有feel嘅日式屋台料理食晚餐，環境舒服，適合三五知己聚會，食物款式多之餘，樣樣都幾唔錯，食到好滿足，要記錄一下。🇯🇵Orion 5% (日本沖繩)🍻咁開心梗係要啤啤佢，先點咗呢杯大大杯嘅沖繩啤酒。唐揚北海道池魚仔🐟跟住當然要點埋呢個池魚仔送酒，真係好香好好食。燒芝士年糕🧀芝士年糕燒得好香，口感好得意，煙煙韌韌，咬開裏面係滿滿嘅流心芝士，邪惡的美味。免治雞肉棒🐥每次去到日式燒物店必點嘅菜式。好鍾意呢種獨特嘅口感同味道，配上醬汁同香蔥，真係冇得頂。鰻魚玉子燒玉子好嫩滑，鰻魚又好肥美，成個口感好滑溜，配上呢個甜甜地嘅鰻魚汁，係幸福嘅味道呀

上水抵食便當拉麵🌸黑蒜拉麵$70+火灸叉燒$20+$10味荀⭐️⭐️⭐️⭐️⭐️傻婆R揀左細麵，普通麵質，多蔥，揀左秘製豬軟骨同埋火灸叉燒，要左一粒🌶唐辛醬。溏心蛋蛋香足夠流心，豬軟骨煮到十分入味十分軟淋，火灸叉燒微微既燒香而且十分肥美，味荀加入拉麵中更加昇華，湯底十分濃郁厚身，再掛上拉麵上，成件事十分好味👍🌸原條蒲燒鰻魚$98 ⭐️⭐️⭐️⭐️☆有新鮮沙律，秋葵、粟米芯、菇類等等，2件大大件唐揚雞，原條鰻魚燒得香而且好彈牙，白飯上有飯素。🌸唐揚雞配咖喱薯餅$68 ⭐️⭐️⭐️⭐️☆咖喱薯餅炸得香脆，甜甜既咖喱香，超惹味呀。有新鮮沙律秋葵、粟米芯、菇類等等，還有五件大大件唐揚雞，鐘意食唐揚雞就必叫啦！🌸乳酸梳打和餃子+$30⭐️⭐️⭐️⭐️⭐️餃子炸到十分香脆可口，外脆內嫩，內含豬肉，散發微微既薑味，再沾上碟上既汁十分香胃。乳酸梳打十分夠氣不太甜。🌸烏龍茶、玉泉跟餐免費烏龍茶跟平時飲的不同，飲到有陣濃濃的烏龍味！午市免加一服務費======詳情======一鳴屋台料理上水馬會道180號================#yummy #香港美食指南 #香港美食 #hkfoodie #hkfood #hkeat #吃