一鳴屋台料理

营业中

休息中

上水有好拉食🤓環境裝修有feel燈光精神光猛 店員有禮對學生又好 著校服減$10搞到我都想cosplay校服🙈🐥便當系列*吉列豬扒Tonkatsu**野菜牛肉Beef with Mixed Vegetables**汁燒鯖魚Grilled Mackerel**唐揚雞配咖喱薯餅Deep Fried Chicken with Curry Hash Brown**照燒雞扒Teriyaki Chicken**秘製醬油豬軟骨Braised Pork Soft Bone**豚肉生薰燒Pork Slices with Ginger Sauce**原條蒲燒鰻魚Grilled Unagi* 🍜四大湯底🍜一鳴——豬骨濃湯拉麵黑蒜——豬骨濃湯配自家製黑蒜油赤辛——秘制地獄醬豬骨濃湯香菜——清新芫荽醬混入豬骨湯食拉麵🍜 有咁多調味料比你玩😂*Layu 辣油**拉麵胡椒**七味粉**炒芝麻**炸乾蒜*黑蒜拉麵 +櫻花蝦 +紫菜+套餐 配青檸靑蘋果梳+炸雞🍗$122黑蒜湯好香 惹味 叉燒肥瘦適中清新青檸 香甜青蘋脆香炸雞🍗

今晚自己一個去食拉麵🍜食左辛拉麵$86（包左加一）湯底吾係好咸但湯底濃厚，好惹味，對我泥講偏辣左點，我係好怕食好咸拉麵。呢個真心好好味😋正牙😜禁啱旁旁有兩個日本人坐，應該係正宗拉麵🥰🥰店員好好人，服務不錯👍🏻

經過上水發覺有間食拉麵嘅新店，門面冠冕堂皇，但價格親民👍🏻食店以拉麵做主打，當然就要食佢嘅拉麵啦！當中口味比較特別嘅係香菜，同朋友異口同聲地話一定要點😂一定要讚賞放喺枱上嘅調味料同用品，真係可以用一塵不染來形容！！！同時，相當齊備要咩有咩🥰熱騰騰嘅拉麵最好飲有汽嘅飲品gur一gur😂主角上枱，賣相非常吸引，綠油油嘅湯底散發着香菜獨有嘅香味😋而當中結合左豬骨湯，所以非常濃郁😄朋友同我分別點咗豬軟骨同叉燒，咁就可以share食晒兩種配料😆豬軟骨香濃入味，質地軟嫩，軟骨同肉嘅比例適宜😊叉燒厚薄適中，脂肪比例均勻，非常香口🤩糖心蛋既蛋黃晶瑩剔透，蛋味濃郁，令人齒頰留香麵底有兩款可以選擇，太麵係我嘅不二之選，口感彈牙，微曲狀態沾上香菜，令人回味😋😋

作為芫茜愛好者，見到有芫茜味拉麵又點可以錯過。拉麵有粗幼麵可以揀，麵既軟硬度同葱既份量都可以自定，可以按自己喜好配搭👍初頭估會係舖滿芫茜係碗拉麵上面，點知一上枱成碗湯綠色既，好吸睛😳佢地將芫茜打左做醬，再加入拉麵既豬骨湯底度。豬骨湯既濃厚，加上芫茜醬混合埋個味道意外地夾！叉燒仲可以揀傳統日式叉燒或者豬軟骨，豬軟骨既份量都好多下！店內裝修都好有日本既屋台小店feel，坐bar枱位食碗熱辣辣既拉麵真係可以當自己番左日本咁😳

黑蒜拉麵🍜豬骨濃湯以自家製黑蒜油🐷湯底十分香濃，入口滿滿蒜香🧄拉麵配叉燒、糖心蛋、香蔥、紫菜、木耳絲香蔥令味道更清新叉燒有兩大塊，有適量的脂肪、令口感更豐富，入口油脂滿🙈🥰叉燒表面微煙燻，更香香菜湯底清新芫荽醬配豬骨湯底近排大熱的芫荽醬，入口超香濃，淡淡芫荽味散發鍾意芫荽的人一定大愛湯底配料同前者差不多呢碗我揀咗豬軟骨豬軟骨份量都多，大約有四至五塊十分入味，有陣陣滷水味道肥瘦比例適中，肉質偏冧豬軟骨肥美，配上清新芫荽湯底，可以消除油膩感，真係值得一試，出邊好少有呢種湯底😍😍麵質有太麵和細麵呢個太麵係直身和幼身麵條，容易吸盡湯底精華，湯底掛麵🤤🤤正唐揚炸雞🍗有大約六大塊食完一大碗拉麵，已經唔係幾食得落，但是味道十分惹味

想喺上水食碗拉麵，其實都冇乜選擇。最近，上水終於都開拉麵店喇，梗係要去試一試啦！黑蒜豬軟骨拉麵我點呢個湯底係豬骨濃湯配自家製黑蒜油，非常香濃，掛湯效果一流。豬軟骨煮得好腍好入味，正！隻溏心蛋煮得啱啱好，中間有少少流心，味道又唔會過鹹。香菜叉燒拉麵朋友最鍾意食芫荽，一睇Menu就已經決定要點呢一款。清新芫荽醬混入豬骨湯底，非常之有新鮮感！叉燒有兩大塊，燒得好香。咖喱薯餅本身都好鍾意食日式薯餅，呢度有比較少見嘅咖喱味，所以試試。味道都唔錯，裏面係甜甜嘅日式咖喱味餡料，炸得香脆，唔會太油。總括來講，食物質素唔錯，以後想食拉麵又多一個好選擇。

一鳴！驚人！今日係上水搵野食,細個果陣老豆尼上水都會帶去上海小館食嘢👦🏻👶🏻👩🏻所以你都熟熟地馬會道嗰邊 今日經過見到有間新開嘅一鳴🤓門口裝修幾靚幾新淨所以入去試一試個拉麵 小弟比較鍾意食拉麵👀🙈裏面整齊企理 裝修都幾有日本feel作為拉麵迷二話不說叫咗個黑蒜叉燒太麺（拉麵嘅一種）😼我跟套餐飲青檸青蘋果梳打+4件炸雞 以及辛口芽菜拉麵自選湯底有四種 一鳴 黑蒜 赤辛 香菜麵菜 軟 中 硬自決成碗就似<黑海>勁多黑蒜油🤪正！叉燒肥瘦合宜 呢個係題外話 每張枱上面都有五種調味配料分別有干蒜 拉麵胡椒 七味粉 炒香左嘅白芝麻 同埋拉麵辣油👏🏻好欣賞呢點 🙌🏼落重本 調味配料都唔hea你 甘個主菜都唔會差得去邊 青檸青蘋果梳打酸酸甜甜幾開胃 特別想講一講個炸雞 最好食我認為！😋😋加個套戲感覺都加得抵 仲有一小碗嘅芽菜 辛口但唔會好辣 幾特別會番轉頭再試下其他野🤭

去開龍琛路體育館，見呢間拉麵店都幾多人食，就去試下。座位都幾闊落，檯面一早已經放咗張點餐紙。今日嘅限定口味係墨魚汁黑松露豬骨湯($88)，都幾吸引，不過我哋第一次嚟，就試吓啲恆常口味先啦我哋兩個人點咗一碗香菜拉麵、一碗黑蒜拉麵同埋一份小食。芝士明太子玉子燒玉子燒口感軟熟，蛋味澎湃，同香濃嘅芝士+鹹鹹地嘅明太子醬好夾，邪惡美味香菜拉麵拉麵揀咗細麵，香菜即係芫茜，咁特別嘅湯底梗係要試吓！嚟到果然冇令我哋失望，芫茜味香得嚟唔over，芫茜控必點呢款湯底！！豬軟骨好正！軟腍入味，食完好想再追加黑蒜拉麵黑蒜好香，拉麵揀咗太麵，口感彈牙，掛滿黑蒜湯汁，非常香濃；我自己慣咗濃味嘅湯底就配粗身啲嘅麵，清淡啲嘅就配幼身啲嘅麵，今次黑蒜湯底配太麵，濃而不膩，唔錯！叉燒都好食，帶點微焦，加分！

聽聞一鳴嘅芫茜拉麵好食，梗係要嚟試吓～有五款湯底（豬骨／黑蒜／赤辛／香菜／限定：墨魚汁黑松露豬骨湯）可以揀，我哋分別揀咗黑蒜同香菜湯底，再追加咗份玉子燒。黑蒜／太麵／少唐辛醬　$78湯底黑蒜香撲鼻，加埋少少唐辛醬，香而不嗆；太麵唔算好粗，幾有咬口，帶有蛋味；配料我揀咗叉燒，肥瘦適中；隻溏心蛋醃得好好食，個黃少少流心，蛋黃味濃郁香菜／細麵／少唐辛醬　$78有驚喜！超香芫茜味，非常清新幼身嘅細麵掛湯力高，同口味清新嘅湯底非常之夾，唔會有油膩感；豬軟骨好腍好入味，個人認為比叉燒更好食。芝士明太子玉子燒　$88拉絲芝士玉子燒燒得啱啱好，香軟又厚身，明太子鹹味突出，好好味好滿足。

❤️北區街坊有食神啦😋😋😋大埔人氣拉麵店🍜 #一鳴屋台料理 開到黎上水啦😍🎉我真的很興奮🥳放工去食好多人等位😳不過好食就唔怕等！🍜🍜🍜🍜🍜#赤辛秘製地獄醬 🔥辣得過癮🔥#豬軟骨 🐷好軟好入味, 正！！！✨#一鳴豬骨濃湯 招牌湯底夠香濃😋唔覺意飲咗半碗湯😝#芝士明太子玉子燒 🌟人氣推介夠滑又有拉絲, 仲好大份添💛💛💛🍜🍜🍜🍜🍜💁🏻‍♀️試業期間職員雖然好忙碌但係態度友善, 上菜都好快手😊抵讚除咗拉麵仲有好多款串燒和小食等我下次再去試先😍😍😍要試埋我最愛嘅芫荽湯底💚💚💚😝✨

今日午餐去左一鳴屋台料理，之前都有食過大埔分店，性價比高得黎又幾好食。今次就去左上水呢間，鋪頭由門面到鋪裏面都好日式拉麵店嘅方法，離遠就認得到。餐廳乾淨，位之間有距離，卡位私隱度高。枱上面有哂水杯，餐具，凍檸檬水。午市拉麵一款$70,拉麵黎講算係幾平。我就加$20叫左餐連烏龍茶，加4隻餃子。叉燒拉麵湯底要香菜，係芫茜醬加落豬骨湯底，加埋秘製豬軟骨，同埋味荀。湯底望落係超級濃，飲落就係清新嘅芫茜味，豬骨湯味都幾出，仲有好香嘅麻油味，叉燒嘅份量都幾多，有四五片左右，厚度啱啱好，叉燒肥瘦適中。秘製豬軟骨就有兩大件，食落有咬口，軟骨嘅部份都好易咬開，調味唔會過鹹，好食！溏心蛋，木耳絲味道正常，不錯。而麵要左軟身，不過都仲keep到有咬口。味荀係淡淡豉油加麻油香，食落爽口，唔會太老或者乾，$10嘅份量黎講都幾多，抵食而且可口。面餃子有驚喜，食落好脆，新鮮整好，裏面肉餡同菜帶微甜嘅調味。整體好夾，係好食嘅日式餃子。烏龍茶味道正常，都幾香濃。呢區拉麵店唔多，午市天係抵食又好味，絕對可以食多幾次~

今日天氣好好☀️，試下沿住條單車徑去上水，跟住就係附近搵食醫肚。見到呢間拉麵店嘅門面幾靚，午市又免收加一，就入去試下。拉麵 $70🔸香菜湯底：清新芫荽醬混入豬骨湯，香口濃郁，配埋多細蔥、少少唐辛醬🌶️，整體係幾豐富嘅配搭。🔸配料🔅叉燒：有兩片，唔會有太多肥膏，肉質香嫩有咬口。🔅豬軟骨 +$20：大力推薦呢個❗️份量多，豬軟骨嘅醬汁整得幾入味，肉質鮮嫩可口，軟骨部位好好咬，非常Q彈。🔸麵條：我揀咗普通硬度嘅太麵，麵質會較細麵更為煙韌彈牙。如果想掛汁啲嘅話，就可以揀細麵。🥟 餃子x4免費送嘅小食，質素唔錯👍🏻 外層炸得酥脆，內裡嘅豬肉餡肥美多汁。🍏 青檸青蘋果梳打（走冰）+$30有得走冰，而且仲斟到滿一滿，呢一點確實佛心👍🏻 味道方面都幾有驚喜，清甜爽口，唔會假甜，仲有個青檸仔添。職員態度好好，上菜又快，唔錯！

今日去完上水搵朋友，朋友同唔到我食，所以就自己去食lunch！呢間舖頭大埔都有，都幫襯過幾次，見佢新開張d lunch set學生既話真係幾抵，所以就黎回味下～我叫左香菜拉麵，因為係芫茜fans！佢個湯係綠色，中係好重芫茜味keep到水準而且仲有好多芫茜係裡面，fans一定好鍾意我叫左細麵，因為鍾意佢幼身D！佢d麵你可以揀淋度，好細心，叫左淋真係超淋而且唔會溶曬咁～仲幾彈牙！佢碗麵好夠份量！跟住我叫埋佢個辣芽菜少少辣可以解到有時拉麵裡面既膩！我加左$30 要個小食同埋野飲！餃子煎得好脆而且金黃色！配個酸酸地既汁好醒胃！餃子餡正常發揮都係肉餡咁樣！西柚soda好解渴，甜甜酸酸，味道剛好唔會超級甜！

是日放假，回上水老媽家做冬，晏晝搵下有乜好食先，路過馬會道見到一間拉麵店，店舖外觀好有日本feel ，啱晒我。店舖寬躺，入到去裝修及擺設更加似日本，坐位有一排是卡座，大約有10個左右，對住煮拉麵既廚房，當然有布簾遮擋少少🤣，就好似日本一樣，另外有十多張其他坐位，坐得非常舒服。Lunch Time 主要食拉麵及小食，枱面已放好一張點餐紙，隨自己喜好選擇食物，拉麵種類配料等等…….一人一張好方便，食拉麵既配料eg : 芝麻，炸蒜，胡椒辣粉，七味粉，辣油應有盡有，乾淨企理，任君選擇。是日午餐一人前👧🏻拉麵我選擇了最傳統既叉燒豬骨濃湯拉麵，貪心鬼的我又想食埋豬軟骨，因為聽聞好出名，所以加錢就可以享用💛🍜▪️一鳴（豬骨濃湯拉麵）$70湯底超濃香呈乳白色，飲落去湯帶少少黏口，好濃郁，可想言之店家落咗幾多豬骨同時間去熬製呢個湯，非常正🐷▪️秘制豬軟骨 $20好彩有加錢食，份量好多，有3大舊，炆得好淋好入味，味道帶甜滷水既濃香，舊軟骨保留了少少咬口，肉既位置好多肉汁，讚👍🏻🐽▫️配料~叉燒傳統日式拉麵叉燒既做法，半肥瘦，煎完再滷，好入味，好好食🥚▫️糖心蛋睇相知道好糖心，入晒味🥦▫️木耳絲拉麵必備佳品，切得幼細

上水呢頭開咗間新嘅居酒屋，佢中午係食拉麵晚上食日料，呢日見到佢中午唔洗等位就入去食。佢嘅拉麵有四款湯底，我地分別叫咗黑蒜同香茜拉麵，仲加咗小食黑蒜湯底一上枱就聞到濃濃的黑蒜味，好濃郁，蒜味撲鼻，加埋叉燒肉浸係當中，直情變咗香蒜叉燒味。叉燒肥瘦適中，少少微焦，恰恰好吃😋香茜湯底係一大遍碎香茜係湯底當中，成碗麵麵係綠色，超治癒。我揀咗豬軟骨，佢嘅豬軟骨好鬆軟，肉質好腍好入味。值得一讚係佢嘅溏心蛋，好香好甜，半生熟有啲醬油味，好想encore加錢要咗餃子同炸雞小食，兩樣麵發揮出色，餃子皮香，炸雞係熱辣辣同埋鎖緊雞汁係入面，真係好回味！