一鳴屋台料理

营业中

休息中

今日同朋友去試下呢間新開既日本餐廳首先入到去見到環境好舒服同乾淨已經好驚喜同朋友慢慢食下野傾係計幾正👍🏻👍🏻👍🏻之後打開餐牌見到有好多選擇同埋啲湯底都幾特別，同普通拉面店唔同睇到湯底有花心思設計☺️跟住我地叫咗兩碗拉麵兩個麵各有特色同埋重點係成個麵都好足料就算係配料都好足我自己就鍾意食豬軟骨所以揀咗佢做餸豬軟骨都超淋超入味！正！朋友就叫咗一碗芫荽麵雖然我平時唔係好識芫荽但見佢食得咁好味所以都試咗兩啖發現原來唔係咁難入口因為平時好驚芫荽味好重但係呢個面嘅芫荽味唔算好濃烈所以就算唔鍾意食芫荽嘅人都可以試吓呢個湯底🥰因為其他舖頭都好少見有芫荽湯底，所以值得一試另外我地再叫咗兩杯野飲估唔到呢到既飲品都幾有質素淡淡的薄荷葉香味加埋梳打幾好飲🥰🥰🥰

同朋友係龍琛路體育館做完運動,行咗去附近嘅一鳴屋台料理開餐。呢間日式餐廳開咗冇幾耐,好新淨。實木檯凳,加上木飯碗,播放著日文歌,幾有日本feel。檯上放有日式調味醬料,調出自我口味！🥙一鳴炒雜菜芽菜、蒜心、香菇、椰菜絲等多種蔬菜,簡簡單單鮮嫩爽口,加上薑汁微辣,非常健康!🍝野菜叉燒炒拉麵朋友比較喜歡食香口嘢,佢話呢個炒拉麵好爽幹身,勁多叉燒同蛋絲,仲有椰菜絲、香菇絲,再撒入芝麻粒,多重口感又美味！🍜一鳴豬骨濃湯拉麵湯拉麵有五種口味外,仲可以選擇麵質感、要吾要蔥、辣定走辣,由我話事。我就要咗個豬軟骨、多蔥少辣拉麵,拉麵口感軟中帶煙韌,豬骨湯底够濃,而豬軟骨就好腍,再加埋半個溏心蛋,相當豐富!俩個人食咗三樣嘢,份量都唔少,下次再嚟試下黑蒜湯拉麵先!

琴日同朋友嚟咗上水舊墟呢間叫一鳴嘅拉麵店食晚飯，店舖裝修有日本風味，乾淨企理，仲有卡位，又坐得幾舒服。睇睇佢個餐牌，不得不說佢嘅設計真係好有心，餐牌嘅拉麵同埋食物插圖都係人手繪畫再印出嚟，可愛嘅卡通食物插圖令人嘅食慾大增。店舖除咗拉麵之外，仲有好多小食串燒嘅選擇，不過我同朋友都好肚餓，所以就決定叫兩碗拉麵。我一見到餐牌上面有香菜湯底嘅選擇，就好不猶豫咁捨棄左其他湯底選擇左佢，配料方面我揀咗豬軟骨。而我朋友就揀咗黑蒜湯底配豬軟骨。飲品方面，我叫咗白桃一千零一夜，而朋友就叫咗士多啤梨一千零一夜，感覺加咗薄荷葉嘅嘢飲都特別吸引。食物話咁快已經送到黎啦，湯底一望落去就好濃郁，飲咗一啖湯頭先，果然夠晒濃尾，適合我哋呢啲重口味嘅人。試一試佢個面條，軟硬適中，糖心蛋好味流心，正！埋底都只係二百幾蚊，食物有質素，環境舒服，可以encore ！

天氣凍一直想食熱騰騰嘅拉麵，今日喺上水見到一間門面堂皇嘅拉麵店，立即吸引咗我入去。店內有卡位亦都有吧枱位，而我被分配咗喺吧枱位，可以見住師傅煮麵，別具一番風味！點菜方面會用剔剔紙，整個拉麵都可以因應個人喜好而選擇，另外仲有飲品同小食，樣樣都非常吸引。同朋友一齊見到拉麵嘅湯底竟然有得選擇芫荽，作為芫荽控嘅我哋異口同聲話一定要食呢個！湯底非常濃郁，芫荽味重，絕對冇令人失望！常言道，拉麵湯底係拉麵嘅一個靈魂，呢個湯底極為推薦！Topping方面會有豬軟骨同叉燒選擇，朋友選擇左豬軟骨，一啖咬落去非常大滿足，軟骨部份有咬勁，滿滿的骨膠原，養顏必選！ 叉燒方面，係經過火炙烹調，見到兩面同埋邊位都有微焦狀態，帶有微微嘅焦香，美味程度升級！溏心蛋亦都非常出色，蛋漿令人回味，顏色通透，賣相一流！麵底方面，有比較吸汁的細麵與比較有嚼勁的太麵選擇，各人喜好唔同，但都可以滿足到💯

上水終於開新既拉麵鋪啦😍✨一鳴拉麵 & 黑蒜拉麵因為兩碗麵其實食落不過不失，豬骨味唔算係好濃，但就比較適合淡口味人士麵既軟硬適中，拿捏得好好，好有咬口呀👍🏻麵有太麵同細麵揀，個人偏好太麵😆餸方面，豬軟骨同叉燒都好味🥰可以加$20套餐有一份炸雞同可樂，我覺得都抵食😋

最近忙到無時間搵好野食 好傷心🤦🏻‍♂️係上水見完個客，竟然發現左有間拉麵開在龍琛體育館對面，見咁多人排隊食，想食野嘅心又俾激發到🤤即刻排隊試下哩間拉麵店😂😂入到店鋪入面，真心覺得好似去左一間正式嘅拉麵店😃我就特登揀坐拉麵師傅對面張枱，睇清楚師傅點整麵，正🤣🤣講返拉麵先🙊🙊🙊 我叫左個黑蒜豬軟骨拉麵，再額外加左份溏心蛋同櫻花蝦😋 個拉麵份量算大份，重點係佢個湯底好濃郁，一啲都唔係味精湯咁，豬骨味好夠，再有陣淡淡嘅蒜香味，食下就食左一大部分😂而且豬軟骨好腍，唔洗咬就化開，食落相當唔錯，而佢個溏心蛋真心好正，蛋黃有小小流心，好彩有叫多份，可以慢慢品嘗😍😍另外，小弟好耐無食好野啦 🙈🙈就貪心叫埋個小食(肥死左 🤦🏻‍♂️) 叫左小食炸雞再配佢個西柚梳打去飲😃炸雞即叫即炸，香口卜卜脆，無得彈 😋西柚梳汁酸酸地，啱啱好如炸雞好夾😳真心食完而家仲回味緊 😖總括而言，哩間拉麵認真唔錯，下次去開上水一定會黎食，見到隔黎食辛辣味嘅拉麵，我都好想食啊😭

見裝修得幾靚，又係上水區新拉麵店，就同屋企人嚟晚飯試一試！星期日晚，等咗5至10分鐘有位了。今晚6 個家人一起，試唒四款湯底的口味，四款都好夠味，係那種比較濃郁的湯底，飲得出係豬骨煲出嚟，感覺好正宗！個人最鍾意辛辣味，因為有一大球辣肉醬👍🏻！爸爸鍾意原味！我試咗一啖家人的黑蒜味同芫荽味，都覺得唔錯，而芫荽味係最清新淡雅的一款，幾特別！仲有，最正系個豬軟骨，入口即溶，超好味！我地仲試左玉子、串燒、雞軟骨餃子，玉子有驚喜，食得出心機製作！不過份量大，食完好飽（食完都唔記得影相添）！ 雞軟骨餃子都好好味！串燒也不錯，幾抵食！太好了，屋企附近終於有間好味正宗拉麵🍜了😊

之前大埔店已經食過，估唔到而家上水開分店😋而家佢哋仲係試業期間，但已經好多人食。放假同細佬嚟食，Lunch已經好多人。佢哋lunch只有拉麵，夜晚18:00後就🈶️串燒同其他嘢揀🙌🏻店裏面係日式木系裝修風格，原木色枱櫈簡潔獨特，加埋啲音樂，有一刻錯覺以為自己係日本🇯🇵😆佢哋有四款拉麵（一鳴、黑蒜、赤辛、香菜），我就揀咗赤辛，細佬就揀咗一鳴✌🏻上水店價錢比大埔店更加優惠，而且仲有學生優惠減$10添🤭（一坐低店員就問我有冇學生證😌呢個舉動好窩心呀）赤辛（秘製地獄醬豬骨湯底）超濃郁嘅湯底，一上枱已經聞到好香，湯底顏色好吸引，滿滿嘅櫻花蝦鋪🈵️碗嘅三份二，辣醬與湯融合，濃而不膩👍🏻我哋又加咗後家套餐，$30包括飲品及一款小食，我哋揀咗炸雞同餃子🥟可樂同乳酸梳打想講$30有嘢飲同小食真係好抵，而且炸雞仲要好大塊🤘🏻外皮非常脆口而入面又能夠保持肉汁，唔會乾爭爭，配埋芥末醬😋餃子皮薄，餡料豐富，而且仲熱辣辣，正🤤下次試吓夜晚嚟食，要試吓佢地嘅串燒同小食先🉐️🤤

上菜速度慢都癲未試過食拉麵要等超過三十五分鐘，一碗制作時間超過十五分鐘，又冇話迫滿曬人，就算試業呢個時間等咁耐都好誇張。肥仔佢得閒又發下呆，拎住一堆單放下空，又開下蓋，企下，唔知係到做乜。杯青檸汽水得chemical既糖水味🤢d豬軟骨硬過我條命，冇見過豬軟骨會碎上🤐無論係芫荽定黑蒜湯底，都係非常之淡，冇味，唔知自己食梗d咩，又食唔到咸味，又冇本身應有既味道。個叉燒本身已經唔係慢煮，又切得好薄，又要再燒多次，變到好硬，好乾，柴皮咁。個餃子不過不失，都叫係所有野入面最好食，係炸餃子唔係煎餃子😂😂