一門 (已結業)

氣氛都唔錯,貪佢夠幽暗,有情調~我地叫盡所有被讚的食物,味道是好,可惜份量太少了...真係小食多滋味個人較欣賞是鹽燒牛吞,真係燒得好好味~可惜吃的時候凍了...反之串燒帶子就遜色了,覺得有點韌~個雞肉茶壺湯都冇乜特別乍喎...除左d容器得意之外...仲覺得有點鹹...媽媽煲的老火湯好味d~個泡菜豚肉石頭飯我地都覺得好好味~辣辣地咁,好惹味厚燒玉子都頂瓜瓜,可惜每人只分到一舊仔...到喉唔到肺本來想試埋溫泉玉子架...但係$22太貴了...我地5個人一人一粒就唔抵了...唯有下次再食過餃子都好好味喎,冇預期會咁好味~熱辣辣食仲正!最後東洋卷,食落真係好特別,饅魚蟹子牛油果,真係幾夾喎!侍應服務都ok,有給我們水,fill過幾次,仲主動幫我們拍照

地方暗暗地~幾有情調~如果飲野會好好feel野食方面~我叫左厚煎旦~都ok既~不過甜左d仲有串燒,炒udon 都ok~不過我buy笑笑多d~

由於上星期六我朋友說要食"新奇好玩又佢未食過o既食店", 於是我介紹佢去一門.我地有3人, order o左泡菜石頭鍋飯, 炒烏冬, 蟹肉厚燒玉子, 雞肉茶壺湯石頭鍋飯ok, 但炒烏冬多了點油...蟹肉厚燒玉子一流, 蛋嫩又有蟹肉味, 不愧為招牌菜. 我朋友都讚好食.我本人最欣賞雞肉茶壺湯(圖中左面的茶壺,而右面的小杯是飲湯用的), 這道料理已冇幾多間日本店會做, 湯清而味足. 價錢又唔貴($45)! 各位除o左食玉子外記得要試o下!!!唯一唔好o既係此店沒有non-smoking area...價錢不是十分便宜, 但以此質素是很值的.

星期日再與另一老友慶祝，今次由老友介紹。水果茶-好似煲熱o左的雜果賓治，侍士姐姐話有龍眼肉、菠蘿、蘋果、檸檬同雪梨一齊煲，唔怪得味道好清甜好好飲。牡丹蝦-初時以為76蚊兩隻，都唔會好食的去邊。點知唔錯喎，幾大隻，蝦肉彈呀、好有milky感覺，而蝦頭好大，雖然唔太多膏，但係好鮮味。一門沙律-雖然都係做一般西洋沙律菜，但最特別係d沙律汁，味道似點海蜇分蹄個d醬汁。東洋卷-日本菜多數用紫菜來包的，呢個卷係用pancake皮包住牛油果、蟹籽同鰻魚，個皮微暖、好軟熟、好得意。泡菜豚肉石頭飯-又係推介之一，味道與正宗韓式料理沒有分別，上台時個石頭鍋仲有”吱吱”聲，有好多泡菜，辣度適中，又有唔少飯焦，我連添兩碗，不過豚肉較肥，好彩份量唔算多。河蝦煎蛋燒餅-雖然蝦同菜好多，又唔會有好多粉團，煎得又唔算太油，但係就冇味。老友果然冇介紹錯，除了燒餅比較一般之外，其餘都好有水準。唔怪得剛去到時有8成滿，我o地冇訂台，所以要我o地準時交台，臨走時仲全院滿座，呢間值得翻炒。

同好朋友食飯, 一定會去D未去過既地方。尋晚就來試個出名既燒玉子。一入到去, 好暗, 裝潢都幾日本feel, 而店內有油煙味! 但還可接受。食食下, 會突然有個侍應, 好大聲哎「yor~」跟住其他就一齊哎「歡迎光臨(日文)」真係俾佢嚇死。鰻魚鍋巴茶漬$58: 鰻魚&鍋巴各4片,茶漬一壺。茶漬好香, 整體都好食, 但唔抵。雜菌厚玉子: 有個傳統厚玉子, 睇相似係一層層。而呢個係蛋, 卷住菇, D蛋仲係o岩o岩熟, 好正! 咖哩雞拌凍素麵: 有4束白冷麵, 加一碗似喇沙味既”咖哩”汁。麻麻…桂花卷: 原來係糯米皮卷住豆沙, 加黃豆粉。唔夠軟熟南瓜湯圓: 6粒小芝麻湯圓, 拌南瓜湯, 可能係罐頭湯而矣, 都好味既…其實餐牌上仲有意粉, 有個”自信作”, 什麼蟹意粉, 都吸引O既, 但唔想食咁飽就無叫到。

一直唔太喜歡食蛋, 但去完一門, 對雞蛋真係改觀. 佢炒既蛋, 蛋裡面鎖住肉汁,再叫溫泉蛋, 蛋白處理半凝固狀態, 蛋黃十足酒心蛋一樣. 呢間舖頭, 服務時好時壞--- 好的時候, 真係又體貼又欣慰; 差既時候, 職員好粗魯兼且笨拙, 做乜錯乜, 唯一勝在唔會串d 客人. 成間舖頭比人感覺係, 做得好有心機. 今時今日, 一間舖頭肯用心做, 點都值得appreciate. (唯一缺點係: 抽風惡劣, 成個場充滿油煙味, 有氣管問題真係要小心d)

二人去食晚膳,不是點了很多款菜式豚肉石頭飯(不是泡菜那款) $55羊串燒($35/串)雜菌玉子豆腐($42)但因他不食牛肉, 所以冇試到鹽燒牛舌我們是食量不大的人但侍應有給我們水

前晚友人約在銅鑼記食飯，地方佢地冇乜所為，就由我發辦喇。早陣子到過笑笑居樂屋，就諗起不如去埋下面的一門，就可以叫做食過這裡三間的的日式餐館了。7點半上到去，基本上已full晒或俾人reserve晒，侍應安排了張六人檯給我們三個人，但就要九點還檯，ok啦，即刻坐低。叫了的東西如下：1) 帶子串燒和燒三文魚串燒—燒得不太乾，肉汁還保持，塗上燒汁，又幾惹味。2) 東洋卷(如圖)—用上pancake 軟軟蛋皮，包著裡面頗大塊的鰻魚、青瓜、蟹子等，再加上沙律醬，配搭有點風馬牛，但食落大家都讚好，而這味亦可算是食得夠飽肚的一味。3) 這裡以玉子豆腐出名，當然要品嘗下，叫了一個雜菌玉子豆腐和一個蟹肉玉子豆腐。滿滿的餡料包在豆腐裡面，豆腐外層微微燒過，咬落去豆腐味都算濃郁，而裡面餡料的鮮味亦可發揮得到，可以做到互相揮映，果然是這裡出色食品。每人可以食每件豆腐的三份一，已相當滿足。4) 泡菜豚肉石頭飯—熱辣辣，豚肉揀選得肥瘦剛好，但就略嫌泡菜不夠辣味，可以再辣d會更好。5) 蔥爆豚肉—由於有人不太想食牛，所以再來多一碟豬肉，但就比較失色，蔥味不夠濃，而豚肉這次就顯得夠乾身了。6) 壽司六件—除了有隻牡丹

琴日同男朋友兩個人去食, 冇訂位, 只係得BAR枱. 仲好, 可以望住D師傅整野食.叫了大家都推薦既蟹肉厚玉子, 都幾好食, 不過好似蟹肉味搶左蛋味, 下次去叫要試下淨厚玉子先得.海鮮沙津D醋好好味, 材料都好新鮮.溫泉玉子好好食, 自己不嬲都好鐘意食蛋. 不過$22一隻就覺得好貴.鹽燒牛舌都好食, 不過好似度度食都差唔多咁.仲叫左東X卷, 呢個我最鐘意. Pancake皮包住牛油果, 鰻魚同蟹子, 好夾.仲有個牛肉石頭碢飯. 男朋友就最欣賞呢個, 我就覺得普普通通另外再加兩杯大Asaki. 兩個人$340.

星期六和朋友在銅鑼灣冇idea 就黎番呢度食日本菜點了雜菌玉子厚燒, 凍蕃茄, 韓式煎餅和串燒牛舌串燒牛舌保持水準:）雜菌玉子厚燒幾清, 我鍾意呢款多過蟹肉玉子, heehee!凍蕃茄個汁似南瓜汁, 囍宴甜藝o個個蕃茄好味d, 不過都幾fresh!韓式蝦煎餅就麻麻, 好厚粉, 可以唔駛試...匯豐咭有九折和送溫泉蛋, 當晚夠晒飽咯, heehee!

星期六到銅纙灣, 順道在附近晚膳。一出lift, 嘩! 以為不幸進入了'凶層', 燈光真的暗得嚇人。各位如要光顧, 請先有心理準備。朋友二人共點選了七個菜。串燒牛舌: 很有水準, 燒得不太乾, 保留肉汁, 而黑椒又不會搶去牛舌的獨有香味。串燒帶子: 一般貨色, 燒汁太重味, 搶了帶子的鮮甜。炸雞軟骨: 太多炸粉, 而且炸粉的味道跟KFC 的完全一樣。海鮮沙律: 魚生完全吃不到鮮味, 配菜比海鮮還要好吃。白酒煮蛤蜊: 酒味太重, 略帶苦澀, 友人完全接受不了。石頭鍋蛋飯: 味道方面沒有太大驚喜, 不過真的很夠熱, 待了很久飯還未凍。蟹肉厚玉子燒: 很有蛋香和蟹肉味, 而且燒得不乾。巨蜂孔酸梳打: 梳打味太重, 搶了提子和乳酸的味。蜜桃特飲: 罐頭蜜桃飲品。總體來說質素不差, 但沒有預期中好。

我十分同意!!!!蛋很有水準, 其他食物都很新鮮, 只是服務因為人手不足而欠佳.

A bunch of friends and I went to have dinner there. Food quality is not bad. I like their tofu, skewers, fried food and drinks are pretty special, too. However, service was most horrible!! First of all, we ordered in many rounds. Each round the waiter missed/forgot some orders. We ordered some drinks, and reminded them at least 4-5 times - never came until we got really angry and started yelling at them. Also, a few dishes that we ordered were sold out. The waiters never bothered telling

約朋友出銅鑼灣食飯。對上一次係銅鑼灣食飯恐怕巳經係兩年之前既事。冇計，鬼叫我同d朋友全部都係九龍人咩!日式料理裝修巧究。未入去個招牌已經靚到殺死人。出名食玉子(雞蛋)料理。其實雞蛋有幾貴大家知,咁點解仲要俾咁多錢去食呢?其實大家除左食雞蛋本身外,最重要亦最主要,都係食師父既手藝!可以將雞蛋煮得好食既師父,絕對係行內一等一既高手!今日午餐已經食左個肉眼扒。所以兩個人小小地叫左四樣野。蟹柳蛋-- 長方形一份，肉眼可見分約七層。層中分別加入湯汁及蟹肉。蛋既嫩，蟹肉既鮮，散發得淋漓盡致。韓式牛肉石頭窩飯-- 小辣醒胃。肥牛肉夠滑，窩底更有飯焦，正。”窄”肚之作，如果唔係實食到破產。牛油果蛋卷-- 蛋"gin”成超簿一塊做皮。內包鰻魚蟹籽牛油果，配以沙律醬。食落清新可口，認真不俗。最後甜品合桃糊杏仁糊，幼中有粗，夠晒口感。全場燈色較暗，氣氛隨和舒適。待應換碟加水亦快。理單二百一，絕對物有所值。

昨晚同朋友慶祝生日, 6 個女仔食0左差唔多500 蚊, 唔算話好飽, 碟頭幾細, 但係味道唔錯.推介菜式:1. 厚燒玉子我地叫0左河蝦同雜菰餡, 以雜菰比較出色, 蛋味幾香, 成個菜式0既味道控制得好, 食倒甜味但係唔會話好突兀或同成個菜0既味道唔夾咁樣. 佢個做法係響外面用煎得厚厚0既蛋皮包住d餡響入面. d餡係有少少汁, 唔乾, 口感唔錯. 下次我想試下蟹肉餡.2. 石頭鍋飯泡菜好夠味, 但係頗辣, 有d唔得辣0既就覺得食唔到.我地叫0左牛肉0既石頭鍋飯, 肉多過飯! 味道幾好, 夠香, 汁都夠.服務:一般算係ok, 叫加水都幾快, 係有個女侍應比較誨氣囉.我覺得呢度會較為適合0黎同朋友飲返杯, 食少少野咁, 多過0黎食晚飯. 下次同朋友飲野我會考慮0黎呢度.