一門 (已結業)

24 Nov 2005服務一流呀，係我最鍾意既類型．．絕對值得一去再去！由於尋晚去時冇訂位，去到個帶位問我哋睇唔睇下坐outdoor，我睇完後覺得都幾好，不過就可能冇咁舒服，因為要蹺埋雙腳而坐，但見幾得意，又少人，所以都照坐！老實說嘢食就唔見得特別好食，不過值得一提既係佢既魚生都幾新鮮，同埋佢既wasabi幾得，最緊要係服務真係好，時常會加茶，又唔會催人走，我坐到隔離張枱轉咗兩次都未走，我叫既嘢食又唔係多，純粹真係傾偈多，但係佢哋依然態度好好，好有禮貌！後尾坐耐咗，更加覺得坐出面好，因為真係好靜，氣氛好好，不過就冇得"挨"！

抱試新東西的心態來到這兒和朋友食晚飯. 侍應皆態度親善. 因為隔離食煙,於是要求調,但侍應表示該餐廳没有分吸煙及非吸煙區,不過最後也給我調離該.(後來快食完時才來另一煙民,不幸中的大幸)食物整體尚可,不難食但有待改進:其中蟹肉玉子幾特別三文魚刺身幾新鮮,入口肥美,washabi也好好味串燒ok (但羊肉過肥,牛舌太硬) 黃金河蝦不太脆,油炸味過重,而且無蛋黃味. 雞軟骨也好重油味,而且不太熱值得一讚的是服務,我7點半到,朋友7點45才到,我坐下期間無侍應過來催落單. 而且我們邊食邊傾,十點才走,隔離都做了一轉. 但侍應只問過一次野上齊未,完全無不停過來抺,收碟,睇你走未咁,反而主動為我們加水.都幾好招呼.

今日上黎openrice 睇下CWB 有咩日本野好食, 睇到呢間野就諗住試下~一上到去，就發現佢個裝修好靚，完全同和民冇得比。芝士雞串、雞串　－ｄ芝士溶左係ｄ雞肉度，個感覺好新鮮，而個雞就夠醬汁，各有特色牛油果卷、東洋卷　－外面蛋皮包著蟹籽、牛油果、鰻魚既東洋卷簡直可以俾滿分～成舊咬既話，有暖、脆、軟、香等既感覺！姜豚肉飯　－呢個ｄ飯唔會”lone"，夠味，調味很好最後，Services方面可以拎Full mark。個reception 係日本人，好有禮貌，d waiter 仲會幫我地"jump" 茶，有時又會大聲一齊叫唔知咩．．．感覺很好

05年11月15日朋友生日，她又喜歡食日本菜，便到Openrice搜尋，找到了一門，因為見到有這麼多的好評，決定同朋友一試。我們點了以下菜式，結果如下：1. 香吞拿魚卷-6件- 好好味！2. 壽司拼盆-6件- 不錯3. 串燒- 鹽燒三文魚、牛舌及雞中翼- 加了少許七味粉，好味！4. 東洋卷- 3件- 好好味！外層是簿簿的Pan Cake皮，包裹牛油果、蟹子及鰻魚，口感一流，味覺亦非常好，令我一試難忘。5. 帶子薄餅- 不錯6. 什菌燒玉子- 加了配菜的白蘿蔔茸及日本醬油，是絕配，我一定會再去食。7. 玄米茶結賬是$615，每人只是$200左右，價錢合理。而店舖環境方面亦不錯，三五知己共聚的好地方。

同個新識朋友慶祝生日, 加上前一排忙到震, 好想搵間好食餐廳食餐舒服D, 上OPENRICE見到差唔多個個都讚D野食得, 決定一試..服務: 好彩星期六都唔算多人, 我訂但遲到30MIN, 預要等, 但RECEPTION好好人, 5分鐘之內幫我安排好入座..裝修: 一入門見到黑黑地幾有氣氛都驚唔知會唔會又係食裝修餐廳, 好彩唔係, 與之間距離唔算逼, 我地坐前面O個幾張木仔, 有少少檔仔咁FEEL, 都幾RELAX食物: 見到餐牌確實同普通D日本料理有D分別, 幾有新意我鐘意1) 海厚燒玉子- 之前都好多人介紹卨厚燒玉子, 真係一定要試, 我同朋友都話好味2) 生牛肉片(真正個名我唔記得) - 生牛肉略略煎煎再切片, 片牛肉圍邊少少熟中間係生, 已經有味唔使其他汁醬...食物新鮮自然好食, 呢碟菜值得一讚3) 盬燒雞翼- 送酒都唔錯, 保持水準啦4) 生姜豚肉石頭飯- 一定要食因為好味, 可能要大家口味, 其實生姜味可以再重D, 不過粒粒米都圓碌碌, 食落口感好好總括黎講, 我一定會再黎, 為D食物已經值得, 仲有個日本靚女註店親切慰問...確實係VALUE ADDED

昨夜我們兩個女仔第一次到一門. 雜菌玉子好滑好味道. 薑汁豬肉石頭飯超正! D 飯一粒粒, 又有飯焦, 好香口. 白魚沙拉較清新串燒三文魚好香. 服務一流, 環境好有江戶時feel. 甜品是日式年糕紅豆沙,都可以. 下次我會同多些朋友來. 聽聞他們的意粉都幾好味.

男友見有食評推介, 決定一試, 一出電梯, 見走廊位擺\\\滿HOLLOWEE裝飾, 不禁懷疑間鋪掂唔掂, 心諗搞GIMMICK既地方都唔慌得, 此時, 有位斯斯文文既女仔走過黎問我地幾位, 嘩....日本人喎, 當堂又有反信心, 哈哈哈....我真係幾膚淺!因為室內FULL咗, 可能要等30min, 個女仔同我地出花園仔, 睇下outdoor環境得唔得, 個花園仔幾得意, 有水池同bamboo樹, 擺\\\咗幾張\\\"答答米\\\", 估唔到CWB居然都有\\\"空中花園\\\", 仲對正SOGO個霓紅燈!什菌燒玉子- 玉子好滑, 好多什菌, 又諗又爽, 好味韓式燒餅- 香脆串燒- 肉嫩多汁, 但唔算熱牛肉石頭飯- 香口惹味, 但略油膩下次等我同埋細佬妹去!

卒之有東洋卷啦. 不過D卷轉左D料、就是軟左舊曼魚,用左浦燒劍魚腩但是都一樣好味.大家試啦.都oK

剛剛去完旅行回來.好想食日本野經朋友界照來了一間很有特色的日本料理(一門)先談氣氛及服務.本人覺得服務一流因為我門幾個老野都幾煩,店員都很樂意為我門解答.而食野方便我叫了三文魚利身.壽司十件,秋刀魚刺身.羊扒.牛利.傳統厚燒玉子.牛肉石頭飯及鮮虾牛油果卷.本人覺得有幾樣野真是要讚的.先讚讚兩位師博一位叫鋒師傅另一位是文師傅,無論做壽司及刺身都幾好.壽司的飯竟然是空心飯做得好.刺身的擺設另我覺得個秋刀魚擺得許許如生無論竹葉.甘荀花.青爪花都是師傳用刀切出來,羊扒.牛利好好食.個玉子好香好滑牛肉飯不過不失最後有兩樣野要真的要改善三文魚刺身吾身鮮雖然是腩但睇到都吾想食而鮮虾卷吾夠味好淡(差)整体我都覺幾好

同老友慶祝生日，我之前o黎過，所以推介呢度。雖然已一早訂o左位，不過都要限住8:30交。因為冇鰻魚關係，食唔到我最鐘意的東洋卷。叫了三壺水果茶，酸酸甜甜，老友們都大讚好飲。牡丹蝦-一蝦兩食，蝦身夠新鮮、蝦頭炸了夠香口，脆到連殼都可以食埋。軟殼蟹沙律-沙律酸酸甜甜，有D似泰式沙律，軟殼蟹雖然份量唔少，不過唔夠脆，有D浸諗o左的感覺。牛肉石頭飯-好香又有飯焦，份量又唔少，我o地5個人食都足夠。牛油果卷、吞拿魚卷同壽司併盤-材料新鮮，又d壽司飯軟熟煙韌有口感。帶子燒餅-似帶子煎蛋，冇乜味。因為信用卡有9折，埋單830唔算太貴。

昨晚一行三人第一次在這裏用膳,叫了厚燒玉子,炸芝士,燒南瓜,凍豆付,廚師推介壽司,白肉魚煎餅,燒牛舌,燒芝士雞串,兩杯乳梳打,一杯柚子梳打.厚燒玉子-幾軟滑.炸芝士-用了兩種芝士炸出來.燒南瓜-燒得不會太乾.凍豆付-天氣熱時吃最好.廚師推介壽司-有10件,有很多幾件是火焰壽司,本人對火焰壽司興趣不大,尤其是有一件不知是甚麼的火焰白身魚,咬極都不能將它咬碎吃下肚,到最後維有到洗手間吐它出來.白肉魚煎餅-原來是韓式煎餅,韓國人開的食店比較好味.燒牛舌-OK啦...燒芝士雞串-近手拿位的雞肉唔熟.乳梳打-味道不是太濃乳味,份量不多很快飲完.柚子梳打-有柚子味,但份量一樣不多很快飲完.P.S.除非等那些冰溶了,份量便會增多.(-_-)

肥肥地的女伙記服務完全唔掂, 7:20去到話8:30交枱, 對我2人來講都夠, 但到7:50就話last order, 之後半個鐘內問o左你10次D野o黎齊未, 並不斷清野, 男剛剛問完個女又問你D野o黎齊未, 又問成你幾次飲唔飲野, 最終都要給我罵走他, 明明有1個鐘食飯, 攪到D氣氛好似食快餐o甘.問佢有冇三文魚壽司, 佢話不做散的, 要的話要叫10件先整, 說出來都多餘, 我o地得2個人, 極冇禮貌.壽司六件$120: 一分錢半分貨, 只有牡丹蝦OK三文魚刺身$48: 夠厚但不鮮串燒$16一串: D雞肉林的, 不似燒o既, 大葱OK牛肉石頭飯$60: OK早知去魚一丁好過

Today I took a lunch on this Japanese restaurant.<br />My husband and I chose Sushi Lunch set.<br />It was very good. The fish was very thick and taste good.<br />And Sushi set including Vegitable noodle and Drink.<br />It was only cost HKD75 + 10%, it’s worth trying.

四個人食飯食左一個蚧肉玉子.幾好味有香有又肉汁是一個不錯的選擇.　　　　　　　　　　　　　　　　　　　在叫了串燒.我叫了這度最出命的牛舌二串.羊扒四件.芝士雞串二串.和帶子二串.,先談芝土串及帶子串好香有肉汁不錯.牛舌燒得好香有肉汁非常好味.正!!另外羊扒叫的時後我都覺得貴,不個食完後覺得物有所直因為一件羊扒可以燒到外翠(同音字)內軟.直得一讚而且D味好好味配得好.正正!!!!!!!!　　　　　　　　　　　　　　　而刺身同壽司都屬一般無咩驚喜.而和食都尚算oK.而服務都幾好,環境幾好個感覺好似回家一樣,不個最後提一提e度的師傅會突然嗌一聲口號.不過我覺得幾有氣氛

友人生日兼聚舊,見議去一門.沒帶有什麼希望去食,但也失望而回!聞說燒玉子是招牌貨,叫了蟹肉燒玉子及雜菌燒玉子,以味道而言,實在是很一般,因為太甜,而且甜得來味道好假,唔鮮味.以口感而言,蛋好“鞋”,連我蒸的水蛋都滑過這玉子!串燒吃了牛舌及牛肉,味道較咸!石頭飯味道算ok,但太多汁太多油,整到好似用油撈飯咁!炒飯唔夠香!莫講話大家樂大快活一定好食過這炒飯,連我炒的也比這個好!環境好暗,行路要小心,好容易跌親!服務態度不錯,但好似常常睇住你想你埋單!使我有點不自然!還有吃其他食物,但唔記得咁多!價錢都幾貴,5個OL埋單近700元,平均每人差不多百五元!