一鍋堂 (新都會廣場)

营业中

休息中

聽聞最近葵芳新都會開左分店，仲有13000呎300座位，以前去開荃灣分店下下排隊排一粒鐘，今次早啲過去食就唔洗點排！呢到主打養生靚湯，係全港最大火鍋放題！有熟食和火鍋二食！在入座時職員已經問定湯底，坐低後用三維碼QRcode落單揀火鍋料，之後再係出面拎熟食和飲品。熟食方面有麻辣鴨血豬皮和豆腐，亦有醬油飯！除此之外前菜方面有泡菜、沙律、黃金炸魚皮和麻辣拌麵。我揀左櫻花蝦湯底，有超級多紫菜和櫻花蝦！先喝一口湯，有鮮味而且不會味道不會太濃。午市套餐B選擇沒有晚市款式的多，不過也夠吃！麻辣鴨血可能照顧大眾口味，只有微辣，喜歡吃鴨血的朋友可能會有少許失望。個人推薦吃牛小排、封門柳、西班牙栗飼豚肉、蟹籽手打蝦滑、韓國BB章魚！

一鍋堂❤️🔄🙆‍♀️作為一鍋堂的忠實粉絲，卡娜仔今次去到佢地新開既葵芳店，呢間係全港最大既任飲任食火鍋店，佔地13000呎，超級多打卡位，位置仲要坐得好舒服，就算兩個人黎都有卡位坐‼️飲品種類超多，仲有佢地自家製既飲品添～今次我食既係午市任食火鍋100分鐘B餐，入座既時候店員會提示last order既時間，記得注意喔～💡設有加一服務費📲手機QR code下單🍲湯底：一鍋麻辣湯“超高質任飲任食火鍋放題 野食黎得好快 超推介封門柳超有牛味""湯底足料 麻辣鍋唔會太辣 有少少麻既感覺 中意食辣既可以一試"‼️想訂位既話唔使去openrice或者打電話，可以download佢地個apps, 用apps去訂位更方便快捷～仲可以儲分添！

我同為食姊妹最鍾意食一鍋堂，葵芳新都會廣場開分店，一入門口地方果然很大，大到店員都有點忘記，帶錯枱號🤣雖然有小小失誤，但新開各單位也努力適應三個價錢，豐儉由人，我們點了$128 B餐安格斯牛，湯底點了限定版的蕃茄牛尾湯美國安格斯牛，封門柳，牛板腱各有特色，安格斯牛入口牛味濃，封門柳有口感，牛板腱軟熟牛脷心托，好香濃牛味，貨地滑溜蟹籽手打蝦滑，墨魚滑，墨魚丸，爽口彈牙長蟹柳，每次必點之品，蟹柳吸入湯的濃味，很美味，魚皮餃，午餐肉食得出用的是優質貨丸類可以在自助區揀，當中貢丸最出色，還有芝士丸，豬肉丸⋯等等鴨血是熟食食品中必吃之選，咬落煙韌帶點辣味烏冬或公仔麵吸收湯精華，好味到不得了凍櫃內林林總總的蔬菜，任君選擇，小波菜和西洋菜，新鮮營養價值高最後少不了甜又滑的雪糕

咁多嘢食，食邊樣好先呢😆 好興奮啊～黎到全港佔地最大火鍋放題葵芳分店「一鍋堂」。餐廳環境四正光猛，座位寬闊，仲有幾個打卡位，認真落足心思～ 我哋揀咗120分鐘晚市火鍋放題，B餐特選安格斯牛，$238 一位，有好多火鍋配料可以任飲任食。湯底揀咗冬陰功，香辣味濃，裏面仲有兩隻蝦，幾足料😄 肉類都有好多選擇：美國安格斯牛肉，封門柳，牛脷心托，牛板腱，西班牙豬肉，紐西蘭羊卷肉。特別鐘意美國安格斯牛肉，薄薄一片，牛味香濃。手作珍寶蝦丸，手作陳皮鯪魚滑，麻辣豬肉餃都值得推介，好有特色又好味😋 連花膠都有！食多咗幾件補身😍自助區都提供好多冷盤小食，有泡椒鳳爪，秋葵，麻辣豬耳等等，開胃醒神，彈牙又爽口。有一個位置係專放蔬菜，蕎麥菜，娃娃菜，小白菜都有，啱晒鍾意食菜嘅我😍 另外仲有好多肉丸類，沙律菜，麵類，真係冇咁大個胃都試唔晒所有食物🤣 飲品方面，一般火鍋店嘅飲料都有，特別鍾意樽裝薄荷烏龍茶，冰涼清爽又解油膩感。呢間認真抵食，食物質素算唔錯，下次可以約朋友再Encore😍

垃圾公司，垃圾政策，有拿飛功能唔用，每次都排隊才知原來冇位，浪費時間！仲有啲員工勁串，問佢哋嘢好似要去死咁！問一句串五句！不是只有我咁講，其他和我們一齊排隊的人都咁講的！

中午開舖冇幾耐就去食 嗌咗兩個鍋面 落單嗰陣 個男服務員態度極差 好似我爭佢錢咁 之後點咗我地去一排靠牆嘅位度坐 坐坐下又比人點咗去另外一邊 咁都唔緊要問題係我地等左20分鐘都未到 催咗佢都成半個鐘先到等嘅過程都聽到其他有book位嘅人都冇得入 安排極差咁都咁收我服務費如果唔係比咗錢先 我晨早走咗喇😓

要book一鍋堂真係要預早啲，幸好今次預早兩個星期左右book到平日夜晚，可能因為葵芳呢間分店開左唔係好耐🤪7點鐘黎到入場，可能因為岩岩開左無耐未有足夠經驗，我地係前枱拎左飛之後，要自行入餐廳搵番自己既枱🙈我地一行6人，好開心好難得可以好近咁一齊食野😊入座前已經簡左湯底，大鍋簡藥膳湯，細鍋簡左胡椒豬肚湯～入座後用qrcode點餐就搞掂😎😎一鍋堂質素向來都唔錯，今次帶埋屋企兩老去，佢地都好滿意，每位二百幾蚊仲有咁多選擇，大家都食到好滿足🥳

放工之後飛車去葵芳，要朝拜一下一鍋堂全新概念 旗艦店，葵芳新都會廣場 交通十分方便。任食任飲打邊爐 • 養生靚湯一鍋堂全港最大火鍋放題，湯底好緊要，有得揀養生靚湯，亦都有店舖限定與金寶湯 crossover 的湯底😋佔地13,000呎🥳300 座位 另加打卡位，風格主打簡約舒適、寬敞闊落！120 分鐘放題真係唔夠時間食超過100款火鍋配料、小食&自家製花果茶呀🤯吃飽才有力氣減肥，我都忍唔住要打個卡，人多嘅時候真係要排隊，熟食自助餐Bar 仲有新推出嘅特色食材。超多新款熱食前菜 ，麻辣滷鴨血三寶 、炸珍寶陳皮檸檬魚蛋，夠哂新鮮熱辣辣，好食呢！多達18款火鍋湯底任我哋選擇 ，推介特別聯乘金寶湯炮製獨家湯底，葵芳旗艦店限定 番茄牛尾湯 。而我最後都係選擇左可以飲嘅湯底，養生藥膳湯，傳統嘅潤燥藥材入湯，紅棗杞子能夠補中益氣，明目補血，加上每日新鮮熬製豬骨濃湯，食得健康。還選擇了 B 放題套餐 $238食物種類繁多，有牛、豬、羊；美國安格斯牛肉 、封門柳 、牛脷心托 、美國安格斯精選牛板腱 、西班牙栗飼豬 & 紐西蘭羊卷肉； 牛魔王 一定要嚟試吓！咁吸引，滾起湯底飲啖靚湯先，真係好滋補又鮮味，然

一鍋堂在葵芳開了旗艦店，今晚特意前來朝聖，幸好我早有準備，先去取票，再到葵芳商場逛逛，回來便可以入座。120分鐘晚市火鍋放題，我選了B套餐，用QR code下單點餐。湯底未滾，可以去自助區走一圈，取豬耳，魚皮吃着等，或自行調配醬料，取飲品如冰糖燉檸檬或者洛神花茶等，或自取蔬菜。湯底選了<蘿蔔粟米豬骨湯>用了金寶湯湯底，味道特別濃，而且配料充足，蘿蔔、粟米和豬骨都很新鮮。套餐B有多款肉類選擇，我選了三款試試。<西班牙栗飼豬>西班牙豬肉片的肉質有咬口，因為是栗飼的關係，所以味道濃郁。<美國安格斯牛肉>牛肉的油分非常充足，肉質都幾嫩。<美國安格斯精選牛板腱>牛板腱纖維豐富，灼一灼即可食用。<手作麻辣豬肉餃>咬開豬肉餃就有麻辣汁流出，麻辣味都幾香，給我味蕾有一個刺激感覺。<流心魚蛋>流心魚蛋裏面流出來的是甜甜的蛋黃味，外面彈牙，內裏軟心，味道出色，非常值得推介。<韓式大腸頭>大腸頭用了韓式辣醬來醃製很入味，爽得來又有一點辣。<紫淮山>紫淮山新鮮爽口，而且沒有氧化造成的

本身門口d人已經鬼咁亂，入到去揀餐已經問左次我地7點前走定食兩個鐘，我地已經揀左兩個鐘，坐低佢都有講多次係食兩個鐘。一路食都冇乜野，到差唔多佢攞張單黎咁咪埋囉。 26分夠鐘09分見仲有時間咪食個雪糕，結果食食下個職員無啦啦瞪大隻眼衝埋黎話 「你地夠鐘架啦喎！」態度十分惡劣，搞到好似係我地賴死唔走咁，咁我地咪同佢講我地係食兩個鐘架，張單都係寫26分架喎，然後個女人乜都冇講就行開左去問跟進嘅男仔，然後個男仔就行埋黎，最好笑係個男仔都未知咩事就比人點左過黎， 佢：「係啊！你地係話左食兩個鐘，咁你地想點？」我地即刻呆左，咩我地想點？好似係你地想點喎？後尾個女人射左個波比個男仔就走左，唔好意思又冇，follow up又冇，咁見冇事咪繼續食。點知唔夠5分鐘，另一個男仔又走黎「先生！你地真係夠鐘架啦喎！」又係勁冇禮貌！好似趕過我地都唔肯走咁…咁我地又好有耐性地講多次我地係食兩個鐘，然後條友仲要死唔信咁，又嗌返頭先個男仔過黎，然後中間我地又再無限講解我地係食兩個鐘。結果佢地內部傾完一輪，條友就走過黎話收左我地7點前走個價錢，「咁你地要比返原價」佢d死人態度仲要係你比得錢應該知，覺得你呃錢呃時間咁。好心

我地一行四人，約7：08入坐7：15分落第一次單，好快來左4盆肥牛其它食物冇來，熱食係自己行出去拎，但到7：31第二次落單時(斜對面張枱未入坐)，前面個轉食物冇來，第二次落多小小，但到7：45分見斜對面張枱來左一棟食物，第二次食物冇影，我地已為漏單咪叫第三次單，到7：50分張張枱都不斷有食物送到，我地見吾對路問吓，叫左個男職員問.....佢講：我地好多枱要做，送吾切來，你31分叫左冇咁快。（但個時同佢講完已經7：55分）我講返上面嗰堆說話（👆我吾重覆講👆），吾幫我問吓係咪漏單之餘，仲覺得我地有問題（吾通送左去結界到咩🤔），跟住有個送食物職員好大聲講，係呀頭先張單個D拎哂去隔離張枱到，（咪係囉吾係我地有問題啦！）但係隔離張枱食放提價錢有機會同我地同，因為用手機落單價錢吾同就冇得叫其它食物，隔離枱如果叫最平價錢放提，我地叫中價錢放提，佢冇得叫個D食物，張我張枱D食物送去隔離枱到🤔大家都明啦😂😂😂坐左就來一個鐘來得4盆肥牛，如果吾問你地，我咪一等再等😂....跟住個職員入廚房拎左一大棟，肥牛片，豬肉片，羊肉片，烏冬等，但係有冇想過我淨返一小時食呢？冇道歉之餘，又冇加返少少時間比我地，原本應該

某日見到新都會一鍋堂門口擠滿人，抱住食好嘢心情約咗好友，仲好有誠意早上11点去等位，我就係第一個排隊嘅顧客，大約半小時就有大約30人喺我後面，等候期間無無聊下載一鍋堂嘅apps，睇吓有咩內容，一成為會員原來就有分而且可以換冰糖檸檬，個心諗又幾有綽頭喎11点半開門我第一個攞位，攞位要即刻決定食60分鐘定100分鐘，決定湯底，決定ABC餐，大佬呀，後面幾十人等緊，好大壓力呀拿拿聲揀咗入去，坐底係用QRCode叫食物，係方便同快，而且外面亦有自助蔬菜，小食，多款飲料，食物質素中規中矩，招呼極需改善，唯一值得一讚就係每位加20蚊可以任叫海鲜，有虾，鱔，脆肉鯇，不過令我唔滿意就係所謂會員積分换冰糖檸檬，我入座時候問佢係咪可以换埋，佢話已經换哂，我係當日第一個客換晒？？？？唔知係咪我誤會咗D咩因為入去決定湯底時間揀餐，，，，緊張到食物相都無映，記得映嘅時侯已經食咗成個鐘，食咗呢餐我出門口就delate佢個apps，我諗我唔會再有興趣嚟食哪!

朋友就黎離開香港最後一餐緊係食地道野一向喜歡藥膳養生鍋去唔到台灣緊係搵間舒適又好味既餐廳知道葵芳開左間超大一鍋堂即刻行完葵廣就開餐~~~~星期六 人山人海入到餐廳 即刻有個大型打咭位食午餐 有60分鐘或100分鐘選擇我地點左100分鐘 慢慢嘆湯底好多款選擇 都係揀超愛既藥膳湯底環境真係好大 好舒服 又夠冷氣出面太熱 去到即刻囉左2樣飲品一枝冰糖燉檸檬 即滋潤解暑又唔太甜另外樣蝶豆花茶顏色好靚 仲好好飲有點香茅既味道咁店員好快就送上湯底仲放低一壺湯底俾我地之後加湯個湯底好足料 聞落都有淡淡藥材味而餐廳落單 全部經QR code真心方便我地點左牛脷托心 封門柳 牛小排個人首選牛脷托心 夠咬口 又新鮮其次牛小排 好有牛味 薄薄一塊唔駛點醬都夠味之後點了較少有既紅心蘿蔔好甜又無渣蝦滑同墨魚滑都好彈牙而少有既八爪魚好爽口 我仲點多左2隻而牛柏葉都好新鮮爽口仲有好長既鮮蟹棒餐廳仲有自助蔬菜 飲品區另外有多款熱食最多人排就係麻辣鴨血三寶愛辣之人 唔好錯過吃飽飽 食埋杯冰凍牛奶味軟雪糕十分滿足

由於疫情關係，已經好耐冇出街食過飯。特別係打邊爐。而家夏天咁熱真係唔係好想食熱野，但係又真係太耐冇食過火鍋。咁啱經過葵芳嘅時候，見到我最鍾意嘅一鍋堂新開咗分店，裝修光鮮，而且仲好乾淨，即刻衝入去試吓！有好多冷盤可以選擇。當然唔少得好多丸類我其中一樣最鍾意嘅都係新鮮嘅蔬菜擺晒出嚟等你慢慢拎慢慢揀！好特別嘅醬料大家都可以試一下我哋就揀咗藥膳煲，當然唔少得就係牛肉豬肉同埋雞肉，牛肉豬肉仍然保持有一貫水準，而今次我好鍾意嘅就係唔計因為十分之滑！

抱著旗艦店的卓頭，兩公婆趁住閒日下午茶時間，諗住人少少舒服d嘛！點知2點到場，等左半個鐘先入到場，係咪咁好生意呀！入到去，眼見咪坐得一半，吾知關吾關疫情限聚令事。叫了個138的牛板腱100分鐘放題。侍應冇關照聲，兩老人家以為自動自覺會先奉上牛肉，點知等左15分鐘，吃了一輪熟食，都未見牛肉影，問侍應才知用QR code點餐？車，我地入座時連張飛仔都吾見埋啦！狂谷牛肉上枱，最後兩個老野食左12碟（36塊）牛板腱，品質算OK啦！當想點其他配料時，發覺已經冇得入單，原來100分鐘放題，最後落單係40分鐘前？又冇溫馨提示，鬼知咩！不過算啦！入泥都主打食牛啫。咁大間旗艦店，竟然冇廁所？真係奇聞！食到15：45，正門拉閘，叫我行後樓梯走火通道去樓下上廁所，有冇搞錯？！我問去完點上返泥，冇人答我？即係叫d客幫襯完先好去廁所。侍應的招呼都係呢間店的失敗地方，太多靚仔靚妹，個個都有眼看不見，掛住玩，零招呼，冇人收碟...咁嘅服務態度，好難留得住我地呢類老人家客路。全場好食嘅包括牛肉，咸蛋魚皮，麻辣豬耳，手打墨魚丸。醬料多，湯底選擇都多。會否再幫襯？連廁所都冇，老人家吾啱光顧囉！點做旗艦店。