一鍋堂 (新都會廣場)

营业中

休息中

17/6食Lunch食到一肚氣！去到見到好多人迫曬係接待處，我地一早預約左諗住好快入到去，點知係惡夢開始：1️⃣入去前要揀定湯底，都唔知湯底多係好事定壞事，個個都迫曬係到揀，都算！2️⃣突然話無曬60分鐘定量放題，得100分鐘😤（後尾我知點解）3️⃣終於入座，我地都知新開張會混亂少少🤏，但等湯底等左*20*分鐘，其間都問左職員兩次，佢地都有善回覆幫我地跟！4️⃣食物質數：同樓下但馬屋比，同一價錢我會去返樓下食！份量每次得好少，手機落單最多都係得3份（但我地有成8個人）出面自助好多時無曬又唔補（可能人手唔夠）5️⃣食左60分鐘想再落單，點知個系統話已經無得再落！😠last order都無提過整體而言：-地方大，座位多，人手不足-建議如果大家得1個鐘食飯時間，Lunch千祈唔好去！-性價比低，只有飲品同蔬菜比較多，肉類質素一般，湯底無特別！如果真係再打邊爐，我地會選擇食返但馬屋！尋日同隔離枱一齊出門口既人都咁講😖

佔地13000呎的火鍋艦店終於開幕了！ 知道"一鍋堂"於葵芳設旗艦店，第一時間訂了位，踩踩新場感受一下新店的規模與氣勢！淨看入口處的食物擺放巳可見一班！ 除了內部 寬敞舒適，以原木色系裝潢加上富東灜味漫晝作點綴感覺新穎自然，玻璃屏風間隔令食客各自擁有空間。 與分店一樣用二維碼落單快而準 ！除了午市火鍋100分鍾火鍋放題外還設有~獨家火鍋湯底;與"金寶湯"特別聯乖炮製的~忌亷周打蜆湯和蕃茄牛尾湯底。 還照顧到素食者設有素食丸類的選擇。 更有養生手作鍋麵，自家製胡椒麵，麻辣鴨血，真係花膠……等等。晚市~我們選了B餐，特選安格斯牛……120分鍾任飲任食 19:00~21:00 成人 $ 238 21:30~23:00 成人 $ 208長者，小童都有優惠新張期還全單88折，18款湯底中我們選了其中一款養心靚湯……沙參肉竹湯清潤甜美先飲兩大碗！再點上火鍋料……B餐包含;安格斯牛肉,封門柳,牛脷心托， 安格斯精選牛板腱， 西班牙粟飼豬，紐西蘭羊卷肉……等等。所有都配料非常新鮮優質，令人心情興奮！食指大動！長長的走廊排列有序的火鍋配料，自家製花果茶，冷熱飲品，冷熱熟食前菜

一鍋堂在葵芳新都會開了分店十分就腳，之前都在荃灣分店食過此火鍋放題很有質素。現在葵芳的分店都很旺場呢! 須要等一會兒才可以入座。在門外等候的時候，店員說現在只須下載Apps做會員便可以得到燉檸檬冰糖一樽，食完火鍋熱氣都不怕了。 我們二人選了B餐任食100分鐘放題， 湯底有十多款式可供選擇。 我們選了藥膳湯底補一補身～ 其他食物可以用QR code下單， 蔬菜、沙律、熟食、配料、雪糕及飲品可以在自助區自取。 食物種類繁多，令人眼花繚亂 每一種食物都很想食呢～ 我們點了牛板腱、封門柳、 西班牙栗詞豬肉、 羊片、手打三寶丸、 蟹子手打蝦滑、 自家製雲吞 韮菜餃 、咸蛋炸魚皮……等。 配菜方面也有很多特別的選擇，例如： 紫淮山、 長腳蟹柳 、冰菜、羽衣甘藍食材十分高質。 肉類材料十分新鮮，各類的手打的作品很彈牙。 而家製的雲吞內裏竟然有三隻大蝦，足料又好味； 打邊爐其實最緊要的是湯底，食完都不會口渴，湯底沒有味精。 最欣賞的是他們自家製的健康營養飲品， 大大樽洛神花茶、薄荷烏龍茶、 蝶豆花茶都有，十分特別。甜甜的健康又清新～讚～

今日專程去葵芳新店食火鍋，等了位浪費了時間才告知，一碟肉的定量餐，每天都有限量供應，那時只是1點半，已經停售定量餐，只可以食任食肉的放題，未食已經離開，感謝貴店的伏位。貴店真高檔，定量不是設星期一至五，而是設限量供應，真係本人少見多怪，高級餐廳的又一新玩法。

不嬲都有喺荃灣大鴻輝食開一鍋堂，住得近葵涌知道新開咗系新都會廣場就即刻同屋企人過嚟試吓！屋企比較多人，我哋最後其實有10位，成個等位嘅時間大概兩個鐘左右，因為呢間分店仲未有網上取號排隊，所以我哋真係企足咁耐😩最嬲嘅係，店員叫咗我哋個號碼之後叫我再等一陣，期間不停叫A、B票既人入去，B即3-4人枱。其實疫情期間我哋係咪要分枱，我就問店員係咪要等A、B入晒我哋先可以入？佢當然話唔係，話我哋太多人所以一次過有三張枱比較難！其實我哋係咪都唔可以一齊坐…究竟問題出係邊度？而且都冇問過我哋係咪一定要坐喺附近，其實真係想盡快坐底食野！搞咗一大輪終於可以坐低，然後我就同平時一樣用佢比我嘅QR code Online點餐，等咗好耐好耐都未有嘢食，我就走去問人，原來佢哋部機壞咗要用點餐紙點餐即係我一直喺度白等！好彩佢出面有一d熟食同埋火鍋配料可以拎…好感動最後有野食！極唔推薦呢一間分店！佢哋旗艦店環境好大，仲係新開根本好多嘢未準備好，連去洗手間都要去下一層（問店員）😩寧願遠啲去返荃灣好過…

新開分店，揀左晚上來食120分鐘火鍋放題，有3種價錢的套餐，我地揀左B餐，有安格斯牛小排、牛板腱，仲有封門柳、牛脷心托……都好豐富抵食。我地6點半取票等到7點半先可以入座，建議都係用佢地自家App 預約或取票，方便又唔使企咁耐等。限定金寶湯系列湯底，呢款蕃茄牛尾湯都幾香濃，牛肉粒仲好好味，而且個湯唔膩，都好夾牛肉火鍋。安格斯牛小排，牛味濃郁，入口嫩滑，帶點咬口，油脂豐富又分佈平衡，好味。牛脷心托非常爽口，薄片易熟且口感獨特，食多幾轉都唔厭。封門柳特別滑溜，肉味清甜嫩腍。紐西蘭羊肉唔羶且肉質鬆軟。花膠超厚身，吸哂湯汁味，但有點膩。沙白好大隻，爽口鮮味。蜆肉鮮甜無沙，帶子就普通d， 但海蝦超爽口彈牙，鮮味十足，超級讚。菇類同蔬菜款都算多，而且乾淨又賣相好，好吸引。手打牛丸超彈牙，牛肉味也重。雲吞皮薄餡靚，每粒有2隻蝦，滿足自助夾的丸有好多款，流心或有餡的丸都好味。咸蛋魚皮酥脆咸香，必食之一。雪糕得一款味，雲尼拿味幾重，奶味香濃，都軟滑厚身。蔬菜櫃超壯觀，全部乾淨整齊排好哂，有5至6款菜。 飲品櫃亦超大，影唔哂，同樣有多款紙包飲品，特別有4款樽裝茶飲。蝶豆花茶、洛神花茶、蜜糖檸檬茶、薄荷烏

試過多次荃灣同旺角分店的一鍋堂，見葵芳新店剛開業，急不及待去試。app book唔到，只好趕在5點前walk in 等位。幸好同其他分店一樣，留有適量位給walk in 客，順利入座。葵芳旗艦店環境非常闊落，座位舒適，食物質素保持一貫水準， 讃。惟獨是上菜速度比之前慢了。第一輪菜等了超過20分鐘，可能是新張期，運作未純熟。希望日後有所改善。7時離開有折扣。走時見門口如其他分店一樣，人頭湧湧。下次仍會encore.