一葉台灣料理

营业中

休息中

今日同男朋友一齊去探險，出到嚟鰂魚涌完全係人生路不熟，但係聽人講呢頭都好多嘢食。嚟到呢間台灣野，淨係個餐牌都見到佢哋花咗心思，而店入邊嘅職員全部都講普通話，似乎係台灣人開嘅，而眼見嚟親嘅客人都係上咗年紀，睇嚟呢度嘅台灣菜應該幾正宗。我哋唔知食咩好所以問咗職員有啲咩好介紹，佢介紹咗呢個三杯炒羊肉，話天氣凍可以暖身喎。佢啲羊肉都好林，而且三杯調味一啲都唔騷，啲洋蔥仲好甜添。另一個就嗌左冰梅排骨，呢一個都係職員介紹嘅，佢話酸酸甜甜好開胃，炸咗嘅排骨再用每一齊煮，啲排骨好入味，甜甜地，唔錯。仲有我哋嗌左一個櫻花蝦炒高麗菜，清清地又夠晒入味，啲菜又清甜，同啱啱兩個肉類嘅濃味造成強烈嘅對比。然後我哋兩個嗌左一個肉操飯share，佢個肉操飯真係好好食，啲肉操入邊仲有少少腩肉，好林，啲汁同個飯又好夾。最後甜品嗌左佢個九份綜合小丸子，佢啲芋圓同埋番薯圓係真係食到芋頭肉同蕃薯肉，而且唔會好甜， 煙煙韌韌，個糖水仲要係黑糖紅棗同埋蜜糖龍眼肉煮成，陣味好香。飲品方便就試咗個蜜桃乳酪梳打，但係杯野叫做初戀，睇嚟男朋友係想試返初戀嘅感覺。而我自己就帶咗杯黑糖薑母茶，佢嘅薑味真係超級濃，但係咁嘅天氣飲落真係好暖胃，

服務度非常差，本身晚餐試過一次，都還好，因為太飽無試到芋圓，之後翻兜專程去試坐低後話只食芋圓，即刻黑面，掉個門口位我坐，好大風，門口又大塵，其中一個侍應問仲要唔要menu, 另一個做埋收銀嘅侍應即刻話唔洗，下，我叫杯野飲都唔得當時仲3 4 枱空位，講真味道屬正常，唔特別好食，唔知係咪見我一碗野，等左超過20分鐘都未黎，個位又凍，長年開住度門，門口又食塵，啲野又細份，28蚊一個酒樓白飯碗，揸車黎會會被抄牌，真係唔會再黎，建議大家食前諗一諗

距離鰂魚涌a出口唔遠嘅芬尼街，就可以搵到一葉嘅蹤影，一頁係一間主打台灣菜嘅小店，內裏座位數目唔多，大概20個座位一碗羊肉湯米粉，湯底有着濃郁的羊肉味，味道清清地，一啲都唔似有味精，分量仲要係超大碗，入面有唔少蔬菜、羊肉、菇米粉就係台灣好出名嘅幼身米粉啦食台灣野梗係唔少得叫碟花枝丸啊發資源上加咗少少孜然粉花枝丸炸得酥脆彈牙，入邊仲好真材實料㗎最後當然唔少得叫番杯豆漿清清個口啦，一餐咁美味嘅台灣菜$150都唔使，真係好抵呀

今晚係鰂魚涌等朋友放工後一齊食飯，發現呢間原來係好耐好耐之前已經光臨過一次🍜當時個印象唔錯，食物幾好食，今次舊地重遊，滿是回憶。我同朋友兩個人點左一個飯，一個麵，一個肉，一個菜和一杯飲品，很豐富。以個糖醋雞球$118最好味，因為有六塊，去骨有少少皮，炸得很脆香口，配菜有菠蘿和青椒，很惹味。炒合菜$78也是很驚喜的，因為合菜材料之多和味道口感相得益彰，健康又味美。魯肉飯$28是穩陣之選，不太咸不太肥，份量也不少。蔥油拌麵也不過不失，是預期之作，食到蔥香和油香。最後以黑糖珍珠奶茶作結，茶膽香濃，黑糖甘香，惟珍珠屬普通之作。

鰂魚涌有唔少小店，唔同國家既菜式都有，今日黎食一間台灣小店。鋪頭地點就腳，距離地鐵站大約5分鐘。坐底就開始睇下個Menu。發現選擇都幾多，比其他係香港既台灣餐廳多好多。我地今日叫左幾樣野，黑椒炒松板肉，三杯蛋豆腐，招牌乾燒牛肉麵，同埋一杯芋香奶茶。黑椒炒松板肉- 黑椒味好香，炒得好惹味，松板肉又新鮮，呢個絕對係一個好岩送飯/佐酒既一個小菜。三杯蛋豆腐- 呢個餸絕對喜出望外，整得好香，味道岩岩好，豆腐好好味😋，強烈推薦！招牌乾燒牛肉拌麵- 呢個係好多台灣餐廳都會有台灣名菜。 牛肉1d 都唔Un之餘，亦都好入味，比好多台灣餐廳都做得出色。 麵既質地有口感。最後仲有杯芋香奶茶，芋香味濃，亦唔會太甜。

今次去咗鰂魚涌食台灣菜，估唔到都唔錯喎，值得同大家分享一下。餐牌睇見啲菜式都是豐富，包括有前菜、小食、主食、麵食等等。首先叫咗一份前菜：青瓜配小木耳$58沙律汁味道酸酸的，非常之開胃，小木耳爽口夠晒水份，青瓜都好爽，唔錯唔錯。朋友話想試吓呢度嘅鹽酥雞，所以叫咗一份小食：台式鹽酥雞$65呢個價錢估唔到個份量都唔細喎，鹽酥雞炸得香脆，外皮酥軟，調味都唔錯。食落都算係有雞肉味架！呢度都有啲特色嘅小菜，我哋叫咗一份糖醋蝦球$155，糖醋汁酸酸甜甜的，非常開胃，口感彈牙，大大粒，非常吸引。最後仲叫咗一碗台式嘅肉燥飯$28，肉操飯偏向甜，不過食完都OK飽，唔算細碗，唔錯唔錯。menu

今晚朋友帶我去鰂魚涌吃台灣料理，由於時間尚早，人流不多，但時間一踏入七時，餐廳內已經高朋滿座，而且還經常有外賣速遞訂單，可見餐廳非常受街坊歡迎！金沙四季豆這個四季豆可說是頗有驚喜的！金沙汁充滿鹹香味，質地幼滑而不膩，搭配蔬菜後便輕鬆地提升了四季豆本身的味道。糖醋黃魚甜甜酸酸的糖醋黃魚非常令人醒胃！黃魚煎得十分酥脆，魚肉質地鮮嫩，令我和朋友都一口接一口，大家都讚口不絕！肉燥飯雖然是一人前的份量，但肉燥飯一上枱也令人聞到香噴噴的肉燥味，滷肉的味道香醇濃郁，喜歡吃滷肉飯的人千萬不要錯過。總的來說，我和朋友都非常滿意這餐飯，下次再來的時候一定會吃多次糖醋黃魚！

今晚約咗死黨放工嚮新公司樓下附近食飯 .呢間叫 "一葉台灣料理" 小店式經營 但客人如雲 就算平日都好多客人光顧 原因一定係做得好有水準 先至有長期客人既保證呢。因為上菜都幾快 我地等咗一陣職員巳安排卡位俾我地坐 環境感覺舒境乾淨.  我地坐低職員先給我們清茶 為我地介紹餸菜  我地最後點咗幾個小菜: 魚香茄子 沙茶牛肉 紫菜蚵仔湯 白飯 同甜品。先講個魚香茄子 $78 呢碟茄子一上枱熱辣辣. 即時一陣撲鼻香迎面而來 .食落口.茄子既鮮嫩 配上魚碎蝦米乾加上辣椒香蔥一齊炒.每根茄子都夾雜著配料.每次入口啖啖惹味 炒得又好味又夠火候 。另外一道小菜 沙茶牛肉 . $103好大碟.牛肉好新鮮好嫩滑 .加上洋蔥.芹菜.再配上惹味既沙茶醬一齊炒 .洋蔥加埋芹菜既清爽口感同鮮嫩既牛肉 .呢碟餸菜色香味俱佳.成道菜既靈魂即時出晒黎.勁好食. 用嚟送飯一流。另一道紫菜蚵仔湯.  $78紫菜清甜 足料既蚵仔蠔大大粒毫不吝嗇 配上豆腐清湯底.雖然簡單的一道湯. 也清新鮮甜無比。最後我地點了個甜品 .台式黑糖糕 $22糕點鬆軟黑糖甜味剛好。咁好既食物質素同味道.怪不知客人不絕外賣不停啦。下次都帶屋企人黎食

來到台菜食肆，先來一杯珍珠奶茶，還要加黑糖的，這樣才是潮嘛。這裡的甜度還可調校，感覺更佳，而味道當然也不錯。台式的擔擔麵賣相與上海的差不多，但卻不會太辣，花生味濃，重口味的也很吸引。配上軟軟的白麵，麵香與花生香相襯，美味。再加鹽酥豬扒，少少咸香，香脆的外層包著美味的鮮肉，肉汁直流。與擔擔麵一起吃是很好的配搭。最後來一個蚵仔煎蛋，很特別的是這裡的煎蛋較乾身。這樣更能吃到蚵仔的味道。加了薄荷葉來炒，令味道更多了一層。

呢個世代好少餐廳唔收加一，但今晚依然俾我揾到一間，於是入左去食晚飯。老闆娘(我估係)好熱情，見到我地有選擇困難症，就主動過黎問我地既口味，再推介佢地既菜式。結果我地叫左三樣野加野飲同甜品，食到飽飽。台式鹽酥雞，炸粉唔係厚個種，鹽酥味幾好，唔會好死鹹。秋葵松板肉，勁多秋葵，秋葵煮得唔錯，好易入口，松肉豬份量都唔會吝惜。櫻花蝦炒飯，米飯炒到粒粒分明，加左櫻花蝦令炒飯更香口。兩杯野飲係珍珠奶茶同百香果乳酪梳打，老闆娘主動問甜度，好貼心，我地揀左少甜。最後叫左個甜品：焦糖手工布丁。呢個比較普通，焦糖有少少苦味。

今日黎到鰂魚涌搵朋友，剛好到食飯時間，佢帶咗我黎到芳尼街一個較隱蔽的位置食台灣嘢，叫做一葉臺灣料理，中午12點幾門外都要開始排隊等位。店舖細細，午飯時間真係坐滿晒人，好彩我地兩個人，所以等左一陣就可以入座午市餐牌，台式便當共有8款，我隨個人喜好選擇飯 / 麵 / 米粉。另有3款乾麵可以選擇，價錢於鰂魚涌地區亦算實惠。如想食得豐富少少，便當追加雞扒 / 排骨 / 肉燥 (一份)都只需$121. 紅燒牛肉麵 ($68)，湯底濃郁，牛肉份量亦多，美味！2. 香酥雞扒米粉($65)，米粉係新竹米粉，夠幼食，仲有肉燥，而雞扒炸得香脆，已切細上檯夠細心而午餐仲送埋一杯豆漿。最後，記得保留收據，留返下次人多消費滿$200可當$5用

曾經同呢友老朋友約定要一個月至少要聚頭一次，我地係畢業之後都一直信守承諾，直至佢要去外國繼續進修！！！最近佢終於回流返港，我地亦終於約左喺呢晚食飯聚舊~~佢揀左去佢屋企附近既呢間食台菜既小店，佢話以前間唔中都會同屋企人黎食飯：）我地一入到去，店員主動招呼我地，仲為我地介紹佢地店内既一d招牌菜同新菜式！！聽完店員既推介之後，我地嗌左一份“和風涼拌珊瑚草”HKd$62、“三杯羊肉”HKd$115同“紅燒牛肉麵”HKd$70一齊shareeee~~首先黎到既係涼拌珊瑚草；）珊瑚草食落爽口，調味偏酸，實為一道開胃前菜！！之後就到羊肉上場三杯雞食過唔少次，三杯羊真係第一次~薄切既羊肉片經過爆炒後，惹味非常，甚有鑊氣！！！而呢碗牛肉麵都唔錯湯底帶有微微既藥材味，麵條不粗不幼，唔會因為煮得過熟而淋之之當中既牛肉有三大舊，非常入味！最後我地仲要左一份“台式黑糖糕”HKd$22做飯後甜品，一份兩件，每人一件岩岩好;]差d漏左唔記得講，個晚我仲飲左去親台灣都會食既“蘋果西打”添xpp

放工過去鰂魚涌搵食，想食地道的台灣菜，之前曾經去過一葉食午飯，覺得唔錯，今次晚餐再來品嚐。小店環境舒適，大眾化路線，以地道台灣食物質素取勝。餐牌上的菜色都是傳統台菜，如三杯雞，鹽酥雞，蚵仔煎等。我點了一款湯羹，兩款小菜：台式鮮魚羹 $88份量好大，2個人也差點吃不下呢！鮮魚是鯛魚肉，魚肉捏成一團團狀，沒魚骨，啖啖魚肉好鮮甜，完全沒腥味。材料仲有鮮蝦肉，令味道更鮮香，羹狀的湯這裡稠度好適中，沒有好漿口的感覺，加入蛋花，羹味道入口香潤好吃。冰梅排骨 $115冰梅酸酸甜甜，梅有種獨特味道咸咸酸酸不會過酸搶去味道。排骨肉質酥軟，中排部分肉易咬開，肉配襯酸甜汁感覺減去肉膩感，增加肉香，整體十分之夾! 金沙炒苦瓜 $78苦瓜有益，台灣苦瓜，加咸蛋黃炒到金黃色，干身不會太油，味道甘香入饌，台灣盛產的苦瓜甘而不苦，帶點獨有甜味，用咸蛋黃炒苦瓜，增加口感，微咸中帶甘甜，好易入口，既地道又健康的一道菜色. 估唔到會有台式甜品，我點左台式黑糖糕，用台灣入口的黑糖製作，好香濃黑糖味，而且無咁甜膩，糕底鬆軟，第一次食又覺得唔錯幾特別！食出一頓充滿台灣小菜特色用心製作原味道，完美滿足嚐台菜的要求！ 下次會再來支持

放工同同事喺公司附近食, 佢介紹太古坊附近嘅呢間台式食店, 味道唔錯而且價錢合理👍🏻🥢台式蔥油拌麵配雞扒雞扒炸得非常酥脆, 咬落依然保留肉汁唔會覺得乾, 肉質嫩滑有彈性, 配上彈牙香濃嘅蔥油拌麵, 非常唔錯! 😃🥢蔥爆羊肉羊肉一啲都唔騷, 加上青蔥同炒, 惹味而又不失羊肉香👍🏻青蔥亦沾上羊肉香, 份外香甜😋🥢紫菜蚵仔湯湯底清淡但食得出紫菜嘅鹹香同蠔仔嘅鮮甜, 非常清新解渴, 蠔仔粒粒飽滿, 質感嫩滑😍重點係份量非常多, 兩個人都差啲飲唔晒🙈🥢和風秋葵涼拌秋葵加入日式芝麻醬, 非常清新醒胃, 令人食慾大增❤️

無論幾點食晏都會係好多人今日就同同事試左呢間本來係個門口睇下有咩野好多之後企係門口既姐姐，好熱情介紹有咩好食，又見唔洗點等位就揀左呢間啦.由於餐廳想更易控制人流同上菜時間當你等緊位既時時，係會幫你落埋單既.等你可以盡快有野食，其實我幾欣賞佢呢個做法😂終於有位啦，入去坐左3-4分鐘到就已經有野食了幾欣賞佢啲野食黎既時候，都仲可以係熱既今次，叫左個台式香腸花枝丸米線配豆漿個花枝丸整得幾好食，食落唔會覺得好熱氣再配搭埋旁邊既泰式辣醬，增加左個味道層次添呀而且，米粉個口應都好好味，唔會太軟身或過硬整體黎講，係抵食又好味既午餐，係一個唔錯既選擇唯一小小唔好既地方係，一見你食完就會好請你走想坐耐小小，傾陣計都有啲難道😅