一葉台灣料理

营业中

休息中

成日聽朋友講芬尼街多好野食🤤同男友諗唔到今晚去邊食飯好, 所以即管去芬尼街覓下食🏃🏻‍♀️-見到好隱世feel嘅「一葉台灣料理」🌿 睇餐牌價錢亦好合理👌🏻-🐔台式鹽酥雞同🍚肉燥飯真係台灣料理中嘅必食item🙌🏻▫️鹽酥雞好惹味, 十分香口唔會乾爭爭😗▫️肉燥飯$28一碗真係幾抵, 食落好有地道風味👍🏻-平時食台灣料理, 自己比較少試小菜, 今次就試左💁🏻‍♀️▫️魚香茄子足料, 熱辣辣大大舊茄子, 配微辣香濃嘅醬汁, 撈白飯一流🍚🍚🍚▫️蚵仔煎蛋就足足成隻碟咁大, 蚵仔滑捋捋, 蛋味濃食落唔會成口粉漿👍🏻-🥤佢嘅胚芽珍珠奶茶茶底濃度適中, 珍珠勁煙韌❤️食埋個九份綜合小丸子, 糖水底熱辣辣小丸子都能粒粒分明, 彈牙之餘仲食到有芋頭粒粒, 滿足晒☺️

好耐冇食過台灣菜，今日終於可以一嘗久違嘅味道！第一次嚟呢間餐廳所以就問咗老闆娘有乜嘢推介。今次就點左兩個夏日推介嘅美食，同埋兩樣台灣菜一定有嘅嘢食，最後當然唔少得要叫番杯珍珠奶茶啦！和風涼拌珊瑚草個名聽落好日式，我覺得珊瑚草口感有啲似海蜇，但係就比較爽口！識落除咗有豉油同芝麻油嘅鹹香之外，仲陣陣薑味，用嚟解辣簡直一流！口水牛肉伴麵台灣嘅拌麵出晒名好好食，呢個都唔例外！麵條嘅粗幼適中，好掛汁。而芝麻醬都好濃郁。口水牛肉唔太辣，有少少麻味。唔係太食得辣嘅人都可以試吓，幾惹味。蚵仔酥顧名思義就係炸蚵仔，粉薄蚵仔大粒，份量又多，超抵食！水煮羊肉呢味就比較辣，比較似台式麻辣火鍋嗰種辣，羊肉份量都多，入面仲有好多配菜例如芹菜芽菜雜菇等，好豐富。珍珠奶茶珍珠份量頗多，奶茶好滑，易入口，冇紅茶嘅澀味。

今晚一共食左4樣野食，整體都好好食😋。首先講下兩個小食，一個係蚵仔酥，呢個炸得好脆，蠔仔唔會腥，本身鹽酥都好好食，店員推介加佢地既辣椒油，加左之後味道好配合，唔會太辣。👍另外台式香腸好似好普通，但佢地會有埋生蒜，可以同腸一齊食，令香腸食落無咁油又有蒜香味，中和左油膩感同油炸嘅油味。另外點左個櫻花蝦炒高麗菜，平時食高麗菜都覺呢種菜好硬，但今晚呢個好爽脆，唔會硬，加左櫻花蝦調味，清清地但有櫻花蝦既味道，由於其他菜式都係重味同油炸，所以個菜就更加顯得清新。最有驚喜係個左宗棠雞球，炸粉唔會厚，食落啖啖肉，外脆內軟，肉唔會老而且無雪味或者騷味，配上既汁係甜中帶小小辣，好開胃。所以整體而言係好好食，可以再試，值得推介。

呢間餐廳定期都會推出兩個新嘅限定套餐，希望可以帶啲新鮮感俾客人~ 之前嚟嘅時候都係揀咗佢嘅限定套餐...今次都係😝我揀咗嘅係台式香腸花枝丸米粉🙋🏻‍♀️一嚟到餐廳，又係企滿哂人...好嘅地方係可以預早嗌定先，一入去就有得食👍🏼米粉煮得啱啱好，個湯帶有少少藥材味嘅感覺👀餸方面就有兩片台式香腸同6舊花枝丸😂台式香腸味道唔錯😋呢到嘅花枝丸唔係一粒粒的，幾特別~好彈牙，入面仲會食到一粒粒嘅墨魚粒🦑個醬方面係麥當勞脆香雞翼嘅泰式辣醬~又幾夾喎🤭呢個餐仲配咗一杯豆漿，要其他嘢飲就要加錢啦~唔知係唔係太多人等嘅關係...我哋一食完店員就趕我哋走....但係其實我哋都係坐咗20-25分鐘....令我對呢間餐廳即刻大打折扣....希望餐廳可以改善一下啦😐

一分錢一分貨呢個道理由細細個已經聽長輩掛係嘴邊，尤其是去出街食野經常都會應用到呢句說話既真締。其實食物品質同價錢既掛釣往往都有反映係日常生活當中，而今次我就黎到太古坊附近一間平民台式餐廳「一葉台灣料理」，以私房菜既價格黎講，佢地絕對係做到價廉物美呢個要求。而閒談間就發現原來老闆係由高雄將台式家鄉小菜帶到黎香港，唔洗飛去台灣都食到正宗既地道台灣菜！👇📌水煮牛肉 - $118👉我相信好多香港人鍾意食辣既原因都係貪佢夠過癮，夠刺激，而水煮呢樣野就絕對係我食辣既首選菜式。佢地既份量係相當足料，撈起既牛肉多到數唔哂，肉質厚身軟腍而且入口亦都好嫩滑。裡面仲浸滿哂海量既芽菜、芹菜、花生，芽菜索哂辣汁既精華，每啖都辣得好過癮。📌麻婆豆腐 - $78👉極度推介既一道菜，就咁睇色澤都知道調味一定唔錯，夾落豆腐到無明顯既溶溶爛爛質感，相當結實。入口有好濃郁既豆香味，再配搭辣汁刺激，果種香味即刻出哂黎。再加返少少肉碎增加口感，用黎送白飯係無得輸呀！ 📌蚵仔煎蛋 - $72👉用既係新鮮既台灣蛋，質感比較厚身，食落同平時蚵仔蛋有少少唔同，幾特別，我幾鍾意。埋單每人都係$150左右，可以話係非常抵食。

朋友話佢公司附近有間台灣嘢好好味，咁我就搵咗日去接佢放工，順便去試吓啦！間舖又真係唔係附近做嘢唔多會知嘅，咁我哋叫咗一個麵兩個餸同兩杯飲品！麵就叫咗香酥雞排麵，雞排夠大塊，亦都炸得皮酥肉嫩，而個麵個麵質都好彈牙！兩個餸分別叫咗冰梅排骨同金沙豆腐，個排骨超驚喜，個冰梅醬味道酸甜道剛剛好，勁開胃，而個金沙豆腐亦都十分邪惡，豆腐外面包住滿滿嘅咸蛋黃，食落超香！兩杯飲品就叫咗蜂蜜檸檬同初戀蜜桃，咁我飲嘅係蜜桃果杯，雖然個名有d令人害羞，但味道唔錯！

平日好日都唔過嚟鰂魚涌，朋友介紹呢一間餐廳好有份量，同埋好好食點左幾個餸，真係好誇張，我諗依家香港都冇乜餐廳可以整咁大個餸，味道都幾香，仲有家常味，超級抵食我哋三個人嗌咗三個餸，結果都係要外賣拎走

如果唔係有人推薦，都唔知原來鰂魚涌巷仔會有一間唔錯的台灣野。靠住google map，先成功搵到一葉。沙茶羊肉 ($113)沙茶其實就係台灣的沙嗲，炒法有啲似蔥爆羊肉，用左沙茶醬去炒，食落都有穫氣。特別鍾意佢將炒出洋蔥的香味，岩岩好熟，唔會有洋蔥生果種辣味，又唔會太冧。皮蛋豆腐 ($50)意外之喜。見到係涼拌，諗住係細細份前菜果啲。點知上到來超大份，呢個價錢真心抵。豆腐正常好滑。但個精華在於個汁調得非常之好，與豆腐皮蛋都十分夾，甜甜地又唔會太濃搶左味再加上肉鬆，完美。台式蔥油拌麵配豬扒 ($70)蔥油拌麵好入味，冇我想像中咁乾。豬扒食落呢就酥軟得黎又彈實。咁岩老闆娘行過嚟，同佢傾下先知原來佢哋會一直改良，師傅會事先拍打個豬扒，令肉更加彈實啲，都好嘥功夫。下次黎建議試下。肉燥飯 ($28) 加蛋 ($8)肉燥份量好夠，加上蛋配飯一流，唔會有食完肉燥仲有好多飯剩低的情況。冬瓜茶 ($16)冬瓜茶唔會怕太甜。蝶兒飛飛 ($24)蝶兒飛飛係荔枝，乳酸加梳打。台式黑糖糕 ($22)平凡的得來又有意外，本身諗住叫得黑糖糕應該都好甜，點知原來又唔係喎。佢唔係好甜得嚟但又有黑糖味，係一個好好的endi

呢日食下港島區台灣野港島黎講唔算貴.櫻花蝦炒飯 $75炒得粒粒分明 夠鑊氣配料都足夠 表面有唔小櫻花蝦幾香蝦乾味 最緊要炒得夠香口.三杯雞$128味道偏向鹹香 有落九層塔葉調味個汁做得好濃 呢個餸飯唔錯而且份量都夠多 而且好多雞脾肉 比較滑可以3個朋友仔分.和風涼拌珊瑚草 $62呢個好特別 未食過珊瑚草所以試下感覺似海帶果類口感小爽口味道酸酸甜甜好開胃 冇伏好食.初戀蜜桃$24.00個名幾特別 而且賣相都靚靚其實係水蜜桃乳酸梳打 味道唔難想像係一杯唔錯既特飲.地址：一葉台灣料理 (鰂魚涌)鰂魚涌芬尼街13號得發大廈地下B舖

住港島的朋友話一葉台灣料理在鰂魚涌芬尼街13號得發大廈地下B舖，好食抵食夾大碟，約定晚飯。餐廳裝修得優雅，座位舒適。我們點左糖醋魚$168，嘩真大大條黃花魚，長過筷子🥢，極抵食，魚炸得香脆可口，糖醋汁酸酸甜甜好醒胃，並有很多波蘿粒拌碟，超正好味👍。羊肉湯米$78，🐑羊肉頗多，湯底很香羊肉味，米粉好幼身很滑，索左湯汁食更入味，真不錯。炸花枝丸$60，粒粒丸內有墨魚肉🦑粒，甘香可口又美味，口感十分豐富。我們這餐很飽又滿意。

- 轉角遇到台式高手一葉位於好近地鐵站口但比較隱閉既位置，佢既品質小編可以用「高手在角位」黎形容。另外小編系進食其間見到好多街坊同附近收工既OL都會專登過黎買外賣，食後終於明白固中原因。黑椒炒松板肉 $98松板肉即系豬肉片，除左豬肉片仲有紅、青椒絲&洋蔥絲一齊炒，呢道菜式個黑椒味幾出眾，但又未至於有黑椒好辣果種感覺，個辣度絕對附合小編呢種「微辣人士」，另外個豬肉片食落好易進食，完全吾痴牙同吾會覺得舊肉好乾，仲食到有少許滑，改變左小編對豬肉既一般睇法。櫻花蝦炒高麗菜 $78櫻花蝦同高麗菜既份量都不少，小編黎到台式食店最常叫既一道菜就系高麗菜，一葉廚師keep到將高麗葉炒得平均好爽口，吾會造成一啲淋一啲未熟既尷尬。另外配埋櫻花蝦進食會有多一種口感。台式炒米粉 $75米炒旁有淋上少許肉躁，米粉炒到爽口，味度亦好平衡咁分怖哂成碟，小編夾起上黎又無乜一舊舊痴埋哂，十分抵贊。凍珍珠奶茶 $20珍珠同平時食開既都系咁Q彈，奶茶叫左少甜，都飲得出真系有做到少甜個效果，完全無hea到小編要求既少甜啊。凍胚芽奶茶 $20胚芽份量都幾多下，由於呢杯主要系朋友飲，聽佢講佢都幾中意。

朋友喺鰂魚涌做野，我就專登過去搵佢食飯，佢帶左我去食一間平時lunch成日食既台式餐廳到食飯。夜晚比午市少人，所以坐得好舒服。有勁多選擇，好耐冇去過台灣旅行既我覺得坐部都好吸引！我地點左三道菜同埋一碗肉燥飯。第一道菜係左宗棠雞球，呢道菜有少少辣，雞球外皮好脆，配埋啲醬汁，好好味！另一道菜就係呢個台式炒合菜，呢個菜入面有好多料，包括蛋、芽菜、黑木耳、青菜等等。最後一道就係台式花枝酥，充滿台灣既味道。我地仲點左呢個黑糖糕！

係鰂魚涌想食台灣嘢首選一定係呢間一葉台式料理！ 每次嚟都必點台式炒米粉($75)，米粉幼細彈牙，唔會太乾太硬，炒得恰到好處，拌入肉燥 、椰菜、蛋絲，相當足料。酸菜魚($128) 魚塊好厚肉，肉質嫩滑無骨，湯底酸酸辣辣，十分醒胃，冬粉吸收湯汁精華，加埋酸菜同芫茜一齊食就最夾。蚵仔煎蛋($72) 蠔仔夠鮮味，蛋餅一食就知加左唔少雞蛋，仲加入九層塔，風味倍增。黑糖薑母茶($25)， 飲樂暖笠笠，薑味很重，唔會太甜。

今日同朋友去了鰂魚涌做Gym之後，實在太肚餓，決定晚餐去食正野😂✌🏻朋友係鰂魚涌街坊，佢話有間隱世台灣專門店。原來在芬尼街的小巷，在街頭的的左手邊，所以真係地膽先會知。一入去，雖然地方唔算好大，但環境簡約乾淨，有好多美食的圖畫相片作裝飾，令您食慾大增。看餐牌，內有好多款台式菜餚選擇，最重要價錢抵食合理，好吸引！台灣菜當然要食肉燥飯同紅燒牛肉麵😋😋😋呢2款亦是必食款，絕對係真鎮店之寶🥢🥢✔️肉燥飯 $28佢用平時食飯碗，以為分量唔多，但肉燥舖到滿滿，未食已經好吸引，我同朋有share一碗，都覺得食極都有👍🏻而且佢肉大多是瘦肉，怕肥嘅朋友呢個就啱晒☺✔️紅燒牛肉麵$70牛肉麵湯底濃而不膩，帶有牛香。牛肉方面有四大件，牛肉煮得軟淋之餘，燜得很入味，不會很辣，也不失牛肉本身的質感。手工台灣麵條獨特口感，麵質十分彈牙順滑，份量多又有咬口又軟硬適中！ ✔️金沙蝦球$155因為見到隔離枱食，太吸引，所以我們都叫左一碟送飯。真心性價比好高，好多隻蝦，每隻都好大隻，仲要好彈牙，食得出係用靚的蝦去炸。最重要個source -金沙粉，係用鹹蛋黃去炸，新鮮炸起熱辣辣，蛋黃鹹香好好食！✔️和風涼拌珊瑚草$62都係被隔離

今日lunchtime忽然好想食台灣嘢，所以就即刻openrice下鰂魚涌附近有咩台灣嘢好食🙈見到呢間一葉台灣料理comment都唔錯，決定去試試🤩一去到門口排咗幾個人，大約等咗五分鐘都有得入lu😛入去之前已經嗌定嘢食，一坐低就即刻有得食，好正☺️我同朋友分別嗌咗台式烏醋骨配粗麵同鹵豬扒飯😋台式烏醋骨係期間限定，加上門口個姐姐講到好好食，即管試試佢🤓烏醋骨酸酸甜甜，煮得非常入味，肉質鬆化，夏天無乜胃口食肉，食呢個都係幾好嘅選擇😍粗麵有咬口，唔會係軟淋淋👏個湯都唔錯~呢個套餐仲會免費送一杯凍豆漿添😊六十幾蚊都幾抵食㗎😛至於鹵豬扒飯我就無試到，不過朋友就話都幾好食，食清光😂😂另外，朋友亦都有加錢配咗一杯冬瓜茶，佢話唔會好甜，唔錯🙌🏼