一番風味 (已結業)

小店既午餐都好多種類可揀，而且別有特色，一般晚市先有既，而家午餐已經可以試下！有時，出面以呢個價都只能食到質素平庸既午餐。不過入到去個感覺其實唔算太親切，服務質素都好重要，如果能提升下就會好啲星洲辣汁軟殼蟹老公非常喜歡食軟殼蟹，平日食開都係就日式烹調法，所以叫左黎試呢個小菜好得意，原來軟殼蟹都可以咁樣食! 外形似炸蕃薯，脆脆既外殼，軟軟既蟹肉，外鬆脆內軟。紅紅帶蛋花既汁淋上軟蟹殼上，酸酸辣辣既汁被軟殼蟹吸收，剛剛好，唔會蓋左蟹肉既鮮甜，相當入味，果種辣係慢慢滲透出黎，本身唔好食蟹既我，竟然連汁都撈晒黎食菜飯一啲都唔會油膩，菜同米二合為一，啖啖菜香，質素絕不亞於上海式飯店！鮮茄豬排焗飯其實諗住叫第2個餐，但見到周圍既人客都叫一碟大大碟既焗豬排飯，好吸引，叫黎試下先！大人細路都岩，因為阿仔見到已經流晒口水，焗到香噴噴既芝士蕃茄味，溶左既芝士拉晒絲，鋪滿飯上面，非一般既size~ 好大碟，鮮茄，微燶既芝士鋪滿碟上，啖啖汁，豬排有我隻手咁大，好有驚喜，一道平凡菜式，竟然可以變得不平凡加幾蚊已可以享受埋檸樂，柚子蜜，柑桔蜜等凍飲所以好值得推介!