一樂燒鵝

营业中

休息中

朋友話中環番工一定要試既燒味 今日咁啱去中環特登行去試下 星期六既兩點鐘都好多人排隊 好誇張! 我地四個人都等咗三十分鐘先入到知道佢燒鵝最出名 不過我一向唔太好燒鵝 所以叫咗燒肉切雞飯 但有點失望 首先飯既份量真係好少 食完真係唔係太飽 燒味既份量係ok既 切雞唔錯 雖然係雞胸但都肉質都係嫩既 不過燒肉就太肥 但d皮係好脆好食既

睇食評好多都係寫老板娘發皮四多過寫食物，但凡事都要親身體驗吓方為真。lunch尾聲兩點嚟到，喺門口等咗一兩分鐘就有位。椅同椅之間距離淺窄，如果坐最入個客要走坐路口嗰個要起身讓路先夠行。姐姐好有禮貌，笑容滿面，百忙之中也能和熟客談笑風生。紋身哥哥英文「luck luck」聲，同樣有禮。店員間氣氛歡愉，老闆娘也正正常常，沒有傳說中的經常爆seed。燒鵝飯，$50，分量都幾足，兩份鵝，但如果可以配條菜賣相應該可以更吸引。酸梅鵝醬要同伙記要求先會俾。因為一般鵝飯同鵝脾飯價錢都差幾遠($88)，所以都擔心會俾啲好差嘅部位，但最終都唔差，我呢碟肉都算厚。朋友叫燒鵝瀨就皮多過肉。我第一口食咗一片連肥膏嘅淨皮，脆皮，肥，有啲騷，但我鐘意。鵝醃料入味到入哂骨，但又唔會死咸，食完唔會口渴。自己建議配飯好過配瀨，因為瀨個湯令鵝皮冧咗，享受唔到個脆皮。

呢幾日唔知自己發咩神經，特別想食肉，路過見到有間一樂燒鵝，就醒起自己已經好耐未食過燒鵝啦於是就行入去食下滿足自己噶願望 首先嚟翻杯溫暖牌噶奶茶先，好香好滑，飲落去有些少苦味，我就係鍾意呢種，無太多甜味，而且比較濃郁，好飲！ 見到呢到啲叉燒都唔錯，於是就忍唔住點左碟啦，叉燒大部分係瘦叉，好啱我口味，因為我就係唔鍾意食肥噶。而且叉燒好入味，再加上有少少汁，拿嚟送飯啱曬 冷杏露好飲，入面係冷熱交替噶，係一杯熱噶杏露加入冰塊，口感獨特 最後肯定係呢度噶招牌燒鵝啦，真係肉質鮮美，而且一啲都唔肥，而且有夠曬入味，下次仲會再黎嘎！

今日同阿妹出去行街，淋緊去邊度食飯嘅時候見到呢間店，一樂燒鵝，我未食過，阿妹話唔錯嘅，正好我又有D想食燒味，店鋪好細，環境一般，但依然都仲系甘多人排隊，不過等左唔算耐，大概十分鐘左右喇。燒肉見到都好多人點，睇落個樣都覺得幾好食，皮燒得好脆，系完只豬燒嘅，味腌得剛剛好，肥瘦比例適中，又唔覺得油膩，好好食。我比較中意燒餓多D，皮烤得好香好脆，肉仲好鮮嫩，唔系果D冰凍鵝，食得出好新鮮，再加上距地自制嘅酸梅醬，味道搭配得好正，嚟呢度嘅朋友仔一定要試下呢個燒鵝。如果平時得一個人，又想試樣品種嘅，可以點雙拼碟頭飯，佢地嘅叉燒聽講都好好食，下次要試下。

今日神差鬼使咁過左黎一樂食野，結果好食到出乎我意料咯。我們點了招牌的燒鵝飯，燒鵝看看起來肥瘦相間，燒鵝皮都烤的金黃金黃的，非常勾起人的食慾。不過是鹹鹹的，皮也是真的非常脆呀，肥肥的一層搭上瘦瘦的燒鵝肉真的無敵正。還有叉燒真的是我的最愛，其實全部都是痩叉不夠肥瘦參半的叉燒好吃。蜜汁淋在叉燒上面，把叉燒的味道更加的勾出來了。吃完飯少不了來一杯飲品喇，我一直都鐘情於這裡的杏露，讓人很驚喜，冷熱交替，喝起來極爽，沒喝過的朋友真的要試一試吖！正是午餐時間，所以都好多人吖，等咗幾分鐘級入到去。但是價錢不高，很合理。

自從他們剛開時來了幾次外, 都很久沒來。這裡每天都排長龍, 反正中環不愁無飯開, 就沒再來過。今天好想食燒味, 見他又不算排長龍就去了。好好彩, 一個人所以立刻有位。沒多想就叫了叉燒燒鵝瀨粉 ($48)。很快就到, 還不錯, 至少沒“豬頭骨”。叉燒半肥瘦, 略有酒味, 好“lum”; 燒鵝也不錯, 肉質軟又不會過咸。 可能我無慢吞吞, 又無要三要四, 所以對我都不是很惡。但見到他們對其他客人就比較不耐煩, 有點惡。所以如果來就最好想好你想食什麼, 將就些不要左揀右揀想坐哪張枱, 就 ok。堂食會好食過外賣。

「不是說在中環上班的嗎, 怎可能未吃過?」每一次和朋友說起「我未吃過一樂啊」的時候, 他們都表示好驚訝。真是的, 有甚麼好大驚小怪的? 中午時分的中環處處人頭湧湧, 一樂燒鵝的門口情況更壞。在狹窄破爛又高低不平的石級之上, 一左一右兩條人龍, 分別是排隊堂食和買外賣的, 極熱鬧。在這吃飯, 夏天熱冬天冷, 而且熱門小店吃飯總是特別趕, 怎麼和朋友聊天? 晚上下班了, 總想快快離開中環區, 也不會巴巴的要來吃燒鵝啊。要找原因總是說不完, 反正結果就是: 沒吃過。事情總會有改變的一天。終於有一晚, 下班了, 還是來了。晚上的情形要好得多, 至少沒有長長的人龍。但小店之內一直都是接近滿座的狀態。果然是人氣店, 真的不可小覤呢。寸金尺土的中環, 不能要求環境有多好。抬頭看牆上的菜單, 林林總總的使人眼花撩亂。幸好知道自己要吃的是燒鵝脾飯, 很快就找到它。HK$88, 不便宜。聽聞還有免切的版本, 不過會貴一點, 不知是不是真的。燒鵝脾飯上枱, 看到它比碟子還要長的身型, 心中又不禁暗爽。最愛的是它的色澤, 深紅油亮, 美麗得很。鵝肉濃而不膻, 質地滑; 鵝皮有一點微脆, 皮下連有少量脂肪, 入

一生人第一次第寫食評！因為實在超級不知所謂！不想大家再遭殃！第一次去這間野（所謂米芝連推薦），點知成間強國人食，得遊客食，心想不妙！叫了燒鵝米，冇想過原來似美心下午茶既20燒鵝米，收$50碗，片唔脆、肉唔太新鮮，諗住以為米芝連店，提提佢地水準，話比佢聽燒鵝唔夠新鮮，點知廣東話不準既阿姐：「唔新鮮？第一次聽！唔好食，就下次唔好黎！」嘩！我都係第一次聽一間打開門做生意個人咁講野！！我同佢地講：你地咁樣做生意！？阿姐即刻話：「你阻我收工，你快d食完，快d走！你阻住我呀⋯⋯！」我話你地仲有大把人食，所以仲唔知做得差，並對人咁驕傲！離開後，我心想，米芝連，都係得個名！一間掛住米芝連環，連食客一句助進步的批評，都完全接受唔到！認真低水準的米芝連店！更影衰米芝連！還有要比樓樓下食評比個👍！（不知所謂）實在寫太貼切啦！😂😂😂 原來這間店個個都咁冇禮貌！我還以為得我聽過這麼冇禮貌既生意人，態度超低劣！串！不緊要！你比到你味道，或許串得起！但你這個貨色⋯⋯ 真講唔埋幾時執！

中午去到人不多，不用等位。上菜時間很快（可能人不多）。我點了燒肉燒鹅飯，飯到時已经有點失望，因為整體的份量很少，像下午茶邊份量。講下主角燒鹅，份量有4-5片簿切的，無鹅味，肉只有死咸。燒肉就是一般正常。不會再食下次

中環返工, 人人話一樂燒鵝好好食, 今日滿心歡喜早左放飯去食, 去到一坐低叫左個燒鵝飯, 三分鐘即有, 一黎見到好細碟,飯唔多, 燒鵝都唔多, 下午茶size, 心諗咁燒鵝應該好好食, 一食落去無咩味, 再試真 d, 真係無味, 食餅有餅味, 食鵝竟然無味, 食完只係得三成飽, 如果大家無期望去食可能都重ok, 當普通燒味飯黎食50蚊又唔抵, 可能佢有好食過只不過我食唔到

上星期同朋友一齊去食，點知食到一肚氣！由於我先到，所以就入去坐低先，佢地仲有一段時間先到，我都無霸住張枱，等佢地黎到先再搵位，期間都有其他食客坐我隔離用餐，朋友入到黎叫餐一直都無問題，但睇番張單就出事！佢話我早左黎霸住張枱，所以朋友的飲品都要計原價，(2點後平d) 我2點前入坐，俾多d錢唔係問題，但我邊有霸住張枱呢？首先，我在等候其間有叫飯食，張枱都有其他人坐，我都無唔俾人坐，第二，朋友黎到都要等一陣先有位坐，咁都叫霸位？你無病呀！叫左碟鵝脾飯，肉又唔滑，又乾👎🏻👎🏻👎🏻其他野食又更加唔使講啦，一個字，差！到食完飯俾錢喇，仲衰！ 朋友有計清楚的習慣，個收銀悔悔氣氣俾張單佢話：計錯就你搵我，我俾番你！到走左出門口仲送左句X街俾我地，E D食店，簡直貼錢買難受！去前要三思！

中環的午飯時間, 沒事做沒約人我通常都只想到一樂。一樂這個地方, 有人說要堂食才地道, 我說, 如果想要不受氣又安安樂樂舒舒服服的吃一餐飯, 非要外賣不可(前提當然是午飯時間你不介意繼續留在公司)。所以今日我又要買外賣了, 等外賣途中遇到一個小插曲, 不得不提。去過一樂的人都知道, 餐廳門口的通道是頗窄的, 只能僅僅夠兩個人通過。而餐廳老闆娘的態度, 堪稱經典, 少少事都可以勾起佢條筋。此時有一個女人企在餐廳門口等外賣, 突然聽到平時態度已經完全睇心情的老闆娘大聲叫門口的女人"行開一邊, 唔好阻住條路"。女人即時反擊叫老闆娘唔好咁大聲, 然後一輪激烈對罵。此時的我只站在一旁, 恕我沒有拍片, 因為在中環返工的我當日都著得ok elegant所以我不願意拍片時被老闆娘發現然後又要潑婦罵街一般。對罵的結局是, 老闆娘大鬧"我唔做你生意呀!", 女人話"你做生意唔係咁樣態度, 你唔做我生意俾返$48我!" 老闆娘以10米範圍都聽到的聲量再大鬧"俾返錢你, 你躝呀!""躝"呢個字, 由一個餐廳老闆娘對客人講出, 何其沉重。這間餐廳對食客的態度是怎樣, 從這件小事表露無遺。講返燒鵝, $48的燒

食慣燒味嘅我，同女朋友一齊嚟試下依間馳名燒味舖本身諗住就收舖，可能質素會下降所以抱住唔大嘅期望嗌咗碗 燒鵝切雞瀨同叉燒燒鵝瀨樓面呀姐話切雞賣曬，所以轉咗燒鵝油雞瀨仲未回過神嚟，兩碗瀨粉就已經上台了油雞、叉燒、燒鵝都好有色澤飲一淡個湯，濃郁嘅燒味汁都滲入咗湯底，一個字'正'!燒鵝皮酥脆，肉質中上偏滑，唔會得骨，搭配上酸梅汁一流；叉燒睇落去好厚實，半肥瘦，一咬落去，成夠叉燒喺口中融咗，好鬆軟，肥而不膩，啱曬我依啲鍾意'啖啖肉'嘅食肉獸；油雞，都值得一試，皮薄肉滑唯一值得改善嘅喺位置偏窄

食燒鵝我不嬲喜愛「一樂」，位置搬了，還是麻甩格局，五顏六色的筷子，任你搭配：下午茶時間，本來想吃燒鵝髀。大家記得如果有得揀的話，一定會吃左髀。 阿姐話燒鵝髀賣晒，但係D燒鵝吊晒出嚟喎，可能留返做晚市。既來之則安之，要了「半肥叉拼鵝胸」，鵝肉仍然沖滿油香，肉不老，半肥叉燒得燶邊，收貨。記得要吃它的「冰花梅醬」，點燒鵝是畫龍點睛，更提肉味！

我叫左一碗叉鵝飯，令我感到所謂嘅（回味無窮)，學May 姐話齋「雞汁口有雞汁味」，冇理由鵝冇鵝味嫁姐！一擺舊鵝入口，嘩！！仲軔過香口膠，This is the worst 叉鵝飯I have ever ate 😝！話就話係米芝蓮，但係我超唔認同lor。$48一碗飯，成何體統！？去一間普通酒樓食仲好la!