一杯鐵板燒居酒屋

营业中

休息中

早幾日去觀塘睇戲之前食Dinner, 依間其實好出名,我都食過幾次，同埋都好多人寫食評，除左野食ok 之後, D 服務都好好。因為肚餓關係，我地都叫左唔少野。叫左個壽司SET，一個卷物，雞軟骨，三文魚燒，同埋一個大阪燒。個壽司set 唔錯，D壽司都好新鮮，卷物係鰻魚牛油果卷，都好香。三文魚燒係半生熟，味道唔錯，值得一試。大阪燒其實真係好大份，最好就多D人share，咁就唔使食得咁飽。整體黎講野食真係中上，而埋單個陣仲送埋利事封。雖然利事封依家野好多地方都有，但係佢地送埋真係幾貼心，所以比個like佢。

「一杯鐵板燒居酒屋」嘅好多方面都值⭐️⭐️⭐️⭐️⭐️！餐廳環境氣氛方面：無論係餐廳佈置，定還是幾乎全體服務員見你進入餐廳時候，對你講一聲 “歡迎光臨”（日本語），完全令你好似置身係日本嘅居酒屋咁！👍🏽食物方面：必定要食佢嘅「關西燒」，一般我都係會自選三品 - 淮山、泡菜、小貝柱。個組合雖然好似有少少奇怪，不過確實係好好好好味㗎。咁當然係因為佢個醬汁同做法配合之下，所以先至會咁好味啦！所以呢度嘅「關西燒」係真心嘅必食推介！🤩價錢方面：一般打正旗號嘅居酒屋，價錢都相對比較高，所以相比之下，呢度既收費算相宜合理！

新的一年又開始啦！元旦日，好的開始，同老公去嘆嘆我們至爱的居酒居。關西燒依間居洒居照牌菜是這個關西燒，當然要試一試啦！我地叫左個豚肉關西燒，賣相與份量也滿意，味道也不俗，豚肉同雞蛋混合，加上沙律醬及日本醬汁，酸酸甜甜，幾好味，有特色！豚肉露筍串、免治雞肉串兩款串燒都好味，豚肉咬落都很嫩口，卷埋露筍一起吃，很夾味。蟹肉牛油果手卷一見到手卷就很雀躍，蟹肉滿滿的，一口咬落去，啖啖蟹肉鲜味，除左蟹肉，還有許多蟹子，牛油果係我至爱，依個手卷我非常like呀！葱花炸雞炸雞味道不錯，雞肉乾，軟熟，好jucy。雞肉炒烏冬這個烏冬就遜色左少少，炒得不夠乾身，又夠香氣，下次不會再食，除非有改善啦！整體來說，依間居酒屋不錯，可以再去happy下。

泡菜豚肉石頭燒飯 $78好似有兩三年無黎一杯 望住menu覺得好似好多選擇咁 第一鎖定既係石鍋飯 通常石鍋飯我諗都夠穩陣唔會點差 呢份我覺得都合乎水準首先怕辣既朋友都唔怕叫 鍋飯入面既泡菜其實唔算好泡菜 至少賣相唔似韓國見紅果款 如果唔係都食到泡菜味我會以為求其俾啲椰菜我 即是說辣度其實唔高 嫌唔夠辣既朋友就可以考慮學我加七味粉豚肉切得比較薄身 大部份收埋係飯當中 味道都唔錯 份量無為意多唔多 其他配料包括淡色泡菜 紫菜絲 蔥花 洋蒽 其實有時叫石鍋飯我係想食佢啲飯 一般都係用日本珍珠米 石窩上食到中期都仲有滋滋聲 飯香又保溫 呢窩上枱前醬汁已混比較均勻 我見隔離好似叫牛肉石頭燒飯就侍應幫手撈勻食呢份"浪"肚都幾滿足 如果食量細之人想食關西燒就可以放棄叫呢個 話哂關西燒signature d份量又唔小餃子 $45不錯的餃子!其實食過咁多餃子要好出眾都有難度 呢份餃子首先我加分加係鐵板上 一定比普通碟上開心啲 然後咬落知肉餡份量唔少又唔會多到膩 皮厚薄度適中 沾埋餃子汁幾好食 因為鍾意辣所以我又加左七味粉吊下味咁普通既菜式都可以有唔普通既味道 如果自忖肚量仲有空間又唔食咁多燒物可以考慮叫

你公司做野比度大門夾就隻手呀,提早收工去睇完中醫就去食好西,因為要保持心情靚靚麻~~~好彩今日早走左見一杯冇咩人等位就去食啦,呢間野唔係第一次食,成日都一排隊等好耐,今日終於輕輕鬆鬆大阪燒,我次次都係豬肉大阪燒,海鮮壺湯,串燒,大阪燒真係好好食,其實係香港都唔多地方食到仲要係好食既。我都會只想到一杯,再配返杯梅酒。。。飲一啖。。真係咩好心情都返曬黎~~食食下快到7點就又開始大排長龍了,好彩我夾就手

早放工的關係今次沒有提前預約就前往入面只有數檯食客 其實之前已經食過數次 因WALK IN 關係每次也要等好長時間今次試了網上多人推薦的東洋卷一上檯就見到東洋卷賣相很好入面包著牛油果,厚切鰻魚,飛魚子和醬汁外皮暖暖的 每咬一下也很正醬汁和食材相當配合 牛油果和厚切鰻魚也相當出色必食之後食了關西大阪燒味道一如以往 入面有很多菜今次叫了魷魚  一上檯店員便幫我們切開了 變成9舊每舊食既時候都會有魷魚   感覺很滿足最後食了冷蕎麥麵蕎麥麵的口感不錯但醬汁是沒有味道 沾完和沒有沾是沒有大分別令到整道菜式大大扣分

系apm後完街街 又睇完戲 系時候要食好西 今日決定要食食居酒屋 系apm4樓雖然拎票要等10幾張 但好多人拎完唔等 所以等左15mins就有枱 入面好日本風 😍😍 舒服大家不可不試佢嘅關西燒 自由揀topping geh!!!!!!!😍😍小編揀左3個toppings 尤魚 蟹肉 芝士 $98好match !!! 入面超多椰菜 好好味 打卡一流!!鰻魚茶漬飯 $68小編第一次嘅茶漬飯 😋😋愛上左東洋卷 $68每一啖都好滿足有鰻魚 牛油果 蟹子😋😋個皮又薄明太子雞串 $25惹味都不得了！😋燒牛舌 $48系少少貴左d 但系好厚好入面!😌小編比個讚你! 下次再黎!!!!!!!!😎😎

琴日喺我2017最後嘅半day工作天，lunch想食日本嘢，去咗公司附近嘅APM 一杯。一個人坐BAR枱唔洗等。BAR個位都幾闊落👍。點咗個SET E 雜錦壽司配迷你烏冬，凍奶茶，加多個芝士年糕。壽司好新鮮，烏冬幾煙勒，最特別係芝士年糕，本人去食日本菜，都會必定試試芝士年糕嘅，而呢個芝士年糕外面係用紫菜包住，將佢摺埋成個放入口，有紫菜嘅香同煙勒，個心嘅芝士年糕又唔會太漏，好好味😋。其實原本無諗住寫食評嘅，所以食咗一個影個相，原本應該是4個嘅。其他無影到。

前幾日約左朋友去探朋友剛出世既bb之後大家就決定係附近一齊食埋午餐先走去到apm個陣諗住食烤肉啦，點知限時一小時，根本就無可能完成，同埋都無時間傾計於是就去隔離既餐廳睇下有咩啱食，經過一杯個陣，見到佢既裝修好日本居酒屋feel,好吸引呢，咁就問下有無限時，佢竟然話無，太好喇，咁我地就決定食呢間喇佢見我地有個小朋友，特別安排我地坐卡位同俾左個最入既位我地，又有bb凳提供，好貼心呢之後我地睇餐牌既時間，一眼就俾關西燒吸引左，就決定要叫呢個黎食，我地揀左豚肉，同埋價錢都唔叫，仲有好多選擇跟住我地每人仲叫左個lunch set，每個set加5蚊就可以有一杯熱/凍飲，而我自己就叫左個鐵板牛粒定食，牛既質素唔錯，無咩根，都淋身既，而且佢配既銀牙都好爽脆，加埋有前菜，同麵豉湯，分量都多呢之後我地就開始食關西燒，味道好好，個汁醬唔咸，味道夠晒濃厚，而且中間佢蛋既分量都有一個餅咁大，每一啖都可以食再豚肉同雞蛋，煎既時間好準確，唔會過熟，又唔係有太多粉漿留係件餅度，我好欣賞呢個關西燒，大家有機會就試下啦

今日聖誕節就同班姊妹出嚟gathering and shopping! 就揀咗APM商場行街順便食lunch, 商場其實都有好多不同類型嘅餐廳選擇，行咗個圈最後決定食呢一間！Lunch來食唔使等位又唔限時，係我哋選擇嘅主要原因一到去原來都幾大，仲可以一路行入去，裝修都幾有日本感覺有點懷舊，但坐得舒適午餐都有大約六款定食選擇，價錢大約70至＄130左右，有湯有小食加＄5仲有餐飲. 價錢屬於中價除咗午市套餐散餐都有好多選擇例如串燒，特別有一張就係介紹他們的關西燒，既然他們是主打的我哋都叫一個來試吓$58 豚肉嘅關西燒，裏面有蛋肉，加埋燒汁沙律醬的確幾好味我就叫了這個三文魚他他，不過來到同我想像的有點分別，因為平時出去食他他是碎上的，他是一片片的，表面看似熟了的，後面卻是生的，大約有一成熟，好林，配上芝麻醬都幾香最後跟餐加左杯凍檸茶，整體來說價錢略貴一點份量偏小，味道可以但係又不覺得特別好食

黎到觀塘行街，梗係順便搵好野食，見到呢間食評好😋即刻要黎試下，食晏就唔洗點等位，一入到去已經有員工招呼，客人都多，都爆哂咁制，所以安排坐吧台對正哂成個鐵板燒，正，一邊食一邊望佢點樣產產下😂😂咁我叫左個lunch set ,喬麥麵+前菜配壽司雜綿，黎到個樣，見到已經覺得好吸引亦都新鮮 色澤靚另外男友揀左鐵板燒既豚肉lunch set 有湯有飯可加幾蚊配野飲，仲想點😆 另外加埋大阪關西鐵板燒 好食，佢可以自由揀材料又得，你就咁叫佢定左入面有咩料都得，有方形有圓形價錢合理，幾好食，服務都幾好，環境特色 居酒屋feel,另外鐘意食海鮮既人 可以試下食 海鮮lunch set，見到賣相覺得幾正😆😆多謝收睇❤️😎

如果觀塘想搵間合格嘅日本菜，呢幾年首選都係一杯👍🏼賣點當然是APM地點夠就腳，坐得也舒服，雖然偶爾人多排隊，但蜀中無大將嘛😅唯有照等照食。如唔點刺身類～價錢也不會太貴，飽肚之選首推大阪燒同茶漬飯，足料也有水準。再點一兩款前菜串燒，叫杯啤酒，吃飽人均也不過$200左右～放工chill一chill之選😂

我身為觀塘街坊，呢間一杯都幫襯咗好幾次，一向都甚有水準，今次試專登試啲無食過嘅，真係有驚喜。首先就係個白身魚薄切沙律，佢酸酸地咁好開胃，完全做到沙律要做嘅嘢，非常適合想食沙律但係唔想食菜嘅朋友呢個壽司盛合就少咗啲驚喜，不過勝在用料新鮮，個海膽軍艦份量都唔細今日其實主要係食大阪燒嘅，大阪燒呢其實好多人都去大阪食過叫做應下景咁，係咪好味呢？一堆菜加蛋加麵粉加啲自選配料，炒埋一碟，一堆無乜特別嘅食材你話要整到好好味又好難，你話要整到好難食就真係好易，多多麵粉其他嘢落少啲就會難食，話都無咁易。所以呢，我叫呢啲做高危食品，出街試食通常就係古語有雲：『人生不如意事，十常八九』，咁呢間做成點呢，咁佢就真係做得好食嗰一二，勝在多菜多肉，大件夾抵食咁啦。有幾抵？58個大洋，兩個人都食得飽。頭先話大阪燒係驚喜，呢個海鮮湯就係今晚嘅精華所在，正所謂雞有雞味，海鮮湯真係有海鮮味，有蝦有蜆啲味仲出晒嚟，細細壺啲鮮味特別濃。未試過嘅朋友你未飲過呢壺湯你唔好話你嚟過一杯，我好似講得好誇張，不過你試過就知我係老實人。不過美中不足嘅地方，就係個壺咀設計有問題，倒湯嗰陣會流晒落壺底，你哋睇相都睇到成枱都係，好嘥嘢。我飲完

聽朋友話呢間日本野既關西燒好食，所以就約左友人放工去試下，630分上到去見到人山人海就心知不妙，起碼要等10枱人，唔關要！食好野當然要等啦。好快過左45分鐘，入得！入到去餐牌都未睇就叫左個一杯關西燒，之後再嗌左銀雪魚同海膽炒飯！首先講下個關西燒先，上碟已經切成九份，方便食用。非常細心。入面有芝士豚肉，好似食緊年糕咁煙煙韌韌，正呀！海膽炒飯，飯上既海膽不得了，好新鮮，海水味。下面既炒飯就正常，不過不失。比較有驚喜既係銀雪魚，無乜骨，淡淡肉之外，外面煎到金黃色，入面都仲保留到咁滑，味道一流。驚喜之作！總結，呢間餐廳係我覺得排隊食係計得既。不過價錢就會貴d，上面3樣食物加埋，埋單4xx。咁大家就要取捨啦！

今日豬仔陪我食呢間平時排隊要排半個鐘既餐廳之前食過一次，好想食多次東洋卷東洋卷：牛油果加鰻魚加蟹籽暖暖地，個味都幾夾班㦸皮鯛魚：staff推介280半條有d貴，同普通鯛魚差吾多香蔥炸雞：豬同我講呢個係豬肉明明係雞，佢竟然似豬味，不過炸到甘，睇落都似豬既d汁好咸，食到尾d生菜撈埋d汁，堅咸廚房推介10件：新鮮，冇腥味，多數比左豬食飽飽了吞拿魚tstaki：見到人地d食評話好食麻麻地，可能已經食飽左，刺身都係生食點番豉汁好食d巨峰sor打：普通，38蚊一杯都幾貴，不過呢間野冇茶飲，比左2杯水我地茶都冇總括：下次想試下食關西燒多謝豬甘遠都過黎陪我吃，仲要排隊豬其實吾明點解可以甘多人排隊都好普通啫