一杯屋 (已結業)

放工約左老公去祟光超市掃貨，因為屋企好多食的用的都差不多沒有了，叫老公幫手拎，真的吾講得笑，買嘢掃貨真是我強項，不消一小時已經買滿成駕購物車,結賬後已裝滿2個大環保袋，老公説我們還未食飯，拎住甘多野，唯有在附近覓食，就在祟光隔離的澳門逸園中心,有好多不同菜色選擇，我一眼就看到一杯屋，是食串燒，諗起都好香好想食，之後我們立刻搭𨋢上8樓入座了！餐廳地方雅潔，座位舒適，入座後，侍應會送上清茶和前菜，今天的前菜是薯仔沙律！一杯屋特製沙律：用料有三文魚、八爪魚、甜蝦、鯛魚、蟹子、新鮮沙律菜等，配特製醬汁，醒胃可口，而且刺身新鮮肥美，十分美味！軟殼蟹沙律：軟殻蟹好大隻，炸至酥脆，配海帶、蟹子、蕃茄仔、新鮮沙律菜，加理沙律醬，味道惹味！三文魚腩：我的至愛，當然要念返碟，三文魚腩非常肥美！魚油甘香，美味極了！金菇黑豚肉，露筍黑豚肉卷：用備長炭燒，燒到剛熟，黑豚肉香，金菇和露筍有口感，點上特製醬料，更加惹味！串燒帶子：熟度剛剛好，配合燒烤汁，味道鮮甜又美味！大蝦芝士卷：用春卷皮包上大蝦和芝士，炸至金黃色，加些沙律醬，香脆可口，大蝦爽口，芝士沙律醬惹味，令人食不停囗！三文魚親子土鍋飯：用料有三文魚和魚子，

平時好少食牛舌，呢晚親身試咗，原來牛舌有咁多種食法～一坐低店員俾咗一人一塊熱毛巾～ 勁窩心，因為當晚黃雨呀！淋到周身濕，熱毛巾抹下手即刻舒服好多未叫嘢食就先上咗兩份粒粒牛舌，味道似醬油味淋味，前菜都唔錯，平時唔係太食牛舌係驚有怪味，呢個無！ 可以放心食老闆請我地飲 sake ，斟酒斟至最滿，甚至用木枡盛着酒杯，然後斟至滿瀉，覺得好新奇，即刻 google 下... 哈哈原來咁樣係表示請客者好慷慨咁解 （真係活到老學到老～～～) 在下少飲酒，以後真係要見識多d啦薯仔沙律 $68一向都係薯仔沙律控，呢個薯仔沙律通過檢測，ok～意風雕魚刺身 $98係特別menu， 平時雕魚刺身食得多，咁樣意式風情就第一次。 一片片雕魚刺身淋上酸酸地o既汁，下面鋪滿洋蔥，特別之處係d洋蔥一d都唔嗆，唔辣，仲好甜，連埋食一齊，係一味好清新o既前菜～浦燒鰻魚 $138燒到好香，外脆內嫩。 鰻魚夠肥美，入口即溶。韓國風牛舌刺身 $78生o既牛舌第一次食，牛舌刺身切絲，加咗生雞蛋同韓式醬油同辣醬，食落口感似牛肉，唔臊。三文魚生春卷 $88又一個清新菜，似越南菜o既米卷，三文魚+三文魚子+紅蘿蔔+洋蔥+生菜，點埋d醬，

聞說香港開店十年備長炭火專門店，成日有明星客人，招牌菜係炭燒極上仙台牛舌及炭燒上等牛舌….所以去試下先!餐廳環境清幽，擺設有日本風格，以木為主。仲可以即場睇住師傅燒串燒俾你食。侍應會放低前菜，前菜係牛舌粒，留意係計$30一碟，好似茶戒咁，D汁酸酸地幾開胃，令人想食佢出名既牛舌！同肥仔兩個人都叫左好多野食：三文魚腩(中脂)$108雖然係中脂，但脂肪含量已經勁多！三文魚腩既紋好清晰可見，就咁睇落唔覺好肥美，但咬著去啖啖肥肉既感覺，好滑。中脂已經咁美，唔知高脂又會係點呢？極上牛舌刺身$98第一次吃牛舌刺身，都幾凍雪藏左一陣時間，但係都幾薄切，食落牛味唔重，但係咬耐D幾有嚼勁，開始溶既時間會FEEL到牛舌既SOFT,好似同佢KISS緊咁，食落去十分有趣，價錢十分抵吃，推介。加d蔥食。明太子玉子卷$88玉子卷十分嫩滑，係岩岩炒好既滑蛋FEEL，中間夾著明太子，配上蘿蔔蓉，味道充滿層次。什錦串燒五串$158有雞腎、腩肉,、雞翼、煙肉蕃茄、冬菇。燒得微熱，唔會太熱氣，調味適中，最好食係雞腎！但五串價錢同散叫差不多，想自己點串燒既朋友都可以自己散叫。日本產黑豚蒸籠$168真係成個蒸籠拎岀黎食，黑豚係剛

難得可以同朋友相聚，千里迢迢來到銅鑼灣食飯又有咩所謂，食個靚飯，當然要揀選口碑好的餐廳。雜錦刺身（松）先來個刺身三點，片片厚切，又肥美，羅拖入口溶化是註定的！來到一杯屋，當然要飲番杯，飲酒唔單只係男人的浪漫，兩個女友人，一人一杯清酒，把酒言歡，暢談心事，也是一種浪漫…… 清酒好似濃度高，但係其甜味令佢好易入口，唔會覺得好kun 。日本黑豚蒸籠日式，仲要係用蒸籠現出來嘅豬肉到底係點嘅呢，我哋當然我耐不住好奇心於是就點左一個試吓，我自己期望之中會係比一個點心蒸籠大三兩倍的而且方形的蒸籠蒸好的豬肉，而出來的成品，有一個餐盤咁大！賣相看來到呢味菜式很素，但顏色上面的單調不代表味寡，用上鮮味的豚肉，味香鮮美的蒸黑豚肉，下面鋪左勁多芽菜，入口之時，豬肉的美味肉汁，混合芽菜清新的菜汁湧出來，但最意想不到嘅就係上面的韭菜，驟眼看仲似係裝飾作用的（因為青綠色比較搶眼）但其實發揮了奇妙的作用，成了呢味菜的主宰，韭菜本來的强勢的味道在豚肉和芽菜的承托之下成為呢幾個味道層次的最佳調子，令味道生色不少，再點一下醬油，如畫龍點睛。咀嚼之間可以食到豬肉的香軟，芽菜的爽甜，口感極佳！極上牛舌他他睇見呢度牛舌嘅菜式都算

呢間係專門食牛舌嘅餐廳，一入到去個環境都好有日本風格，而不得不讚嘅係入面嘅職員都好似日本人咁好有禮貌，食得好舒服。仲會每人試飲一杯清酒，可以比你揀個自己啱嘅再買。入到去冇得唔嗌嘅當然係牛舌;炭燒極上牛舌$158，聲稱用咗最高級嘅牛嘅舌，燒咗差不多七八成熟，口感就非常之爽脆，而牛味冇想像中咁重，可能調味再重少少會出味少少，不過大致上比我嘅感覺都幾厚實嘅。極上牛舌他他$108，第一次食接近全生嘅牛舌，不過好似太凍雪藏左好耐咁，而食落牛味亦都唔係好重，口感比較似硬啲冇咁癡身嘅糕點，不過未試過生嘅牛舌可以試吓。除咗牛舌都叫咗其他嘢食，鯛魚薄切刺身$98，做緊promotion個價錢比較平，呢個就睇到師傅個刀工非常好，每塊都薄到透光見到本身碟嘅顏色，食落都好重魚味，就係食緊魚嘅本身，他聲嘅朋友可以加少少豉油調下味。

呢排做野太辛苦，相約同事食返餐好野慰勞一下自己。呢間餐廳係同事食過覺得可以encore, 所以今晚帶我黎試試。聽呢位識飲識食嘅同事講，呢間餐廳係食燒物嘅，用嘅喺高級備長炭，喺香港實屬難得！餐廳位於銅鑼灣D出口行1-2分鐘嘅澳門逸園中心 8樓，地理位置非常方便！由於我地book左位，所以唔使等位就可入座。我倆被安排坐卡位，可以一邊食一邊欣賞師傅燒製美食，正！安坐後，店員為我地送上menu, 熱茶及前菜。前菜係炆牛舌（$30）。牛舌切成丁狀，炆得軟稔入味，同事覺得佢作為前菜略嫌有少少heavy，但鍾愛重口味嘅我好喜歡😋。因為menu有太多選擇，我地研究左一大輪，加上店員推薦，終於order左啦😂薯仔沙律$68薯仔沙律一向係我至愛，食居酒屋必食。呢座薯仔沙律砌到座山咁高，你可以隱約見到薯仔粒同纖維，加入紅蘿蔔粒、煙肉粒等，豐富左沙律嘅味道同質感。🔥 炭燒上等牛舌 $128 一心想試極上牛舌，但已經賣曬😣 不過呢份上等牛舌都唔錯，口感扎實，牛味濃郁，值得一試👍🏻 蒲燒鰻魚$138現場見住師傅燒已經流曬口水！上枱個陣炭燒香同鰻魚香已經撲向鼻哥。鰻魚頗為厚身，外層燒得焦香微脆，魚肉偏向扎實，唔係較

呢到牛舌最出名, 所以連前菜都係牛舌, 真係好特別 ! 不過如果覺得2客太多, 可以叫餐廳換一個前菜, 今日係potato salad, so yummy !!!同媽咪2人...再加肚入面既BB, 我地叫左超多野食 第一樣, 都係我由頭食到尾既一樣...燒魚翅, 其實諗緊叫燒魚翅or 雞泡魚干既.....but 雞泡魚干好多地方都有得食反而燒魚翅比較小有, 所以叫左客黎試下, 好好咬口, 燒得好香口, 送啤酒真係一流 !! 可惜我唔飲得ja ...但, 都會情不自禁地食呀食.....咬呀咬...跟住再上既就係串燒, 由左至右 1) 燒三文魚 $45 - well ...我覺得唔夠juicy ...不過不失, 我諗燒三文魚扒會好食d...2) 蘆筍黑豚肉卷 $38 - juicy !! 黑豚肉好香, d油份比左蘆筍, 蘆筍好鮮嫩 ! 抵食 ! 3) 燒雞翼 $36 - 燒雞翼我鐘意食~  加埋lemon juice, 將肥膩既感覺大減, i like it ~~跟住再上燒蠔 $48 - the best of the day !!!!  超好味 ! 勁juicy, 蠔味重 ! 一個字 -

朋友知道我喜歡吃日本菜，特意預早訂位一同晚餐。位於澳門逸園中心，是美食集中地，今次朋友便帶我到一杯屋晚餐。 兩個人，點了很多很多食物，一人才幾百元。    一杯屋特製沙律（$98） 沙律以沙律菜為主，再鋪上多款新鮮魚生如三文魚、八爪魚、吞拿魚等，再配上柚子香醋汁非常開胃。 炭燒味林河豚($68） 是雞泡魚乾，燒得香香的，沾上沙律醬吃特別美味！ 明太子玉子卷（$88） 玉子卷熱熱的，燒著明太子餡料，濃厚的蛋香味加上咸咸的明太子，很match! 清酒煮蜆（$68） 清酒煮蜆酒味不會太濃，蜆肉新鮮大隻，湯頭甜美，吃完後忍不住多喝幾口湯。 點了幾串串燒，火喉十足，燒得很香！ 串燒 鰻魚 ($45) 特製雞肉丸 ($36) 蘆筍黑豚肉燒($38） 燒明太子飯糰($33) 飯糰內包住明太子餡料，咸香美味，加上飯團外套燒至金黃香脆，是朋友的最愛。 凍烏冬麵($55) 烏冬麵煙韌彈牙，配上冷麵汁冰涼夠凍，略嫌醬汁稍微偏淡。 中華冷麵($65) 冷麵質

談到日本美食，日本四十七個都道府縣的美食風格各有不同，當中東北地區的名物鮮為香港人所知。幸得有日本通朋友介紹這居酒屋，主打宮城縣的料理，叫我必定要嚐嚐一杯屋的牛舌。本來想坐吧檯位置，但師傅的炭火爐火非常旺盛，於是選擇轉移到角落處。環顧四周，皆可看見宮城縣首府仙台市的宣傳海報作佈置。鄰桌的食客們估計是居港日本人，偶爾能聽到他們以日語高聲歡談，甚為熱鬧。仙台市當中最有名氣的美食，莫過於仙台牛舌。可是想要的炭燒極上牛舌都賣完了，有點可惜，退而求其次，炭燒上等牛舌應該不會讓我們失望吧。上等牛舌經備長炭火燒過後，外層帶焦香同時有油分光澤，中央部分依然呈粉紅色，入口有濃郁油香味，質感腍滑，嚥後香味久久不散。連同拌碟附上的漬物，我們一塊接一塊的很快清空這盤牛舌。既然上等牛舌能讓人這麼滿意，我們很好奇炭燒極上牛舌是處於哪一種級數。從蒸籠裡夾出一片片的黑豚肉，裹著芽菜、蔥等配菜來吃，還真的是第一次。按照個人喜好把蔥花、辣蘿蔔肉放進酸醬汁裡拌勻，把捲好的黑豚沾上少量醬汁後品嚐。豚肉本身的味道不算重，沾抹了醬汁後卻很能把豚肉的鮮味提昇，同時不會被醬汁搶了風頭。厚厚的土鍋中盛載著三文魚片、三文魚籽與日本珍珠米

牛舌對我同老公黎講係味美的 但唔係人人都接受到 今晚就係銅鑼灣揾左間好特別的串燒同牛舌出名嘅樓上店 拍好車之後由禮頓中心行過去非常方便 順便可以行下街添 呢間店連小小超同名人都幫襯架坐低後即時上個前菜 涼伴茄子跟汁 薑 蔥 木魚絲 撈好就可以食味道偏淡 茄子香軟 健康之選一杯屋特製 salad (刺身沙律) $98賣相靚 多款刺身 三文魚 立魚 八爪魚 生虾 三文魚子 沙律菜新鮮爽脆 加上佢地自家salad汁 清爽口味 浦燒鰻魚 $138 金黃皮脆好嫩 真係好耐無食過咁鬆軟熱辣辣帶微微碳香 太好味呀 佢地串燒係選用日本備長碳 所以燒物帶點碳燒香 特別出色 其他燒物就選擇左雞皮 帶子 同埋較特別嘅雞肉丸 帶子好新鮮 $45 唔係平常嘅雪藏貨 因為帶子肉質彈牙 群邊還在 陪埋燒汁 正~~雞皮燒到無晒油 $30 乾身脆口 曬上少少鹽 老公非常欣賞 特製雞肉丸 $36 起初以為係免治雞肉 但咁就錯晒 佢地係用左雞肉包著鵪鶉蛋架 非常特別 薄薄外雞肉燒得香脆帶d濃 同蛋味好夾到 果然十分出色 主角當然係極上燒牛舌定食啦 $168麥飯 大蔥湯 鮮淮山 燒牛舌 厚切牛舌 軟淋無臊味 表面燒得剛好

Sogo隔離的澳門逸園大廈差唔多成棟都係中高檔的日本菜式，間間都有一定質素。鍾意食日本菜的我，當然都留低左唔少腳毛啦！今次去的一杯屋，以真。炭燒而聞名，我都係聽到朋友介紹，忍唔住黎一試。因為飲食牌照的限制，香港能夠做到真正炭燒的日式餐廳其實唔多，而呢度就係其中比較出色的一間。上到去先知，原來佢地係主打仙台菜，屬於比較冷門的日系菜式。見到仙台，我唯一諗起的就係牛舌，不意外炭燒牛舌就係佢地主打。入到去的感覺令人好relax，座位間距離遠，有私隱度。而我地坐左一張距離師傅比較近的梳化座位，可以睇表演。店員的服務都令人感到好貼心，一坐低就奉上熱毛巾。一場來到，當然要食牛舌，二話不就點了炭烤極上牛舌。上檯都幾大份，一客有約十件，見到賣相聞到香氣已經令我地流哂口水喇。入口的感覺實在好滿足，先傳入口腔的是炭香，繼而是牛舌獨特的味道。牛舌烤得剛好，外表有少少脆焦，中間仲係粉紅色，但咬開又好juicy肉汁豐富。招牌菜的威力真係唔可以睇小，實在係一試難忘，我諗我以後想食好食的牛舌都會再幫襯。繼而亦點左幾款小食。雞泡魚乾香口，但切得太幼影響左少少口感。煙肉露荀卷配合得好好，肉香炭香混和蔬菜的清新，不會有膩的

上年到日本旅遊時，當地的導遊帶了我去一處食當地的正宗日本菜，以牛為主題的晚餐，至今讓我回味無窮。想不到的事是原來身在香港亦可以食到日本嚐到的味道，坐在吧檯前晚餐，與廚師的距離很近 ，可以大家傾下計。言談之間才知道這間餐廳原來已經開業十年，原木傢俬保留至今依然非常新束。炭燒極上牛舌以竹炭炭火燒烤，肉質爽脆，內裡仍保留肉汁，很香的牛油香氣，有在那時日本吃時的味道。牛油果飛魚籽沙律向來也非常吃牛油果，對身體健康，用作沙律伴飛魚籽，口感特別。雜錦大蝦天婦羅好大隻蝦呀，炸得金黃又通透，口裡卜卜脆，然後是厚肉鮮甜的大蝦。明太子玉子卷它的樣子當時話我知它很滑，笑了笑，事實是又嫩又滑，而明太子則少少辣。串燒帶子、串燒三文魚近距離看着師傅燒烤，原來是一種視覺的享受。偶爾見到師傅把串燒高空用火去燒，熊熊烈火，灑上調味料。厚肉的帶子很肥美，而三文魚則滿是魚油的香味。雞湯泡飯日式的泡飯與中式的不同，通常是以熬煮後的湯，加入飯去拌勻，雞湯是精華呀，我覺得好有住家媽媽的味道。蘋果雪芭甜品我吃蘋果雪芭，原個蘋果載著雪芭，每淡都清甜爽口，中和先前的點點膩。朋友都知道我是個日本控，常常奔走日本吃喝玩樂，呢間居酒屋多謝她

剛從日本公幹回港，帶著一絲鄉愁，試途尋找貼近那裡的的風景，憶記𣊬間逝去的記憶。一杯屋，位於銅鑼灣崇光不遠處的大廈裡。屈指一算，也光顧這裡達十年之久。廚房和樓面的班底轉變不少，但前來光顧的日藉客人依然居多。晚上7時30到來，靜靜和友人吃一頓日式炭燒盛宴。一杯屋，主打以日本最高級的紀州備長炭所即席燒製的牛舌和串燒，定價合理，在$28-58一串兩大塊/四小件。筆者最喜歡這裡的串燒白鱔和金菇豚肉燒，絕對是理想的佐酒小菜。店員先捧來麥茶，消毒毛巾和前菜薯仔沙律，在親切的笑容的美味前菜下，為晚餐接開序幕。今天，在嘴刁的友人推使下，點了一些失未嚐過的菜式，吃過味道不錯，值得推薦給大家。是日先點了三文魚腩刺身（$108），首次嚐試，被刺身的肥美程度和刀工所驚訝。在廚師的逆切和細雕下，魚腩去了筋，入口即融，質素遠遠高於坊間中高價的壽司店。接著，我們點了七寶生啤（$48）和梅酒（$58）各一杯，佐數款串燒。梅酒用西式酒杯盛載，感覺高檔優雅。而且，鮮有地加入原粒青梅，甘醇的酒添了多一份真實的酸溜。餐廳鮮有供應的啤酒品牌--七寶，入口遠比罐裝版本清爽和甘甜，味道更與串燒揉合得宜。一眾串燒，先談談筆者至愛金菇豚

正宗仙台牛舌喺香港真係唔易搵一杯屋絕對算得上係香港一間老自號嚟過既朋友應該都會見到唔少日本食客要獲得日本客人垂青實在唔容易先嚟前菜, 清啖既牛舌配上酸汁, 大葱牛舌軟滑, 口味清新開胃薯仔沙律份量充, 食得出薯仔粒, 唔係得薯蓉配上青瓜甘筍等配料, 多重口感沙律新鮮無出水, 推介極上牛舌必然係呢度既主角, 限量供應, 要食到就要睇彩數全部均為牛舌芯爽口無筋, 炭火味香濃值得一提呢度係絕無僅有室內設有炭火烤爐既餐廳燒至7-8成熟, 絕佳享受配菜都似足仙台牛舌, 醃菜帶微鹹, 口味相當討好另外有味噌辣椒, 個人十分喜愛定食跟麥飯, 牛尾湯同山芋蓉山芋蓉可以有少少醬油同埋生蛋伴勻, 撈飯食用不過口應唔係人人啱, 建議可先試少少啱食先撈晒成碗牛尾湯牛骨味香濃, 呈奶白色配大量大葱, 大葱甜而不辣牛舌刺身刺身分兩種, 一種全生, 另一種如圖中款式配酸汁辣蘿蔔蓉食, 爽滑開胃串燒都係推介之一免治雞肉丸入面包住兩粒鵪鶉蛋汁燒香濃雞翼兩條骨已經分開, 方便食用雞軟骨比較特色, 連住相當大粒肉雞皮燒得香脆, 佐酒一流串燒蠔驚喜不大豚肉大蒜燒得香口, 蒜肉軟腍香甜