スーパー丼 (駱克道) (已結業)

經過見到新開一心試一試，結果被那服務態度嚇走，決定唔會入去光顧(都排咗20分鐘）我們二個人是排第二，前面都是二人，等了一會，有二位客人走了，前面二人便安排入座。再等一會，有四位客人離開，侍應小姐推門望一望我：你兩位等等，後面三位入先。我已經呆一呆，心以為有客人埋緊單啦，點知等了又再等，我後面再排了一個人。侍應小姐便推門你一位過來。其實去過日本的朋友都應該知道，日本餐廳是按排隊次序先後入座的。等了二十分鐘我不介意，也並不介意你讓我後面的三位客人先入坐四人枱，一位客人又入先，而是侍應小姐你應該同我講一聲先，這是日本餐廳的基本服務態度。我已沒有興趣試試食物水平，這個港式茶餐廳的服務態度，實在另我卻步。

又到周未梗係试新野啦，由於之前中伏太深，中伏率太高，所以今次都唔係抱好大既期望，今次又係睇飲食男女報導过，其实睇蘋果D野十单都中左11单伏架啦，但今次同個朋友想食魚生飯都有段日子，親佢开左無耐一次試下！我地12.00去唔使等位就入得啦，食完都坐到八，九成！我叫左个海膽切角魚生反，星期六，日加20有沙律同湯，1-5係送既！沙律超级好食，入面有兩片西柚简直係畫龍點晴，沙律菜好新鲜，配上沙律汁好开胃，我地都激讚，湯就一般正常！講反我個don就又係只能用新鲜黎形容，海膽入口即溶，鲜甜，我下次会主攻海膽，鱼子十分飽滿，切角既幾款魚生好新鲜，朋友碗don亦十分出色，鱼生片係厚切，份量十足，我地一直感觉食唔完！總括，午市既價錢亦比足份量！抵讚！仲有我好鐘意佢地既芥末，一放入醬油到就散開溶化。正

依間日本餐廳環境好清新舒適，食物質素一流！物有所值！第一次黎食，同朋友一人叫左一個丼set，兩款都好好味！特上天婦羅丼依個天婦羅丼賣相非常吸引！而且份量十足，用料好新鮮！入面有三隻大蝦！蝦肉新鮮彈牙，炸粉唔會太厚，就算放耐左食落都仲係好蘇脆！食得出用料上盛！除左大蝦之外，仲有南瓜，蕃薯，茄子，冬茹，而最特別係有海膽天婦羅！海膽用紫菜包住，外面再沾上炸粉，食落外皮蘇脆，而入面嘅海膽就好鮮甜，加上炸熟左，令海膽食落好香口！再點埋個天婦羅汁就更好味啦！依個天婦羅丼絕對真材實料，值得推介！火焰三色丼依個三色丼有三種刺身，包括北海道帆立貝，北寄貝和赤貝。刺身顔色好靚睇得出好新鮮！仲有小菊花做擺盆，令成個丼賣相更靚更吸引！帆立北勁厚切！食落好新甜，又厚肉，令人好滿足！另外北寄貝同赤貝都好厚肉，食落爽甜！另外要讚一讚跟餐的味噌湯同沙律！味噌湯味道啱啱好，唔會太咸，入面有好多腐皮絲，豆腐粒同海帶。而沙律用料都好新鮮，有沙律菜，豆腐粒同蕃茄，仲加左芝麻醬調味，味道清新！

今天，朋友說要尋回上星期錯過了的海洋之味。相約到銅鑼灣 SuperDon 午餐。這裡的裝潢簡約清新，明亮舒適。朋友點的當然是海鮮丼，香蔥吞拿魚腩蓉，吞拿魚赤身丼。魚腩蓉鋪滿飯面，上方放著兩片嫰紅的吞拿魚，柔軟鮮美，混著香蔥及芝麻的魚腩蓉，鮮香之外，還有一份嚼口，皆因這個魚腩蓉，魚筋綿綿，反而伴著多款漬物較有驚喜，除了黃蘿蔔、薑片、蒜、還有牛蒡，各樣亦爽脆入味，令這碗飯生色不少。自己的日式滑蛋雞肉丼，賣相色澤悅目，淡黃的滑蛋，口感水潤，雞肉軟滑，飯香蛋香，標準滋味。還有，定食配著味噌湯及豆腐野菜沙拉，其實定食很還未上桌時，老遠已聽到店員說「 味噌湯不夠熱 」果然，這碗湯是沒有熱度的，要說只可以稱得上是微暖，朋友說可能是午餐時間，客人太多，到這個下午茶時段，湯存量不多，容易放涼，但熱湯沒有熱度，就是不對味，還好沙拉尚算標準之味。

有時一個食飯，選擇可以隨意，不用你就我，我就你！是晚就去Superdon ，食評個個讚，自己都想去試試真偽食店很易搵，白色嘅門面，很搶眼，按門入去，門口已企了幾位服務員招呼，全是年青人，一個人被安排坐吧位，腳短的我，坐上去有d難度。坐下來點餐，望望食譜，選了熟的炸蠔丼，服務員落單時，同我講需要10分鐘時間，自己不怕等，要即做就是要時間吧！炸蠔丼上檯喇！嘩！見到5隻蠔鋪在飯上，急不及待先咬一口蠔，味道的確好，繼續食一口飯，飯是粒粒圓大的，很有𡁻感，胃細嘅我將碗飯完全吃清乾Superdon店子細細，能做出令人回味的食物，是值得大家去幫襯，價錢是貴了點，但味道值回，就抵晒啦！評分食物：A環境：B服務：B

我對食日本菜的要求都幾高，呢間絕對有水準，當然價錢都係番到幸好不用排太久，星期六下午1點左右，等10分鐘就有位子了！地方都幾窄，同旁邊人坐得有d close左D，但食物是有驚喜的！星期六下午是有set lunch的 大拖羅，海膽，帶子，蟹腳，劍魚腩，三文魚籽 Don!叫了少飯，都係食剩d d. 湯和沙拉都 okay~ 侍應都常來倒茶! 推薦的，可以一試！Superdon Hokkaido Lunch Set 味道幾好！ 可以一試的！

見裝修同餐牌都幾ok於是入去試下個 lunch. 當時餐廳唔夠一半人。我哋兩個人，我到先，朋友後到。侍應帶我行到半路，忽然問我人齊未。。。佢話平時要人齊先入得，今次就算數啦。(但就帶住我一個人行咗入餐廳一半先講!)我坐底冇兩分鐘，另一個睇落senior d 嘅侍應就過嚟問我有冇訂枱，冇訂枱要人齊先入得喎？！？！我明顯係未齊人，但你就帶咗我入嚟。我問你咁講係咪想我走？佢就好悔氣咁話你講到朋友幾時到你咪坐囉。我好後悔冇即時走！我地叫咗生薑豚肉丼同海膽角切魚生丼。兩個都幾好食，但我都一定唔會再番嚟。食到一肚氣！我地坐咗個半鐘，全程最多得一半枱有客。我左邊右分別有一同兩張4位枱，有兩個客入，佢就安排同我地搭枱。有客人拎住把遮，外面天朗氣清，佢要求人地放把遮喺外面。嗰個客人話把遮乾嘅，佢就好悔氣咁話「你鍾意啦」

周日與朋友到銅鑼灣行街, shopping 前開餐相信是指定動作吧！由sogo沿駱克道一直走，發現有一間純白色小店 - superdon，從透明玻璃大門看過去，發現食客挺多，相信品質有一定水準，就入內試試。 Superdon 顧名思義就是指日式丼飯，這裏的海鮮魚生食材全都是由築地市場每日空運到港，保證新鮮。 這裏的丼飯選擇極多，提供16款丼飯，8款是刺身飯，8款是熟食，比例一半一半。 午市時段，每個丼飯內已包括沙律及麵豉湯。原以為沙律沒有什麼特別，只是普通的雜菜而已，沒想到內裏放了西柚、蝦肉及車厘茄，令口感及層次感頓時豐富起來。 特上天婦羅丼 - 天婦羅丼的賣相不錯，內裏的材料超級豐富，包括有大蝦3大隻，還有南瓜片、蕃薯、茄子、冬菇及蔬菜。 天婦羅入口非常酥脆，就是放涼了，仍然能保持香脆口感，而且炸漿不厚，薄薄一層的包在食物表面，所以入口不會糊在咀裏。 大蝦天婦羅真的非常好吃，因為蝦肉味道鮮甜，而且口感爽口彈牙，不用蘸上醬汁，都就已經相信鮮味。 另外，南瓜及蕃薯片同樣是我的心水推介，因為味道真的超級香甜，炸香後，甜度提升，變得甜美爽脆，超讚。 吞拿魚三色丼 - 三色丼的賣相同樣不

喺銅鑼灣呢頭有唔少美味高質既餐廳，我同朋友都好中意過海覓食～ 今晚心血來潮想食日本菜，聽聞Superdon 既丼真係好正，啲相睇落又好吸引，咁就一於去試下，睇下係咪真係色香味俱全。😜我地一入座 餐桌已經放好餐具、餐牌同埋熱茶 餐牌內有多款菜式 有唔同既丼物、刺身、飲品 我同幾個朋友一時間都有選擇困難症 用左一段時間 先做到決定角切雜錦魚生丼 $138我最後決定點角切雜錦魚生飯😝 期待已久既魚生飯終於出現！😍😍 。我首先飲左麵豉湯，個人習慣飯前飲湯。麵豉湯味道濃郁，入面放左豆腐、海帶做配料，味道更加鮮甜清新，好中諗軟綿綿既白豆腐，非常香滑～重點係魚生飯！睇佢既賣相已經令人垂涎三尺，角切魚生飯既選料包括帶子、三文魚、吞拿魚、北寄貝同埋三文魚籽等等。另外仲有薑、青瓜作為配料。魚生丼係名副其實既色香味俱全😍😋為左俾大家睇真啲 我為魚生黎一個近鏡😂 角切魚生粒粒都厚身，包保食客滿意。三文魚遇上三文魚籽，呢個美味組合絕對可以滿足味覺既享受。鮮甜既帶子同吞拿魚亦係我既最愛😍😋豚肉丼 $108朋友點左溫泉蛋豚肉飯～ 同樣有湯同埋美味既沙律🥗 我都忍唔住試左佢既豚肉～味道好唔錯豚肉同洋蔥既味道好夾～豚

※本文以用餐當日的環境、服務和食物質素為準，口味亦因人而異，文章只作參考之用。-自從愛上享受美味既刺身後，周圍去食不同的丼飯店也是一種樂趣，不過勝價比高的，又會回頭食的始終不多！前排去左銅鑼灣一間開業不久的日式丼飯店，一出地鐵行兩三分鐘就到，對於身為路痴的小妹，真係超方便。餐廳沒有一個正式中文名稱，所以門口用上日文名稱和英文店名SUPERDON，有前衛的感覺。拉開趟門，餐廳環境以白色為主調，給人很簡潔的感覺。呈長方形的用餐環境，座位不多，左邊係高枱位，沿住狹窄的路直入右邊就係數張二至四人枱，枱與枱之間甚為迫狹，算不上係舒適，特別係出面多人等位時都唔會坐得耐。餐廳有照顧到不食刺身的客人，所以餐牌上有分刺身或熟食丼飯，刺身丼飯較特別的有貝殻類丼飯、馬糞海膽丼飯、吞拿魚三色丼、北海道海鮮丼和自選海鮮丼；熟食的有特選鰻魚丼、黑松露和牛丼、醬燒廣島蠔丼、熊本A5和牛火焰刺身丼等，其實好多款都想試！餐牌除左圖文並茂外，仲會列明每份丼入面材料既份量，例如幾片刺身、幾份海膽，同埋有邊款配菜，很清楚又貼心！吞拿魚三色丼 $238（加$20 轉定食有埋蟹肉沙律同麵豉湯）唔使估都知我又係叫吞拿魚丼，一碗有大

好難得今日咁岩同好姊妹都得閒，所以就約埋一齊行街，食飯，gathering。行咗一陣，我地就打算食日本野。路經銅鑼灣一角，我地就見到呢間日本食肆，朋友就即刻喊肚餓...入到去，我地發現裡面嘅裝修好日本風，成個感覺就好似去左日本咁。鍾意食魚生嘅朋友即刻order左角切雜錦魚生丼。我就叫左個特上天婦羅丼。 等左唔夠10分鐘，我個天婦羅丼($168)就黎左。成碗野一上枱，我地就已經聞到股香味。3隻蝦雖然炸過，但入口一啲都唔油膩。更加重要嘅係，我食到啖啖鮮蝦味，完全無麪粉多過蝦肉嘅情況出現。其他食材，例如炸茄子，南瓜都做得好甘香。再過多陣，朋友個魚生丼 ($138)就黎左。 望落去，完全明白咩叫「色，香，味」俱全。三文魚腩同三文魚子放得好整齊，一啲都無亂七八糟嘅問題。我淺嚐左朋友嘅魚腩一啖，真係好味到「哇！」左出黎。我好耐都無食過咁嫩滑嘅三文魚啦。2個套餐都有沙律同面鼓湯做配搭。真係又有得食，又有得飲呀！食完之後，我同朋友都一致提出，下次再黎銅鑼灣shopping，一定要再去食Superdon 呀！P.S 碗面鼓湯真係幾好飲

開左無耐既丼丼餐廳 本來係為左牛肉丼而來既 但因為皮膚敏感就放棄食牛了雖然我無特別好海鮮 但呢個的確都吸引到我既目光 大大粒既三文魚籽同滿滿既海膽😍A先生就點左呢個食 咩都有D 價錢都吸引D😂加$20就可以有個SET 有埋沙律同麵鼓湯 三文魚籽份量絕對唔孤寒 另外貪心既A先生話什綿咩都有 最岩佢 食材食得出新鮮 厚身 尤其係鮮美既三文魚呢個就係我食既吉烈豬扒丼 雞蛋好滑好滑 撈落飯飯又另一番風味另外豬扒 出面脆身得來 裏面都好滑鍾意佢嘅麵鼓湯唔會味精味 沙律有少少食唔慣 因為偏酸最後就係加左$25點我最喜愛飲品-波子汽水

媽媽成日話隔離飯香。近來好多飯局已經好多日無番屋企食飯，今日出街去開cwb都要搵間食飯既　餐廳位於sogo後面既個條街，主要賣宜家大熱既丼。除左魚生丼，仲有熱既熟食丼，我地就每樣試個啦一入餐廳你會感得好光猛、簡單、乾淨，同muji俾你既感覺差唔多，正正反映日式餐廳既特式。好鐘意呢d擺得咁靚既食物，未食都開心曬啦北海道帆立貝、北寄貝、赤貝丼全部都係爽口鮮甜，最有心見到帶子用檸檬夾住，呢d係反映廚師精心既設計同準備。帶子大大粒好厚肉、赤貝好爽。醬燒廣島蠔丼其實我鐘意呢個丼多d因為鐘意佢個燒汁，撈飯一流茄子都𠝹花𠝹得咁靚，實在心甜了蠔大大粒，肉多汁正！平時d日式味噌湯，我唔會飲今次我飲曬因堅好飲，有海帶油豆卜條吸曬味正！

今日一個人走到銅鑼灣食飯，經過時代附近發覺有間日式丼飯專門店，天氣炎熱食啲冰涼食物會比較開胃。有多款特色丼飯供應，旁邊仲有列出份量，好細心啊唔想食指定丼飯，仲可以自選，拼出自己的飯類。餐廳環境裝修好簡約，簡單好舒服。香蔥吞拿魚蓉·吞拿魚赤身飯。我無要到自選丼飯因爲怕麻煩，都要在餐廳選擇好了吞拿魚比較合我胃口，喜歡吞拿魚蓉加上香蔥，入口清香魚味清清，唔會太膩，吞拿魚厚切鮮甜，無雪藏味道非常合我心意。套餐仲有沙律和麵豉湯。

以我ex-girlfriend嘅非官方統計，10個女仔，9個半都鍾意食日本菜，另外半個都係因為皮膚問題，唔太敢食生冷野。所以香港有好多日本餐廳，由主打壽司、日式火鍋、鐵板燒、和風定食等。到近年大行其道嘅丼飯！今日就等我帶A姐去試試呢間位於銅鑼灣新開嘅スーパー丼 Superdon啦！一入到去，已經感受到日系嘅文青簡約風格，由傢俬設計，已至餐具小擺設，真係好啱我呢個偽文青呀！北海道海鮮：配料包括大拖羅、油甘魚、帆立貝、長腳蟹、三文魚籽，同最吸引嘅北海道馬糞海膽！各類食材都夠晒新鮮（呢個應該係基本要求），北海道馬糞海膽，入口真係好鮮甜呀，一啲苦味都無；大拖羅入口即溶，真係一啖一滋味，肉質相當鮮嫩；帆立貝夠晒厚身，睇menu以為有三粒，但原來只係開邊，夾埋都有1粒半；長腳蟹好鮮甜，口感唔錯；三文魚籽份量好多，粒粒都大大粒卜卜聲！特選鰻魚丼：原來丼除咗可以係魚生之後，仲有好多熟食選擇！呢個特選鰻魚丼，份量唔少，眼睇都有成條鰻魚份量。師傅用秘製醬汁燒製嘅鰻魚，唔腥唔膩，同鰻魚夠晒match，燒到又香又脆，正！鰻食無骨又有口感，飯嘅份量夠晒，食完真係夠晒飽呀。如果想豐富啲，可以加$20轉定食，包括沙