スーパー丼 (駱克道) (已結業)

忙碌完一天 身體已經好攰 近近地去左駱克道搵食 朋友指著superdon話新開 好吧！既然新開 就入去試試！入到去地方雖小 但入面car位仲有位 但職員只叫我同朋友坐近門口的位置那就算吧！我們坐下 點下食物。-特選燒鰻魚丼 $168+$20轉餐賣相非常精緻！鰻魚數量適中 燒汁佈滿整個鰻魚上 中層有少許蛋絲 下層是飯。味道方面 鰻魚絕無幼細骨 不會過於林 連同飯一起吃 味道不錯 黃色的蘿蔔有點硬。另外，加了$20轉餐 有麵豉湯同沙律菜 湯咸度適中 沙律菜裏有西柚果肉非常苦-餐廳內其中一位中年女人 長長頭髮 瘦弱的 好像餐廳的高層 （因所有員工聽從她的order）中年女人服務態度非常惡劣其他年齡少的職員服務態度還比她好得多！我和朋友也覺得餐廳剛剛開張，態度反而豪無禮貌！！！她真得非常趕客！所以請大家多多留意那個中年女人 最好不要叫她 否則像我們一樣食到一肚氣！真的希望那餐廳多多提點她改善一下服務態度吧！-價格雖然比其他餐廳相對昂貴 但食物質素不錯 但服務態度非常欠佳 所以覺得不值！一定不會再入這餐廳！

喺同女皇食完下午茶好滿足諗住返屋企之際，就收到朋友來電叫我陪佢出銅鑼灣交收兼行街反正今晚無約人就陪下佢啦交收完行左陣都已經八點幾啦，朋友仔話答謝我陪佢要請我食飯咁我當然老實不客氣咁“say yes”啦原來佢想我陪試喺銅記新開無耐既呢間丼飯我地太口渴，一黎到就叫左野飲先我要左原味乳酸；朋友就叫提子乳酸原來除左有唔同既丼，仲有一啲小食架啵不過我地驚食唔哂，所以今晚唔叫嚕~~我叫左個特盛鰻魚丼，加配沙律同味增湯；朋友就叫左個貝類既刺身丼，同樣加配沙律同味增湯！個蟹肉沙律好新鮮，味增湯既味道都唔錯我個鰻魚丼有好足料！鰻魚肥美~正而朋友仔都話佢啲刺身都好新鮮，仲大讚佢個北寄貝好鮮甜添-雖然係幾好食，不過今餐原來都唔平😂😂😂（真係要多謝朋友仔啦）綜觀黎講cp值唔算太高

上月底去了銅鑼灣 SOGO Thankful Week，途中經過這間新開的 SUPERDON， 看見門面不錯就在門外看了餐牌，發現全部都好吸引！ 於是相約同樣喜愛日式丼物的好友前來一嚐究竟。 我們最近都 on diet 中，就把晚餐時間調前，所以約莫下午5時半就來到了， 雖然是公眾假期，但可能時間尚早，店內只有數枱食客， 而店內面積不算大，也許到正式晚飯時段會出現滿座的情況。 店內裝潢簡潔雅致，以清新的原木及白色作為主調， 類近無印良品的風格，清涼舒適的，令心境回復原點素雅。 環境令人覺得悠閒寫意，而我和朋友被安排坐在 bar 枱位置，令我們更暢所欲言。 枱底更貼心地有掛勾可以掛手袋或購物袋， 食飯時就不用抱著手袋，很輕鬆。 北海道帆立貝．北寄貝．赤貝丼 HK$188友人點了貝類刺身丼，一款丼物就包含了 3 款貝類，材料十分豐富。店員端來時的賣相亦很吸引，雖想即時感受新鮮的刺身，但還是敵不過相機食先的透惑，趕快照好相片就開動。北寄貝和赤貝全部大大片，而且十分新鮮，有別於出面經常吃到尤如橡皮擦的口感，這裡口感很爽口，足見其新鮮程度！北海道帆立貝一入口就已經感受到其鮮甜，帆立貝的香

天氣好熱啊，行到攰攰地又餓餓地想搵個地方食下野，到了頗有名氣的Superdon，店內員工比客人還多，大概是下午的關係吧，見咁多吉枱便不假思索坐下去了，點知原來唔齊人係不能入坐的，店員立刻沖上前來提醒點，不過既然已經坐下了，店員亦只好張就一下，但她還是不斷從覆唔齊人不能入坐，咁樣好難做等之類說話x100次，令氣氛十分尷尬。另一店員送上麥茶，好口渴，呢杯茶來得正好。三文魚親子丼（$108）點了香港人最愛的三文魚，厚厚四片很肥美，吃到重重的魚脂，口感一流。三文魚籽亦很有咬口，份量不少，只是有點鹹，基本上整個丼飯是不用下豉油了，只點一點點芥末已很夠味。照燒雞扒丼（$78）遲到了五分鐘的朋友點了雞扒飯，一碗有兩大塊呢，雞扒份量完全遮蓋了飯，燒得很香口，吃到點點的炭燒香味，但同樣有點鹹，不知是否夏天想吃清淡一點的味道。午餐附上的沙律，菜新鮮爽口，豆腐滑，加上麻醬很正。面豉湯亦很香，味道正常非師傅，好飲。吃畢整碗飯大概只用了廿十分鐘，見店內客人仍然不多，便小休傾傾偈，另一店員主動添茶，不知是否天氣太熱，一口氣喝了六、七杯茶，麥茶真的很好喝，麻煩了店員斟茶了。用餐時間三十分鐘，好充實，臨離開店家前店員

最近以海鮮丼最為大熱，不少售賣丼飯的餐廳相繼開業，其中一間就坐落在繁華的銅鑼灣駱克道上，名叫スーパー丼 。店內的裝潢走年輕清爽的路線，有著如無印良品的感覺，以售賣丼飯為主。 可能由於近來經常大魚大肉，間中也要吃得輕盈一點，丼飯是一個不錯的選擇。與朋友二人放工走到這兒，就是貪其走著年輕兼輕盈的路線，所以便走入內。 各自點了不同的丼飯，一個半生熟，一個熟的作分享。先由火焰三色丼吃起，加$20就可變成套餐，有麵豉湯及沙律，簡樸的一盤送來，更覺有著那種重重的無印感覺。 三色丼用上的分別是炙燒三文魚、炙燒左口魚魚邊、炙燒吞拿魚及三文魚籽，用料新鮮，魚生經輕輕燒過，魚油變得甘香，加上份量不多不少，男仔也會夠飽的。 相對地，我們都十分喜歡生薑燒黑豚肉丼。雖然很普通，但賣相已非常吸引，黃澄澄的蛋黃放在中央，配合嫩滑的黑豚肉及惹味醬汁，不錯的，只是生薑的味道很淡，說是洋蔥豚肉飯更適合。 這兒的味道不錯的，而且魚生的鮮度不錯，如果經過這兒，不妨可以一試。

好耐好耐都冇咩點去過銅鑼灣食飯, 今日朋友就帶左我去一間食丼既日本餐廳到食好野….呢到既環境都唔錯, 簡約得黎令人好舒服, 不過啲座位真係有啲迫，每次有人要走都要移動張枱，有啲麻煩…….佢呢到有唔同既丼, 除左一定會有魚生丼之外, 仲有其他熟食既丼: 鰻魚, 蠔等等…..我同朋友不約而同都點左個角切魚生丼…..魚生丼一上枱既賣相唔錯, 十分新鮮, 三文魚子粒粒都脹卜卜, 好鮮味; 魚生粒粒都好新鮮而且仲唔係碎散散咁, 加埋撈入豉油同WASABI既魚生飯, 魚生鮮甜美味而且三文魚好肥美, 每啖都食到每樣魚生既味道，但壽司飯既醋味就唔算太過突出, 但飯味香甜…….至於啲生姜我認為酸甜味剛剛好, 爽脆而且好醒胃!!! 整體都唔錯, 下次會再去試下其他丼!!!

今日黎銅鑼灣湊熱鬧，中午去左食米之蓮一星拉麵後非常失望，唯有再搵新野試下刺激味蕾。行到Sogo後面見到呢間裝潢好清新既SuperDon,賣最近大熱既日式丼飯，除左海鮮丼外，熱食既飯都有唔少選擇，見時間尚早唔洗等位，咁就試下啦！《貝丼 $188》帆立貝、北寄貝、赤貝既組合，我都係第一次食。帆立貝一開三，每片以檸檬分隔，食既時候會感覺到檸檬清香，帶子甜美，但切成三件令人食起來少左滿足感。赤貝值得一讚，入口爽脆而清甜，唔會有腥味。北寄貝唔乾身，口感煙軔。《特上天丼 $168》友人唔食得刺身，唯有點熱食，左諗右諗都係天婦羅丼最抵食，起碼要唔少工序先做到一個精美既天丼！份量：非常合格！三隻蝦，兩件蕃薯，兩件南瓜，仲有茄子、冬菇、蘆筍。味道：天婦羅粉落得剛剛好，咬起黎酥脆而唔過厚，入口亦不油膩。沾上天婦羅汁後，酥脆口感中少左一份熱氣既感覺。最鐘意當然係炸蝦，蝦肉彈牙而且大小適中。

銅鑼灣最近開咗一間新的丼的餐廳餐廳裝修簡潔以白色為主裏面有多款丼選擇，由刺身到熟食包括天婦羅同鰻魚等等。先來一個火焰三色丼，叫餐就有埋沙律同面豉湯。沙律係胡麻醬，沙律菜同蕃茄清甜新鮮火焰三色當包括仲拖羅，三文魚，左口魚背經過火焰的刺生，半生熟，熟度剛好除咗刺身，飯粒對丼黎講都非常之重要，飯粒有咬口，一粒粒珍珠米，口感不錯再來一碗特選燒鰻魚丼，內有鰻魚同雞蛋，廚師將雞蛋住成一條一條，有口感鰻魚肉質肥厚，淡淡的香烤味在銅鑼灣又多一個選擇了

位於銅鑼灣的 スーパー丼，是一間丼飯餐廳。今天是星期曰，炎炎夏日天氣熱得很，除了吃雪糕，可以消暑外，吃一碗冷冷的海鮮丼也可消暑哦火焰三色丼$188每碗套餐，包括: 丼飯，沙律，味噌湯。火焰三色丼包括: 炙燒三文魚三片， 炙燒左吾魚背三片，炙燒中拖羅二片，少堆三文魚籽。賣相吸引的丼飯，令人食指大動。炙燒三文魚肥美腍軟，燒後脂肪部份亮白光澤，橙白相隔，腍得一夾既散炙燒左口魚背白滑爽彈，入囗脂肪溢出，滿咀魚油呢炙燒中拖羅厚肉厚切，燒後還保持中心的新鮮，一咬就散，好好吃哦。特選燒鰻魚丼$168現時方間有太多鰻魚丼供應，往往把一整條鰻魚完整地呈現眼前，不過其實鰻魚丼應放在碗裡較為傳統。餐牌指鰻魚有一整條，但切開呈上，較完整呈上的賣相差了一點點。鰻魚肉厚薄適中，無骨軟腍，配上煙靭米飯，味道不錯。

夏日炎炎就想食壽司飯！（什麼道理？）路過立即跳進富日系氣氛的Superdon，下午時段價錢平一截，識食一定係揀下午。餐廳要齊人才可入座，這一點要注意！（一次來不知道，給老闆娘痛斥了一頓… 甚至不只一頓…）然後心情一直不太好，但既然來到就繼續吃吧。點了一份香蔥呑拿魚腩蓉加呑拿魚定食。木製餐盤，包一碗味噌湯，胡麻沙律，麥茶（可添加），簡約風感覺很不錯。單看顏色已經覺得很美味，事實上亦很好，以香港來說已是數一數二之味（個人覺得，因為我只吃過元氣的呑拿魚蓉飯…）日式芥末亦非化學合成貨色，果然是一分錢一分貨吧。除了靚料吞拿魚蓉和吞拿魚腩刺身兩片外，還有生薑片，牛蒡，漬物等等，食材的配搭很細緻啊。若要說美中不足，我會覺得飯味不夠日本米香。對於不太愛吃生魚片的朋友也能自得其樂，點了一客生薑燒黑豚肉丼，上面有一隻生雞蛋，攪拌後每一啖都有滑溜的口感。味道不俗，洋蔥吸收了肉汁，甜甜的。而豬肉片確是以薑炒過，薑味撲鼻，稍稍過咸，豚肉炒得少少過火，導致口感稍為太有嚼勁。不過賣相滿分是真的，發照片上fb紛紛收到朋友宣問餐廳地址（笑）個人覺得Superdon的食物誠意十足，不過服務方面有點讓人感不舒服，我明白小店

近排日式丼飯在香港大行其道，不少丼飯專門店亦應運而生。筆者對潮流的觸角，雖然稱不上敏銳，但也頗喜愛吃丼飯，尤其是賣相繽紛的海鮮丼，更是百吃不厭。早前去銅鑼灣吃川式烤魚時，已發現港鐵站對面開咗間風格似十足日本 Café 嘅丼飯店 SuperDon，趁這天要來銅鑼灣購物，就順道過來一湊熱鬧。店子位於駱克道，是間地舖，按門內進，店內地方不大，基本上一眼望曬，除了六張可以自由組合的四人餐桌外，另設有七個吧檯位。由於入座時仍未到晚市時段，可以拍下店內清靜的一面；從照片可見，餐廳裝潢以淺色為主調，配搭牆架上的小盆栽作點綴，為室內增添朝氣。拿起餐牌，丼飯分為兩大類，而且選擇甚豐，共有 16 款，當中 8 款為海鮮丼，而另外 8 款則是肉‧野菜丼，比例各佔一半。丼飯包沙律及麵豉湯，不過如果是晚市時段幫襯的話，轉定食就要額外加多 $20。另外餐廳亦設有自選海鮮丼、小食、甜品及飲品等，供客人挑選。既然一場來到，加上是首次到訪，就一於在「魚生丼飯」和「熟食丼飯」各點一客試試。魚生丼飯選了火焰三色丼 ($188)，丼飯跟上沙律及麵豉湯。沙律菜分量適中，菜葉新鮮爽脆，而且切得幼細均勻，加上清甜爆汁的車厘茄、粒粒

位於銅鑼灣鬧市區嘅Superdon, 遠遠已經注視到佢嘅全白色門面設計.  入到店內同樣以白色為主調, 置身其中感覺好舒服悠閒~  由三文魚、中拖羅、左口魚背拼湊而成嘅火焰三色丼 ($188), 再加有三文魚籽, 整個碗嘅面層被刺身舖到滿滿 😆呢個丼入面有3塊又大又厚身嘅三文魚刺身, 眼見紋理清晰分明, 食落味道鮮甜之餘, 口感仲好豐腴!中拖羅亦都要一讚,  色澤亮麗且油潤滑溜, 魚味又好濃郁, 經微微炙過後食落更香!!仲有仲有呢度啲三文魚籽好大粒好爽口, 一咬開即滲出陣陣清甜味道, 而且分量都唔少, 一直食到底都仲可以夾埋啲飯食, 呢舖真係滋味到底  😁另外 +$20 可以轉為套餐, 有麵鼓湯同沙律!! 呢間嘅餐沙律好有誠意喎!! 喺沙律菜、車厘茄入面仲加有蟹肉同西柚, 驚喜之餘仲感覺好清新 👍Superdon嘅刺身丼認真正, 皆因用料上乘, 食完忍唔住嗌一聲 "好滿足~" 📣 

銅鑼灣C出口一出既駱克道開左一間好光猛既店鋪.. 由於駱克道呢一part 以往係鞋店多我都誤以為開左一間新既鞋店同朋友又係銅鑼灣周圍行今次好認真要睇下呢間店發現原來呢間係一間食魚生飯既專門店見唔係好多一排隊就決定一試等左10分鐘左右就有位了店裝潢簡單光鮮一入門口就是吧檯坐底後待應即遞上原米茶原米茶香氣撲鼻牌餐做得精緻!每一個丼旁邊都會寫上份量北海道海鮮丼入面有大Toro, 油甘魚, 海贍, 帆立貝,蟹, 三文魚子各食材新鮮大Toro 油份好高 入口即溶海贍鮮甜無腥味而個白飯亦好香另加$20 可轉為set沙律加上蟹肉及西抽口感更fresh特上天婦羅丼我同朋友都覺得呢個丼無得輸有3大隻大蝦, 茄子,南瓜,蕃薯,等等材料已經好新鮮炸粉好薄, 又係炸到外脆內軟炸海膽日式炸雞薄薄既炸粉雞件大大件炸得外面好鬆脆 而肉質就相當juicy自己覺得, 呢到既熟丼味道比生既好.款式選擇多, 下次想黎試埋佢地既牛肉丼

前兩日放工和朋友去銅鑼灣shopping, 經過見到這家新開的餐廳, 原來是吃主打吃丼飯的,便入去一試!由門外到門內, 餐廳都以白色、簡約為主調, 餐具和擺設是木製的, 還有些盆栽植物為佈置, 令人感覺非常清新!我和朋友2人選擇坐在open kitchen 前的bar枱, 可以看著師傳製作食物雖然7點多正值晚餐的繁忙時間, 店內已不乏人客, 但我們一坐下, 服務員立即奉上熱茶和menu, 絕不怠慢!真的很喜歡他們簡約設計的餐具! Menu的設計也一貫簡潔風~Menu上每款丼飯都有所選用的食材介紹排列在旁, 讓人一目了然。選擇蠻多的! 花多眼亂! 有多款魚生丼/熟丼/小食/刺身~~很多都很想試!思考了又掙扎了一陣子, 最後終於做到決定!每款丼飯都配味増湯和沙律味増湯不會太咸, 而沙律有蟹肉和西柚, 絕不馬虎北海道海鮮丼 $268 選這款丼只因為有多款海鮮~非常豐富! 份量亦不少~當中包括大拖羅、油甘魚、海膽、帆立貝、三文魚籽和蟹。魚生是厚切的! 口感滿足! 款款都新鮮甜美~尤其是大拖羅~ 非常肥美而入口即溶! 帆立貝亦十分鮮甜! 連配菜漬蒜頭亦很美味出色~吃下的每一口都是幸福的感覺~特選

今天放工陪老公去灣仔買野，諗住食埋晚餐先回家，行到銅鑼灣，晚餐時間，好多食店都要等位，我地行到好攰，吾想再等，剛剛行到駱克道，見到有間食丼的店鋪，望到裏面有位，所以就入去食晚餐了！呑拿魚三色丼：呑拿魚非常新鮮，三種吾用部位和食法，一望就知最美味當然是呑拿魚腩，魚肉鮮，油脂香，十分美味！另一樣食法是將吞拿魚剁碎食，我第一次這樣食刺身，又試到新野啦！生薑燒黑豚肉丼：食得魚生丼太多，老公今次試下熟食丼，一上枱老公笑說：好似某連鎖餐廳的食物，我叫佢試試看！食完後，老公説這個好食d，可能多了燒汁！丼飯是不包飲品，要另外叫，汽水可以加冰上的！