スーパー丼 (駱克道) (已結業)

出開銅鑼灣就緊係要搵野食，第一個選擇緊係日本野，開業唔係好左戈，去到既時候岩岩開市冇耐人唔算多。坐bar枱位置可以睇到師傅整野，有lunch menu，但假期關係，如果配埋沙律同湯要加$20，平日就唔需要。• 北海道海鮮丼 $208有大Tuna，油甘魚，海膽，帆立貝，三文魚籽，蟹腳。好豐富，而且都好新鮮！正係食埋啲魚生都飽，飯煮得岩岩好睇得出粒粒分明。沙律菜配醋上面有啲蟹肉，唔求其。留意齊人先可以入坐。

最近自己一個人到了日本旅行。花了整整十一天的時間走遍了一次東京。大概吃得最多的便是丼飯。日本的丼飯都剛剛好一人份量，有湯有飲品有配上小沙拉。最適合一個人的我。回港後想好好懷念一下日本的時光。所以今天相約了男朋友到銅鑼灣的一家高質日本don飯店好好相眾。不到吃晚餐的時間門口早已人頭湧湧，我們大約等了五分鐘左右，店員安排我們坐在近門口的吧枱。我已經肚餓難耐了，先來一客生的，Seared sashimi rice bowl。魚生真的十分新鮮，不論熟的還是不熟的，味道鮮嫩甘甜有魚味，一點魚腥都沒有。近看魚肉肉質肥美。乾淨又閃著點點油脂，好不吸引。這個飯完全把我帶回東京⋯仿似身於日本的築地般，吃著剛剛打上來的魚兒。而沙拉是走特別的風格，帶有點點兒西柚味，苦澀中帶著水果香。男朋友則叫了一個熟的，生薑燒豚肉丼，我們一生一熟，兩全其美。你以為熟飯會較為失色嗎？非也非也⋯反而我更喜燒男友那碗，果然是「隔離飯香」。飯面上的雞蛋黃圓滾滾的，晶瑩剔透。好不漂亮。豚肉不會太老太多，恰到好處。整體而言這店的水準算高，地方企理乾淨又夠整潔。不論店的外型設計還是店內的一椅一桌都簡單又隨性，有種直接了當的小清新。店內燈

之前經過都總係好多人排隊，今日專登襯平日早d黎試下。純白既鋪面好eyecatching,第一次見以為食甜品。lunchset menu睇落唔算平，但比起正價已經平左大約＄50，仲有得揀海鮮或者熟嘅肉全是段都有自選海鮮don可選，當然啦最少要叫三款火焰三色don刺身嘅份量都幾多吞拿魚有兩篇三文魚同左口魚各有三片，全部刺身都好肥好新鮮真係好好食食咗五分之四就已經好飽好飽！同埋沙律都好新鮮架！記得食埋佢呀！個人認為鰻魚飯定食都幾抵，鰻魚嘅份量好多而且肥香油啱啱好！覺得都好好食不過價錢偏高，建議先試吓一至五嘅lunch set襯無人嘅時候影咗一啲內部嘅環境，有乾淨嘅廁所

放lunch近近地黎附近呢間丼屋試下！平時成日要排隊，今日落大雨⛈冇咩人係個好機會😎 成身濕唒入到去 waiter第一時間幫我收好把傘☔️又俾紙巾我抹乾個身！第一印象已經唔錯👍🏻 lunch價錢合理$138有海膽角切丼set！呢個角切同出面唔同唔係俾用剩嘅頭頭尾尾俾你 有帆立貝、三文魚腩、拖羅粒都有少少，三文魚子仲大大粒 ，仲有北海道馬糞海膽（waiter話佢地老闆只入北海道馬糞海膽）絕對唔係求其！😍👍🏻

未去之前期望唔高，仲好擔心係伏，因為去過同區一間要排隊既釜飯店，勁伏 !講返 Super don先，佢一碗唔算好大，女仔岩岩好，男仔可能要加 d side dish先夠飽。d海鮮都幾夠份量同 新鮮。佢有 pre-set好既 魚生 combination don, 或者你唔仲意既話自己點仲意既combination都得，但就會貴 d.另外佢都有熟食don, for example 鰻魚飯，滑蛋豬扒，牛肉etc. 最後點咗生薑豚肉don都幾好食，d肉片唔乾，仲有隻蛋黃撈飯。成個 don濃淡適中 幾好食。

剛登上本週第一位既食店, 就特意黎試試😇😇 碰巧今日落雨唔需要排隊就可以入座了!海膽 · 魚生雜錦丼配料非常豐富, 有三至四款魚生 (三文魚、三文魚籽、吞拿魚、帶子、左口魚) 一般街上白飯既比例較多, 好多時候會食剩, 但係呢度每一口飯都食到幾樣配料, 好滿足😍😍 魚生好新鮮, 入口即溶.題外話：碰巧朋友手機冇電, 問問店員有冇充電器提供, 就幫我地攞左去叉. 服務非常細心😉😉

自從上次食完尖沙咀《鉄火堂》中伏後，對魚生飯非常有陰影😆都要一段時間平復心情先敢再食，今次銅鑼灣呢間《Superdon》算係穩定番軍心，實物與menu相去不遠👌海膽、大吞拿魚腩、三文魚籽丼，個吞拿魚腩似樣喇👍北海道海鮮丼，有六種魚，啱晒貪心嘅我🤗兩個同價HK$268（未計加一）🍱呢間可以encore，下次試牛丼👌

第2次黎食，上一次食係啱啱開嘅時候！真心要讚無論熟飯、魚生飯都keep到quality!! 😻今次食黑松露和牛🐮丼同埋自選三文魚🐟/帆立目🐚/甜蝦🦐丼Order嗰時叫和牛50%熟因為自己鍾意生D！雖然on diet 叫少汁，但本身牛肉就已經好juicy!! 👍🏻 魚生方面更值得讚賞！冇因為出左名多人食就轉cheap貨...只係普通三文魚，都未叫腩位就已經好鮮甜！帆立貝同甜蝦一D雪藏味都冇 一食就知好新鮮！會再黎試其他

收工係銅鑼灣，一個人做到差唔多九點幾先係公司走，累到不得了。本來諗住求其食 d 野，快餐店解決，但經過呢間之前無留意過既日式餐廳，門口排左好多人，既然已經做得咁辛苦，不如食好 d, 膽粗粗埋去問有無一位，店員居然話有，總算發現一個人既好處入到去店員安排坐門口既 Bar 枱，雖然坐 Bar 枱，但每個客人都分得好開，唔會好似迴轉壽司咁迫，一讚由於早幾日腸胃炎，所以雖然見到 D 刺身丼好吸引，但都唔敢叫，最後選擇左天婦羅丼定食首先佢個沙律唔算太細，沙律菜算新鮮，最開心係有不少蟹肉係上面，即刻好開胃至於個主菜，特別要讚一讚天婦羅蝦，兩隻蝦 size 算大隻，而且佢個脆漿係炸得超級鬆軟，蝦亦都保持爽身，正另外其他炸物唔會因爲擺耐左而好淋，食完一個男人都會覺得飽，性價比高下次要試埋刺身丼，由於坐 Bar 枱，望住個制作過程知道佢夠新鮮，下次要再黎試下先

星期日下晝要過海去天后整少少嘢，順道先去銅鑼灣SUPERDON潮聖一下。C出口過對面馬路就係，下晝好在食客唔多，等咗幾分鐘就有得入座，餐廳偏向簡約風，又夠光線充足，俾到人乾淨嘅感覺👍🏼太多選擇真係唔知點揀，就交由店員幫手決定。🤔介紹咗幾款，最後都係揀咗兩樣熟丼，一個係火炙三色丼，同一個特選燒鰻魚丼。先來嘅係火炙三色丼有三文魚、中拖羅、左口魚背同三文魚籽，呢期我愛上咗食左口魚背，喜歡佢魚味夠濃夠軟滑，輕輕燒過嘅左口魚油脂香味更出；中拖羅都出奇地肥美，肉質亦好細緻。另外值得一讚係店員毫不吝嗇地俾咗好多新鮮生葵，唔係平時開水嘅粉狀wasabi。燒鰻魚丼就要等多一陣，未上到枱已經聞到香噴噴嘅燒鰻魚味，有幾舊厚身鰻魚配上蛋絲同海苔，可能食材新鮮，覺得鰻魚嘅肉質好軟稔，邊緣位置帶點點焦香。Overall以地點價錢同質素嚟講，點都值得再來😆😆

見間嘢喺openrice拎獎就試下啦，星期六下午五點幾無乜人，裡面好多吉臺，但係都唔俾我地坐，而係要坐喺兩邊都已經有人嘅臺，好迫⋯侍應又企喺度望住人食嘢，唔係好知自己做緊乜咁⋯叫咗個海鮮丼盛惠$268+10%， 舊芥末大過粒帶子⋯成三百蚊嘅一碗飯，完全唔覺值喺邊度⋯或者就係俾哂喺租金

第二次食係晚餐，呢次啲嘢雪藏味好大，啲大拖羅仲要好多根，蟹腳好乾，其他個啲算係正常，個飯嘅粘性都ok嘅，麵豉湯飲落都正常。服務態度算係正常嘅，個環境都算幾好，但食物嘅質素唔值268蚊一個丼，20蚊沙律加麵豉湯，未計加一。。。第一次食係lunch time,佢個set lunch 三文魚，油甘魚，赤身丼，當時佢個味係正常，埋單係141蚊，呢個價都可以接受嘅。。。但經過第二次食之後，暫時都唔會再去呢間餐廳。。。

滿心歡喜第一次黎食飯見到好多正評兩個人一齊去，一個叫左吞拿魚腩蓉、牡丹蝦、活赤貝，另一個叫左三文魚腩、牡丹蝦、油甘魚。黎到發現三文魚腩點解咁似普通三文魚嘅？本身以為啲三文魚腩唔靚，自己又好肚餓，所以冇特別為意。點知隔離枱又叫咗三文魚腩，人哋個塊係正正式式油脂分佈好靚嘅三文魚腩。嗰時就嚟埋單，諗住可能自己講得衰，人哋聽錯咗我叫三文魚，但睇返張單，發現真係叫咗三文魚腩。我即刻同侍應講頭先嚟咗嘅係三文魚，之後佢質問我，點解你覺得唔係三文魚腩，我心諗：其實我都有食過三文魚腩，點會唔識分？同埋同隔離枱叫既完全唔一樣😡我好好耐性咁解釋頭先嗰塊同隔離枱有咩唔同。之後佢又叫左個高級d黎職員同我地講，話依家對質唔到。我心諗：其實都係差十蚊姐？只不過想clarify返頭先黎錯左，又唔係俾唔起，客人會唔會為左十蚊屈你先？可能我地應該真係要早d講，但我唔認為需要咁樣質問客人。第一次寫食評，因為真係好嬲。呢間餐廳無下次，又唔抵食。

まずい係日文既"難吃"我覺得間舖名唔應該叫"スーパー丼", 應該叫"不味い丼"好似之前有間粉面舖都叫"好難X牛肉麵"尋日黎到, 男朋友叫左自選飯(大トロ、うに、サーモンハラミ）我叫左黑松露和牛丼. 先講黑松露和牛丼, 個黑松露真係......得果一點點...而且味道唔香, 要放到近鼻1CM先聞到囉....D和牛數量上係多, 但只係食到第3塊就冇汁變乾身....乜和牛質素咁差咩男朋友個自選飯直頭慘到想退貨, 入口即溶? 冇。 肉質? 只可以講入到口。刀功? 勁啊! 三文魚腩係薄切三小塊架)))))價錢? 份量咁小家兩碗得個名既日本野連加一成700蚊囉仲有個男WAITER 反應更加係一流,  因為碗飯個大トロ睇落唔似係トロ, 所以問個WAITER 想CONFIRM返啦.佢竟然係答我: "我唔太清楚啊, 要你自己睇啦"我地即刻黑人問號+白眼你都好意思答得出啦記得門口張請人貼住話要識日文, 呢D 明顯係學日文但唔學習埋日本文化既人

銅鑼灣人氣店，剛巧要去銅鑼灣修理電話，完事後就跟著google map的指引來到superdon.店面不特出，很容易就會走過。3時多到達店舖，1人不用等位直接入座。lunch set 有不同選擇，價格合理。可惜當日是星期六，星期六日是不包括湯及沙律。點了海膽三文魚子吞拿魚蓉don,等了差不多十多分鐘。刺生份量足夠，黃蘿蔔下有其他醃菜。三文魚子鮮甜脆口，吞拿魚蓉不會很碎，能吃到一啖啖魚肉，魚肉十分新鮮。最有驚喜是海膽，與出面$60 海膽手捲無得比，鮮甜，creammy,一小口海膽味可以充滿整個口腔。