スーパー丼 (駱克道) (已結業)

滿心歡喜第一次黎食飯見到好多正評兩個人一齊去，一個叫左吞拿魚腩蓉、牡丹蝦、活赤貝，另一個叫左三文魚腩、牡丹蝦、油甘魚。黎到發現三文魚腩點解咁似普通三文魚嘅？本身以為啲三文魚腩唔靚，自己又好肚餓，所以冇特別為意。點知隔離枱又叫咗三文魚腩，人哋個塊係正正式式油脂分佈好靚嘅三文魚腩。嗰時就嚟埋單，諗住可能自己講得衰，人哋聽錯咗我叫三文魚，但睇返張單，發現真係叫咗三文魚腩。我即刻同侍應講頭先嚟咗嘅係三文魚，之後佢質問我，點解你覺得唔係三文魚腩，我心諗：其實我都有食過三文魚腩，點會唔識分？同埋同隔離枱叫既完全唔一樣😡我好好耐性咁解釋頭先嗰塊同隔離枱有咩唔同。之後佢又叫左個高級d黎職員同我地講，話依家對質唔到。我心諗：其實都係差十蚊姐？只不過想clarify返頭先黎錯左，又唔係俾唔起，客人會唔會為左十蚊屈你先？可能我地應該真係要早d講，但我唔認為需要咁樣質問客人。第一次寫食評，因為真係好嬲。呢間餐廳無下次，又唔抵食。