スーパー丼 (駱克道) (已結業)

經過幾次，今日放工終於可以一嘗叫左一個$268 北海道刺身丼黎到、嚇左一跳咩原來禁細碗想講～ 海膽有膠味帶子似急凍貨品吞拿魚都ok其他不過不失另外要加$20有沙拉& 麵豉湯（全餐最滿意碗湯）求其壽司店都好味過佢好失望

同朋友喺銅鑼灣行行吓，覺得有啲肚餓，見到這間專係食丼飯嘅日本料理餐廳好吸引，仲見到好多人排，心唸一定好好食啦，最近手頭鬆咗啲，於是排咗一陣就入咗去。生薑燒黑豚肉丼 （定食加＄20面豉湯和沙律）係食之前將生蛋黃撈落飯入面攪拌，這個動作當然要親熱啦。豚肉和白蔥的味道非常夾，非常好食。而飯不會太硬或過林，珍珠米的口感剛剛好， 十分喜歡。當中的材料包括了豚肉、白蔥和雞蛋，吃下去鹹鹹的，味道有點像醬油味味，豚肉的脂肪分布平均，食落去油脂豐富，同時不會太肥膩。另外點了一個雜錦天婦羅＄138 ，當中有茄子、青椒天婦羅、南瓜、番薯、和海蝦。每一款的外皮都炸得非常香脆，口感非常好，令我有點驚喜的是外皮不太粉感。海蝦非常大和長，肉質彈牙。另外，蔬菜類的天婦羅水份十足，不失營養。特別喜歡大有豐富粉感的番薯天婦羅，口感十足。特別喜歡這兒的服務，店員不時會fill茶，每一口熱茶都是窩心的。由於是繁忙時間，因此吃了半個鐘多點就要交枱離開，這一點的確是令人失望的。

係呢度附近番工，睇住佢開業，見到好吸引，一直都好想試，今日終於搵到人陪我試啦！ 🐄鹽燒和牛粒串🍢 ($88) 和牛粒肉質好嫩嫩，牛味香濃突出，美味！ 丼飯是這裡的招牌，我和朋友一人點一個。 套餐配上一配麵豉湯和一份蟹肉沙律。 麵豉湯沒有外面喝到的很咸，而蟹肉沙律真的有啖啖蟹肉，配埋清新的沙律菜，正！ 朋友超愛吃日本刺身，所以特別喜歡這個丼飯。 🐚海膽 🐟大吞拿魚腩 🐠三文魚籽丼🍙 ($268) 海膽份量非常多，絕不吝嗇，而且非常鮮甜，很不錯的！ 大吞拿魚也是非常新鮮，一點雪藏味道也沒有，也沒有腥味，非常好吃！ 🍱醬燒廣島蠔丼🍚 ($138) 最後選了個廣島蠔丼，一碗5隻的醬燒廣島蠔肥美厚肉，煎得金黃香脆，肉嫩香甜，擺碟精緻，配合其他食材很滿足啊！

今日happy lunch 所以要食豪啲！1.海膽三文魚籽拖羅丼，拖羅一睇就知係極為肥美，一放入口直頭係溶化。啲三文魚籽卜卜声，夠新鮮。海膽鮮味十足，齒頰留香。2.北海道玉子黑松露和牛丼，眼見個玉子脹卜卜真係唔忍心吉穿佢，和牛面煎得夠香，聞到一陣陣焦香味，食起黎外脆內軟肉汁四濺。3.海膽三文魚籽香葱拖羅蓉丼，即係海膽三文魚籽拖羅丼變奏版，將拖羅切成蓉，理所當然梗係冇咁肥美啦，同時價錢都會平啲！4.火焰三色丼，叫得火焰即係分別將三文魚，吞拿魚，左口魚背用火槍係面灸一下，令到表面有一層金黃色，令人食用大增，尤其係左口魚嘅魚油香，真係叫人按耐不住，要唔停口咁食。5.三文魚油甘魚吞拿魚丼，刺身全部都厚切，啖啖魚香留係口腔中。因為店舖都多人食家，所以有機會要排隊家。

與好鍾意食日本野嘅友人學到一路都好想食嘅SUPERDON 係銅鑼灣街頭有一間感覺非常乾淨光猛舒適嘅日系餐廳～～.我地嗌左一人一款丼share試下 再(+$20)升級左套餐有齊麵豉湯、沙律.吞拿魚三色丼 ($238)吞拿魚腩油脂十足～～～超香滑一啖放入口 會慢慢係口化開😙係上等嘅魚腩當然赤身會比較失色 但仍然鮮味十足💓有新鮮魚生嘅甘甜味～香蔥吞拿魚腩蓉超好食 魚腩蓉變左綿綿嘅質感配上香蔥又香又豐富左層味道☺️雖然望落有少少細碗 但飯量實屬正常足夠 一個正常男仔都會有飽肚感😊.滑蛋吉列豚肉丼 ($108)吉列豚肉有啲煮得過腍～而且因為玉子舖面令佢失去脆皮嘅質感😢幸好調味幫佢力挽狂瀾 挽回唔少分數 好多坊間katsudon都整得過甜 但呢個真係剛剛好而醬汁亦剛好伴到全部飯 唔會太少☺️唔錯！.炸廣島蠔 ($68)超熱辣辣炸起 所以真係好香口好脆😙外皮嘅粉漿唔會太厚 令個脆嘅質感控制得剛好！而入面嘅蠔鮮味十足 而且保持juicy!!! 唔算好大隻 但以小食黎講剛好😀

今日難得妹妹，邀請自己吃飯，感動萬分之餘，也想想飯後甜品吃甚麼好。相差4年，和妹妹也是日系狂熱分子，聽的歌還是：「回れ回れメリーゴーランド」。大家也會到日本唱k，就是沒有二人唱過而已。吃飯自然選到了中價日本菜，選了Super Don丼物專門店。已經是第三次到訪此店，特別對店家供應的新鮮三文魚、甜蝦和吞拿魚難忘。熟食丼物兩次也點了鰻魚，印象則是一般。意外的，今天人流不多，能慢慢地想吃些甚麼。交由妹妹發板，我乖乖充當陪吃的角色。預期之內，她點了三色吞拿魚飯（$188），包括二片中吞拿魚腩、二片吞拿魚赤身和免治吞拿魚腩。刺身解凍做得不錯，魚身呈鮮亮顏色。中腩部分帶著筋位，但明顯已被師傅切斷，入口就是有點咬口，肥美；赤身魚味濃，反過來是我的最愛。免治吞拿魚的軟滑質感，為飯構成了對比；若飯酸味更重就好了。筆者再次忘了走辣子蒜頭，傳統的我還是喜歡簡單的味道。小吃吉列炸蠔（$68），炸得香脆，麵包糠上得略為不平均；蠔則做得肥美不錯。另一方面，我們也點了一客滑蛋豬扒飯(katsu-don--$188）。一看起來，汁多，蛋的份量反而少了，感覺蛋汁沒有怎麼掛在豬扒上。吃起來，洋蔥醬汁和豬扒卻調較得恰到好處

中午路過,原本想去我的飯堂，但一看這店的餐牌，咦，又是丼飯，於是決定一試，中午十二時廿分，店裡的客人只有兩枱，店員帶我到吧枱，餐牌上有一set set 的套餐，但也可以自選三款食材另加$20做自選套餐，我選了吞拿魚腩蓉、海膽及帆立貝，不用十分鐘，丼飯已經送到，嘩，那些海膽真是好豐富，呑拿魚腩蓉也不是小兒科，唯一不足就是帆立貝只有三片每樣食材都好新鮮，海膽好像還有海水味道跟餐的柚子蟹肉沙律也非常好吃，很滿足的午餐又一間飯堂之選

從門口入去, 經過吧枱, 一直入到裡面較大, 有梳化餐枱, 牆上既裝飾亦有日本簡約風味, 更有家既感覺坐著就有種輕鬆寫意既感覺今晚揀左特選燒鰻魚丼, 配麵豉湯及沙律 ($168+20)鰻魚夠肥美, 配合燒汁烤得剛好, 魚既油份同醬汁, 流落去下面既飯, 令到白飯都帶有鰻魚香味, 再夾埋蛋絲, 同紫菜一齊入口, 簡直和式口味既絕配!! 另外跟餐加左沙律, 有蟹肉, 車厘茄, 醬汁用柚子醋, 酸酸地醒神開胃麵豉湯有油豆腐, 昆布, 材料豐富, 飲落唔會太鹹雜錦天婦羅 ($138)天婦羅有主角中蝦夠彈牙,冬菇, 茄子, 南瓜, 蕃薯, 每樣都好脆口, 炸漿薄而平均, 炸物表面亦無多餘油脂, 一點沒膩口既感覺, 蕃薯同南瓜粉綿香甜, 茄子冬菇肉厚又不乾 ,一款唔錯既輕吃小食。

今日約朋友出銅鑼灣，去完Sogo經過駱克道都被呢間門面有落地大玻璃又潔白光鮮的日式丼食店吸引，今晚一於食一次。樓底高有空間感，牆上有綠色植物裝飾，感覺清新乾淨，簡單舒服的進餐環境。入座後，送上溫暖的玄米茶，溫度剛好，不會太熱，仲有陣陣香味。點餐時都有講解menu同食物，也不時添茶，服務好好。我點了北海道道帆立貝、北寄貝、赤貝丼$188，套餐加$20，有沙律及麵豉湯，好豐富。沙律菜用羅馬生菜，雖然唔算好新鮮，但乾淨且質感爽脆，而我喜歡的是用酸酸地又開胃的醋汁，清新又健康。刺身丼有8款選擇$138-388，仲有自選刺身的組合。也照顧到不食生的食客，有8款熟食的丼以供選擇。我選擇呢款有齊3款貝類的丼都好吸引好新鮮。帆立貝超厚肉又大粒，雪白色又嫩滑，清淡又鮮味。而北寄貝有彈性帶爽口，肥美甘甜，其實北寄貝是熟的，所以怕生的人都食到。我更喜歡赤貝，因為最鮮甜口感最爽彈，加上肉厚又大，非常滿足。漬物有蒜、牛蒡及蘿蔔，前兩款都較少見，難得可以食到，特別是蒜子，好爽脆好香，去掉辛辣苦澀味，牛蒡也不韌反而很爽脆，味道幾好。麵豉湯不咸且有麵豉獨有香味，溫和順喉，味道很日式。雜錦天婦羅 $138，好美觀又多種

今天來到銅鑼灣覓食，店內有吧枱同普通餐枱，環境裝飾簡約，但不欠違和感。坐好位子後，店員立即遞上暖暖的麥茶。我點了吞拿魚三色丼，連餐湯及前菜，餐湯是傳統的麵豉湯。前菜則為蟹柳絲配柚子沙律，採用真材實料的沙律，還附帶了幾片新鮮柚子。丼飯的畫面非常精美，包括赤身吞拿魚、香蔥吞拿魚腩蓉、大拖羅、醃漬蒜頭、酸薑、新鮮即磨山葵等，赤身吞拿魚口感厚實，但當然遠遠比不上大拖羅的口感，大拖羅油脂豐富，口感細膩，是全晚的高潮所在。醃漬蒜頭卻是驚喜，爽口味濃。再來一個小食，鹽燒銀杏，味道甘濃，喜歡重口味的人應該會愛上的。

今日晚飯時間約左人係附近交收，天氣炎熱，突然好想食魚生飯，就見superdon唔使排隊，就即衝左入去。好肚餓的我秒速點左個自選3式刺身飯。魚生新鮮程度都還可，但係。。。帶子，得3片仔，索價$90吞拿魚蓉 ， 一個乒乓球size，索價$68，仲要打左蓉都好多筋，食到我要狂撩牙😓牡丹蝦，細到好似手指尾咁大條，價值$58埋單連加一240，呢個魚生飯份量少得可憐，我完全食唔飽，質素與價格不相符，唯有去食返個糖水宵夜充飢。

在銅鑼灣經營餐廳真的不容易要價廉物美呢就更加困難Superson主打日式丼飯有海鮮刺身和熟食丼飯兩大類先送上熱騰騰的麥茶暖胃根據今天的心情我點了和風炸雞丼加二十元可轉做定食麵豉湯燙熱味道和順沙拉菜還算新鮮爽口內有酸澀西柚作調味炸雞有香氣撲鼻炸粉是日本街頭常見的那種外皮香脆雞肉嫩滑配備雞醬油和沙拉醬可供沾取店員推薦時令小吃鹽燒銀杏就是把白果去殼去皮去芽後再燒烤烤後味道獨特口感偏硬一頓看似簡單的丼晚餐料理起來還真的要點功夫才行

星期五梗係要食好D！！之前經過都要排隊，今日早左放工，6:30左右經過見唔洗排隊就入去試下👏🏻 ！！第一眼望menu係好似貴少少，但之前見IG同OpenRice啲相都幾吸引，我地2個女仔又想試多幾款sashimi，就叫在款六色自選丼 ：有甜蝦/三文魚籽/左口魚邊/牡丹蝦/吞拿魚腩蓉/海膽！黎到好大碗6餸 加埋一原都係$460左右都ok抵喎！店員好細心俾多個碗碟我地share,又話我地知可以免費添飯👍🏻😘 魚生好新鮮，醋飯唔太硬唔太酸，啱啱好！2個女仔食唒全碗再添左碗細飯😝 好滿足😋

天氣keep住悶熱，胃口又真係會差少少，食下壽司、魚生飯會係唔錯的選擇。早排都開左好幾間魚生飯專門店，間間都排長龍，希望唔係又係一窩蜂的熱潮。呢間比較少被報道，「スーパー丼」（Super丼）位於銅鑼灣熱鬧的駱克道地鋪，鋪面小小，除左幾張枱以外就係bar枱位。裝潢同其他魚生飯店木製暖色系唔同，呢間走純白簡潔路線，都幾特別。午市選擇唔算多，除左幾款海鮮丼，唔鍾意食生嘢的朋友都可以選熟的和牛丼、黑豚丼、滑蛋雞肉丼、天婦羅丼等等，由幾十蚊到最貴的$208都有。一心來食海鮮丼就毫不猶豫選海膽角切雜錦魚生丼，點知賣晒，唯有選海膽·香蔥吞拿魚腩蓉·三文魚籽丼（$188），賣相係好靚，排得好整齊，顏色都好鮮豔，分量ok，唔係認真太大食的男仔應該都夠。海膽塊塊分明唔會爛蓉蓉，鮮橙黃色感覺新鮮，入口完全冇腥苦味，雖然唔算好鮮甜，但都合格了。三文魚籽粒粒飽滿，口腔充滿魚肝油香味，而不過鹹。吞拿魚蓉鮮味稍欠，但幼滑得來仍保留咬口。另一款係火焰三色丼（$138），有三文魚、吞拿魚、左口魚背，我最鍾意食左口魚背，因為夠爽口，燒過的話更可以帶出魚油香，如果可以燒多幾下的話會更好。三文魚同吞拿魚都係燒得唔夠靚，少少暖

Superdon is one of those places I wish I worked near as having a sashimi don is one of my favorite weekday lunches (except I would be broke getting lunch here every day)This place is definitely on the pricier side, but it makes up for it with high quality, fresh sashimi and premium ingredients. The dons are pretty good. The other menu items did not look as appealing. I went here for a weekend lunch and the lunch deal was not good - and you would pay as much for an a la carte menu choices. The mi