スーパー丼 (駱克道) (已結業)

剛好欣賞完熱情奔放的歌舞劇「沙漠女皇巴士團」就想吃點不一樣的冷靜下來。記起這裡有家我一直想試的日本丼飯店，就在這裡享受一個人的晚餐。角切雜錦魚生丼$138賣相一流的魚生丼套餐，有柚子汁撈新鮮蔬菜沙律，中間還夾了西柚碎，是個很開胃的前菜。麵豉湯味道適中，絕不是開粉的那一般貨色，是用心之作。重頭戲當然是那新鮮的角切魚生飯。三文魚、吞拿魚刺身、油甘魚、帆立貝、青瓜全部用料新鮮，魚生很鮮甜，入口即溶，配上青瓜、子薑和Wasabi，感覺清新怡人，一口氣便吃掉一大碗了。鹽燒雞翼$38吃飽飯還想吃點小食，就點了這個鹽燒雞翼，調味剛剛好，雞翼得又香又脆，加少少鹽、少少胡椒粉，就能帶出燒雞翼的可愛，只嫌兩隻有點不夠喉。在這個裝潢簡約的小店吃到心機日式料理，令一個人的晚餐也感覺溫馨得很。

同朋友睇銅鑼灣行完街 去到下午茶時間 周圍搵野食 平時夜晚見佢好多人 今日嚟到 冇乜人排隊 唔知咩事 一於入去試下 。先黎角切雜錦魚生丼，有三文魚，吞拿魚赤身， 油甘魚，帆立貝同青瓜。 黎到個飯大大碗， 跟埋個沙律同麵豉湯， 食飯set都唔錯， 角切魚生最緊要夠新鮮，好彩都做得唔錯，魚生冇腥臭味。特選燒鰻魚丼，鰻魚，雞蛋報稱選用新鮮北海道雞蛋。 來都個鰻魚已經分開咗幾嚿， 肉質都幾實淨， 但感覺上冇角切魚生咁抵食。小食雜錦天婦羅，大蝦，南瓜，冬菇，青椒， 茄子。 天婦羅反而做得唔錯， 個炸漿啱啱好， 最重要係新鮮即做。走嘅時候， 十分不幸，發現喺門口附近， 有一竇小強喺度生活， 好彩係門口附近， 如果喺舖頭真係大件事。

當晚自己一人要係CWB搵食，見到呢間新開SUPERDON，門面光猛，裝修又成間MUJI甘，感覺幾好就入左去試試喇。MENU都有好多唔同既DON，生文魚呀，海膽呀，當然唔少得。不過見佢呢個北海道帆立貝，北寄貝，赤貝DON好似好少見，所以就揀左佢。個DON盛惠$188，有湯有沙律跟埋。實物同圖都有9成相似，第一印象幾好。帆立貝，北寄貝，赤貝 三種都好新鮮，唔會有腥味，當中最好食既係帆立貝，真係好鮮甜，$188有甘多份量，都唔算太貴~跟餐既沙律都好有水準WOR，唔係頹整。菜夠新鮮，仲好脆。上面仲有比左少少蟹肉，即時升呢。仲有個汁酸酸地好開胃!!價銳算合理，而且坐得好舒服，而且DON就最岩自己一個人果時食，係一個人用餐既好地方，絕對可以再回頭試多次~

我們每人點了一個丼飯套餐和一碟小食來分享。 丼飯套餐包括了一碗沙律和味噌湯。這裏的座位不多, 所以如果不想排隊, 就要早點去, 因為遲了來便要排隊, 這裏很快便坐滿了人。鹽燒牛舌串的牛舌爽口彈牙, 帶點燒汁和黑椒味, 非常惹味。火焰三色丼上有三文魚、中拖羅、左口魚背、三文魚籽。火炙三文魚很新鮮, 中拖羅和左口魚背都非常鮮甜肥美, 咬落充滿油脂香。這兒的壽司飯很軟熟, 上面有一些紫菜碎, 為壽司飯增添味道。 把微微燒過的刺身、三文魚籽和飯一同放入口中, 那種味道同感覺很棒! 吃過丼飯後很飽, 但沒有太多油膩感, 食完很滿足~

🇯🇵 前排比Superdon 既丼飯洗哂版，今日終於的起心肝去試喇! 店鋪位置非常方便，一出銅鑼灣站C出口斜右面就係👍🏻1點半到去到，店內只有4-5枱客，所以唔洗等位。我地兩個人各自叫左個午市套餐，詳情如下：1. 三文魚·油甘魚·吞拿魚午市套餐($128) 三種魚都好新鮮 淨係睇相都見到好肥美 特別係啲油甘魚真係好正啊😍 2. 火焰三色丼 ($138)我朋友揀既火焰三色丼同樣獲得好評，值得一試。Superdon 午市套餐價錢合理，平均價$150，包括沙律、麵豉湯同丼飯。而且丼飯份量十足，冇咩花巧野但水準令我滿意，唔錯唔錯！

難得準時放工，急召好友晚飯詳談近況，約好到銅鑼灣時代廣場等。一上到地面就看見這家日式丼飯店，適逢好友也甚感興趣便入內一試。以鬧市地段來說店座位尚算舒適，裝潢簡潔為主，門囗有一排高枱近看師傅準備刺身丼，後面是廚房。我們選了走㾿另一邊的位置，點了三款食物。前菜 - 炸廣島蠔即叫即做的蠔非常鬆脆，蠔身飽滿爽甜又多汁，配上美乃滋及檸檬汁完全不覺油膩。火焰三色丼套餐沙津鮮嫩甜美，酸酸甜甜的醬汁勾起我的食欲。到主菜了，大大件的三文魚、左口魚及拖羅炙過後魚脂散發的香味令我急不及待開動。肥美的魚肉在口中溶化，每粒魚子都十分爽口，招募跟白飯絕配！天婦羅特上天丼除了蝦、菇、矮瓜之外，少有秋葵天婦羅，炸的火候控制得恰到好處，外脆內嫩，不會令人覺得油膩熱氣。可惜份量有些不足，友人不夠喉。

尋晚同表姐去銅鑼灣食飯, 佢帶左我黎呢間食魚生飯既餐廳~ 我地一人一個餐, 因為佢中意食魚生, 特別係吞拿魚, 所以點左個三色吞拿魚飯. 有3款唔同既吞拿魚, 包括香蔥吞拿魚腩蓉、赤身、大吞拿魚腩, 佢地都好新鮮, 當中既大吞拿魚腩仲入口即溶,正!! 而配菜有黃蘿蔔、牛蒡等,都幾好食.我就麻麻地食生既, 所以叫左個和風炸雞飯, 炸雞啖啖肉, 出奇地唔會好熱氣, 而隔離既甜酸汁+沙律醬配上雞食都好入味~ OVERALL 都唔錯, 環境、服務都幾好, 不過如果平D就更好!

一講起吃日本野，近期吃得最多系日本放題，因為適合一幫人聚會，又適合唔使理對方中意吃麥，有生有熟，自己order啦！如果2人吃日本餐又會點選擇？朋友話唔吃任吃，她話要吃質數，面對甘堅持的朋友，我通常就係照跟。super Don 設計簡潔，店面不大，很別緻，在牆上掛有幾盆盆栽點墬。門口很簡單，由於用玻璃門的原因，感覺店面很大朋友叫了一個雜錦天婦羅飯，先說說賣相，當然吸引,金黃色的，色澤均勻，可見大廚用心，再說說味道，外脆內滑的蝦，是我最愛，蕃薯很粉，南瓜甜而粉。沙律看似最簡單的菜式，只是一有不新鮮便一吃就知。面醬湯，味道洽到好處，我最怕太鹹。炸蠔，外脆，內還保持了蠔的嫩滑和水份。雜錦魚生好新鮮，一口放入口中，難以形容的幸福感，最特別的是飯和牛蒡，還是第一次吃呢，飯酸酸的，加一道微辣的醬，攪勻再吃，那是多麼美好的配搭。賣相是食物的很重要的一環，好吃的日本菜，也要加上賣相的設計，否則容易失色。只是加了一朵菊花。馬上感覺很清新。餐具也已簡單為主，配合整體感覺。滿意服務員各人的服務態度。

係日本好易就可以搵到食丼/便當SET既餐廳，但香港就真係唔多選擇。所以上次行街見到呢間新開既Superdon就已經好想試。Superdon裝修好清新簡潔，而且好鍾意佢既燈光，好有日光既感覺。和風炸雞丼 $98雖然呢到有好多魚生丼揀，不過我麻麻地魚生，就揀左個炸雞丼試下。比左好多件炸雞，全部都係新鮮炸起，雖然係好熱氣，但炸粉唔厚，又夠脆，真係好正!仲有雞件好JUICY，肉都好嫩，唔會炸到無哂水份/鞋十十，真係抵讚。仲有沙律同麵鼓湯送埋，沙律D菜條條都好翠綠新鮮，而且仲比左D鮮蟹肉，一D都唔頹。$98雖然話平唔平，話貴唔貴，但食物既質素係對得住呢個價錢。而且坐得舒服，STAFF都有善，有時一個人係CWB唔知食咩好，呢到都係一個唔錯選擇!

今晚本身約左朋友行銅鑼灣, 點知等極佢都放唔到工, 仲仍然開會>< 所以最後要自己一個人食DINNER !!臨時被放飛機, 感覺唔好受, 所以諗住食返餐好對自己好D.. 揀左スーパー丼 SUPERDON 食, 一直聽朋友講話好OK, 一於食下啦~揀左個吞拿魚三色丼，有大吞拿魚腩、香蔥吞拿魚蓉、赤身，樣樣都好新鮮，肥美! 另外加$20 有湯同沙律.BTW 聽職員講銀杏呢排當造, 所以都點左一串黎食, 食落一D都唔苦,正!

Lunch 最鐘意試新餐廳，因為可以食lunch set 試下有無下次。這個三角切套餐很多地方都有，不過今次小編想走三文魚，餐廳已經切好了，沒有得不要。上到台就發現，三文魚魚切角佔左大部分唔怪得無得改。套餐外觀都吸引如店鋪裝修一樣。不過食落就發現........飯太硬，不是平日食開的日本米質感，不知是放太耐還是米質問題。魚生就算吸格！有少少海膽，至於我最愛面鼓湯，都非常一般。餐牌上，可以自選刺身配飯，這個是比有心思

收工後約咗朋友喺銅鑼灣食夜晚飯，佢揀咗呢間新開無耐嘅丼飯專門店。空間雖然不大，但刷白的牆身予人簡潔明淨之感，甚為舒適。鹽燒和牛粒串 $88一串就承惠$88，價錢雖然唔親民，但和牛粒口感軟腍，一啲都唔韌，用鹽燒，鹹鹹的好滋味！海膽 大吞拿魚腩 三文魚籽丼 $268刺身非常新鮮，海膽味道甘美，三文魚子粒粒爆滿圓潤，晶瑩剔透，撈飯食口感一流！醬燒廣島蠔丼 $138廣島蠔一碗有五隻，蠔邊燒得香脆可口，蠔味濃郁，香氣四溢，水準以上！想食美味嘅丼飯，唔一定要過海，而家連銅鑼灣都有得食啦！

-夜晚晚 喺灣仔影完巨型月亮就過左黎銅鑼灣呢邊 近排鍾意左食丼飯haha🥅 第一次食呢間 有驚喜！呢個係三文魚親子丼🦈 好好味🤤 平時食開爭鮮啲頹飯 點都會有2/3粒三文魚籽喺上面 但係就勁腥 自此都有啲抗拒😂但今次令我完全改觀hahaa 好鍾意佢地一粒粒喺口入面爆既感覺😝三文魚都好厚切 有4舊 除此之外，仲有其他配菜架，有款配菜辣辣地 幾得意另外叫左個火焰三色丼都好正 😚Yea~~ 一上枱已經比佢吸引到流曬口水🤣🤣 有呑拿魚，三文魚，三文魚籽，仲有最正既係。。左口魚😝入口即溶，仲要超香！媽咪 好正🤤🤤兩個相比，比較鍾意火焰三色丼😝

Less is more...Superdon走簡約風。室內裝潢以淺色木為主題，予人家的感覺。特別鍾意佢menu嘅design，冇多餘嘅裝飾，將食材列出感覺有啲幽默~最鍾意葱同洋葱~~~超多好正~superdon嘅丼唔玩創新，都係啲常見嘅款，但平凡中更見真章。薄切黑豚肉肥瘦均勻，除咗照燒醬汁嘅甜味，仲有糖份燒完嘅焦香味~薑末撈埋又軟又甜嘅洋葱都好滋味~珍珠米飽滿黏度高，撈蛋汁、葱花食，淨係飯都夠晒正啦~成碗飯冇專登整色整水，簡簡單單，食得出傳統滋味。好大碗丼。跟餐沙律幾有誠意。份量多不在話下，加咗蟹肉、西柚，醬油帶酸味，令沙律更開胃。面豉湯鹹度恰好。第一次食燒雞泡魚乾，同其他魚乾分別唔大，但味道濃郁，幼幼一條已經夠送一大勺飯。朋友嘅魚生飯都好吸引~*有乾淨洗手間*店員不停添茶

每個節日也是增肥的藉口！ 臨近中秋節，同朋友到銅鑼灣附近尋覓好西， 發現了Super Don 這間日本料理， 毫不猶疑進去品嚐久違了的海鮮丼。餐廳光線充足， 令人精神為之一振， 準備開動！這客海鮮丼單是賣相已令人垂涎欲滴~ 刺身鮮豔奪目的外表已代替了文字表達其新鮮程度~欣賞這裏的三文魚籽調味恰到好處，不會過鹹，好好地保留了魚籽天然的鮮甜， 加上口感卜卜脆， 用來拌飯是味蕾的盛宴。這裏的海膽屬於少數令我滿意的品質， 入口非常幼滑鮮甜， 帶海水的微鹹， 最後又帶點回甘~多元化的漬物為整客海鮮丼錦上添花， 廚師細心地將辣蒜子, 牛蒡,酸薑片和鮮磨芥末， 成功不斷為味蕾帶來新鮮感！對我這個澱粉控來說，米飯的軟硬度和調味絕不能馬虎， 這裏的珍珠米烹調時間和水分恰到好處， 加上微量的壽司醋， 令人欲罷不能！麵豉湯也能反映餐廳對品質的追求， 咸道適中，豆味香濃， 還加入了不少海帶。沙律加入了蟹肉作點綴， 在放上了一片鮮西柚果肉片， 令本來平凡的沙律昇華。第一次食雞泡魚乾！ 喜歡那甜甜的味道， 蜜汁調味豐富之餘不失絲絲魚肉口感， 點上些沙律醬美味星級。餐廳內部裝修有簡約美， 好似走進了無印餐廳般，