スーパー丼 (駱克道) (已結業)

尋晚同表姐去銅鑼灣食飯, 佢帶左我黎呢間食魚生飯既餐廳~ 我地一人一個餐, 因為佢中意食魚生, 特別係吞拿魚, 所以點左個三色吞拿魚飯. 有3款唔同既吞拿魚, 包括香蔥吞拿魚腩蓉、赤身、大吞拿魚腩, 佢地都好新鮮, 當中既大吞拿魚腩仲入口即溶,正!! 而配菜有黃蘿蔔、牛蒡等,都幾好食.我就麻麻地食生既, 所以叫左個和風炸雞飯, 炸雞啖啖肉, 出奇地唔會好熱氣, 而隔離既甜酸汁+沙律醬配上雞食都好入味~ OVERALL 都唔錯, 環境、服務都幾好, 不過如果平D就更好!