スーパー丼 (駱克道) (已結業)

店名開宗明義話做超級丼飯，期望當然高。見食評都多，就搵日一支公坐吧枱飯食個佬丼。餐牌選擇比較少同大路，左思右想之下就揀左最中價既火焰三色丼黎食。丼飯賣相非常不俗，左口魚，三文魚同吞拿魚各據一方，率先食左口魚，一入口就覺唔對路，唔係魚唔鮮，而係油份好少，正常炙燒過既左口魚豐腴油多，食落滿口魚香，呢次味道唔出，可能係魚生品級較次。再食三文魚同呑拿魚，非常正路既味道，不過成150大元一個丼我會expect more . 魚既炙燒我覺得做得唔好，火槍既火候始終不能均勻炙燒表面，搞到魚件半生熟。而且丼飯魚塊數量不多，魚同飯，佐料都好分離，冇一個味道上既整合。呢個價位咁食法就好冇癮了

又到聖誕、又到聖誕😆每逢到12月呢個時間，好多朋友都會相約一齊聚會，除咗食飯之外就係一齊交換禮物啦。今次朋友就話試吓呢間專食丼嘅餐廳，再玩交換禮物啦。餐廳門外定時都有好多人排隊食，人氣果然唔錯呀，而餐牌有多款丼選擇。首先嚟咗親子丼，套餐包括有蟹肉沙律、麵豉湯非常抵食。親子丼表面除咗有肥美嘅三文魚刺身之外，更有勁多三文魚籽，而且食材新鮮特別鐘意佢個三文魚子一齊撈飯食真係好正。佢亦有好多唔同小食選擇，佢個炸軟殼蟹上枱時都好大隻份量十足，而且估佢唔到就係外鬆脆，內肉嫩。最後朋友就食咗鵝肝丼，睇見真係流哂口水，因為鵝肝真係非常肥味，而且亦煮得火喉剛口，每一啖都非常滿足。

今晚行開銅鑼灣,就俾呢間簡單得來突出嘅餐廳吸引咗入去食。 成間店唔算太大,裝修雅緻乾淨,坐得都算舒服。 我就叫咗個三文魚親子丼, 咁佢係一個套餐來, 包咗前菜(沙律) 同味噌湯。 先講個飯, 飯底做得唔錯, 帶煙韌同埋唔會黏住曬。 魚生新鮮, 魚子晶瑩飽滿, 帶鮮甜, 份量也很多。 同生薑, 芥末等攪拌一起吃, 別有一番滋味。 個沙律都酸酸地, 作為前菜,非常開胃。 呢個係牛舌, 燒得好香, 算腍得來又夠爽口, 個醬就得好少, 變咗點咗都唔係好覺得有點。

今日又嚟上新嘢，試吓呢間丼專門店先，裝修簡潔，入面唔算多位，有bar枱，我地嚟個陣都唔算多人係入面，叫咗個吞拿魚腩、海膽、三文魚子丼，加20蚊可以轉set跟湯同沙律，唔錯！海膽新鮮唔會腥，魚腩魚油高入口勁多魚油香，可怕有根...如果唔係仲好味，三文魚子唔算脆口同埋偏咸咗少少，但都算ok，湯同沙律普普通通啦，同平時既差不多

本身約左朋友，點知比佢放飛機>< 攪到唔知點好，但又出左黎諗住食飯，所以最後要自己搵飯食。經過呢間食丼既餐廳，其實一直都好想試。。。所以今次就自己一個人的浪漫食下啦！ 我叫左個三文魚親子丼,加HKD 20跟餐, 會有沙律菜同麵史湯飲~ 講下個丼先， 望落個賣相其實都幾吸引，有我最中意既三文魚AND 滿滿既三文魚子！三文魚非常肥美，食落都好新鮮，好唔錯～而三文魚子一Ｄ都唔會覺得腥，粒粒都晶瑩剔透，好靚又好食！OVERALL，環境舒服，服務OK，價錢都合理，下次可以再黎食的～可能揀左自選系列！

之前和好友來過superdon，吃過的吞拿魚三色丼讓我回味無窮，不時在男友面提起他被我燒到了，常嚷著說要去一趟，造就這次二訪這𥚃仍然供應著多款很吸引的海鮮丼，牆上的貼有新的餐點上次吃過吞拿魚，今次就嚐一下三文魚，點了個三文魚親子丼另外男友就點了新推出的鵝肝丼～兩個也有配餐，加$20，多了沙律和麵鼓湯三文魚海鮮丼($148)：4片大大片的三文魚和橙橙紅紅的三魚子蓋過了大半個碗，賣相很刺激食慾這個丼可以不用放鼓油，光是三文魚子的鹹味已足夠三文魚片十分新鮮肥美丼上面還有酸薑和其他漬物～沙律：這是跟套餐的沙律，也不馬虎，有蟹肉的呀如果像我男友，點了鵝肝丼，油脂較多，建議配套餐，有沙律可解解膩呀日式醬燒鵝肝丼($198)：這丼就聞起來有點像蒲燒鰻魚飯，很香這𥚃共有4塊鵝肝，都很肥厚，煎成有點焦糖化，表面又香又微脆，入面軟滑我也很喜歡那個燒汁，很好下飯丼飯也附上一小碗燒汁，可沾鵝肝吃～鹽燒和牛粒串($88)：有4粒和牛粒，size不小燒得得香，但沒有燒成全熟，保持肉汁和軟稔口感

今日去左銅鑼灣果頭上堂, 之後好多同學都各自返屋企食飯...得返我一個冇飯食~經過スーパー丼, 今次唔想食刺身丼, 反而想試下其他野, 所以就一於入去食我既"一個人的浪漫"!叫左個滑蛋吉列豚肉丼, 滑蛋真係好滑’，而豬又唔算太炸，份量亦好大！加左$20 要餐, 跟湯、沙律. 價錢都合理。另外，心血來照突然好想食雞泡魚乾, 所以都order 左. 切到一條氣，食落油脂清香, 正 =]overall 環境舒服, 價錢都合理, 下次食下其他丼sin!

本來諗住入嚟食魚生飯嘅7但係見到佢呢度除咗魚生飯之外仲會有啲熟食嘅飯，而且有啲係新推出嘅添。今日我就揀咗個佢新推出嘅A5黃牛蔥花卷，呢一個真係超級好味係我嘅必食推介。雖然價錢相對來講可能會貴少少，但係佢始終有和牛，所以佢嘅價錢會比較貴返少少，係相當之合理嘅。佢嘅和牛卷係用咗一篇篇嘅薄身的和牛片去包住啲蔥花，蔥花非常之香，唔知會唔會入邊仲有加左啲洋蔥呢。食落去非常之香口，而且整個卷就煎到半生熟，口感嫩滑，又有肉汁，超好食。呢度啲飯都相當之不錯，佢係用咗日本嘅米，所以食落去有粒粒飯嘅口感，而且非常之有咬口。另外見可以有一個煎鵝肝飯，我諗整個配合都應該非常之好，真係下次一定要試一試，諗起都好肚餓。。

之前行過呢一間super don,當見到佢嘅裝修感覺純樸，外面嘅門面用咗白色嘅木，望落去好似好舒服，今次特登入去體會一下。餐牌都用左好簡約色嘅設計，而且係新潮嘅書仔形式。入面有唔同款式嘅don ,每一個飯嘅組合都會用比較漫畫式嘅設計嚟表示。今日揀咗個簡簡單單嘅親子丼，入邊會有四件三文魚刺身同埋有好多三文魚子粒粒，都好大粒咬落去個心爆晒出嚟，撈飯食一流。同出邊嘅日式餐廳唔同，呢度除咗有自己嘅配菜之外，佢嘅飯入邊總會有爽脆嘅牛蒡同埋不得不提呢粒蒜粒，食落去外層會有層辣辣嘅醬汁，蒜蓉粒咬落去又唔會太辣，幾好食。本身個飯係單點，可以加個套餐。的有埋個沙律同埋面豉湯。

十一月正值日本開紅葉嘅時節，難免有好多人都會出國去日本睇紅葉，社交平台更加唔洗問有一段時間都係充斥著無數日本野食嘅相。可憐嘅我係香港有得睇無得食，所以決心今日放工就去食日本野，慰藉下我空虛寂莫嘅心靈。無錯，呢種渴望驅使我去咗銅鑼灣搵日本鰻魚飯食，係逐間搵。最終比我搵到呢間「Superdon」日式丼飯專門店，當然二話不說就叫個特製饅魚丼。即叫即整，大概都等上咗十五分鐘，鰻魚飯來了。入口第一刻食到嘅竟然係味粉嘅味道啊！細心一睇其實店內嘅丼飯都會落咗啲味粉，例如魚生粉會落紫菜味粉；而鰻魚飯就落咗一陣薑味嘅粉，個人係唔太喜歡，因為呢陣粉味強烈蓋過咗蒲燒鰻魚嘅味道，非常違和。總結，唔清楚係咪為咗癖腥而落呢種粉，但落咗呢種粉後，覺得太影響個鰻魚飯。另外價格168蚊換來呢個份量同質素嘅鰻魚丼，確實係有啲小失望。但唯一幸好嘅係員工都幾好，唔會態度好差，而且會主動加水，環境算坐得舒服，所以一般啦。

是日下午老公突然話想食魚生丼, 於是放工我地兩個來銅鑼灣搵食....我地約左係SOGO門口等, 一見到佢時佢話下午已上OPENRICE搵左間餐廳，而且已經BOOK埋位............😆👍🏻我地6點半未到已來到餐廳, 餐廳裝修簡潔明亮, 感覺尚算舒適,睇左下餐牌, 選擇都吾少, 有生有熟既老公揀左三文魚親子丼 ($148) 再加$20就可以轉成套餐, 有沙律菜同味噌湯, 即刻好豐富,我都有食左塊三文魚刺身, 幾富油香, 好豐富既三文魚籽, 粒粒都漲bo bo通透我就點左呢個都幾新穎既配搭, (好邪惡, 但好好味)鵝肝丼 $198, 都加左$20配埋沙律菜同湯,沙律菜都爽口算新鮮, 味噌湯熱辣辣, 鵝肝好甘香, 都好厚身,仲有茄子有經過調味, 口感軟腍

星期三晚約左agent係銅鑼灣傾保險簽D文件, 由於agent 突然遲的到。就諗住食埋飯, 係銅鑼灣廣場附近行 簡簡單單食餐晚飯 但又唔想食茶記。行過駱克道見到有間新開日本刺身舖 就入去試。雖然舖面積唔大 門口有幾個吧台位 再加大約8張枱 但望落都舒服 燈火柔和餐廳主打刺身飯套餐（湯 沙律 刺身飯）最後我㨂左個三文魚子刺身飯（$148）三文魚有四片 都算厚身 味道新鮮甜美 魚子味道都甜。望到舖入面寫明用日本米。認真品嚐D飯。係幾好食 飯身軟硬適中 咬落好有水份 但又唔過份濕軟 幾煙韌 有嚼勁 而沙律同湯就正常。追加多客炸廣島蠔（$68，3件）蠔炸得鬆脆 蠔肉新鮮嫩滑 好食

喺駱克道有一間全白裝修嘅日式時海鮮丼，每次經過都好想試，望入去好簡約，白色嘅長身配淺灰色嘅椅，好有無印良品嘅feel。咁岩今日想食得清淡啲，心理上覺得食海鮮丼都係比較健康嘅選擇，所以二話不說就走入去先啦。海鮮丼預設左八款，由$138（角切雜錦魚生丼）-$388 (北海道馬糞海膽丼）除咗預設嘅海鮮檔，亦都可以選擇自選海鮮丼，呢方面都幾貼心，如果有選擇困難症嘅人，好似我咁，就會選擇預設。自選方面可以選擇三款以上種類嘅刺身。呢度嘅餐牌好吸引，每一款預設海鮮檔都有著名用咗乜嘢嘅海鮮，圖文並茂，單睇圖片已經覺得非常吸引。另加＄20可以轉定食配沙律及麵豉湯。吞拿魚三色丼（大吞拿魚腩，香蔥吞拿魚腩蓉，赤身）$238每年11月開始係吞拿魚當造季節。吞拿魚腩部的位即係拖羅，是最矜貴的刺身。取自魚腩不同部位的拖羅，油香和肉質也不同。不時不食，所以更加要試吓呢一個吞拿魚三色丼。呢一款海鮮丼之中嘅赤身（あかみ）比較特別，口感甘甜肥腴，尤其以鮪魚腹部份，油脂呈霜狀分佈，味道、質地均屬上乘。難得喺銅鑼灣呢一間小店，食到咁新鮮嘅刺身飯，真係10分驚喜，價錢係銅鑼灣來講都叫合理，海鮮湯嘅份量看似好少，但係食完成個飯，

新界人難得來到港島銅鑼灣，當然要找好東西吃呢！今晚便跟友人到superdon吃晚飯。他們的menu中清楚列明各個丼所用的食材，以及食材的重量，資訊透明度十分高。我點了一個menu中沒有的日式醬燒鵝肝丼，應該是期間限定的，而再另加＄20轉為定食配沙律及麵豉湯。燒鵝肝總共有三塊之多，外表煎得金黃，入口實在太美味了，經向店員細問之後，才得知這些厚鵝肝原來是來自法國！而所配搭的醬汁是使用牛肉和牛骨熬製而成。每一口飯都混合了鵝肝的油脂香氣和濃濃的牛肉汁。店員服務態度良好，不時會主動加茶，值得一讚！

同友人到銅記行街，順便食晚飯，唔知食咩好，沿經見到呢間店子，以丼物為主，看餐牌價格合理又岩食，便試下了。 小小的店子，裝潢是簡約主意，木系與白色的配搭，感覺柔和。 好均真的餐牌。 三文魚親子丼，$148，加$20轉定食配沙律及麵豉湯。 有4片三文魚，尚算新鮮，味道正尚水準，三文魚籽份量適中，入口鮮味不腥，味道不俗，醋飯的酸味恰到好處，還有漬物伴食，酸酸地幾爽口呀。 麵豉湯，正常水準。 沙律，微酸的味道幾開胃。 醬燒廣島蠔丼，$138，試了廣島蠔，味道不俗呀。 食物尚算不俗，價格合理，去銅記又多一個晚飯之選了。 銅鑼灣駱克道501號地舖