スーパー丼 (駱克道) (已結業)

蠔有味力Superdon【#supermama開心Share】陪朋友去銅鑼灣shopping順便開餐❤到左一家名叫Superdon的日式餐廳!!    ❤嘩，個名同我好襯呀!!! ❤原來呢間餐廳主打日式丼丼~~~，勁多人等位呀仲要用日本米，出品有保證，唔怪之咁多人啦❤❤❤我點左個❤「醬燒廣島蠔丼」❤唔只賣相靚，味道仲非常鮮美加20蚊，就有套餐❤包埋日本清茶、味噌湯、蟹肉沙律❤我呢個餐就138+20，總數：158另加10%日本菜而言，價錢唔算貴❤❤❤上台就見到❤豐富的味道❤是見到同聞到，因為D廣島蠔好香醬燒味道出晒黎，而且好大隻，好厚肉蠔肉有汁亦有脆脆的口感味道異常濃郁配上日本珍珠米，非常好吃燒茄子唔只賣相得，味道仲得，朋友順手夾左一件唔覺意又想伸入來食，我只好分半伴畀佢啦BB 露筍好嫩好清脆，味道清新，當然唔可以錯過！蟹肉沙律好靚好新鮮，加入柚子醋突出鮮味而味噌湯就好濃香，內容都豐富鹹鹹香香，又有豆皮香，好飲呀

經過幾次一直好想試、終於相約友人放工來一嘗這Super Don! 亮白的小店乾淨企理、有吧檯亦有卡座。有多款魚生飯可選擇，喜愛吞拿魚的我選了吞拿魚三色丼$238。三色丼有大拖羅，香䓤吞拿魚腩蓉、赤身。深紅色的赤身為魚背位的上半部、肉質鮮嫩而結實，較少脂肪。拖羅則屬魚背下半部魚腩位置、油脂豐富、完全沒有筋、魚油好香好肥美。吞拿魚蓉跟醋飯一起吃好香、口感幼滑。燒雞泡魚乾甜甜的、煙煙韌韌、像豬肉乾、佐酒一流。

今日行開銅鑼灣，見呢間superdon係專食各類型既丼，所以就諗住試下，店舖唔算大，所以繁忙時間要等位呀先叫左個吞拿魚三色丼，分別有大吞拿魚魚腩、赤身、吞拿魚腩蓉吞拿魚好新鮮，而且好厚身，見到圖都知幾豐富，配菜有薑、蘿蔔，青瓜等等沙律好新鮮，係成個碗放入雪櫃，所以可以摸到個碗都係凍架，另外仲有蟹肉同西柚係上面，成個感覺好清新，另外麵豉湯味夠濃另一個醬燒廣島蠔丼，有4隻大大隻既蠔，個燒汁都唔錯，配飯食就最好啦，另外仲有配上蘆筍、茄子同青檸鐘意食丼既人絕對唔可以錯過superdon呀

同朋友係銅鑼灣行完街，見到呢間主打刺身飯嘅日式餐廳。店名叫得做Super Don，仲要天氣得十度嘅日子都坐滿人，必定有其過人之處。入座後，發現呢度選擇都幾多，有海鮮刺身，又或者其他熟食，仲有其他小食等。我點左個日式醬燒鵝肝丼，朋友就要左三文魚親子丼。除丼附送一份沙律前菜，同一碗麵豉湯。鵝肝丼絕對係意想不到咁出色！三大片鵝肝肥美鮮嫩，油脂甘香，啖啖充滿難以抗拒嘅罪惡感。分享左朋友嘅三文魚丼，三文魚亦甘香肥美，非常厚實。份量唔少，對得起個價錢，亦絕對對得起Superdon呢個名堂。

✿╮❤╭✿ ✿雜感女生 好味日記✿ ˚*•✰。スーパー丼Superdon．鮮丼丼。✰•*˚ ✿✿舌尖上的銅鑼灣Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 聽同事說，銅鑼灣有一家小清新的日式丼店 出品賣相又靚又好味，於是放工去一吃究竟 丼丼丼，Superdon原來都是小鮮肉店員 SORRY 錯重點：應該說，出品都是新鮮的海鮮小鮮肉 十分可口…....再加上，店員都是花樣少年………. 點了一個：北海道帆立貝、北寄貝、赤貝丼 上台一看，心花怒放：美得像花一樣 爽滑的貝貝全都是all i wanna eat 大大片的赤貝味道很鮮美i m loving it 帆立貝夠厚肉，味道甜爆，檸檬片帶來更強的鮮香感，夠清新 北寄貝爽口甜度夠，而最正的是來自日本的珍珠米 粒粒晶瑩剔透，入口夠飯味 一個套餐配日本清茶、麵豉湯、蟹肉沙律 麵豉湯真是很足料，昆布、豆腐泡，香濃的味道 蟹肉沙律亦夠新鮮，味道合格 再來一碟日式炸雞 唐揚之物，即點即製，出品熱辣辣 真香脆，又不油膩，好得的味道！ 配有沙律醬及日式醬汁

難得早收工約左個friend去銅鑼灣行完sogo就起附近搵野食行到去駱克道見到Superdon冇咩人等位價錢都ok唔算太貴又唔洗點等位就諗住入去試下小食串燒和牛粒$88牛肉好嫩好juicy 配埋檸檬汁好refreshing 朋友揀左吞拿魚三色丼$238一個set裡面有蟹肉西柚沙律、味噌湯同埋個丼都幾豐富蟹肉沙律食落好開胃西柚少少酸同蟹肉都幾夾味噌湯唔會太咸 味道剛剛好醬燒廣島蠔丼$138廣島蠔丼一上枱就聞到好香個顏色都好吸引食落唔腥夠新鮮配菜既茄子同蘆筍都好好食朋友話佢個吞拿魚都好新鮮好食過出面其他餐廳想食日本丼既朋友千其唔可以錯過superdon!

單點角切雜錦魚生丼是$128，加$20轉為定食，那就額外有沙律和麵豉湯。沙律竟然有蟹肉，沙律汁則略嫌少,吃到後來的沙律菜會比較乾。麵豉湯熱騰騰，豆腐皮不錯，冬天喝夠暖胃。雜錦魚生有三文魚、吞拿魚、青瓜、雞蛋粒、三文魚籽、希靈魚、帆立貝，完全覆蓋米飯。先吃吞拿魚，有少許筋；三文魚籽偏腍，咬開滿口魚油；希靈魚夠爽口。餐廳牆上掛著一塊木牌顯示店家選用三代目俵屋玄兵衞日本米，米粒有日本米特有的黏性，大粒飽滿。

今晚同朋友放工係銅鑼灣行街， 之後見到superdon 呢間店鋪， 魚生飯好吸引呀🤤仲有新出既鵝肝飯🤤🤤望見即訂肚仔餓。 二話不說入去 , 同朋友每樣一款大家share. 佢地既麥茶 好甘香，定食有沙律，味噌湯配搭， 感覺好豪華。😍😍😍 先試鵝肝飯， 有甜燒汁， 配茄子，仲有主角-肥美的鵝肝， 每一啖都係幸福的感覺。之後上魚生飯。 好豐富既一款， 魚子脹卜卜， 三文魚新鮮厚切肥美。 兩款都食到停唔到口，份量又足料。 絕對值得encore. 而且環境好岩朋友聚餐傾計！！今餐絕對值100分☺☺☺

每次經過這間日式食肆都看到有很多人排隊，今天約了女兒早些吃晚飯，就不用排隊了。餐廳裝潢簡單舒服，除了梳化位，還有吧位，侍應招待也不錯。特上北海道海鮮丼 這個套餐只需加$20轉定食便可享用前菜和味噌湯。前菜除了有很新鮮的沙律菜和車厘茄，還有蟹肉；味噌湯裏有很多腐皮和海帶，味道也不錯。海鮮丼的魚生件件厚切而且非常豐富，有拖羅、海膽、帶子、油甘魚、三文魚籽、牛蒡和黃瓜。拖羅非常豐腴，肉質柔軟肥美入口即溶，海膽甘香鮮甜，味道濃郁，其他魚生也非常新鮮好味。特選燒鰻魚丼 肥美的鰻魚燒得很香而且份量很多，加上鰻魚醬汁，令我竟然把整碗飯都吃清了。串燒和牛粒 一串有四粒和牛，牛味很重肉質很腍，而且不會燒得太熟，中間還帶有少少粉紅色，十分好味。

北海道帆立貝，北寄貝，赤貝丼 $188·老老實實，唔知大家有無發現其實🍎較少食日式料理🇯🇵！真係如果唔係有人約我諗我應該⋯唔會自己去食日本野！今次真係有朋友約，所以🍎先會出現係日式餐廳🤣，同時間都多得依份朋友仔間唔中約我去食好西，如果唔係🍎遲早會比份工掩蓋晒我嘅人生·而今次聚會嘅地方就係SUPERDON🤩，餐廳位於銅鑼灣旺區，人流多，但勝在📍位於地鐵站🚇出口附近，所以易搵，唔駛用太多時間係搵路上！SUPERDON（當然）沿用日式裝潢設計，簡約風格，感覺寫意🍃🌱！·自認麻麻煩煩嘅🍎係咁多選擇中揀咗北海道帆立貝，北寄貝，赤貝丼！！價錢為$188，而海鮮都好盡責咁塞滿成個碗🍚！北海道帆立貝～味道鮮甜，肉質肥厚，口感細緻；而北寄貝肉質厚而柔軟， 但味道就較為爽甜，食完會有陣回甘味在嘴裡揮之不散；最後嘅赤貝原來係日式料理中都幾受歡迎嫁～口感彈潤，而且那種鮮甜美味但又帶點澀味嘅味道真係令人一試難忘！！出色嘅海鮮丼都只係$188～加多$20就可轉定食配沙律🥗及miso soup ，why not！（🍎今餐食得好滿意，同時認證身邊朋友嘅好眼光😎）

同朋友去銅鑼灣行街，行到肚餓就去了好有人氣的Superdon食晚餐。可能時間尚早，不用等就有位坐了。鋪面唔算好大，但裝潢簡潔，樓底高又光亮，顯得好寬敞舒適。我們叫了三文魚親子丼、香蔥A5和牛卷丼及炸軟殼蟹，可以大家share食。另外這兩個丼都加$20轉定食。定食除了飯外，還有新鮮好食的蟹肉沙律及香濃麵豉湯。這是三文魚親子丼，四大片新鮮而且肥美肉厚的三文魚，加上一大堆圓潤飽滿有光澤的三文魚子，睇見都流口水了。啖啖肉的三文魚食落肉質嫩滑，味道鮮甜，而三文魚子咸味十足，連飯一齊食好正。這個是 Superdon 新推出的香蔥A5和牛卷丼。味道香濃口感嫩滑的和牛肉片卷住了一堆香噴噴翠綠色的香蔥，賣相相當吸引。和牛卷食落香口惹味，成個口都充滿油脂、肉汁同香蔥，三者融合令人回味無窮，食完想繼續食。另外還叫了一份炸軟殼蟹，軟殼蟹炸得香脆內軟，而且都幾大隻，兩個人分黎食剛剛好，食落仲卜卜脆熱辣辣添，好正！

依間餐廳由啱啱開業已經好想試，但係成日見到有人排隊或者坐滿哂，所以一直未有機會。今次我終於的起心肝入去睇吓有冇位。原來入面除咗吧枱，仲有其他座位，所以好好彩唔需要等位。店員都好主動介紹唔同嘅丼，服務態度唔錯。特上北海道海鮮丼就咁睇價錢都唔平，但係上到枱就知性價比好高。飯上舖滿刺身，有帆立貝，油甘魚，拖羅，海膽同三文魚籽，全部都好新鮮，用料上乘，絕對值呢個價錢。拖羅入口即溶，充滿脂香，海膽鮮甜，一啲都唔腥。特選燒鰻魚丼同樣係性價比好高嘅，有成五六片鰻魚。鰻魚燒得好香，配上蛋絲，拌飯一流。串燒和牛粒呢個份量比較細，但係肉味香濃，燒到半生熟，好juicy,鍾意食牛肉嘅，可以試吓。味噌湯和前菜加$20可以配沙律同湯。湯對我黎講有啲咸，沙律都好新鮮爽甜。耐唔耐想食刺身時，如果你重質不重量，真心推介依間嘅刺身丼

同朋友放假，去左銅鑼灣行街，到左晚餐時間，就開始頭痛食乜好，話哂cwb都勁多野食，左面一間放題，右面一間燒烤，朋友就話唔想食得太過多，輕食就得，經過哩間餐廳，見幾多人排隊就入去食魚生飯碗飯相當豐富入邊有兩塊大拖羅、油甘魚、帆立貝、蟹爪、海膽和三文魚子，魚生件件厚切，非常新鮮大拖羅入口即溶，海膽好非常Creamy三文魚子入口卜卜聲另加$20可以有沙律同湯，沙律內仲加左蟹肉我就叫咗個和風炸雞丼炸雞非常脆口，完全唔油膩，而且仲啖啖肉

下午三點光顧，相信不是服務生上了一整天班而有的倦態。服務態度跟日本餐廳完全兩回事...一進店，女服務員板著臉說一句：234...點餐時，我點餐不是指著餐名，而是直接唸出：雜錦三色蝦丼！換來男服務員一句：下？！心裡一句：若是我唸錯或是你不熟悉餐牌，你有禮貌問一句「不好意思可否重覆一下！」便是了。一句「下」多沒禮貌！$88一碗丼還未計服務費，我相信當中服務生人工也佔至少60%...我在買服務，卻在吃黑臉...吃一次也嫌多！寫這個是希望給有興趣吃這家或是正在顧形象的服務生看的。

之前朋友食過話好食，但銅鑼灣比較少去 ，難得今日來到這裡做野，當然終於黎試佢既 親子丼，坐得舒服，野食都合理價錢。今次叫了一個丼再加一個小食...等左大約十分鐘食物就黎到三文魚親子丼 $168，十分吸晴，忍吾住影相 ，沒想到超足料又新鮮， 三文魚籽 堅多，每口飯都充滿了三文魚籽，十分滿足，而三文魚近腩位，食落去都好入口即溶，濃郁三文魚 香。仲有漬物好脆口，還有蒜的漬物帶微辣幾特別，因為份量不少關係，最後白飯仲要食吾晒添。而且仲有湯飲落去吾咸有紫菜和豆卜，比較少可面豉湯咁好味道..蟹柳絲沙律，菜好脆口而蟹柳絲好幼吸晒味仲有少少西柚勁開胃添，最後食完，食到堅飽。炸廣島蠔 $68也是我喜歡必叫食物，今次有驚喜喎，沒想到咁大隻而且入面好大隻蠔又脆入面蠔仲好嫩滑，最好當然是油份控制得十分好，來到都沒有太油情況 。