更多
2018-10-21
22 浏览
係銅鑼灣行完街肚餓,見到有間日式丼飯店,細細間但8點半過後都仲有幾多人排隊,心諗應該唔會中伏啦,我又好耐冇食過日本野,今餐就決定係佢啦!排咗大約15分鐘左右就有得入去,餐牌以丼飯為主,刺身丼同熟食丼都有,大約十幾種。本來好想試下佢個北海道帆立貝北寄貝赤貝丼,點之賣晒,好失望!另外仲有幾款刺身丼都賣晒...想試嘅朋友䏲嚟要早啲去啦。最後同朋友分別叫左三文魚蟹籽丼,和風炸雞丼,炸紫南瓜薯餅,鹽燒雞翼同鹽燒牛舌串。上菜都幾快,先講三文魚蟹籽丼:三文魚夠晒肥美彈牙,相當新鮮,配埋脆卜卜嘅蟹籽,食落口感好有層次,不過如果可以多啲蟹籽更好。和風炸雞丼:望落炸雞多到成座山咁,份量好足!炸雞皮薄肉厚,正。仲配咗2種醬汁,一款酸酸辣辣,另一款係蛋黃醬,幾貼心。炸紫南瓜薯餅:外皮脆卜卜,個餡有濃濃南瓜味,唔錯。鹽燒牛舌串:我同友人都大推,食落爽口燒得又香,而且調味仲剛剛好! 相比之下鹽燒雞翼就比較一般,但係雞皮都燒得好香脆,好入味。最後兩個人堆單3百幾,都幾抵,但下次一定要早啲去,唔係啲熱門刺身丼飯會賣晒!
排咗大約15分鐘左右就有得入去,餐牌以丼飯為主,刺身丼同熟食丼都有,大約十幾種。本來好想試下佢個北海道帆立貝北寄貝赤貝丼,點之賣晒,好失望!另外仲有幾款刺身丼都賣晒...想試嘅朋友䏲嚟要早啲去啦。
最後同朋友分別叫左三文魚蟹籽丼,和風炸雞丼,炸紫南瓜薯餅,鹽燒雞翼同鹽燒牛舌串。
上菜都幾快,先講三文魚蟹籽丼:三文魚夠晒肥美彈牙,相當新鮮,配埋脆卜卜嘅蟹籽,食落口感好有層次,不過如果可以多啲蟹籽更好。
和風炸雞丼:望落炸雞多到成座山咁,份量好足!炸雞皮薄肉厚,正。仲配咗2種醬汁,一款酸酸辣辣,另一款係蛋黃醬,幾貼心。
炸紫南瓜薯餅:外皮脆卜卜,個餡有濃濃南瓜味,唔錯。
鹽燒牛舌串:我同友人都大推,食落爽口燒得又香,而且調味仲剛剛好!
相比之下鹽燒雞翼就比較一般,但係雞皮都燒得好香脆,好入味。
最後兩個人堆單3百幾,都幾抵,但下次一定要早啲去,唔係啲熱門刺身丼飯會賣晒!
张贴