スーパー丼 (駱克道) (已結業)

我想試依間Superdon好耐架喇！難得朋友都有興趣一試，我地就坐然起行！依度有刺身丼，又有熟嘅丼，咁多選擇，真係考起我呢個有選擇困難症嘅人！幾經掙扎之後，我決定叫依個特上北海道海鮮丼，有海膽，大拖羅，帆立貝，油甘魚同三文魚籽。刺身方面，都幾厚切，而且新鮮，每一樣都好鮮味！除咗刺身之外，仲有唔同嘅漬物。有牛蒡，酸薑，醃蘿蔔，仲有一個幾特別嘅醃蒜頭，少少香辣，食完都唔會成日蒜味。我地仲叫咗兩款小食，燒雞泡魚干同埋南瓜薯餅。燒雞泡魚干燒得幾香，面頭再搽上少少燒汁，甜甜地，點埋沙律醬，好味！而個南瓜薯餅都幾香脆，但又唔會太油膩，不錯呀！今餐好滿足呀！

一個人行完 Sogo, 想揾間餐廳食好啲，結果去了這間日本丼飯店。我點了特上北海道海鮮丼，裏面有油甘魚，大拖羅，海膽，帆立貝，三文魚籽；食材幾新鮮，特別係大拖羅，海膽是日本海膽好鮮甜，只是份量很少。這個丼要$268 有點貴，可能是地點問題，租金貴也是可理解的。

已經好耐冇同過閏蜜一齊食日本嘢,咁啱今日嚟到銅鑼灣,就拉佢嚟呢間想試咗好耐嘅Superdonスーパー丼,之前經過都見佢人龍不斷,人氣旺盛,今晚過到嚟好彩啱啱好仲有二人枱即時入座,令人更加期待細閱佢哋嘅餐牌,發現佢哋食物嘅價錢都唔算太貴,喺呢個咁旺嘅地區仲要係地舖嚟講已經算好合理喇,好幾款刺身丼飯都係百零蚊已經有交易,唔錯~餐牌除咗中英對照之外仲有埋日文,遊客嚟到都冇有怕,夠哂貼心閏蜜叫咗呢款雜錦海鮮丼($118蚊)裡面總共有六款刺身：三文魚、油甘魚、甜蝦、八爪魚、希靈魚、北寄貝。閏蜜話每款刺身都好新鮮,就算係魚類都冇腥味,而佢加咗$20蚊可以配埋套餐,有埋麵豉湯同埋蟹肉沙律,就同一份定食無異。閏蜜似乎好鍾意食個蟹肉沙律,話好好味,勁快就掃哂落肚,另外佢仲叫咗杯CALPIS巨峰乳酸($25蚊),係一杯梳打汽水嘅飲品嚟,食日本嘢幾乎必叫。而我覺得呢度最正嘅一件事係竟然可以俾客人自選海鮮丼,餐牌上面有十幾款刺身都可以自由配搭,鍾意食乜就叫乜,每款唔同價錢,啱哂好似我呢種又奄尖又怕魚腥嘅麻煩友。所以我就叫咗甜蝦($38蚊)+三文魚($38蚊)+北海道馬糞海膽($160蚊),三種我至愛嘅日本sa

之前係銅鑼灣行街已經見過呢間餐廳, 咁岩經過於是就試下啦~平時係出面行過以為好細間鋪, 估唔到入面都幾多位, 因為我地好早黎, 所以都冇咩人~我叫左呢個海膽•大吞拿魚•三文魚籽丼全部都係我既至愛, 海膽同三文魚籽係勁甜, 撈埋飯食超好味~唔好以為得咁少三文魚籽同海膽, 其實係吞拿魚遮住左睇唔到, 估唔到係咁足料架!另外吞拿魚大大舊, 咬落去有融化既感覺男朋友就叫左呢個吞拿魚三色丼~入面有大吞拿魚腩,吞拿魚腩蓉同赤身, 望到都覺得好豐富佢食完都覺得好新鮮, 入口即溶既感覺呀

假日同朋友去銅鑼灣，行到三點幾肚餓想搵野食，見到呢間餐廳未食過嘅即刻入去試下先呢個炸一口芝士岩哂中意食芝士但又怕太膩（就係我😂）嘅人食，由於係新鮮炸好所以咬落會有啲辣口，但係越食越停唔到口牛舌比較厚身，好難得燒到咬落嫩口而又入味，平時唔中意食牛舌嘅我都忍唔住食左兩塊朋友想食帆立貝所以揀左呢款有三個貝類刺身嘅丼飯而我比較中意食三文魚，就揀左呢個鋪滿三文魚同蟹籽嘅丼飯啦三文魚厚身唔腥，啲飯亦都好香口，食完又唔會有飽飽濟濟嘅感覺

今晚與友人相約到銅鑼灣食丼飯。整間店舖以白色簡約為主! 晚上嘅8點，無book 位都入到去。呢度專食丼飯，我地決定order 1個生、1個熟share 黎食。加$20有沙律同麵豉湯變套餐北海道帆立貝、北寄貝、赤貝丼 $188友人是貝類愛好者 ，海鮮丼除帆立貝有3件外，其他都係兩件。 配料都幾鮮甜，不錯！特選燒鰻魚丼 $168鰻魚厚厚的，有4大件，咬落非常有彈性。蒲汁又唔會太甜！飯底配左蛋絲，加埋海苔同蒲汁食好滋味。

銅鑼灣行街行到攰就要食嘢，三點幾有好嘢食又坐得舒服嘅，都唔係易搵🤧係京都廣場附近嘅superdon，裝修好舒服，係日本嘢又冇落場🤤試！點咗兩款小食，炸一口芝士熱氣騰騰，外皮唔厚非常脆，入面芝士融哂流出嚟，唔算鹹，夠香❤️牛舌唔係厚身但唔細塊，咬落有牛香，一啲都唔差🤤我點咗貝類丼食，有北寄貝、赤貝同帆立貝，刺身新鮮，唔腥仲要厚肉🤤帆立貝好甜，仲有啲醃菜嘅配菜送飯食⭕️朋友嗌咗三文魚蟹籽丼，夠哂份量，一樣新生，三文魚夠肥美💯😊醋飯都夠香又唔會暖，好評🤤

今日同媽媽約好品嚐一下美食！這間是食日本井飯！在銅鑼灣這個地區好方便、在中心地帶（地鐵巴士都得）、在地鋪的。地鋪、落地玻璃、有食物圖畫推薦！好光亮的！乾淨清潔又舒服光亮的環境、好整齊的地方滿滿的客人，服務員態度友善、與客人好好溝通、內心講解；食物方面，有好多不同井飯選擇；有魚生刺身、和牛、熟食（蠔、鰻魚、天婦羅等）中午及下午茶餐的選擇都好多、豐富的食材1.（味噌湯、麻醬蔬菜沙拉）味噌湯：唔會好咸、湯中有豆腐卜、海帶、豆腐；麻醬蔬菜沙拉：清新、清甜、健康的沙拉，麻醬好香、材料：豆腐粒粒、車厘子、沙律蔬菜2. （鹽燒牛舌）鹽燒好香、牛舌好厚身、口感極佳、好好味道、外表香脆內面好香軟正呀！醬料好麻香、檸檬汁清新又去油膩，增加肉的香味好易咬開，軟腍美味3. 玉子生薑燒黑豚肉井飯玉子顏色好靚、好香蛋味；黑豚肉肉味香濃、軟腍的、薄片的、份量好多；配上微微生薑味及熟洋蔥的香甜，口味一流米飯是採用日本米，軟硬剛剛好，份量多，好滿足4. 迷你燒鰻魚飯鰻魚飯好香，鰻魚外皮燒香脆、配上香濃鰻魚汁，唔乾有咬口，媽媽的最愛，配上蛋絲及脆脆黃蘿蔔下午飯的份量剛剛好，不會太多！又抵食！下午茶餐：配上餃子熱辣辣上碟，

中秋節夜晚玩得很晚才睡，結果一醒來便是下午了，肚子很餓便馬上出去找食物，在銅鑼灣地鐵站出去沒多久就發現了這間吃日式丼的餐廳很吸引，便決定這裡。坐下後當然立刻點菜，因為種類繁多，真的有點難選擇。加$20就可跟沙律及味噌湯，因為朋友不太餓就只加一份。這是朋友選的丼，看到滿滿的海膽讓我後悔並沒有選擇這一個，丼上的刺身份量很充足，吞拿魚腩都很厚，看到朋友每一口都可以配著刺身來吃的🤤我的丼也是一同上來的，雖然海膽及魚籽沒有朋友的多，但是我比他多了油甘魚及帶子，刺身同樣都是很厚，一點都不吝嗇。海膽鮮甜，口感幼滑；三魚籽及吞拿魚腩很肥美；油甘魚肉質甘甜，整體來說吃起來全是高質量的，真的十分美味👍🏻丼上除了刺身外也有牛蒡等漬物，整個丼真是一個很好的享受。這一間餐廳我絕對會推薦給朋友❤️

今日下晝同屋企人飲完茶都冇食過嘢，所以未夠六點就個肚就打住鼓要搵食。行經スーパー丼門口，見到電視播住好吸引嘅日本丼，但門面都幾簡約，睇嚟係實力派，一於入去試吓。同門面一樣，餐廳入面裝潢都係簡約風。素色嘅牆身只擺咗幾盤盤栽點綴，枱面上整齊擺放餐具，唔賣花巧包裝，咁樣反而令我哋對食物質素更加期待。我哋就叫咗兩個丼開心些牙。【三文魚蟹籽丼$98】三文魚同蟹籽都幾多。蟹籽好爽口，鮮味十足；三文魚就稍嫌唔夠肥美，還好味道不減。除咗呢兩樣主要食材，仲有啲漬物，真正日本風味。【北海道玉子黑松露和牛丼$268】佔咗碗面大半嘅和牛，原來係有兩層架，份量都真係幾多。玉子係生嘅，上面有黑松露，側邊有大量香蔥。玉子標榜係北海道玉子，果然蛋味香濃，一定要撈飯食，加埋香蔥就更加香。主角就當然係和牛，肉味濃郁、油脂豐富、肉質嫩滑又夠juicy。原本想叫小食但真係冇食力。食完個丼夠晒飽，加上質素又高，真係大滿足！

幾年前去北海道旅行 而家都仲好掛住嗰度魚市場嘅丼 喺銅鑼灣見到有一間專門食丼 賣相都幾討好 嗰晚即刻同friend去試下坐低本來諗住即刻叫佢個北海道馬糞海膽丼 但望多兩眼嗰餐牌竟然俾我發現到有個 日式醬燒鵝肝丼 冇辦法唔試下三塊厚厚的鵝肝 燒得香香的 內裏勁juicy 鵝肝份量真係超多 鋪滿成碗飯 一啖飯 兩啖鵝肝 勁滿足這裏的海鮮丼可以自選配料 啱曬我個friend 佢好揀飲擇食可以淨係揀自己鍾意食嘅 真係幾好喎因為有時啲set 入面有一兩款係唔鍾意食嘅呢度可以揀曬淨係自己鍾意食嘅 的確係幾爽佢呢度啲燒物都算唔錯 食咗牛脷同餃子下次嚟我諗我會試下佢個自選配料丼

山竹颱風過後，星期三加班後，放工同同事到銅鑼灣吃飯，可能因為太夜了。都唔知想吃什麼，行過地鐵站，見到這間丼飯，見天氣悶熱，就隨便吃吃吧。可能已過了晚餐時間，不用等位便有位。餐廳感覺都幾有日本feel。因為太餓了，坐下便立即叫丼飯，但其實都有啲花多眼亂，都有頗多選擇。我同同事分別選了三文魚親子丼和生薑燒黑䐁肉丼。原來加$20可以跟前菜同味增湯，同事想試吓邊叫了一份，我還叫了富士山葡萄汽水，嘗試一啲特別的。送來兩個飯後我感覺好似不夠現在叫了一份枝豆咁樣就剛剛好。餐廳注佢哋用日本米，又是一個抵讚的地方。三文魚丼有3片厚切三文魚及魚子。生薑黑豚肉丼有生蛋，極似日本風味，好吃。餐廳細細間，但亦坐得舒服。

今日同朋友去開銅鑼灣, 四圍都係人, 又唔想食譚仔, 有人提意去食日本野~ 但係好少少既日本野, 叫得多又貴, 叫得少又唔夠飽, 我突然醒起係駱克道有一間食魚生丼新開張幾個月叫SUPERDON,再睇下OPENRICE, D魚生飯好似唔錯咁~ 星期六下午做完運動去試下佢啦~~ 去到大勝丼, 都幾FULL~ 8-9成入座, 好好彩我地WALK IN 都有2人卡位~ 實在係太好了~ 坐底睇下個餐牌又唔貴喎~ 我想食的北海道帆立貝+北寄貝+赤貝丼都係188,朋友叫咗個吞拿魚三色丼, 原來佢叫每一個丼加20蚊有面豉湯+沙律~ 又真係幾扺食~ 另外朋友好想食海膽, 叫多一板北海道馬糞海膽添~ 入返正題, 北海道帆立貝+北寄貝+赤貝丼---各種貝類都非常十分新鮮~ 好爽口, 好鮮甜~ 吞拿魚三色丼---有一大堆吞拿魚茸, 兩片中拖羅, 兩片赤身, 兩片赤身好有魚味~ 中拖羅肥美, 油份好重, 甘香~ 吞拿魚茸好輕滑, 好好味~ 北海道馬糞海膽---非常濃海膽味~ 一食就知係日本北海道貨~ 唔係加拿大個D平貨~ 值得推介~ GOOD~

餐廳以Less is more 的設計，也以自選刺身飯作為主打！對於我來說，當然不要自選啦！選擇困難症呀！我就按了套單上，點了海鮮刺身飯（朋友點的雜錦刺身飯就不提了，沒有什麼特別），有海膽、大拖羅、油甘魚、三文魚籽等等的新鮮刺身！當中，最好食的就是海膽，大大份，形態分明，入口即溶化，非常新鮮呀！此外，值得一讚的是帶子，厚切嫩滑，鮮甜可口！至於最愛的拖羅，厚切又好肥美，非常有咬口，有一點似日本吃的味道；油甘魚則不是油甘魚腩，所以肥脂比例較少，味道不太濃郁，也不夠肥美。不過，正正有三文魚籽，加入一點wasabi和醬油，再撈飯吃，味道非常正呀！ 整體是來說，價格在銅鑼灣來說，則算是一般，不過，味道拍得上日本普通的小店，已經算不錯了！ 不過，要跟蟹肉沙律和味噌湯的話，則需要再+$20，沙律沒有什麼特別，不過味噌湯則比起想像中好，起碼不太像即沖即煮的味噌湯！淡淡帶一點咸味，非常自然，如果在湯內加一兩個挸殼，更加吸引！

叫得Superdon當然對自己的丼飯非常有自信、這晚即管去會一會。坐下發現雖然環境不大、不過裝飾得很舒服、很有簡約的日式味道。熊本a5和牛火焰刺身丼看上去很吸引、打算下次試、因為這次決定先試下面的丼飯。就是北海道玉子黑松露和牛丼！看到圖片中豐滿圓潤的生雞蛋嗎？生雞蛋拌飯是我去日本的最愛、而且有大量的蔥、加上和牛真的非常美味、和牛充滿炭燒味、而且燒得剛剛好入口即溶、加上珍珠米就是最完美的配搭！另外叫了一個自選海鮮丼、當中帆立貝鮮甜無比、最難得是肉不鬆散、仍然有彈性！甜蝦正常水準預料之中、赤身看圖片的色澤就知是好材料而且沒根、吃得非常滋味！最值得讚的是鮮赤貝、暫時我在香港除了這裡、其他丼飯餐廳未見到有、太好食！爽口彈牙！馬糞海膽份量很多、新鮮度不錯、不過甜味差少許。餐廳坐落銅鑼灣區、價錢當然不便宜、但食材都對得起價錢、食了一餐鮮味猶如置身日本的丼飯！另外服務生很勤力、經常幫忙倒茶。