スーパー丼 (駱克道) (已結業)

次次行過sogo離遠見到間鋪，都多人到見唔到間野究竟係食乜的，凈係見到日文字知佢係日本野。然後有日終於入到去，原來係食丼飯嘅！咁啱個日熱到出汗，食魚生飯啱晒～睇完個餐牌發覺都幾抵食，熟食嘅賣$68，普通魚生飯都係$88，最貴個個都係$198有海膽食，係cwb算係ok la特上北海道丼 $198我地嗌咗最貴個個share黎食，因為咩都有齊咁滯：三文魚籽、帆立貝、油甘魚、吞拿魚蓉、海膽呀！！本身碗飯就會配埋麵豉湯，即係其實係套餐價，非常好！望落樣樣都好好食咁，三文魚籽好多，吞拿魚蓉又好多，海膽都有一排。開動了，油甘魚紋理好靚，就食佢先！食起來唔係即融個種但有油脂，帶子大粒而且都算甜，最好味係吞拿魚蓉撈飯！！反而呢隻薄身海膽我麻麻，食落冇乜味又唔creamy三文魚親子丼 $88之後另一個飯都係開心share，係食日本野一定會出現嘅三文魚。份量都可以，有四大片，但當然唔會有魚腩食啦～ 三文魚食到係厚切而又鮮甜嘅。然後有成半碗都係三文魚籽，仲有另一碗都好多下。粒粒都好飽滿，撈埋飯跟住咬爆啲一粒粒，個種好甜好滿足好幸福嘅感覺～最後飲埋碗麵豉湯就大滿足！係cwb黎講性價比高嘅日本野！

夜晚係銅鑼灣食飯要飽肚，基本上冇過百都唔走得。尋日係Sogo行緊去銅鑼灣廣場嘅時候見到呢間白色舖面寫住食丼飯，見佢寫住最平$100有找，就入去試一試。唔駛等位，一入去已經立即沖定杯茶俾我，叫咗個吞拿魚牛油果他他丼連一碗湯（$98）一上菜個刻見到成碗丼飯有好多吞拿魚，有驚喜，比牛油果同配菜都仲要多😁！吞拿魚係平時食開刺身個種，食落去味道偏咸。但係配合返味道唔強嘅牛油果同白飯就剛剛好，唔駛點芥辣豉油都好夠味。不過個飯比較乾身，食嘅時候會好口渴會，不停飲茶。好彩待應都好好服務，一見到茶杯冇茶就自動加俾我，呢度值得一讚👍🏻整體而言，如果平時經開銅鑼灣又想食丼飯嘅話可以一試。

等男友收工時，在銅鑼灣不停遊走搵食，想食日本野但又唔想太貴。見到呢間幾啱心水，門口又寫住用日本國產米就入去試吓。 店內主調白色，裝修非常簡約。一入門口見到一張bar枱同入少少有d普通坐位，我地就坐咗bar枱。一坐低就有杯非常熱既玄米茶侍候常駐menu內有肉類及刺身丼飯，價錢算公道。也有6款香港人常吃的日式小食，以及3款沙律。想食豪少少，廚師推介都唔錯。不過我同男友都係揀咗常駐menu中的溫泉蛋醬燒牛肉丼和火炙三色丼，仲有日式餃子。坐bar枱的關係，聞到非常香既火炙燒刺身味，口水都流多幾滴 牛肉丼個樣幾靚仔，醬燒味道不俗，幾惹味。三色丼每件火炙刺身都燒得好靚，件件好似一邊熟食，反去另一邊就刺身咁，而且燒到邊位微微燶，好香。 右口魚邊我自己比較少食，好彈牙，我覺得好正。 另外，就算食哂上面既餸，淨食飯都覺得好正，如果有得淨叫飯可能會食多碗不過丼飯唔算好大碗，女仔食會覺得飽，男仔可能會差少少。一碗丼飯會配一碗麵豉湯，湯就普普通通，無咩特別。餃子有5隻，近炸咁濟，味道都係一般，而且偏向油咗少少。 下次有機會再食既話會試其他小食。

開張初期，還見滿是人潮，今天不用等位，特來試試。一走進去，店內裝潢簡潔、純白，餐單選擇不多，點了三文魚魚籽丼、温泉蛋吞拿魚楠三文魚籽丼，再追加了日式炸豆腐一客。坦白來說，賣相可以，但吃下去還是大型百貨公司的貨式，吃不出日本風味，一試可以，再試就沒必要了。

今日行到噤上吓見有d肚餓，就食個下午茶先見呢間店開左噤耐未幫襯過，噤啱經過一於入去坐低尋食吓先睇餐牌唔止得一兩樣選擇，有唔同既刺身丼，還有廚師精選丼，如唔食生嘢，都有幾款熟食丼選擇，我就選左個廚師精選丼、一款小食和飲品。特上北海道丼，個丼有（帆立貝、海膽、三文魚籽、吞拿魚腩蓉和油甘魚）五款配料，原來丼還有個麵豉湯跟，個湯味道剛剛好唔係勁鹹，睇個丼賣相已好吸睛入口更加美味，需然帆立貝唔係king size，但都唔係太細粒，味道鮮甜海膽入囗冇腥味好creamy三文魚籽粒粒晶瑩透剔鹹鹹哋吞拿魚腩蓉啖啖肉甘甜美味油甘魚肥美可囗鹽燒雞翼，外皮脆咯咯，內裏熱辣辣，肉嫩味美櫻花梳打，日本飲品一向有保整，入口清新甜美。終於都可以試到呢間，因為都聽過幾多人話好食，今次終於親身證實左係唔差

小妹是不懂日文的🙇🏻‍♀️但店舖名就是主打日文名啊！好彩走進店內也能看見譯為 #superdon 😂故名思義，小店係食丼飯既！有唔同既魚生飯，都有熟食飯類（豚肉，滑蛋，鰻魚等等），岩哂唔同口味既朋友👭所有丼飯都配 #麵豉湯 的今次我同朋友都係食 #魚生飯 🍣火炙三色飯 ($98) 有三文魚吞拿魚同左口魚，成日都覺得火炙魚生無咁dry又有少少醬汁咁好正！而且燒完都唔會覺得太油膩啊🔥朋友食既油甘魚魚生飯($98)都有6片大既油甘魚，質量都算唔錯啦。跟飯仲可用有優惠價$18加配脆豆腐或者我最愛的 #芝士年糕 ‼️ 芝士年糕上枱又熱又脆架，平時都係食放題先食，今次終於係普通餐廳食到啦😋

不知道有沒有人與我一樣對豚肉生薑燒情有獨鍾呢？但要在香港吃到好味的豚肉生薑燒真的不易🤔。沒想到竟被我誤打誤撞，在銅鑼灣的Superdon 遇上「它」😍。1️⃣ 玉子生薑豚肉丼 $88 🤩沒有誇大，如果你喜歡吃豚肉生薑燒，這店絕對值得一試。-豚肉份量很多，肥瘦適中。配上它的醬汁，很美味😋。•2️⃣ 日式炸雞 🍗 $48 — 👍熱辣辣，皮脆肉嫩。3️⃣ 日式餃子🥟 $38 / 5件 — 皮薄，餃子底部帶少脆，肉餡是平常吃到的味道😃。4️⃣ 日式炸豆腐 $18 / 4件 — 原價 $38，下單後店員告知正在做推廣，只需$18便可吃到🤣。豆腐外層炸得很脆，豆腐本身也很滑。稱得上外脆內滑😉。5️⃣ 雞泡魚乾$58 — 雞泡魚乾是我另一最愛，但不是每間日式餐廳也有。不過近年是普及了☺️。份量不算太多，但味道和口感也非常好😋。

今日中午同朋去咗依間丼飯專賣店食丼飯。依間店門面係純白色為主調，店名係日文字，下面有隻細英文字寫superdon。門口有lunch menu，寫咗唔同種類嘅don。入面有一排長bar枱，大約有8個座位，對住類似open kitchen 位置。而再入啲，係二人至四人枱，一邊係靠牆坐嘅長櫈，一邊係普通獨位櫈。☺️午餐種類都幾多，所以揀咗火炙三色丼（三文魚丶吞拿魚同左口魚邊）$98。而另一個係醬燒廣島蠔丼。依間丼店係加一服務費的。首先店員遞上玄米茶。🍵之後等十幾分鐘就會遞上火炙三色丼，而燒廣島蠔丼應該要需時準備，所以較耐時間先遞到。.個火炙三色丼三文魚同左囗魚邊燒得啱啱好，無腥味，而且幾嫩滑，有入口即溶嘅感覺。不過幾薄身，再厚番少少，比較好。而個吞拿魚比較厚身，都幾鮮味。🍣喺間店見到原來啲米係日本米。所以食真啲先，發現啲米粒分明，都好軟熟。將啲攻鼻嘅芥末撈落啲油醬油同米飯一齊食，會好鮮味。🍚個燒廣島蠔丼啲燒汁好濃郁，而且啲廣島蠔肥美大隻，仲有一點係：無沙同腥味，所以啲蠔處理得好好。👍🏻份量都幾多。有成六至七隻。食完飯，飲埋佢個味噌湯。味噌嘅味好重，不過覺得咸咗少少。

Lunch和同事一起食飯，同事想食日本野但又唔想太貴！所以最後見到superdon價錢合理，食物質數和評論都唔錯，所以我地就去試下la~。餐廳的裝修以簡約為主，墻身潔白，餐具及臺凳使用木為主！感覺環境清新令人放鬆。餐廳的黑版更有每日推介。我們點了角切魚生丼和玉子生薑豚肉丼，這裏的丼飯係即刻整的！上菜時熱辣辣，未食已經覺得暖胃。玉子生薑豚肉丼：生薑豚肉配上溫泉蛋感覺很豐富，生薑風味濃郁！豚肉熟成剛剛好，醬汁的味道滲淺淺生薑味。最後用溫泉蛋撈係飯裏面令到整個丼飯更有層次感。同事的角切魚生丼材料豐富，包括有牛油果，希靈魚，三文魚，螺，魷魚及吞拿魚。魚生全部都好鮮甜，每一啖飯的口感都好豐富。餐廳優惠+18蚊有芝士年糕！年糕軟糯，芝士使用了水牛芝士，雖然無拉絲效果！但芝味濃郁。餐廳的芝麻雞翼和鹽燒雞翼一樣都好出色，絕對比得上居酒屋的質數，而且價錢不貴！芝麻雞翼：香脆惹味，餐廳燒的時候落左少少七味粉，食落去有少少辣辣地。鹽燒雞翼：同事最愛，味道沒有芝麻雞翼那般濃味！更能食得出鷄肉的本身的味道，外皮依然香脆。最後買單只係$297蚊真係好抵食！！性價比很高，值得光顧。

丼飯近來成為日本餐新貴，最近得知在灣仔駱克道有一間有不錯食評既，今日收工，馬上和朋友過來一試究竟味道如何餐廳裝修得新潮之餘不失和風感覺，大門是日式玻璃屏風，在街外已經可以一眼望到裏面的吧枱，可以見到員工正在忙碌地為客人準備食物餐廳裏面除吧枱之外，也有很多飯枱，全間餐廳都是白色為主，令人感覺到十分整潔乾淨，墻上放咗好多小盆栽，更加是錦上添花。餐牌是丼飯為主，再加刺身、小食和飲品。🐟🦞自選海鮮丼飯呢個海鮮丼，材料有吞拿魚魚腩蓉，三文魚刺身和馬糞海膽，跟餐還有一個面豉湯附送。呢個丼飯既主角當然係吞拿魚腩蓉啦，雖然唔係頂級吞拿魚，但都相當肥美，加點醬油，飯連 同魚肉一齊放入口中，舌頭馬上感受到吞拿魚既甜美，因為已經剁成蓉，整個口好像被鮮甜淹沒了一樣，而醬油就將鮮味再次提升，蒜花剛剛好中和魚嘅油膩，真是人間極品。丼飯的另一主角就是馬糞海膽，海膽顏色金黃，表面乾身而且粒粒飽滿，一看就知是上等貨色，加少許Wasabi和醬油然後放入口中，真係想哇一聲叫出來，滿口都係海洋既鮮甜味，滋味無窮。三文魚雖然肥美，但係相比海膽和吞拿魚腩當然不是同一個級數啦，有如此美味嘅刺身作配搭，加上煮得香噴噴的白米飯，此丼飯

好耐無食過，心血來潮吃個下午飯，食物質素尚算勉強維持到，但唔知點解員工轉哂全部顏色人(頭髮)，制服好似梅菜，全部員工好似made from MK咁。唔係我歧視MK,而係佢哋嘅行為太MK:今日坐吧枱，壽司師傅有朋友來訪，吹吹水自然少不免，不過喺有客食緊飯嘅同時，點解可以明目張胆講哂粗口？可否尊重一下自己及客人?樓面好少少，不過一樣一路做嘢一路大聲同師傅傾偈，有兩次重要企喺我旁邊傾，勁想叫佢行開一邊傾銅鑼灣價錢、旺角式招呼，可以唔使再嚟了

今日約左好友食飯, 點知佢臨時有會要開黎唔到 ~~結果自己一個人食，所以諗住食好D~~黎到銅鑼灣SUPERDON 門口, 見到好多丼都想食，所以入去去先算～叫左個特上北海道丼，入面有勁多料，eg. 帆立貝、三文魚籽、海膽、吞拿魚腩蓉、油甘魚～每樣都係我最中意食既～～帆立貝鮮甜、三文魚籽粒粒晶瑩剔透、海膽口感極好完全唔腥、吞拿魚腩蓉油脂均勻、油甘魚好肥美！overall 感覺極好，$198 包埋碗湯，抵食！另外再點左串燒雞翼，咸味適中，雞肉嫩滑，唔錯！估唔到呢間餐廳真係冇令我失望～

晚上收工食咩好?銅鑼灣都好多選擇😋今天選了這間在SOGO後面駱克道的日式料理。我㸃了主菜日式鵝肝丼、櫻花蝦海鮮餠丼小食芝麻雞全翼、唐揚尤魚圈。赤富士山葡萄汽水。😋😋😋首先先到的是赤富士山葡萄汽水🥤超可愛😊好有懷舊日本特色👍🏻👍🏻👍🏻味道ok。之後是唐揚魷魚圈。我之前在想點解叫唐揚吾叫炸魷魚圈呢？吾通個名唐揚好聽?😂😂😂原來唐揚起源於昭和早期。古代日本人曾經直接將雞肉油炸，一般是將香料、調味粉混入炸粉中。但炸出來的相當乾身，口感偏硬並不好味。後來他們發現醬油有助鎖緊肉汁，油炸後肉質亦保持柔軟，就發明了「唐揚」炸法。唐掦魷魚圈，份量比較多魷魚圈，魷魚吾乾身，囗感不錯👍🏻。芝麻雞全翼 ，雞翼味道恰到好處，味道吾會太濃，少少黑胡椒味。櫻花蝦海鮮餅丼，一定要點汁先食，清清淡淡的。日式鵝肝丼，重點推介,鵝肝夠大片、入口即溶，超級勁滿足。點上鵝肝汁甜甜地，配上飯好好味🥢🥢🥢🥢🥢👍🏻👍🏻👍🏻

朋友很久也沒有食過日本餐，而她本身都是澱粉質的愛好者，所以食丼是最好的選擇😂選擇比我想像的多及配搭都滿有不到的！我們叫了三文魚親子丼，一上檯，三文魚閃閃發光的，切的厚度也令人賞心悅目。油脂分佈平均，閃亮亮的！還有特上北海道丼，一次過可以滿足多種配料的期望配料新鮮，一點也不馬虎的。欣賞他是自己磨的wasabi ，同包裝好的，是差超遠的。最喜歡是它的日本醋飯，令人開胃，米飯的size 比我平常出外的大粒，和味道剛好，配上刺身沒有喧賓奪主，但單嚐一口飯也心花怒放🥰

依間スーパー丼Superdon之前睇介紹已經好想試  今日專登去試店內環境都算闊，有吧枱可以睇到師傅整魚生飯睇睇餐牌選擇都好多,我就簡左鵝肝丼 之前睇到介紹已經好想食等左一陣鵝肝丼到左,嘩超級香，除左個丼之外仲有跟一個麵豉湯鵝肝丼有3舊鵝肝超大舊 仲有小小菜，蔥再配上佢獨有既汁 超級好食 下次一定會再食。