スーパー丼 (駱克道) (已結業) 查看

今日中午同朋去咗依间丼饭专卖店食丼饭。依间店门面系纯白色为主调，店名系日文字，下面有只细英文字写superdon。门口有lunch menu，写咗唔同种类嘅don。入面有一排长bar枱，大约有8个座位，对住类似open kitchen 位置。而再入啲，系二人至四人枱，一边系靠墙坐嘅长櫈，一边系普通独位櫈。☺️午餐种类都几多，所以拣咗火炙三色丼（三文鱼丶吞拿鱼同左口鱼边）$98。而另一个系酱烧广岛蚝丼。依间丼店系加一服务费的。首先店员递上玄米茶。🍵之后等十几分钟就会递上火炙三色丼，而烧广岛蚝丼应该要需时准备，所以较耐时间先递到。.个火炙三色丼三文鱼同左囗鱼边烧得啱啱好，无腥味，而且几嫩滑，有入口即溶嘅感觉。不过几薄身，再厚番少少，比较好。而个吞拿鱼比较厚身，都几鲜味。🍣喺间店见到原来啲米系日本米。所以食真啲先，发现啲米粒分明，都好软熟。将啲攻鼻嘅芥末捞落啲油酱油同米饭一齐食，会好鲜味。🍚个烧广岛蚝丼啲烧汁好浓郁，而且啲广岛蚝肥美大只，仲有一点系：无沙同腥味，所以啲蚝处理得好好。👍🏻份量都几多。有成六至七只。食完饭，饮埋佢个味噌汤。味噌嘅味好重，不过觉得咸咗少少。