スーパー丼 (駱克道) (已結業)

🍱銅鑼灣呢間日本餐廳，無論熟食丼定刺身丼都超抵食！三文魚親子丼都只系$88咋！今日就只係清清地揀了熟食丼&小食！😝🍴溫泉蛋醬燒牛肉丼鋪滿一片片牛肉，中間嘅溫泉蛋相當令人矚目呢！每次食溫泉蛋丼飯都會有種矛盾....就係成隻溫泉蛋食好定係督爛隻蛋食好呢？！😆無論邊個食法，呢碗牛肉丼飯都有濃郁嘅牛肉喔！夾埋甜甜地嘅醬汁，非常開胃！🍴特選燒鰻魚丼飯只係$88，但份量都唔少！鰻魚肥美厚肉，每粒飯粒都均勻沾上醬汁，非常惹味！丼飯餐配有前菜、面豉湯及泡芙作為甜品，真係超豐富抵食喔！小食炸雞&餃子賣相都非常吸引喔！炸雞咬落卜卜脆，香脆可口，同時啖啖肉。煎餃子餃子皮有點燶，餃子皮薄，咬落很有肉感喔！

銅鑼灣最近有好多展覽睇，所以今日又出咗去，今日就試咗興咗一陣嘅日本Don😋因為去到嘅時間尚早，入面人唔係好多😊見到佢有個木牌寫住日本米專用🤩我呢啲尚日嘅人梗係即刻幫間餐廳加分😂叫咗一個特上三色火炙Don，佢有個沙律，面試湯同一粒泡芙做甜品👍魚生好新鮮，好甜，海膽完全唔會有臭味😋佢個飯質地都唔錯😁另外叫咗一個日式鵝肝Don😋除咗頭先魚生飯都有嘅嘢之外，佢仲有一個鵝肝汁，甜甜地又有鵝肝香，好好送飯👍

在銅鑼灣常常逛街，不時也會經過一間叫「Superdon」的日式丼專門店，日本餐廳中刺身是很常見的，但魚生飯專門店在香港絕對是少見的，難得在銅鑼灣竟然有呢。很久之前也跟男朋友到那裡吃過一遍，質素也不錯，這回最終也沒有令我失望。拍這張照片的時候是我吃完出來才拍的，去的時候還不用排隊等位，一出來，已有數個人在排隊了。裡面的環境頗為光猛，以簡約為主，木桌子也給人們清新的感覺。近門口的是高椅子，坐的時候應該沒那麼舒服吧，裡面的則是正常的座椅。Superdon以肉和刺身飯為主，價錢算是適中吧，刺身飯在這裡大概會比較吸引客人的眼球。還有一些簡單的日式小食和飲料，大家也不妨試試。除了以上的日式丼種類外，其實餐廳還有「自選丼」，如果以上的丼都不合自己的口味，不妨試試自選海鮮丼，最少要選三款，價錢相對下會較main menu的昂貴，但店員跟我們說份量會較main menu的多。就這樣，男朋友點了自選海鮮丼，他選了馬糞海膽、油甘魚和吞拿魚，馬糞海膽鮮味非常，不會像外面一樣的腥。油甘魚和吞拿魚有口感，咬的時候感覺很是結實，真的頗有質素。自己則點了火焰三色丼，有三文魚、呑拿魚和左口魚邊，平常的日式餐廳多數都會有

黎到銅鑼灣我經常出沒的地方 當然要食好西今次黎到superdon 超級便當🍱？😂又係道改人名 見到餐牌魚生飯set咁吸引就入左去試試佢了位置位於銅鑼灣sogo後街的駱克道，位置鄰近唔小shopping 鋪仔環境門口係水吧似的，會望住師傅烹調魚生飯餐廳呈長條形，有卡位好舒服食物 一心黎食魚生飯的我當然是食魚生飯今次叫既係極上北海道Set跟沙津、湯、甜品沙津有 蘋果青瓜蟹柳 好fresh三文魚子配上海膽同吞拿魚蓉好match三文魚子滿滿 吞拿魚蓉加蔥好香口魚生都好大舊好新鮮最欣賞係佢個帶子粒粒大大粒勁新鮮配上檸檬食 酸酸地好夏日甜品作happy ending, yummy☺️建議魚生飯要用魚生點豉油唔好直接倒落白飯 以免蓋過魚生飯鮮味

經過這家餐廳很多遍，還是因為種種原因而未能入去吃吃看。今次，我就的起心肝，心中想著：「我一定要吃到這家餐廳的食物」為宗旨，走到銅鑼灣逛街。逛街完畢以後，我就拉著他一同來到這家叫做スーパー丼的丼飯店來一個晚餐。走到店入面，方才發現原來這店比起想像中還要大很多，坐得也算舒服的。二話不說的點了一份丼飯餐，跟餐還有一碗湯、一份小吃跟一份甜點。我點的是火炙三色丼 ($98)，丼飯入面有三種食材，分別是火炙三文魚、火炙呑拿魚跟火炙左口魚邊。始終這家丼飯的價格在於晚餐來說的確是略為經濟的，所以食材還算中廷吧。店家用上日本米，我就把專注力放在飯、Wasabi跟豉油上，感覺還可以吧。我們還點了一客日式餃子 ($38)，餃子皮煎得夠脆，而且不算油膩，還可以吧。

放假去銅鑼灣, 上openrice睇下有咩食, 見到呢間幾特別, 裝修清新feel, 本身鍾意食日本嘢, 就入去睇下咩質素先.Menu內款式唔太多, 除左指定丼外, 仲有自選魚生片配飯, 另外仲有omakase套餐, 包埋甜品全部店日本產米使用特上油甘魚丼,油甘魚有少少腥味, 唔太厚切, 飯又少, 有麵豉湯送三文魚親子丼,本來想叫角切魚生丼, 不過賣晒, 正常, 無驚喜其實唔知係唔係日本人開既舖頭, 感覺一般, 咁既食物質素, 價錢算貴, 要改善下, 其實當日都只係得4個顧客, 真係要加油!

小編係幾喜歡食日本菜嘅，今次黎到呢間主要係食魚生飯嘅日本餐廳，一入到去裝修都幾時尚，人都坐得幾舒服，小編同女朋友order左兩款魚生飯，小編就系自選魚生飯而女朋友就係叫在火炙三色丼，魚生飯一嚟到切得勁厚10分足料，魚生普遍都好新鮮味道亦都好好，隨套餐附送嘅湯同埋泡芙湯10分甜美，亦10分高質，唔會好似坊間某啲日本餐廳咁樣個湯只係得味精，飲完勁口渴，呢一間餐廳除魚生飯外，湯亦都好高質，小編同女朋友好彩來得早，如果晏左黎嘅話就要排隊啦。

今晚下班想吃簡單一點，不想花腦袋去點很多菜，一個丼就好了，然後記得有一去過Superdon也不錯，就去吃吃。簡潔日式裝潢，感覺舒適，門口bar枱位，適合速食人士，店內設有其他座位，很多年青人幫襯，一到食飯時間就爆滿，8點半後來就不用排隊。用日本米就已經好加分！丼款式多樣化！特上北海道丼 ($198)雖然價格沒有很平宜，但用料上乘，共五款，有帆立貝、三文魚籽、海膽、吞拿魚腩蓉、油甘魚。海膽給得很大方很多，小小塊的，味道卻很甘甜，應該是馬糞海膽。另外，帶子夾住檸檬片上，很有巧思。油甘魚也是厚切的，超肥美。吞拿魚腩蓉很新鮮，非常滿足。海帶味噌湯前菜甜點忌廉泡芺十勝豚肉丼 ($78)除了魚生飯，也有不少熟食丼，價格也ok。十勝豚肉片肉質鮮味，燒到少少焦，加了白芝麻和京葱絲，令到口感更豐富，用上日本米，也不會太多醬油，份量剛好，不錯。

銅鑼灣既駱克道成條街都係餐廳，呢間日式丼飯屋靠住佢簡約又白雪雪既門面，係成條街入面都幾突出見到佢既丼飯最平$68咋，可以一試特上三色火炙丼見到Menu 既圖，真係忍唔住叫左呢個，果然黎到冇令我失望三色丼有帶子，海膽同左口魚邊，帶子都有四大粒，左口魚邊有三～四片，海膽份量都唔少全部都輕輕炙過帶子大粒不但止，火炙過令帶子表面微熟，有點煙un,但內裡仍然軟腍，好有層次海膽唔腥，好鮮甜，炙過其實味道差別不大左口魚100%肥美，炙過令油脂天豐富，配飯食好香，單食會有點膩溫泉蛋醬燒牛肉丼未食已經聞到好香洋蔥味佢既料都唔少喎，有牛肉，洋蔥，金菇同其他蘑菇，佢既醬汁係甜甜地，撈埋隻溫泉蛋，令味道多種甘香同埋真係抵食大碗炸軟殼蟹大大隻蟹原隻訓係碟，我都係第一次見熱辣辣新鮮炸起，沒有不好味既理由，配沙律醬或者柚子醬汁都OK個人鐘意柚子汁多啲，中和炸物既膩整體呢到既食物真係有水準，唔想食咁貴既刺身飯，有啲熟食既丼飯都係幾十蚊，已經配埋湯，唔錯

我喺附近返工，superdon已經成為左我飯堂呀，哈哈。無他，位置方便，坐得又舒服嘛，最重要刺身飯同熟食都多選擇呀。今次我無食刺身，試一試熟食先。我叫左一個豚肉飯食呀我最中意佢嘅米係用日本米呀，口感會特別煙韌 好食好多架豚肉份量都幾多下呀，而且肥瘦均等，有咬口，好好食，仲有洋蔥一齊爆香食，I like 當然係唔少得我最中意嘅芝士年糕啦。最like佢係即炸上碟呀，咬落去出面脆卜卜，入面軟心芝士簡直令人難以抗拒呀。

成日見到Superdon啲丼飯都好吸引~ 今次同朋友去開銅鑼灣買野，特登去試下。叫咗2個丼飯同一個刺身。特上油甘魚丼 ($98) 油甘魚嘅份量係相當多！鋪滿晒成個丼飯，油甘魚好新鮮好厚，一啖刺身一啖飯~呑拿魚腩蓉，三文魚籽，温泉蛋丼 ($108) 呢3樣材料都係我好鍾意食既野🤤 呑拿魚腩好滑好多，但三文魚籽有少少偏咸，整既時候應該放太多醬油，但撈埋呑拿魚腩食就不過不失～ 而温泉蛋一直都係我鐘意食既野，就咁溫泉蛋都可以做個丼飯😂升級刺身拼盤 ($178) 刺身好新鮮，款式夠晒多，以呢個價錢黎計，性價比都好高

座落閙市銅鑼灣嘅Superdon，平時經過已經有留意，今次就食下佢。整體裝修都幾別緻，環境舒適。餐廳嘅牆上面有幾盆小盆栽，令人感覺好放鬆同舒服。火炙三色丼三色包括左三文魚，左囗魚同吞拿魚。三款魚燒得啱啱好，完全冇腥味。刺身輕輕火炙過之後，魚本身嘅油份已經被逼出來，油香加埋火炙既香味原來係幾夾。食落都幾嫩滑，有入口即溶嘅感覺。三款魚都厚身，鮮味十足。而米飯粒比較分明，有米飯香味，而且食落好軟熟，再加上芥末同醬油一齊食，一流配搭。梅春季限定魚生丼，有北海道帆立貝、鯛魚、赤蝦同三文魚腩。帆立貝好厚身，中間有一片檸檬，所以食落有淡淡檸檬清新嘅味道。鯛魚同赤蝦鮮味十足，赤蝦大大隻，三文魚腩厚切略帶少少肥，食落即溶嘅感覺好滿足。另配有麵豉湯，味道相當濃郁，仲加左豆腐皮同其他配料，入口有口感。日式餃子食落有餃子嘅香味，皮薄餡靚，外脆內嫩，外層煎得啱啱好，正宗既日式餃子。抹茶蕨餅本身梅有得跟雪糕，不過就賣晒轉左抹茶蕨餅。蕨餅煙煙韌韌，沾上抹茶粉，食落唔會覺得好甜。

有日係銅鑼灣準備同男朋友去整頭髮 見時間未到又餓餓地 所以係附近睇下有咩食 見到呢間幾簡潔既小店感覺不錯 主打食日本刺身飯 所以就走左入去食！睇下個menu 有平有貴 平既價錢都洽宜 貴既又唔係獅子開大口個隻 感覺良好👍🏻最後我地揀左：海膽·三文魚籽·吞拿魚蓉丼之前係日本食有海膽既壽司飯係教我地要撈均啲飯到食 所以我用返同樣方法 又真係有係日本食既感覺！因為海膽夠新鮮 甜甜地唔會腥 所以就算我撈均成個飯都唔會破壞左個飯 反而提升左個鮮味😋三文魚籽is my fav 所以無得挑剔🤣吞拿魚蓉味道唔算好出 不過就會增加黏黏口感三文魚親子丼真心覺得係抵食之選 三文魚好厚同大大塊 三文魚籽又毫不吝嗇咁勁大堆😍但都只係$88 你出去齋食三文魚刺身都差唔多呢個價 所以真係抵！食飽飽就去整頭髮 食完覺得好滿足同開心 可以encore之選！

搭車成日都會經過呢間丼飯，好幾次都有人排隊，今日經過咁樣唔使排隊入去試吓！餐牌上嘅選擇都幾多，唔單止的魚生飯仲有小食等等餐廳入面嘅位置就唔算好多，但係都幾舒服《海膽、吞拿魚蓉，三文魚籽丼》$188幾款魚生都唔錯，而且份量都幾多，啖啖都有好多魚生拌飯👍🏻每一個餐都會跟麵豉湯，唔算太鹹~《炸豆腐》$18原價要$38 ，但係當日有優惠加$18就可以要一款小食！炸豆腐非常推薦，外脆但入面好似豆腐花咁滑，而且豆咪香濃👍🏻《特選燒鰻魚丼》$88朋友就叫左呢個丼，都有幾多舊鰻魚，都算肥美冇骨，燒得幾香～《鹽燒雞翼》$38全部雞翼都開左邊，方便食，肉質都keep到滑，唔會燒得太過火！

自己係港島人，出街都係去銅鑼灣、太古。每次行銅鑼灣都會經過呢間Superdon，但見價錢頗高，所以一直冇食到。不過今日慶祝有Grad Job offer，自己同女友膽粗粗入左去。之前門口望入去以為只有壽司吧枱座位，原來後面仲有卡位。餐廳以白色灰色為主調，貫徹日系清新樸素既風格。餐廳有春季限定魚生丼。雖然今次沖住魚生飯而嚟，但呢三款對學生既我有啲貴，唯有遲下先再食。登登登登！我最後揀左火焰三色丼，包括三文魚、吞拿魚同左口魚，刺身輕微炙燒，逼曬啲油脂出嚟，其中以吞拿魚油脂最豐盛。另外三文魚鮮嫩肥美，左口魚比起三文魚同拖羅較簿片，但非常爽口，充滿陣陣甘香。飯嘅醋酸味突出，份量比較少，但味道確實實出色。套餐會送埋麵豉湯，味道非常濃郁。女友叫左玉子生薑豚肉丼，生薑豚肉配上溫泉蛋令口感更豐富，生薑味濃郁，豬肉肥瘦適中。另外叫左一串鹽燒牛舌，$48有四大件。厚切但完全唔韌，口感軟脆帶點爽口。一以為炸豆腐係凍食，所以成粒食，點知一咬果下熱辣辣，豆腐仍然嫩滑，外皮香脆。果然一份錢一份貨，其待下次再嚟。