スーパー丼 (駱克道) (已結業)

日本野真係食極都唔厭，以前超鍾意食果間連鎖店丼x飯，幾乎一個月都食一次，近年多左好多餐廳主打丼飯，又多d選擇，唔流食黎食去都係果幾間成日見朋友去銅鑼灣superdon 打卡，睇相睇到吸左我過黎試食，今次揀左呢款飯有我最愛既拖羅、海膽、魚子，已經值回票價，而且仲超新鮮，好鮮甜 🤤🤤朋友就叫左廣島蠔茄子飯，比我試下幾啖，我本身唔鍾意食蠔，覺得佢好腥，但呢度d蠔出奇地一d腥都無，反正佢地d針就好入味，一生一熟share 食，埋單2人合其口$400，恒價比高

吃左：北海道玉子黑松露和牛丼 $268鹽燒牛舌$48同朋友喺銅鑼灣行街，見到有間裝修幾靚望落好光猛嘅日本餐廳，餐廳主要以小食同埋丼為主，因為我哋去嘅時間比較早，見到仲有最後兩個位，即刻入去叫嘢食。餐廳有好多唔同嘅魚生選擇，但我今日好想食牛肉，見到佢哋有一個北海道玉子黑松露和牛丼，見到相入邊嘅牛燒得好靚，另外唔可以缺少必叫嘅牛舌。我將個蛋打爛撈入啲飯度，配上佢嘅蔥香，好似身處左日本一樣，好香，好滑。牛肉燒得好靚，肉質本身都好好味，咬落去厚薄啱啱好。超級好食。小吃燒牛舌都非常精彩，配合鹽燒，一口氣成串食晒。餐廳整體嘅感覺好有設計感，下次都會再嚟幫襯，吃下佢哋嘅魚生。—————————————如果喜歡我嘅文章，請幫幫忙follow 我，俾個like我。鼓勵下我繼續寫食評。多謝你。❤️

今日約朋友嚟銅鑼灣行街兼且食日本菜.我哋兩個都鍾情日本菜, 好耐冇去食魚生飯喇, 見到呢間平日咁多人排隊就決定就嚟試一試。北海道帶子, 北寄貝, 赤貝望落好豐盛既便當, 飽滿既日本產用米上加了飯素同滿滿既貝類。 赤貝切到成朵花咁好靚 , 咬落好爽口。 3隻厚肉既帶子加檸檬片亦是好細緻嫰滑。 北寄貝完全冇雪味口感一流。 除左貝類,便當亦加入了生薑, 紅色嘅蒜頭等。 對細食既女仔黎講一碗魚生飯兩個人分, 再叫小食就好prefect . 貝類十分新鮮, 抵食過日本嘅築地市場既魚生飯好多。 海膽迷既我地願意係度花錢叫份馬糞海膽。 $238 有60g。 其實有幾層叠起左。 食極都仲有。 有成十幾廿啖海膽, 紫菜都唔夠用tim. 海膽肉好結實, 冇腥味好鮮甜飽滿。

係今日呢去到銅鑼灣好出名嘅superdon.滑蛋豬扒飯滑蛋配上洋蔥, 加上厚身豬扒, 非常香甜。送飯一流, 我同朋友兩個share 食完覺得胃口大開. 加20蚊就有一份沙律同埋麵豉湯。 沙律有驚喜, 有好多飛魚子, 入面嘅生菜, 蟹柳都十分之新鮮。 分量都唔細。麵豉湯係中上嘅水平啦 鹽燒牛脷同燒雞翼雞翼開半, 食落好容易拆骨出來。牛脷一串有成四塊中, 好厚肉同好冧呀。串燒有畀到粗鹽同檸檬汁。 餃子皮薄多肉。 好正。生啤配串燒一流。 原來除左魚生飯, 熟食同小食做得非常出色有水準。

最近聞說有間日本餐廳嘅丼非常出式。所以都專登去試下！餐廳裝修有別於其他日本餐廳，是簡潔清新嘅白色為主。雖然假日去，但都唔算等太耐。特上馬糞海膽丼 $288海膽份量都幾多，食落超級鮮甜。側邊圍著嘅魚籽份量都多，撈埋食飯非常好味！每啖都太正，好唔捨得食。呢個丼真係大推，如果本身鍾意食膽嘅人可以話係必食。自選海鮮丼 $274另外，有個係自選丼，可以自由搭配刺身。大吞拿魚腩、三文魚、三文魚腩、北寄貝，揀自己鍾意食嘅自由度更大！感覺相當豐富，同朋友share食，超滿足！富士山柚子梳打 $30幾鍾意呢隻柚子味梳打，平日唔太鍾意梳打呢D有氣嘅飲品！但今日我改觀了，酸酸地幾開胃。櫻花可樂 $30反而，可樂真係唔算太特別。普通可樂咁，不過不失。🍽8/10🔎 スーパー丼銅鑼灣駱克道501號地舖

昨晚同友人再次去SOGO血拼，血拼完梗係好肚餓啦！所以去左食番個日已經好想食既日式餐廳，店內不是十分大，店員安排左半卡位比我坐，睇完menu後就叫左個特上北海道海鮮丼，加$20有前菜同味噌湯，另加燒雞泡魚乾同鹽燒雞翼，等左一陣主角黎啦！賣相好掂！😋😋😋，海鮮丼分別有大拖羅，油甘魚，帆立貝，海膽同三文魚籽，真係見到都流晒口水！拖羅入口即溶既感覺，油甘魚帆立貝味道鮮甜，海膽冇腥味，撈埋日本飯食超😋，我至愛既三文魚🍣籽係口爆脆既感覺好棒👍佢用既wasabi 完全唔會攻鼻，日本🇯🇵正宗既wasabi 就係咁啦。另外燒雞泡魚乾都好味道，燒完唔會太乾身，仲有燒魚汁濕潤香甜既味道！而鹽燒雞翼落左檸檬🍋汁，雞翼味道更上一層樓！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

幾次去駱克道附近都經過見到，每一次都想食，但已經好夜了，今日終於早左收工，可以去食啦。餐廳位於駱克道，銅鑼灣C 出口，每次一出地鐵站都會見到，餐廳以白色、米色、灰色為主，簡潔舒適，有高枱和卡位。餐廳餐牌有刺身丼、牛肉丼、天婦羅丼，刺身，小食等等，而且每款丼飯都會係餐廳顯示有咩材料，清楚易明。滑蛋吉列豚肉丼-珍珠飯入口顆粒飽滿，份量都幾多，半生熟的滑蛋非常嫩滑，而吉列豚肉炸得剛剛好，豚肉亦不柴口，好味中吞拿魚腩-魚味濃，入口清淡，肉質嫩滑，而且厚切，非常滿足馬糞海膽-肥大肉厚，入口隨即在嘴裡化開，味道濃厚甘甜，最地道傳統吃法是以紫菜包裹，沾一點醬油及wasabi同吃，好味到返唔到轉頭

係sogo 血併後，我地係駱克道搵食，以附近有好多餐廳，經過見到以間餐廳名係日文字，就已經知道食丼飯，日本野亦都係我至愛既食物。6點左右到達，未算好多人，餐廳以丼飯為主，亦有刺身，小食選擇。我點了一碗雜錦海鮮丼，珍珠飯上面鋪滿了刺身，入面有三文魚、油甘魚、甜蝦、八爪魚、北寄貝、希靈魚，每樣有一塊，魚生每日由築地空運到港，所以刺身十分新鮮，而且刺身是厚切，非常有口感，超滿足，珍珠飯酸味突出，整體非常好味日式餃子煎得剛剛好，唔會煎到濃晒，炸一口芝士粉漿不會太厚，芝士味香濃

放假既平日又帶住阿媽周圍去揾食 阿媽最中意就係食日本野 所以揀定左呢間superdon 貪佢有lunch set平d下午2點幾 食客唔多 可以直接入座 原來呢個時間踩正lunch menu同afternoon tea既時段每份午餐定食都包沙律同麵豉湯 沙律上鋪滿蟹籽粒 食落就多一份口感麵豉湯味道淡淡地 正合我意 我就最驚個d咸到不得了既味精湯海膽。香蔥呑拿魚腩蓉。三文魚籽丼 ($188)呢個就係阿媽叫既刺身丼 望住七彩既配料加埋有心思既擺盤真係令人食指大動 個一大盤既海膽同三文魚籽拼埋一齊好吸引啊海膽既份量好多 食落甘甘甜甜 而幾乎滿瀉既三文魚籽粒粒都好大粒 食落口感好豐富 有一陣陣既鹹鮮既海水味 吞拿魚腩蓉色澤好粉嫩 撈埋蔥花食真係最好既配搭火焰三色丼 ($138)而我就偏愛火焰系列既丼 呢個丼又係超豐富 除左一大堆配料同三文魚籽之外 仲有三文魚 呑拿魚 同左口魚背 左口魚背好香滑 微微燒過既口感好好 入口軟嫩 火焰呑拿魚食落都有魚脂香味 三文魚反而就燒得比較乾身鹽燒牛舌串 ($48)賣相一般 但係食落有驚喜 厚切既牛舌肉質鮮嫩爽口 加上恰到好處既調味料 真係好好味

又去同朋友食魚生飯，哩間價錢可以接受，店唔算大，座位數量有限，鋪頭以白色為主。北海道帆立貝、北寄貝、赤貝丼($188)，三樣貝類最好食我覺得係赤貝，因為食落最爽口，帆立貝就好厚肉。海膽、大吞拿魚腩、三文魚籽丼($238)，黎張近鏡大拖羅，呈鮮粉紅色，最重油脂味，入口即溶既感覺真係好，海膽清甜冇苦澀味，證明新鮮。加左一份沙律，同味僧湯沙律落左好多沙律同蟹籽，清新。味僧湯比朋友飲，睇落賣相好似都唔錯。

同朋友係銅鑼灣shopping完，買完戰利品去食個晚飯醫下肚先，朋友介紹去哩間食加$20多個麵豉湯同沙律，沙律幾開胃，前菜黎講份量算多麵豉湯好飲，唔會太鹹自選海鮮飯，可以跟據自己喜好揀3款海鮮，我揀左香蔥吞拿魚腩蓉x2份，北海道帆立貝，魚蓉鋪滿蔥好香，撈飯食真係好好食，帶子有3片，都幾厚，選材好新鮮火焰三色丼，三文魚都係用最重油脂既魚腩位，經過燒一燒，燒得真係好靚又唔會過濃，魚可以更香之餘，仲可以迫d油出黎，食落好腍。

初初開張個陣，經過親都有人排隊食，難得今次經過唔係太多人，就即刻入去羅位喇一入去就係bar枱，再行入去就有二人枱，四人枱，坐位唔算多，但坐得算舒服，唔會太迫餐牌上有魚生丼，刺身，小食之外，都有熟食丼飯提供，岩晒d唔鐘意食魚生既朋友餐牌簡單又清晰，可以話晒俾食客知有咩食材，刺身丼仲清楚顯示有邊款刺身，好細心本身入坐都未坐滿客人，但食食下，已經滿晒，岀面仲有人等位，好在早一步來咋呢度清楚寫明，日本米專用架仲有個*秋冬限定*，秋冬特上蟹丼鐘意呢度有得揀自選海鮮丼，可以揀晒全部自已喜歡既刺身，但必須揀3款以上我自已就揀左香葱呑拿魚蓉+甜蝦+三文魚腩+油甘魚丼飯油甘魚色澤粉嫩、入口魚香甘甜三文魚腩厚切肥美又鮮嫩甜蝦晶瑩透亮，鮮甜美味呢碗就係北海道帆立貝+三文魚+甜蝦丼飯呢堆香葱呑拿魚蓉都頗多，加上葱花帶來點點刺激，魚蓉充滿油香，入口即溶

聽聞呢間Superdon好耐，今日咁啱路過，而時間尚早，未見人滿之患，咁我梗係即刻把握呢個揾食嘅黃金機會。餐牌上列滿各式各樣嘅丼食同刺食，真係睇見都叫人食指大動。打頭陣先叫個甜蝦刺身 ($80/5隻)。鮮甜味美，即刻令我對呢度嘅食物提升不少信心。跟住到主角出場…特上馬糞海膽丼 ($288)一上抬，賣相已經令人精神一振。飯面滿滿舖上新鮮嘅馬糞海膽同大大粒嘅蟹籽，再加上漬蘿蔔同牛蒡，真係唔可以再等，我要開動嘞！新鮮滑膩嘅海膽，配上大大粒脆卜卜嘅蟹籽，呢種美味嘅口感，真係非筆墨所能形容。只可以讚！讚！讚！香蔥A5和牛卷丼 ($238)香滑軟膩嘅A5和牛，配上新鮮爽脆嘅香蔥同乾蔥碎；一濃一淡，一軟一脆，口感同味道豐富異常。鍾意食和牛嘅朋友，必須前來一試。再加埋別饒日本特色嘅飲品CAPLIS巨峰乳酸 ($25)，顏色靚得嚟又好味，極具特色。今餐真係無比滿足！！！

早排去左日本, 依然對日本既野食念念不忘..呢日去左銅鑼灣行街, 咁岩見到呢間食日本野 - Superdon, 門面好清新, 見到有bar 枱, 望落好似coffee shop由於我地5點半就到左, 所以唔多人, 好舒服我好鍾意入面個裝潢, 好簡約好日系,好似真係去左日本咁~!坐低左一陣, 店員就遞上左熱既玄米茶.角切雜錦魚生丼有三文魚, 吞拿魚, 油甘魚, 帆立貝, 青瓜平時食開都係三文魚丼, 今次就想試多d種類~本身仲以為會唔夠飽, 但原來份量好多, 魚生又夠新鮮特選燒鰻魚丼d鰻魚好厚, 燒得岩岩好, 好香好入味, 超級好送飯!不過蛋絲既數量同menu有d出入前菜: 味噌湯, 沙律其中個丼轉左做set, 加$20就有味噌湯同沙律當然唔少得小食~鹽燒雞翼作為雞翼控既朋友, 見到雞翼就好難忍口!雞翼既皮仲燒到脆脆地炸軟殼蟹外皮好脆, 炸粉唔算厚, 食到濃濃既蟹味餐廳仲好貼心將隻軟殼蟹切成4份, 方便客人食餐廳環境真係唔錯, 好舒服~ 尤其適合鍾意簡約style既我店員都好nice, 服務態度好好餐廳入面仲有廁所, 仲幾乾淨

今日黎到對面海同女朋友一齊食好啲。 想食下日式野就決定食個海鮮丼啦。第一樣當然係要介紹下海鮮丼，我地叫左三色吞拿魚，有赤身、大拖羅同吞拿魚䈶，魚䈶冇平時食到既咁散，反而多左口感，赤身正常，大拖羅好軟滑冇筋，魚油都好香！呢到海鮮丼唔係平時好細碗既感覺而係真正分量十足，中間不同類型既漬物比你好多唔同既配搭，仲有新鮮芥末，成個飯感覺唔錯。之後係今次既小驚喜，叫左個熱飯係玉子和牛丼，其中蛋黃加上黑松露混入飯中令個飯好惹味，牛肉好足肉味同好嫩，唔係平時食和牛個種好重既油膩感的確幾好食！仲有要提係分量好多，其實佢有兩層牛扒係個飯上面，所以268都係抵食既另一個今日既妙著係呢一份海膽，佢本身好新鮮，有甘甜味而一啲都冇苦澀同腥味，重點係佢可以完美配搭和牛、吞拿魚䈶等等，加上佢比既紫菜，我地可以玩好多組合令到呢餐飯多左好多嘗試。小食炸廣島蠔，記住要成隻食，咁樣個蠔既肚位先會多汁夠味👍🏻最後要提每種丼飯只要加20蚊就會有套餐，多個味噌湯同蟹子沙律，係刺身飯上加上一點溫暖😝總結呢間丼飯專門店有好多自選配搭同限時推介（而家有長腳蟹丼好似係），除左指定配搭都有自選玩法，想食多啲某一種刺身（好似我今次個海膽咁）又