スーパー丼 (駱克道) (已結業)

之前見到鵝肝和牛呢個組合，已經bookmark咗好耐諗住要黎😋😋-🦢澳洲M5和牛x鵝肝丼🐂-係好邪惡嘅組合😈但$100內可以嘆到兩款美食真係好正😍仲送埋迷你沙律🥗同麵豉湯🥘丼上面有一塊煎鵝肝同埋好多好多片和牛🐂🐄鵝肝超大塊，煎得好香，而且外脆內軟， 入口即溶👅和牛好吸引，有好多塊之餘，全部都係鮮紅色，煎到半生熟，好鮮嫩，完全唔會老👻珍珠米都煮得啱啱好，唔會太濕太lum😹配埋甜豉油食，真係好襯😻所以好快japjap聲就食完luu🤭-評分：8.3/10 價錢：$98-🧀芝士年糕👻-我一直都係煙韌控，好鍾意mochi啊年糕啊所有軟稔稔煙韌嘅嘢食👀呢個芝士年糕完全冇令我失望😍😚雖然一個19蚊真係貴左少少🤏🏻但咁大粒，仲要炸得香脆，外脆內軟，一咬落去啲芝士就爆曬出黎🧀🧀而且年糕煮得啱啱好，芝士味滲晒入去，仲唔會太痴牙，好滿足🥰-評分：8/10價錢：$38-📍 Superdon 銅鑼灣📍

尼間丼飯除咗刺身丼仲有熟食丼，熟食丼都幾多選擇，不過配M5和牛嘅丼飯只係有鵝肝、鰻魚、帆立貝和虎蝦四款選擇，而我今次就嗌比較少見到嘅鵝肝和牛熟食丼試下。✨鵝肝M5和牛丼($98)丼飯配埋沙律和面豉湯，兩款前菜正常發揮😂鵝肝半煎炸，口感外脆內軟，但味道一般，唔算太香濃，同酒店食到嘅鵝肝對比幾大分別🤧M5和牛份量多，雖然食落有啲筋但肉汁幾多，而且食到牛嘅香味，飯底有甜嘅豉油汁撈飯食一流。整體黎講還好，下午茶時段食會抵食好多😂

Superdon有好多唔同刺身組合嘅丼飯，仲有可以自由配搭嘅自選海鮮丼，唔食刺身既都有得揀M5和牛／鰻魚／豚肉生薑燒等等，包有一款啱你～我就揀左我最鍾意既海膽、呑拿魚同三文魚籽，份量十足鋪滿珍珠米飯，材料又新鮮，仲跟埋味噌湯同前菜添～海膽食落甘甜唔苦唔腥；呑拿魚雖然剁成魚蓉但味道一啲都唔啖，入口即溶；仲有充滿魚油香嘅粒粒三文魚籽，三樣野都好啱撈飯食，食完超級滿足呢！餐廳定期都會做下啲promotion，堂食／外賣自取都有優惠，好快會再幫襯過～

突如其來的早Dinner，決定自己去吃丼，這裡裝潢簡約氣氛cozy，特別適合一個人來。三文魚親子丼 $88　三文魚刺身肉質煙韌，紋理分明色澤鮮艷，入口很有咬感，至於三文魚籽也很晶瑩，配上飯香濃郁的珍珠米一起吃，依然感受到三文魚的豐腴。這個餐還配上麵豉湯和沙律，令整體不會太單調，而且麵豉湯不會太鹹，整體調合不錯，唯獨是份量略細，對我來說很滿足，但對食量偏大的男生們可能會覺得不夠。

一日行過見到門口餐牌好吸引，就入鋪頭試下，侍應例行檢查後，安排座位～睇左餐牌後都無咩唸，立刻點左個鰻魚和牛don~只係$58加一係呢個地區呢個價錢都算係咁～～疫市生存出盡法寶但問題來了，我都見到廚房係即製即燒和牛，但上餐時間都實在偏長😂😂😅肚餓到一個點真係......最少20min 終於上don~~食物素質係高既，和牛溫泉蛋都好正，既然上餐時間都唔短，如果鰻魚能保持番係熱食狀態就最正啦～下次岩時間係附近都會再幫襯😋

見到網上咁多好評 今次黎食個lunch! 我嗌左帆立貝和牛丼 但失望左😶首先講最大問題嘅帆立貝 睇圖個陣無為意到佢係炸嘅 就咁望個樣都已經唔多掂😵一食落口 個粉厚到呢🙄仲要唔係熱嘅... 完全冇香脆感 btw舊帆立貝得雪味。而大家吹捧嘅M5牛板鍵...講真 牛味都無乜 平平常常👉🏻👈🏻 呢個價位韌都預左嘅 食到下面嘅飯純靠汁撈 個汁係甜甜地 送飯都ok ge即使我朋友嗌個個鰻魚玉子 鰻魚都好細舊😪 我冇食到就comment唔到味道如何 但佢都覺得麻麻地Service 就更加麻麻 當日去其實無乜人 不過想叫加茶都難 唉

銅鑼灣抵食丼飯😋下午茶低至$38就有丼飯食啦😍係銅鑼灣呢d位置，呢個價錢仲要cp值高真係好難搵啊🙈丼飯分左魚生丼同熟食丼，唔鍾意食刺身既朋友都有選擇😍經過嘅話可以一試💕⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬👈🏻👈🏻向左拉睇menu👈🏻👈🏻🥩M5和牛配鵝肝熟食丼($98)🍱 M5和牛配鰻魚玉子丼($98).飯粒食得出係用日本米🇯🇵粒粒分明🍚配埋甜甜地既醬油送飯一流！牛肉好香好足料，原汁原味超好食😍鰻魚燒得好香唔會好韌，之前食過有啲係好似叮出黎咬唔爛😰鵝肝仲有入口即溶添呢🥰2款丼飯都冇野挑剔👍🏻一定再黎食🙌🏻.🔸評分: 8.5/10💰人均消費: $100-$200(下午茶更抵)

其實係好食既，和牛medium入口即溶， 刺身新鮮唔腥，又唔貴，性價比ok。但呢啲非常時期，見到2個廚師整刺身整嘢食都冇戴口罩，感覺有點那個...大家自己衡量啦。

本來諗住去食一蘭，行過經過見到呢間冇咩人，之前已經想試。因為疫情嘅影響，一入去要量體溫，又會比搓手液你（表面功夫做足）我哋叫咗兩個飯，一個溫泉蛋牛肉飯一個係鰻魚配和牛飯落咗單大概10分鐘，再加多一個炸魷魚等咗大概20分鐘牛肉飯終於到，因為等到已經有啲肚餓，已經無等另外一個飯就開始食。食咗差唔多一半，就吹下佢個鰻魚和牛飯幾時到？ 個侍應聽完走咗入廚房問，問完又唔答，我要再問佢先話：個鰻魚要燒要等耐啲。我見隔離遲過我哋入嚟，唔係食魚生飯，都一早已經到晒。到牛肉飯食淨返兩啖嘅時候，鰻魚和牛飯終於到啦！等我睇吓塊鰻魚又燒得幾靚先，燒咗成40分鐘。嘩！燶晒嘅！？等左40分鐘，嚟到係兩小塊又燶又乾嘅鰻魚🤷🏿至於炸魷魚呢？梗係冇黎啦，因為都冇落單！sorry, 唔好意思，當然係冇啦，話原來冇落單又走咗去。其實食物味道有幾好，環境裝修有幾好，表面工夫做得幾好，但係你哋嘅員工咁樣，做得幾好都冇用，更何況唔係。去隔離食吉野家都冇咁嬲等左40分鐘你碗飯，再去花20分鐘去比呢個食評。我足足浪費左一個鐘頭喺呢間餐廳。我當時無比意見你地，係覺得嘥氣...服務我比一星，係因為佢冇得empty 左個星

鵝肝和牛丼 （$98）+ 火炙三色丼（$98）+炸豆腐（$18）鵝肝和牛丼份量十足 鵝肝 油份十足 又脆又香 啖啖油香 配合牛肉 正 一次過滿足兩種味道 👍三色丼 三文魚 吞拿魚 右口魚邊 三種魚 用火炙 加工 帶出魚既油份 👍D 魚油係口到停留 好豐富炸豆腐 不過不失 沒有特別

今日又黎到Superdon，因為又有平野食🤪下午茶2點半開始賣$38一碗丼飯！就咁聽都覺得好揸食，而且仲要有四款可以揀，有生薑豚肉、溫泉蛋牛肉、三文魚蟹籽以及吞拿魚腩蓉🤤而3點至6點再有$58一碗和牛熟食丼，上次已經食左，所以今次留肚食呢一款🙈－－－－－－1. 吞拿魚腩蓉溫泉蛋丼 4.2/5雖然只係$38，但吞拿魚腩蓉分量係十足😋仲有一隻溫泉蛋，日本蛋完全唔腥，蛋汁加埋白飯一齊食，真係好好食🤪除左飯仲麵豉湯，真係好飽好滿足

SUPERDON 係一間以白色裝修嘅休閒簡約餐廳。店舖以質素取勝，全部魚生都係由日本空運。餐廳提供多款丼飯選擇，包括刺身丼同熟食丼，附合唔同年齡層口味。悲傷小姐今次身處銅鑼灣都享受到大眾化價錢提供最優質嘅日本刺身同丼飯。💗自選海鮮丼($244)今次悲傷小姐就自由選擇海鮮配搭，餐廳提供10款嘅刺身，每款材料價錢大約$38-$88，揀咗兩份海膽同三文魚子。丼飯飯量十足，面頭舖滿豐富嘅刺身。海膽鮮甜的腥味，入口融化，最後仲帶少少回甘，令我呢個海膽迷都融化la🥰圓潤飽滿有光澤嘅魚子脆卜卜，令成個飯嘅口感再提升，由於魚子非常新鮮所以咸味非常足夠，連日本醬油都唔需要落，基本上啖啖飯都充滿海洋嘅味道🌊💗特選燒鰻魚丼（$88）鰻魚燒得好香冇腥味，外皮脆脆嘅魚肉頗嫩滑，肉質都算肥美，而且冇乜骨，值得讚嘅係有好多舊。餐廳超有誠意加上蛋絲同紫菜絲，同鰻魚醬汁真係撈哂碗飯食🐟💗鹽燒牛舌 ($48)悲傷小姐係牛舌迷，見到有串燒係必定會叫。呢度嘅牛舌都算厚切，肉質嫩滑彈牙，配上海鹽同黑胡椒調味完全無得輸👍🏼💗 鹽燒和牛粒串 ($88)和牛只有4粒相對都幾貴，不過燒得啱啱好，內心仲有少少粉紅色，入口鬆軟juicy，

中午到銅鑼灣開會，會後已是下午二時多，當日很早吃了個brunch， 已經有點餓，想吃個下午茶。 經過 superdon，落地玻璃窗特别吸引視線。更吸引的是"下午茶時段和牛激安優惠" 的海報。和牛套餐有兩類多款。1) 刺身丼x M5 和牛 $128 - $168 2) 熟食丼x M5 和牛 $98 - $128 刺身的選擇包括海膽/松葉蟹脚/三文魚籽。而熟食有鵝肝/鰻魚玉子/ 帆立貝等。星期一至五下午3- 6時，讚好社交平台專頁及分享推廣帖文，可享激安價只須 HK$ 58- 88 ，但限額 60名。點了松葉蟹脚刺身丼 x M5 和牛 $128 (激安價$68) 送味噌湯 - 湯底濃郁，很有麵鼓味，有少許豆卜和葱花，味道不錯。松葉蟹脚刺身丼 x M5 和牛去了殼的松葉蟹，蟹脚啖啖肉，厚身鮮味。和牛是澳洲M5和牛板腱，色澤赤紅，軟嫩多汁，熟度恰到好處，味道不錯。配蟹籽，賣相吸引。還有頗多牛蒡，濕潤有頭，高纖有營健康，而且令口感更豐富。和牛雖不是很高級數，但也很美味，而且蟹脚 + 和牛丼飯這個價錢本身已不貴，激安價更是超值。

行過見到餐牌好幾吸引就入去試下，長髮女侍應面無表情 😶 唔出聲就幫我探熱，跟手倒左啲搓手液比我，餐廳注意衛生保障大家當然好、但可以開口同人講聲會比較好。算... 好肚餓！當時剛好3 點比左下午茶 menu 我，我一心都係想食個和牛海膽飯，見由 $168 減到 $88 更加唔洗諗！跟住同我講下午茶時段無海膽🤷🏻‍♀️ 咁你點解 menu 又有呢？咁我就㨂左鰻魚玉子和牛丼，等左 15 分鐘其實都😑 不過嗰飯黎到，見到都好開胃好醒神。牛肉份量好多，有少少根都預左，肉汁好多，不需要過多調味料都覺得好食；鰻魚燒得脆口，唔過咸，好味！兩啖食晒，但咁既價值唔可以太多要求。豉油甜甜哋好好撈飯🤗 麵豉湯好夠味！收銀的短髮好好禮貌，成功挽回我心情起伏的一餐飯！總結：好味！抵食！

We wanted some says buying food after a few hours of volunteer work. After considering yakitori and other evils we stumbled upon this shop behind sogo. Amidst the coronavirus they would check your temperature and give you a hand sanitizer before or you came in. As it was already a bit late we did not order any wagyu beef bowls but ordered two sashimi do. Nice, simple, good portion for the mixed sashimi but the salmon portion was a bit small, lucky we were only having supper