スーパー丼 (駱克道) (已結業)

食物可以，魚生，牛肉等配料都新鮮，但飯略為爛，打正旗號做日本丼，米飯方面可以做得更好。令我想寫呢篇食評既係3位女侍應，女侍應們服務九流，從入坐到埋單完全要睇佢哋面色，女侍應自己無野做時企埋傾偈有講有笑，但對客人面如死灰，多問一句都不太願意回答...如今呢個時世，做食肆都仲有咁嘅態度真係好野。管理層如果睇到呢篇評論，請review一下服務員的態度，食肆生意除咗食物外，服務都係重要一環，但我自己一定不會再光顧了。

今日係銅鑼灣行完街想平食日本餐，於是決定食丼飯。鵝肝和牛板腱丼 $98半煎炸鵝肝非常香口，和牛板腱係肩胛骨上方的肉，肉質結實，半生熟的口感不錯，日本米配上燒汁好好送飯，但個人認為酸菜有點格格不入。蟹腳和牛板腱丼 $138朋友點選既飯餐，餐牌圖片蟹腳係一整條，端來既係拆成的碎，即時無曬FEEL，一整條蟹腳係JUICY好多架嘛!個人認為鵝肝和牛板腱丼CP值比蟹腳和牛板腱丼高好多。所有丼跟配漬物及味噌湯．漬物幾好味但份量少得好可憐，味噌湯太咸，實在飲唔到。

同老公一入去 個staff就黑面問幾位 我答兩位但佢竟然問我齊人未 心諗我老公唔係人? 食物質素又唔係特別好 塊鵝肝細到嚇親 刺身同食元氣無公別環境細 完全聽到隔離枱講野 坐得好唔舒服態度差 張枱滿左問佢可唔可以收吉碗又黑面 出去俾錢再黑面

There is a superb afternoon tea deal at Superdon. If you like their Facebook page and share any one of their posts, you got to enjoy an amazing rice bowl for HKD$58!The set came with a miso soup, which was an ordinary one.And the rice don was absolutely gorgeous! The A5 waygu beef was so juicy and tender! And the eel was nicely grilled, very delicious indeed! The runny egg just topped the flavour of the whole rice bowl! Nom Nom! I would definitely visit again to try out other rice bowls!

無意中經過呢間superdon，因為餐廳嘅簡約風而吸引左我地入去試下，後尾search番openrice先知原來呢間店係咁有人氣。睇menu見到有咁多款嘅和牛丼我地都秒變心心眼最後揀左一人一個鵝肝x和牛板腱丼（$98)。除左個飯，個餐仲配左麵豉湯同少少沙律前菜。和牛塊數都唔少架，印象好似都有5-6塊，而鵝肝都比我想像中厚。第一次食呢個和牛鵝肝配搭，估唔到撈埋一齊撈飯真係好夾，食到我地讚口不絕啊！下面d飯實在太多，唔夠汁撈，要額外落d豉油先有味。一百蚊食到呢個質素真心抵，相信下次經過會再黎試下第二啲款

早排見到網上好多宣傳有關$58就可以食到m5和牛鵝肝飯、m5和牛帆立貝飯或者m5和牛鰻魚飯，聽到價錢都即刻心動想去試試🤤每日限量60碗，時間由下午3點至6點，我驚好多人去排隊，所以早左10分鐘就去排定先🙈結果排第四，真係要早點到，因為條人龍keep住咁長，同埋真係夠鐘先放人入去平時食和牛丼要$98，今次$58就試到🤤試下係咪網上講既咁高質先－－－－－－菜式1. M5和牛鵝肝飯 4.5/5👍🏻首先成個丼飯好足料，一碗至少有5塊和牛，和牛呈粉紅色，脂肪比較少，所以食落有點嚼勁，沒有入口即融感覺，但重點來啦，就是鵝肝！鵝肝兩邊都煎到金香，成間店都充滿鵝肝香味，鵝肝慢慢融係口中，好滿足🤤🤤日本米吸埋鵝肝油香，淨係食飯唔洗配餸都得🤣⭐️$58食到鵝肝同埋和牛係抵既，味道唔差，鵝肝更是高質👍🏻但店內空間有限，如果真係想食下午茶，建議真係早5-10分鐘去排隊，因為我埋單時仲見到出面好多人排隊🙈

講起就好笑，本來同朋友一心想試下經常要排長龍的拉麵店，點知都係超級多人，然後轉戰另一間同樣受歡迎的台灣麵店，又係多人到爆，仲要突然落大雨，行返出銅鑼灣大街附近，比我地搵到呢間食丼飯，而且睇Openrice有唔少好評，決定放膽一試。餐廳以白色爲主，設計簡約，枱凳多數一字排開，令人看得好舒服。特上北海道丼 (帆立貝、三文魚籽、海膽、吞拿魚腩、油甘魚)丼飯賣相好吸睛，每款刺身整齊排列，吞拿魚腩及油甘魚好肥美，海膽鮮甜，質感細膩，仲有粒粒晶瑩剔透的三文魚籽，咸香而有鮮味，送飯一流。燒鱈魚乾正好有一客小吃等待丼飯登場，我地兩個毫不猶豫揀左燒鱈魚乾，相比較常見的雞泡魚乾，燒完的鱈魚更加香，口感超級香脆，點埋沙律醬簡直係人間美味。

為左佢個3點$58下午而黎既 一去到佢就勁惡咁話 ：出面排隊 但明明入面一個人都無-.-跟著要share 佢地個post先有得叫佢個優惠啦咁我地好聲好氣咁問佢要share邊個post 佢就咁話$58個條片 我地搵勁都搵唔到邊條片 最後我有個朋友share錯左 啲職員就勁惡咁話： 片喎 真係免費都唔再黎牛肉不過不失，有牛味既都不過啲鵝肝、凡立貝同埋鰻魚就真係不了 炸得勁油又un 唔好食飯又濕 浪費哂個啲所謂既日本米職員全程西口西面 態度勁差 無下次

呢間開左一段時間，成日都話要試，但又朋友們comment後又唔想，其實知佢正正常常既，只係cp值唔高! 話說，表妹要留院幾日，佢好少有咁黎港島，我笑話同佢食餐好既，“送佢上路”，所以問佢想食咩，佢揀日本野，咁所以我就pick左呢間啦！呢間家下除左牛牛，丼飯叫3送1，所以我地3個好努力咁食4人份，好彩既佢個量唔多，真係一人既話，男仔應該唔多夠XD特上北海道丼 $198(帆立貝 三文魚籽 海膽 吞拿魚蓉腩 油甘魚)自選海鮮丼 $38+48+38(三文魚 甜蝦 北寄貝)火炙三色丼 $98(三文魚 吞拿魚 左口魚邊)特上油甘魚丼 $983送1當然送個最平架啦，總之overall除開around 15x我地其實係睇下咩組合可以試最多既刺身類別(我阿媽睇到呢到，應該又會話我.. 唔細啦，唔好食咁多生冷野XD 但呢期天口熱，又無胃口，係食呢尐架啦～)，佢每款都新鮮，壽司飯個醋既比例好好味，你問我，我真心鍾意食佢個飯XDD 個湯就正常啦，係個明太子豆腐就not my cup of tea啦！但表妹話好食，可能因為我唔好明太子啦！

兩位無紮辮女店員嘅面口西到無朋友，佢嘅自動門壞咗，自問憑佢所寫嘅"拉" 字，正常人應該唔會知點開門。其中一個女店員打開門不屑嘅態度問 "咩事呀？！" （梗係食嘢啦，唔通搵你呀？）點餐時另一位女店員又係西面。唔會再幫襯以免俾錢受氣鵝肝牛肉飯，味道一般，無下次

呢排對日本野情有獨鍾所以今晚就去咗食呢間super丼啦。由於係星期五晚，所以人都唔少，都等左三四個字先至有得入去。店面裝修就一般，唔會話好迫，但係亦都唔會話坐得非常之舒服。我哋叫咗一個十勝豚丼同埋鰻魚拼和牛板鍵丼。佢個十勝豚丼嚟到嘅時候，充滿住燒香嘅味道，無論係豚肉片定係佢嘅飯都帶着好香嘅燒肉味。豚肉丼當主要係豚肉簿片，係半肥瘦嘅。如果成塊食其實係充滿油脂都係非常之好食嘅，但係呢就對我來講就嚟肥咗D啦。不過個飯都充滿着燒肉香味，配上佢嘅燒肉汁個飯系非常之容易入口。至於佢嘅和牛板鍵配鰻魚飯，鰻魚就唔會太有魚油但係亦都冇骨嘅，雖然得好細塊，但都算對得住個價錢。不過個和牛就反而冇乜牛味有冇乜午油嘅香味。或者再燒耐啲反而會更加好食。呢個飯嘅生蛋配上佢本身嘅汁食落係甜甜地嘅，同十勝豚丼比又有另一番風味。

今日諗住去食好嘢，就搵咗銅鑼灣呢一間專食刺身丼嘅日本餐廳，雖然佢店舖唔算好大，但坐落都舒服，同埋感覺上好休閒好relax咁。佢個menu話下午茶有半價優惠，不過我哋等唔到2 點所以只能夠叫午餐。叫完之後都等咗成十分鐘左右，唔算耐都唔算快，不過佢就有麵豉湯同埋沙律都幾新鮮。我個火炙三色丼 有三文魚，吞拿魚，同埋左口魚，三隻魚都有用火燒一燒佢，只係個面熟咗少少，但其實成嚿都仲係生嘅， 口感一流同埋都食得出佢係好新鮮。 成個set只係98蚊，我覺得98蚊有咁樣嘅環境，地段，食物質素，算係唔錯。

位於SOGO後面既高質丼飯，呢期做緊買3送1 既promotion 。難怪每次經過都大排長龍。今日我家一行4人就來響用呢買3送1 既優惠。我們分別點了3款丼飯。1)吞拿魚腩蓉、三文魚籽、溫泉蛋丼($108)吞拿魚蓉好足料，每啖飯都可以沾到吞拿魚蓉，三文魚籽非常新鮮，完全没有鯹味，非常鮮甜。2)火灸三色丼（吞拿魚、三文魚、左口魚邊）($98) 三款魚生都是用上火灸處理，吞拿魚是厚切的，表面給火燒後，帶出吞拿魚的獨得甘香，三文魚也相當肥美，魚油十足，入口即有魚香味。至於左口魚，識認當然係食火灸的，因為火灸後，左口魚既魚香會更為明顯。3)特上油甘魚丼 ($98)油甘魚油脂分部均勻，配粒粒分明既日本米來食，非常美味。4人行，埋單都只係3百幾蚊，非常抵食。

見最近有$58優惠(3pm-6pm), 就去食呢間。有三個選擇：和牛鰻魚，和牛帆立貝同和牛鵝肝。我地揀咗和牛鰻魚同和牛鵝肝。每個set都跟一碗麵豉湯，要加一。每日只有60碗限量供應，做到八月尾。上面係和牛鰻魚飯。中間有個玉子，流心嘅。我覺得佢好靚😂反嗮光咁，唔捨得篤爆佢...但d蛋汁撈飯係好食嘅：和牛半生熟。好琳，但都有少少咬口。唔會好似食咗陣風咁，每舊雖然唔算好厚，但絕對唔係d薄it it 一片。唔錯唔錯。鰻魚都幾好，不過我覺得可以多少少鰻魚汁搽係上面會好食d，有少少太乾。呢個係和牛鵝肝飯：牛同第一個飯d牛一樣：鵝肝出面係脆身嘅！呢個加咗分，出面煎到脆脆地，外脆內軟口感一流。但就真係冇咩好濃嘅鵝肝味，味道一般。但呢個飯因為冇蛋，所以多咗d汁，甜甜地嘅燒汁同和牛&鵝肝都好夾！令到個飯唔會太乾。最後值得一提嘅係d飯，日本米好好食！粒粒圓潤飽滿。$58黎講真係抵食啦！

見到有優惠所以去左一試和牛二重丼 $98 3款選擇鰻魚玉子x和牛板腱丼 $98鵝肝 x 和牛板鍵丼 $98火炙三色丼（三文魚、吞拿魚、左口魚邊）$98講下火炙三色丼有配上鮮磨wasabi 同 紫薑，配飯一齊食，真心超讚啊！每款魚生都有3-4塊，火炙過嘅魚生非常新鮮，冇太多油膩感，整體感覺清新。 配有小沙律、麪豉湯全份餐$98，份量足夠另外2份有蛋白配芝麻醬，呢個第一次食到，感覺好新鮮，配牛肉丼食可以減少油膩感👍🏻餐廳環境唔錯，都幾寬敞，有日式吧枱同卡位比客人坐👍🏻👍🏻👍🏻