うまい鮨勘

营业中

休息中

今日晏晝心血來潮想食丼飯，即刻搵吓附近有咩好食..見到呢一間因為疫情嘅關係外賣有折扣..平時見佢啲嘢食都好貴..咁趁住有折就試吓佢啦一於食豪啲叫咗個北海丼！入面有海膽，牡丹蝦、中吞拿魚腩、三文魚腩、三文魚籽、松葉蟹肉、帆立貝、油甘魚同埋鯛魚！加埋都有九款！樣樣都係我鍾意食嘅！$288一次過食均哂先所有魚生都好新鮮..魚油既脂肪香..最念念不忘係嗰件中吞拿魚腩真係好好食牡丹蝦新鮮大隻彈牙，海膽用加拿大..好鮮甜三文魚籽就偏鹹咗小小，不過正好拎嚟送飯決定下次再試佢埋佢既壽司先。絕對高質

好耐無見 既約即見✌🏻今日當普通客人 自己望下餐牌先 午餐 壽司定食+ 散點 刺身拼盤 不過不失八百幾蚊一個刺身拼盤 如果有一點醉冰keep temperature會好一點 鯖魚刺身 好少有得食 可是有點不新鮮 鵝肝 至愛 一家要試 👍🏻 仲有個安康魚肝 都係一般依個好想試 下次嚟到 一定要食我地仲叫左啤酒 清酒 可是想叫的三款酒都無 可能疫情關係入袋少左 唔緊要喇。都係諗住試下啫 可以一試 但 無乜驚喜 服務一般 加油 希望下次再光臨時會有所進步！

朋友話海港城嗰邊有一間唔錯嘅餐廳，仲要係我最鍾意嘅日本餐廳，但係我就未食過，今次就一於試一試。佢個地理位置都算方便，一入到去海運大廈落地下就係，座位都好闊落，坐得好舒適。 每日限量10個嘅超豐富海鮮丼今日竟然食到，真係太興奮！可能因為我哋早入座！ 王者海鮮丼$300 （原價$680 ）入面有15款刺身，當中不得不提嘅一定係龍蝦刺身，入面仲有我鍾意食嘅海膽，鮑魚，鰻魚以及蟹肉等等⋯食材都非常新鮮，好吃，龍蝦刺身彈性又有鮮味，比較清新，用鮮味蟹肉及吞拿魚肉送飯一流 ，底部飯的份量也有很多，所以這個已經很豐富，交跑數。 枝豆$38 食日本菜必備，這家的熱度適中，也有充分的咸香，一口一口很快就吃光光。日本真蠔$120 這個是飛機貨，每日限量，肥美非常，加上各種配料有少少酸香，令整體更加清新。甲羅燒$198兩隻 甲羅燒方面不算非常特別，但是肉質鮮甜，也不會過咸，分量豐富，比平時食的有更多份量。北海道產海膽$380 不得不提我最喜歡的海膽，鮮味十足，入口即化，非常鮮甜，十分滿意，我會建議雖然店員會提供紫菜，但是不用加錢可以直接食會更加鮮味，紫菜還是留待之後單獨吃/跟丼飯一同吃吧！還有日本雪糕呢

約咗好耐無見嘅朋友見面，佢真係好難約架！ 一於放任一吓，大吃一番，揀咗食日本菜。 餐廳都算好易搵，就喺海運大廈地下個入口附近，一眼就見到。全程服務好好，店員態度親切，收碟勤快，野食按次序上枱，唔會一次過上晒，可以慢慢食，夠貼心，讚一個！店員推介嘅王の海鮮丼，因為早入座，所以仲有，每日得十客咋，手快有手慢無。 個人覺得超抵食，淨係睇個賣相已經一流，超抵食，望見已經流晒口水。 $300有15款海產嘅丼飯，分量十足。 原隻龍蝦刺身，上面仲有金箔裝飾，正！大海膽，鮑魚都有！他他三文魚沙律又係抵食之選，咁多沙律上面滿佈三文魚同埋三文魚籽，做頭盤一流。甲羅燒入面係係滿蟹肉同埋蟹膏，同朋友一人一件，滋味滿分。忌廉芝士三文魚卷入面係厚厚嘅芝士，上面捲上三文魚片，一口一件好滿足。鯛魚湯奶白色，仲有好香濃嘅魚味，超濃郁，湯王嘅我係可以飲到幾碗。鰻魚玉子燒唔好以為好細份，三件都係好大件，厚厚嘅蛋包住肥美鰻魚。味噌燒蠔蠔肉飽滿，鮮甜美味。呢餐日式海鮮餐happy and yummy~

太耐無食日本野，見到鮨勘有一款好豐富既海鮮丼，專登約左朋友黎試！佢地既王之海鮮丼睇落非常豐富，有15款海鮮配料！而且依家做緊特價優惠，只係300蚊!佢既海鮮配料都真係夠誇張，龍蝦、海膽、魚籽、北寄貝、鮑魚，所有配料都好新鮮，最值得一提既係鮑魚同海膽。海膽夠鮮，鮑魚漬得夠入味👍🏻他他三文魚沙律滿滿既三文魚籽同三文魚，健康又抵食炙燒三文魚腩>炙燒帆立貝>真鯛>左口魚>池魚咁多款壽司之中，最回味既係左口，肉質細嫩，油香十足!鰻魚玉子燒好少見到呢個做法，用玉子包住鰻魚，加上西京汁，入口軟滑夠juicy!厚燒牛舌串油脂好重，彈牙又凰牛舌味，非常推薦👍🏻味噌燒蠔每隻蠔殼入邊都有兩粒蠔，加上甜味噌，呢一種口味第一次試，味道其實好似西京汁，幾野味😋甲羅燒非常足料! 入邊全部都係一絲絲既蟹肉，食落超香口鯛魚湯入口好smooth，係好溫和既魚味，而且膠質都幾好，加埋冬菇同大蔥，味道更健康

朋友話上個月爆數，要賀一賀佢，有好嘢食當然奉陪啦！由佢send個$300皇者海鮮丼畀我嘅時侯已經勁期待🥺直至見到皇者本人，真係內心澎湃🌊.皇者海鮮丼入面有龍蝦、海膽、鮑魚、魚籽、拖羅茸等15款海鮮🤤多到要前後兩鏡先影得晒！每一啖都勁幸福呀🤩特別係個海膽，食完成分鐘都唔捨得飲啖茶繼續食😂另外亦叫咗豐洲極上刺身盛合，真係勁豪華呀！金目鯛、赤貝同深海池魚都非常爽甜😋當然唔少得滿滿油香嘅大拖羅啦，我哋兩個放完入口之後，好味到完全出唔到聲🙈好似時間靜止咗一樣～.熟食方面，叫咗銀鱈魚西京燒同松葉蟹腳天婦羅。西京燒非常嫩滑，啖啖油香😌加上外脆內軟嘅天婦羅，沾少少抹茶粉更添風味。呢餐真係勁滿足！.*王者海鮮丼限量供應，嚟之前記得預訂啦！

係2月既時候食過一次鮨勘，上次食中午時間冇乜人，仲食左好多款凍食都好好食，所以今次晚餐再食多次，今次主攻熱食。我叫左人氣牛牛湯烏冬。 牛肉都有4/5片，肉質都正正常常。食落同烏冬比例都幾好，唔會話食到一半剩番啲烏冬。 雖然個湯睇落好似好清，但係都有鰹魚湯味。 仲有啲波菜同蔥係面，成件事健康哂😊朋友叫左人氣燒牛丼。牛肉鋪滿係飯上面，牛肉同飯既比例岩岩好。千其唔睇少啲蔥，雖然我唔係好鍾意食啲蔥，但啲蔥係不可少的角色。先舀一啖飯，再加一塊牛肉同埋少少蔥，嘩，其實係好滿足。 但整體上成個飯都係淡味，但加左旁邊既豉油又多左陣酒香味。再叫左一杯宇治抺茶，對抺茶一般既我，佢冇乜苦澀未，又唔係好甜，入口凍冰冰。夏天流。 因為大口乾 所以一黎飲左先記得影相😅食物，環境，服整體上都好好👍🏼不過我覺得呢到食壽司或者然生飯會好食啲，下次會再食😎

適逢商場做優惠，消費一定金額，就會有一系列的優惠卷。首選當然係去食日本嘢，之前已經去過這日本餐廳，食物也不錯，所以今次就同埋家人一行4人來。食物依舊，也不錯，我們叫了很多食物有 極上壽司盛、滑蛋吉列豬扒飯、豐盛加州卷配蟹子沙律、明太子玉子燒、海膽帶子三文魚丼、炸蝦卷和炸粟米餅🍘。當時等位等得太耐，一入到去就是食，所以沒有拍曬所有食物照。極上壽司盛🍣- 有12件壽司如海膽、魚子、帶子、拖羅⋯⋯基本上大家最喜歡的那些都有。魚生也算新鮮，與飯的比例也可以😌。滑蛋吉列豬扒飯🐖-不過不失，豬扒肉質也鬆軟，汁的味道也好。豐盛加州卷配蟹子沙律🥗-全場最喜歡的菜式之一，本身很喜歡加州卷和蟹子沙律 ，這個菜式有晒兩款，非常開心，加州卷內有牛油果🥑，就更開心🥳！明太子玉子燒🌱-滿滿的明太子藏在玉子燒內，味道香濃，值得一試😋海膽帶子三文魚丼🐟- 魚生新鮮，份量也ok ! 😊❤️炸蝦卷🦐- 這裏的卷物多元化，上次食了軟殼蟹，今次食炸蝦，果然冇失望😋！炸粟米餅🍘- 略嫌偏油了一點，但味道不錯，如果更加乾身就最好啦！今次好抵食，用了優惠券，埋單只是幾百元😌，下次再嚟過！

同媽子+細佬因為早餐食得好飽，所以lunch黎左食幾件壽司加小食。前菜，壽司，燒物，炸物都有，壽司種類最豐富。我地叫左一份鰻魚玉子燒，炸天婦羅，炸雞軟骨，厚切燒牛舌，壽司（每人各6件）鰻魚玉子燒- 個人黎講唔太推薦，蛋味唔算濃郁，鰻魚亦談不上肥美。炸天婦羅- 炸醬輕盈，蝦亦新鮮爽口。當中有一個炸粟米仔，平時我一定跳過唔會食，但呢個出乎我意料之外！覺得爽脆，又帶點微微嘅粟米鮮香。厚切燒牛舌-燒物中我必點嘅食物！牛舌燒得剛剛好，一咬落去軟腍有嚼勁！正！壽司分別叫左6款，蟹腳蟹膏軍艦最鮮美！原條蟹腳，蟹肉新鮮紮實，配搭香濃蟹膏，一流！而令人失望嘅係個炸雞軟骨！外皮食落好似無味嘅爆谷咁，白色。完全唔係金黃香口。3個人，平均消費 $350。有少少覺得overprice

星期日心情靚靚，想食好西，上網搵左呢間日本野，諗住清清地食下新鮮既魚生。點知完全唔掂極上壽司盛🍣十件$380壽司飯偏大粒偏硬魚生感覺不夠新鮮乾爭爭另外其實再叫左個鮪魚盛$350😅因為唔好食，所以都無心機影相了😢Lunch加一後總共食左$800😢失望的一餐

又黎到海港城搵嘢食，今日時間比較鬆動，就決定排一排隊食呢一間朋友極力推介嘅日本壽司。平時行過都見到好多人排隊，要等好耐先入得去食！今日拎完飛，我決定行一陣海港城，再返去睇下有位未。行咗大概半個鐘，就入得去了。今次叫了壽司，分別有拖羅、三文魚、帶子、甜蝦、左口魚等。首先拖羅和三文魚，都係好肥美，食落口都鮮甜，而且他的壽司飯不會很鬆散👍🏻👍🏻至於其他壽司，也是有質素的，可以食到油甘味，而且也很鮮甜。整體而言壽司嘅質素係對得住佢嘅價錢

好耐無食壽司, 慶祝就去左食呢間SUSHI粗身想食刺身, 但系見到呢個王者海鮮丼($498), 好似好吸引$498又大碟, 有好多吾同種類的海鮮，帆立貝、北寄貝、三文魚籽、蟹肉、三文魚、吞拿魚容、甜蝦、龍蝦尾同鮑魚全部份量都吾少, 同埋超級新鮮, 好鮮甜每一啖都食到吾同的刺身, 大滿足!  因為個飯已經好多吾同的剌身, 所以冇再嗌SUSHI嗌左份牛油果軟殼蟹卷有D干, 如果加MANGO JUICY D就好啦不過軟殼蟹配埋沙律醬都好好味另外叫左個燒鯖魚+碗白飯串燒叫左青椒仔($28)同免冶雞軟骨串($28)免冶雞軟骨串好好食, 出面有甜甜地的醬汁入面系雞肉同時咬到粒粒細細地的雞軟骨好滿足的一餐

20200913 Sun 🥳為慶祝生日，食豪啲啦～🥳剛好今日係海港城coupons最後一天，總之有得用coupons 就特別多人等，今次等咗30-45mins.(消費$1500，可減$500 coupon)☀️豊洲極上刺身盛10點$880一開始，海膽係唔新鮮，一pat咁，仲要又酸又苦。但同waiter講後，肯即刻換返新鮮嘅，又凍啲，鮮甜味返來😋仲有牡丹蝦(唔知係唔係，總之就係隻大頭蝦) 好大隻，又好味。其餘魚類，都好鮮甜。。不錯☀️蟹肉沙拉$108嘩，估唔到蟹肉咁足料。好多多蟹肉，沙拉菜新鮮，整體沙拉汁都唔錯。☀️炙燒壽司盛$320都可以，合格以上。☀️穴子牛油果卷$138都可以呀～☀️牛肉湯烏冬$138都可以呀～

食得多正嘢難免有時會中下伏😂 尤其係終於有機會食到我bookmark已久嘅餐廳，所以可能期望有d太高了。今次食嘅餐廳係海港城一間日式料理，名叫うまい鮨勘。呢間餐廳長期都有人排隊，而且價格偏貴，所以我就覺得有機會一定要試吓。今次趁生日週就過嚟食個lunch，叫左一份魚生飯、炸蝦天婦羅飯同芝士玉子燒。午餐仲可以追加小食，我地就加左甜蝦三隻同炸餃子三隻。首先嚟嘅甜蝦都算新鮮size唔細，但係裡面嘅蝦腸竟然清唔晒，食落有少少沙，呢一點都幾扣分😕 炸餃子就非常一般，外皮比較厚，餡料打到好碎都食唔出咩鮮味。期望極高嘅芝士玉子燒欠缺玉子一般會有嘅鬆軟膨脹的綿密感，亦都冇咩蛋香味，上面嘅芝士一上桌已經硬晒，一d即溶嘅感覺都冇，懷疑佢係整好晒然後加熱🙁 魚生飯嘅刺身就幾新鮮，尤其係海膽都算入口即溶，但個飯就一d都冇一般日本米有嘅黏糯感，口感比較鬆散。炸蝦天婦羅飯份量都幾多，但炸得好厚粉，蝦肉亦都冇乜彈性，食落口會覺得每一啖都好油。食到最後真係忍唔住要搣咗天婦羅皮先食蝦肉，因為真係好油呀☹️ 整體而言，以呢個價錢來講質素比佢好好多嘅日本料理比比皆是，我應該唔會再encore了～

海港城想搵🍣壽司食🤤選擇唔算多，鮨勘算係水準幾穩定嘅選擇👍。明太子玉子燒🥚上面有好多明太子🤤，食落去啖啖都有明太子😋好香口，蛋味亦唔錯👍。🐟刺身🦐都幾新鮮，toro😍好甘香，油甘魚都好鮮味😋！火炙🔥左口魚🐟壽司🍣就唔算好夠油香，不過食起上嚟都OK嘅👌，海膽軍艦同三文魚子軍艦都幾鮮甜😋。🐟toro壽司🍣幾肥美😍，不過有一件赤貝壽司🍣個賣相就⋯⋯🙈總結嚟講，想喺海港城食壽司嘅話呢間都係幾好嘅選擇，水準穩定，不過不失。