夏麵館 (始創中心)

這間人氣老字號始於1999年，主打少油少調味的新派上海菜，其中蟹粉系列更是必吃的招牌菜，所有蟹粉均100%每日鮮拆，而且所有分店均有駐場上海師傅保持食物水平。店內環境寬敞舒適，裝潢時尚現代，適合多人聚會。鮮蟹粉河蝦仁撈麵 - 優惠價$68全新菜式之一，鋪滿每日鮮拆的蟹粉甘香濃厚，又有多隻去殼去腸的河蝦仁爽滑彈牙，手工麵煙韌彈牙好掛汁，鮮味十足。每日限量供應20碗蟹粉撈飯配五常米飯 - $138五常米的米粒大飽滿，彈牙且香味濃郁，混合金黃的蟹粉，每一口也充滿濃郁的海鮮香氣。蟹粉小籠包 - $70薄透的小籠包皮煙韌富彈性，包裹著鮮味的豬肉餡，加入甘香的蟹粉更鮮味，又有充沛的高湯，一咬便流出濃濃湯汁。哆唻咪 - $236由紅星張曼玉小姐親自提名的鎮店名菜。有一兩蟹黃、二兩蟹粉及三兩河蝦，清甜鮮美的河蝦，同時伴隨著蟹黃的濃郁。水煮魚 - $148標誌性的四川小菜。嚴選優質的桂花魚，雪白的魚肉細嫩肥美好豐滿，骨刺極少方便食用；秘製的四川調味料香氣撲鼻，油香而不膩口，集鮮、鹹、麻、辣味道於一身，還有晶瑩剔透的寬粉、芽菜及蓮藕等。花雕醉雞 - $68肥美飽滿的雞件嫩滑可口而不柴，滲透出淡淡芳香的花雕酒，養生又健康。涼菜五寶 - $129九款涼菜自選五小碟。鎮江水晶肉是江蘇鎮江的傳統名菜，豬皮夾住一層蹄肉，不膩微酥香味溢，還有又香又滑的上湯豬皮膠；熱爆燻魚炸得焦脆，咬開魚肉嫩滑帶少許刺，醬汁甜中帶酸；醉香豬手富膠質，爽口彈牙又軟腍；虎皮素鴨以酥脆的炸腐皮包裹著蔬菜很清新；美味海蜇頭厚實清脆可口。豆沙鍋餅 - $38上海特色傳統小吃之一。即叫即製熱呼呼的，金黃酥脆的外皮毫不油膩，夾著軟綿綿的紅豆蓉好香甜。…查看更多

雖然大閘蟹季節已過，但身為蟹迷的我真係幾時都咁想食蟹。朋友就帶了我來這間專門食蟹粉的，唔駛拆蟹就食到蟹膏蟹肉，好吸引😋😋多唻咪—是餐廳的獲獎🏆菜式，當晚仲做緊優惠價$178就食到～以蟹黃+蟹粉製成，一食落去好濃香蟹黃味，還加了薑中和一下之餘，更有層次感。每一啖都食到鮮拆蟹肉撈蟹黃，好滿足😋😋滿口鮮甜，真係可以食個不停還專登點了個饅頭送蟹黃😋上海擔擔麵—同樣幾有質素，湯底非常香，食落去微辣，濃度剛剛好，還有d花生香，而且麵質彈口！蟹粉小籠包—一咬落去都幾香蟹粉香味，而且皮和肉份量好balance小木耳芹菜炒青瓜—出乎意料地炒得乾身，味道幾好，唔鹹得來口感爽香下次來外賣加餸先～😋…查看更多

上海菜都算係我地成日食既，今次就去左位於太子始創中心既夏麵館蒸/炸銀絲卷 $26 1條 呢個絕對係指定必叫，炸得外脆內軟，入面唔會索晒啲油變淋。 其實重點係碟煉奶，唔夠仲可以要多一碟，試過有啲餐廳唔提供嬲死人。 蟹粉小籠包 $38 2隻有得揀叫兩件，咁就唔怕食唔晒，又可以試多啲其他菜式。 識食揀係揀蟹粉小籠包，除左濃郁肉汁，更有蟹肉跟蟹粉提升整體既鮮味皮尚算適中，入面包住大量嘅肉汁，食既時候記得要小心熱。 花雕醉雞 $66干扁四季豆 $58 炒得乾身，但唔會係乾哂個種，有肉碎/蝦米，豆夠嫩唔會有渣。 如果淨食會有少少鹹，但配上飯/麵食就岩岩好。 排骨擔擔麵 $65 除咗平時既上海麵，更可以免費轉淮山麵。 排骨啖啖肉，肉唔會痴牙，揀左小辣，湯底有花生醬味但略嫌唔夠濃厚。 仲有兩款朋友指定食嘅 高力豆沙$38 炸物確實幾出色，外層金黃色，外脆內軟。 豆沙夠細滑，唔會甜到牙痛。 酸辣湯 $30因為我唔食辣又唔好酸，慶幸有超貼心既1人份量，朋友就可以獨自享受。見到非常足料，朋友酸辣度好合適，非常開胃。 原來仲有網上限定菜式，記得預訂：https://bit.ly/2Y5ykBu…查看更多

之前去夏面館食下午茶時，睇到有蟹粉宴就決定喺11月尾活動結束之前去食番一次。是日是星期五，雖然係訂咗位，但係一樣要等，坐低嘅時候已喺晚上八點。因為係專程嚟食蟹粉宴嘅，所以二話不說就即刻落柯打。首先上嘅係酸辣湯，湯料有豆腐、竹筍、冬菇絲、木耳等，而且味道調得啱啱好，喺香港我已經好少食到咁好味嘅酸辣湯，水準唔錯。跟住上嘅係前菜五小碟，包括有鎮江水晶肉、糖醋排骨、蒜香四季豆、素鵝同雞絲粉皮。尼五小碟的份量妥多，尤其是係個糖醋排骨，食完嘅時候其實已經有少少飽。個餐仲有一籠兩個蟹粉小籠包，湯包入面的湯汁清甜，仲可以食到真材實料的蟹粉。唯一要講嘅係啲包嘅皮其實真係有少少厚，如果能夠做得薄啲會更加好。講得係蟹粉宴蟹粉當然是主角，跟住上嘅哆Re咪，話說係張曼玉命名的，其實係蟹粉炒蝦仁，餐廳建議配饅頭一齊食。因為係套餐，所以就冇要到饅頭，我哋將佢加落個烏金蟹粉拌麵度，即刻提升咗個口感。我非常鍾意呢個墨魚底嘅面，上次嚟食下午茶時就已經驚為天人，今次再食依然覺得好好味。最後上嘅喺碟蟹粉扒菜蕊，一句講晒，今晚食的蟹粉真係真材實料，一啲都冇欺場。仲有一樣嘢要講嘅就係佢啲蟹粉拆得非常之乾淨，一啲蟹殼都冇，俾個讚👍！個套餐本來跟埋湯丸，所以唔須要另外嗌甜品，不過隔離枱食嘅貓山王實在太吸引，忍唔住又要咗三件貓山王榴槤高力，當然對我地尼啲榴連控就一定話係好食。餐廳食物喺好嘅，但係服務就有進步空間。我哋食完最後嗰碟餸同埋湯丸之間要等15分鐘，因為餐館實在太忙碌喇，雖然已經催咗兩、三次，但係都要等一排至能夠食到碗湯丸☹️。總結嚟講，尼個蟹粉宴喺物有所值嘅。香港可以食到咁嘅質素嘅蟹粉地方唔多，趁住喺食大閘蟹季節，唔鍾意慢慢剝蟹殼嘅人不妨嚟食一次過吓癮。不過當我寫呢篇食評嘅時候，佢嘅活動亦都完結。各位想食蟹粉的朋友，可能要等到下一年至會有機會再食喇！…查看更多

又想食大閘蟹，但又唔想自己動手拆蟹，這個11道矝貴蟹粉宴就最適合不過！這個蟹粉宴用上100%手拆江蘇蟹粉，配合不同的材料，做出多款不同口味的蟹粉菜式，定必能夠滿足一眾「蟹粉」的慾望！十一道矝貴蟹粉宴 (HK$356/兩位）原價 HK$712/兩位，我們預先在網上訂購， 便可享有限時優惠，以一位價錢HK$356 就可以享用兩位的11道矝貴蟹粉宴，人均$178，價錢十分優惠。五小碟這個前菜五小碟，單點都要$115，所以這個套餐真是十分之抵食。五款涼菜包括糖醋小排、雞絲粉皮、鎮江水晶肉、蒜香四季豆和虎皮素鵝。酸辣湯食完五度涼菜小吃，飲一個暖心的酸辣湯，酸酸辣辣的味道正好為以下的蟹粉菜式作一個醒胃的開始！多唻咪多唻咪（DoReMi) 即是一両蟹黃、二両蟹粉、三両河蝦。清甜的河蝦，配以濃郁的蟹黃蟹粉，令河蝦的味道從而提升，亦令整個菜式增添層次口感。烏金蟹粉拌麵用上手工的墨魚汁切麵，加入手拆江蘇大閘蟹粉，金黃的蟹粉和烏黑的麵條，顏色形成強烈的對比，拌勻後，每條麵條都沾滿蟹粉，令麵條味道更出色。蟹粉小籠包小籠包載満蟹粉鮮肉和湯汁，豬肉的鮮甜和蟹粉的惹味，再加入少許醋和薑絲，滋味無窮。生拆蟹肉蟹粉菜心一碟簡單的菜心舖滿蟹粉，雖說簡單，但味道十分鮮甜。薑茶湯丸最後吃一碗薑茶湯丸，和胃之外亦可以軀走大閘蟹的寒涼。StorefrontInteriorMenu…查看更多

去親旺角太子，要揀晚餐食咩都有點難道；因為選擇太多太多啦！今次咁岩約左係始創附近買野，2個人就去左始創中心既夏麵館食上海菜~~前菜我必點醉香豬手入口夠凍，酒香適中唔會過於嗆喉，豬手皮多肉少，而且夠爽口！食上海野點可以唔叫蟹粉小籠包可以叫2隻或4隻，皮薄入面仲裝滿哂上湯；蟹粉味濃，不錯!!平時成日食上海粗炒，今次就黎個回鍋肉粗炒~~微辣既醬汁食落好惹味，又唔會過辣，唔太食辣既人都食得到!!回鍋肉唔會太乾太老，有水準～最後仲點左個紅油炒手一碟６隻，皮薄包住滿滿既豬肉，加上辣油同花生碎～味道都ＯＫ，而且都有少少辣！一餐晚餐都每人$200 左右係呢區黎講都唔算貴，而且味道幾好!!可以再黎~~…查看更多

難得約齊人食飯，簡左黎食夏麵館，每樣叫左小小一齊share食😋小籠包2款都叫左蟹粉小籠包（4隻）$70，鮮肉小籠包（4隻）$38外皮不會過厚，所以由外面都看得到包內充滿湯汁。 一定要非常小心，不然美味的湯汁全都跑出來的話便後悔莫及嚕。稍稍涼了一下，就一口把小籠包吃掉！濃濃的湯汁在口中爆發，豬肉的鮮味非常突出，喜肉者一定滿意萬分。 而蟹粉小籠包的蟹粉香跟鮮肉味搭配得天衣無縫，鮮味十足。 松鼠桂魚$198好久沒在香港吃過達標的松鼠魚。 松鼠魚首先必要炸得外表香脆，而肉質必須保持嫩滑；醬汁要夠味夠琱，能夠掛上魚身，甜甜酸酸更可以帶出魚香。 夏面館的松鼠魚實在是內外兼備， 色香味俱全。外表上的脆漿很薄， 吃下去不會覺得油膩。 沾上醬汁更是開胃。 濃湯滑津白$58濃湯香滑， 津白爽脆…查看更多

心癮起，想吃小籠包。來到始創中心的夏麵館，裝潢走摩登時尚路線，以粉藍色為主調，予人年輕活力之感。先來一個五小碟，裡面五款配菜可自由選擇。蒜香四季豆爽甜，味道不太刺激；涼拌小木耳反而比較辣；海蜇顏色偏深色，味道卻不太濃，爽口彈牙；另外還有鎮江水晶肉和雞絲粉皮，賣相精緻，份量也不少，抵吃前菜之選。然後來一碗鮮魚羹，內有魚肉、筍絲，味道較清淡，可加醋提味。吃過燻蛋後便是我引頸以待的蟹粉小籠包出場了😋即叫即蒸，皮薄有湯汁，肉餡份量亦不少，唯蟹粉可再重一點。最後怎少得甜品呢？一客酒釀丸子帶著桂花與酒釀的微香，為豐盛的一餐畫上句號。…查看更多

朋友介紹話依間上海嘢好食又抵食今日趁早收工，就同朋友過左嚟食啲嘢又真係幾平喎每款都只係幾十蚊咁四喜烤夫 $38好多汁好入味甜甜地，食到停唔到蒜香四季豆 $34 雖然我唔食豆，但朋友仔話好鐘意食，堅持要嗌佢話好清甜，比想像中淡味有好清新既香蒜味，而且唔算辣見佢真係一個人輕鬆食晒成碟鎮江水晶肉 $55嘻嘻，好鐘意依個唔算太油膩蟹粉小籠包 $38最鐘意既小籠包依個水籠包入面好多汁好味火腿津白 $70又係一道我好鐘意既上海菜津白好清甜食左5樣嘢都只係$267，每人$130今次朋友無介紹左，真係幾抵食又好食…查看更多

今次心血來潮想食上海野，朋友就話不如食夏麵館，咁就一齊去左始創食~當晚門口都多人等位，好彩環境都寬敞，好快就入到去~睇完餐牌後，我地就叫左涼伴茄子、酸辣湯、蟹粉小籠包、上湯雲耳勝瓜、唐芹水餃麵和三鮮煨麵~冷盤 涼拌茄子，味道酸酸甜甜辣辣都幾開胃酸辣湯出面d酸辣湯，多數酸多過辣但呢間係小數夠辣既酸辣湯蟹粉小籠包 (4隻)小籠包好食，好多汁唯一有小小美中不足既係小籠包外皮有點厚，如薄番小小就完美了上湯雲耳勝瓜上湯清甜，雲耳勝瓜都好爽口~水餃麵都好大碗下，有4粒水餃d麵真係食極都仲有個份量係一碗麵都夠晒2個女仔食~三鮮煨麵裏面有蝦仁、火腿、雞肉和菜湯底清甜，麵質較粗身，口感十足~食完真係勁飽，叫左咁多野食，2人埋單都唔過300，真係抵食夾大件之選服務員態度有善~…查看更多

環境不錯，坐位夠多，雖然樓底比較矮，但一啲都唔侷促，呢到係旺區嘅一個不二之選。虎皮素鵝𥚃面包住嘅係菇菌，本身諗緊會唔會好乾，但一咬落去菇嘅汁中和咗，外脆內軟，所以一啲都唔乾，好好食蟹粉小籠包好掛住大閘蟹嘅味道，忍唔住叫咗4個蟹粉小籠包，上檯熱騰騰，入面餡料以蟹肉，豬肉制作，皮做得唔錯夾起唔會穿，但略嫌蟹粉味唔太出，但咬下去湯汁滿滿嘅，食落都滿口流香干扁四季豆炒得好香，因為呢道菜正常嘅做法係需要油炸四季豆，所以一定會較油，但佢地做得唔錯，食落好香口又唔會滿口油，當小食或送飯都一流麻醬拌麵因為唔太想食飯又唔想食湯麵，所以簡簡單單叫咗拌麵，上檯暖暖嘅，味道香噴噴，一碗兩個人分份量啱啱好豆沙窩餅呢個無論我去邊到食上海菜嘅必食，食到差唔多就要叫服務員上甜品，事關要即食先會熱辣辣，果然不出所料，真係好好味，皮薄餡靚，一咬啲豆沙餡爆出嚟，好幸福呀，真係做得好出色。…查看更多

蟹粉小籠包($38/2隻)，不用多講，這個一定要趁熱食，皮簿兼多湯汁，入面主要用上豬肉，記得配埋醋一齊黎食。上海擔擔麵($46)，辣度選左微辣，我覺得岩岩好，湯底好香花生味帶小小辣好好飲，麵條好幼好滑，同埋個碗真係好巨型。XO醬炒年糕($68)，年糕份量都幾多，好似食極都有，好煙煙韌韌，用XO醬炒香，好惹味，哩個餸唔錯。醉香豬手($62)，有濃郁花鵰酒味，好香，豬手皮製作得好出息，型狀似啫喱狀，口感好爽口彈牙。上海春卷($28/3條)，皮炸得好脆，餡料主要用上素食。豆沙鍋餅($36)，型狀脹卜卜，餡料都幾足，剛上菜時，因為太心急想食，結果唔小心燙口，入面既豆沙餡仍然好熱，所以要放涼一陣再食，豆沙唔太甜，幾好唔錯。…查看更多

這天和老媽一起去花墟，順便填飽肚子。原本想試始創中心三樓的素食店，但餐牌不對胃口，最後選擇同場的夏麵館。原來始創中心分店剛開業不久，裡面座位寬闊，裝修乾淨明亮，十分舒適。剛坐下，店員便送來一壺熱茶，原來夏麵館需要收取茶芥，以劃紙方式點餐。老媽表示夏麵館的茶挺好喝，我倒略嫌不夠熱。因為剛好到了下午茶時間，我倆就叫了一碗擔擔麵配豆漿，加兩個生煎包和一籠蟹粉小籠包，最後加了貓山王榴槤高力作為甜品。擔擔麵份量頗多，湯底比較清淡，估計花生醬下的不多。生煎包底部油膩是共識，但用這麼多油也沒有煎到脆身就可惜了。生煎包沒什麼肉汁，普普通通，不試亦可。蟹粉小籠包裡面加入的蟹粉不多，整體不夠香，味道比較像一般小籠包，小籠包皮來說算比較薄，湯汁多但偏味精，如果想試，可以直接叫鮮肉小籠包。最近夏麵館推出以貓山王榴槤製成的貓山王榴槤高力，老媽作為榴蓮忠實愛好者，點了一個來試試。高力軟綿鬆化，表面撒上少許糖霜，溫熱的外皮包著香濃的貓山王，吃起來有一種幸福感。吃完五分鐘內，口腔還是充滿著榴槤的味道，真不愧是貓山王。值得一提的是，食物雖然味道不算出彩，但這家分店服務態度極好，店員落單的時候會細心提示擔擔麵會比較辣，甜品會詢問是否後上，甚至隔壁桌食客一直改單也沒有一絲不耐煩。在這裡表揚一下始創中心分店的員工，希望繼續保持！（服務態度連老媽也讚好，叫我來寫個食評「俾like」）…查看更多

辛苦左一天，又是獎勵自己的時候，今日決定光顧【夏麵館】，因為它既就腳，位置又好方便，價錢亦算公道，總之就好處多多,所以二話不說，就跟同事一齊來叉叉電。【夏麵館】比我嘅印象就係一諗到上海菜我就會諗到呢間連鎖店，可能連鎖店黎講呢間質素都算平均了。所以值得我一訪再訪吧！平日嘅夜晚都算多人，可能呢間既位置太方便，就係「太子始創中心」，加上呢間分店跟過往的有點不一樣，用膳環境特別舒適寫意，環境會比你想像中或睇相中裝修來得靚，親民帶點新輕的上海元素，都係想主打埋年輕既路線。除咗有單點，都有供應晚市套餐；但單點食物唔貴，所以都會單點為主，可以冇咁局限。先來個蟹粉小籠包 (2隻) $38秋風起，又是吃大閘蟹的季節，除了原隻蒸來吃，蟹粉小籠包應該係最受歡迎吧。將小蟹起膏拆肉，加油炒成蟹粉，四季都有得食，我本以為蟹肉會好咸但將蟹肉同豬肉撈埋一齊，味道仲更加鮮濃。小籠包皮薄多汁，但夾起唔會穿，望到入面個餡，整體蟹粉味唔算好出眾，但包汁濃郁，呢個價錢實屬性價比高！雞絲粉皮 $52這道涼拌雞絲粉皮以青瓜和雞絲作配菜，拌上香滑的花生醬，不但別有風味而且更加是上海菜的最佳開胃前菜。混和花生醬，味道簡直一流！雞肉撕得愈細碎，沾醬會更多，口感也會更好呀！呢度整到食既時候好順口，仲有淡淡麻油香添川味口水雞 $72口水雞係一種四川冷盤食物,辛香料令到味道很有層次，配上彈牙鮮嫩的雞肉，一口接一口的！不過跟我本身想像中既川味有D唔同！可能唔夠充滿辣勁既感覺呢。排骨擔擔面 $65擔擔麵，無論是四川正宗的撈麵，還是汁煮惹味的湯麵，都同樣麻醬辣油， 除了花椒的麻、辣椒醬的辣，鎮江醋的酸和花生醬的甜都是擔擔麵的神髓。放滿湯，先呷口湯，味濃而稠，著重芝麻香口感卻並不太辣，深受港人喜愛。排骨份量都算多，擔擔麵，即使不配上排骨、餃子等其他菜式，已是一碗很美味且富熱量的主食了。高力貓山皇榴槤 $25「貓山皇」被視為馬來西亞上等級的榴槤，將「貓山皇」加入高力當中完全喜出望外。味道 甘香可口，多重層次，我覺得會深受榴槤粉絲愛戴。蛋白入口柔如棉花，意咀嚼還有輕微的彈性，榴槤甜得來不涸喉更沒滲出半滴油，才能叫人 吃不停口。記得炸起後要盡快進食呀！【夏麵館】嘅食物係喜出望外，味道物有所值！上菜快之餘仲熱辣辣。我最欣賞的是那個「炸排骨」, 經過調味醃製後再酥炸, 是有份難以形容的咸香, 讓人越食越想食...一碗簡簡單單的「排骨擔擔麵」，吃罷令我心境變得平靜開朗。心癢癢現在也想吃啊！…查看更多

第一次聽到夏麵館的名字，以為是普通粉麵店，原來是一間大有來頭的上海菜館，主打無味精自家製麵條。餐廳佈置以粉藍色為主調，配合古色古香的裝潢，頗有特色。夏味醺蛋 $24/2隻 先來一客最愛的煙醺溏心蛋。蛋黃香軟幼滑，唯不夠溏心，煙醺味倒是蠻香。糖醋魚塊 $72大大塊魚柳，份量十足；輕輕炸過的魚塊外層微脆，內裡嫩滑，糖醋醬均勻地裹著每一塊魚柳，酸甜開胃，非常好吃！排骨擔擔麵 $65+轉淮山麵$5沒想過那麼大碗！完全是二人份。麵條可選淋麵或煙韌，湯底可選少辣或大辣，悉隨尊便。淮山麵爽滑幼細，湯底帶紅辣椒油的辛辣、芝麻醬的香濃，粒粒肉碎更添口感。說是排骨，其實肉比骨多，啖啖肉；淺炸過後香酥而不油膩，調味適中。蟹粉小籠包 $38/2隻 一咬開肉汁迸然而出，蟹粉鹹香，味道可以更濃。家常煎餅 $26 本以為是像薄罉般煙韌，原來更像蔥油餅，新鮮煎起，香脆可口，明明有點飽卻吃了一塊又一塊。香煎南瓜餅 $28最後來一客傳統甜點，淡淡南瓜味，口感非常煙韌軟糯，其實不用灑糖霜，本來已經很香甜。一直對京滬菜情有獨鍾，還有很多菜式想試，例如松鼠魚、糖醋排骨及蔥油麵，下次再來！餐牌…查看更多