6月份好评餐厅十强
2018-07-09

时间过得真系快,眨吓眼2018年已经过咗一半喇!唔知大家有冇留意到,6月饮食界被一种食品…应该系饮品攻陷咗!就系台湾嘅珍珠奶茶、黑糖鲜奶!大大话话开咗十几廿间,你又有冇饮过?今个月嘅新餐厅气势好强,而今个月嘅冠军,毫无悬念系你喇。即刻睇睇龙虎榜名单先:


第10位    玖五牛肉面

太多新餐厅,将上月榜首位置嘅超莲牛肉面打落第十位,虽然唔少食评话贵,但人气仍然不减。牛肉面有红烧、麻辣同蕃茄,汤底浓郁无味精,配料亦炖得腍身软滑,材料都系由台湾直送,小食好似系麻辣鸭血、卤味等都好有台湾风味架。

图:emilykaaachowsmall.food


第9位      Shake Shack

同上月稳占同一位置,呢间来自纽约嘅汉堡店,想食继续排队啦!几乎人人都系为咗Shack Stack而嚟,馅料有芝士、牛肉、炸芝士大啡菇、蕃茄、生菜同秘制酱汁,牛味重,大啡菇有流心芝士同埋香脆,配埋芝士波浪薯条同埋奶昔,邪恶度系十分满分。

图:lamlamyukmibbykay


第8位    笃笃车 (*新上榜)

呢间元朗开咗冇耐嘅面店,将港式平民美食车仔面加入新元素,竟然有泰国鳄鱼汤!汤底带奶白色富鲜甜味,加埋杞子红枣都几滋补,另外仲有冬荫功、咖喱同牛腩汤底。配料可以拣海鲜类,珍珠元贝、白虾仁、青口、墨鱼仔等,即刻升呢咗!

图:yee128槐月


第7位    旺记冰室 (*新上榜)

呢间茶餐厅只系凭几道招牌菜,由湾仔开到鰂鱼涌,最近杀埋去九龙,人气好劲!必吃嘅当然系自家制叉烧滑蛋饭,加咗北海道4.3牛奶炒成嘅鸡蛋超滑,叉烧肥瘦适中,加埋甜甜哋豉油同葱花,仲可以搭虾仁、牛肉,而鲜姜汁猪膶鲜鸡汤通粉、特浓蕃茄汤都足料好味。

图:LingLing.1201最爱麻辣火锅


第6位    柞木炭家(*新上榜)

韩烧越来越讲究,好似呢间开喺旺角新商场嘅韩式烧肉店,有得用木炭炭火烧,香气味道同普通铁板烧、电炉网烧真系完全唔同!用类都系高质韩牛,部位食法亦够刁钻,肋眼上盖、唔同切法嘅牛舌三吃,仲有济州黑毛猪添,吸引一众烧肉迷争住去试。

图:donaldszeto31


第5位    爆丼丼(*新上榜)

日式丼keep住都系受欢迎嘅,今次上榜嘅系荃湾呢间小店胜在抵食,植上鱼生丼 $148,有齐海胆、拖罗蓉、帆立贝同埋三文鱼籽嘅四重爆丼都只卖$158,安格斯牛肉鹅肝丼亦只系$108。而且选择丰富,所以成为荃湾街坊嘅新宠!

图:小悭妹吃好西Michaeaw


第4位    橘焱胡同烧肉夜食

虽然微跌3位,但已经连续4个月上榜,呢间来自台湾嘅烧肉店後劲仍然好凌厉!讲真烧肉其实间间大同小异,所以食材质素同稳定性等就系关键所在。难得橘焱胡同保持到水准,价钱虽然比台湾贵,但真系有置身当地嘅感觉,服务同埋吧枱炭炉都系亮点,唔知下个月又会唔会继续长驻?

图:choyibebe技巧树熊


第3位    Athletic Juice & Espresso Bar(*新上榜)

香港饮食界要走得够快,先可以突围而出,呢间果汁咖啡店卖IG大热嘅牛油果latte,成功引起话题,旋即打入三甲位置!Avolatte其实系牛油果挖空装住latte,加埋果肉一齐食又几夹,加上靓靓拉花最适合打卡!其实Avolatte系澳洲一位咖啡师玩笑,估唔到又真系大红…

图:soya1314IE食神侠侣


第2位    NINETYs(*新上榜)

香港咖啡界越来越有趣,精品咖啡店不停开,而呢间连食物都兼顾到。店主曾喺澳洲开设咖啡店,将当地风格带返香港,食物味道好而且精致卖相,咖啡亦系当地烘焙,加上简约型格嘅室内设计,咁有性格嘅café,好难唔like!呢度一到周末就有长长人龙,想食网红店就要有俾啲耐性喇。

图:kei_desserteatmoreforyourself


第1位    老虎堂(*新上榜)

呢间来自台湾嘅茶饮店有几红相信睇到条人龙就已经知,系咩驱使你咁辛苦都仲去排成粒钟呀?系黑糖波霸鲜奶呀!黑糖虎纹卖相系吸睛嘅,虽然早前杀出负面新闻话黑糖并非手炒,但仍无阻大家去朝圣,唔知仲要洗多几耐板呢?

图:tadafoodya412004



文:Perrins

关键字
十强
排行榜
珍珠奶茶
黑糖
咖啡
cafe
烧肉
韩烧
冰室
车仔面
汉堡
burger
牛肉面
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
2021及历届米芝莲香港澳门指南完全版
2021-01-27
情人节爱意满泻 甜蜜蜜堂食/外卖下午茶推介
2021-02-01
【随时更新】零食速报 每周新款零食、酒品点评
2天前
日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
7天前
楚捻记新line!荃湾新开饺子店 必试黑松露什菌饺+香煎潮汕韭菜粿
2021-02-10