59
20
7
港鐵銅鑼灣站 F1 出口, 步行約2分鐘 繼續閱讀
電話號碼
26141717
營業時間
今日營業
11:00 - 22:00
星期一至日
11:00 - 22:00
付款方式
現金
食評 (104)
等級4 2018-07-04
2969 瀏覽
最近各大社交平台📱都被老虎洗版🐯,經歷了多次打老虎都失敗了😭,這天下午經過銅鑼灣📍,特意再來一次💪🏻。標榜人手製作黑糖🙌🏻,加上全天然的食材🍃,雖然最近被揭出他們以機器代替人手🖥及添加物疑雲🌩,但都阻止不了人妻🐷打老虎的決心!可能因為天雨關係🌧,今天的人龍🐉不算太長。不過看到原來有很多人是買10杯外賣的😱,等候時間有點長😥。餐單📜與一般珍珠奶茶店差不多,款式也不算多🤔,價錢是偏貴的💸。虎虎生風厚鮮奶🐯:等了20分鐘左右,老虎終於成功入手😍!根據店員建議,先為老虎拍照打卡📸,再搖晃把黑糖混合👏🏻。黑糖味尚算濃郁🤔,鮮奶亦頗香滑🍼,不會太甜,煙韌的波霸與珍珠的組合為口感增加了不少層次感👍🏻。可惜冰的份量太多❄️,佔了大半杯😰,大大沖淡了本身應有的黑糖香味😢。總結:時間、價錢跟味道上不成正比❌,喝完後還有半杯的冰😡,可算是試了就算系列之一😩。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-27
7008 瀏覽
落大雨都要去排隊試「老虎堂」,排左1小時,比完錢後等拎野飲就15分鐘,總共1.15小時,但比完錢見到條隊短左一半佢地應該排半個鐘就得,有冇咁黑仔,愈早黎就排咁耐.......不過又真係唔錯排到去後巷終於排返出大街 虎虎生風厚鮮奶(上)  $30  &  波霸厚鮮奶(下)  $30(上)虎虎生風厚鮮奶  $30所有野都同波霸厚鮮奶一樣,係多左珠珍。珍珠好細粒,比西米大少少咁,但都好Q彈,大粒波霸加上細粒珍珠,口感更豐富(下)波霸厚鮮奶  $30上下搖晃15秒先飲,波霸大大粒,軟身得黎但又唔會過稔而係煙韌口感,滲出黑糖味但又唔會太甜,至於奶底係100%唔稀釋既鮮奶,上面仲有層creamy奶霜,完全冇茶既成份!香濃順滑真係唔差,係我心目中台飲既頭3甲!我會揀「虎虎生風厚鮮奶」,因為口感更佳!!如果排半個鐘都會排,1小時既話......除非好得閒啦 繼續閱讀
(以上食評乃用戶個人意見 , 並不代表OpenRice之觀點。)
潮聖老虎堂 焦點食評
等級4 2018-06-11
11703 瀏覽
最近被飲品店瘋狂洗版,有喺台中行一中街嘅感覺,其中最矚目非老虎堂莫屬,估唔到會開黎香港。舊年年底去台中旅遊,當時老虎堂已經係超夯,開門前已經有十幾人排隊,到我食完午飯人潮滿滿,最終放棄,殘念。聽聞過頭幾日排隊情況非常誇張,個人都係閒人一名,但時間成本未低成咁,所以隔左個幾星期先黎潮聖下。週六開門約半小時,當然已經有條小人龍,幸好隊伍比想像中短,最終半小時後飲品到手。相信經過打仗一輪,出品時間都穩定了,而最重要係,基本上客人都係點某幾款飲品,只要不停沖便是,理論上係快手快腳餐牌主打黑糖系列,分奶霜、鮮奶、紅/綠茶、拿鐵、純茶等,定價$19-30,配料只有波霸、珍珠。比起台灣接近一個double價錢,同香港一般手搖杯價位差不多。波霸厚鮮奶 (含奶霜) $30虎虎生風厚鮮奶 (波霸+珍珠) $30糖度、冰度固定,基本上兩杯味道一樣,只係後者有齊兩款配料。因為珍珠一直保溫,飲品到手時杯底非常熱。慶幸出品穩定,好似台灣一樣有明顯虎紋,畢竟係店家標誌。按飲用建議先搖勻15下,令黑糖平均並且珍珠會較有彈性。飲品含奶霜,奶味濃郁,經過打發,順滑厚身,飲完有飽腹感。強調有獨家炒黑糖手法,每日新鮮炒製,不要問只要信。波霸、珍珠約三份一,黑糖味冇想像中咁濃郁。感覺上配料唔係好入味,勝在甜度唔過份。size類似一點點嘅比例,波霸係正常珍珠大小,而珍珠係西米大小。個人比較喜歡波霸,口感彈牙煙韌,亦不黏牙珍珠細粒,無啥感覺,幾乎直吞咁濟。基於我抱平常心試,加上冇飲過台灣原店出品,整體都冇失望。但如果要幾粒鐘先飲到,實在太誇張;好似而家等半個鐘,我都仲會回訪。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-11
9019 瀏覽
香港從來係愛排隊的地方,從來不下於日本,台灣。每當有一些潮流興的乜Q抹茶乜Q梳乎厘乜Q綠茶雪糕乜Q甜品,絕對排過你死我活如戰場,為的只是那刻IG,FB的美感。 人人都要排隊,你估人人都想排隊咩。 對我來說,一個鐘價值很高,要排個幾鐘真係無乜心機,記得細個排那時剛剛摘米芝蓮星的添好運,四個鐘頭,年少無知,我話俾自己聽不會再係咁。 反而,最重要,係識排隊,潮流熱點冇得miss,但係要有一個攻略,話俾自已聽點樣用最少時間黎享受最大回報。 老虎堂,上星期日係香港落戶,第一日剛剛係銅鑼灣,係熱到嘔白泡的情況下,有人可以為杯黑糖珍珠奶茶,排左個半鐘,我幾驚有人香港有歷史以來為珍珠奶茶而中暑。 人人時間觀念不同,價值不同,我太老,受不起這刺激。 7/6,星期四的晚上,九時五十一分,我在銅鑼灣,那個晚上,一號風球,好大雨,我見人應該不多,我決定碰下運氣。 竟然,目測隊不長,我便決定排一下。剛巧排的時間,雨冇乜,天都想我打老虎。 無辦法,要達到目標,當然要有醒目方法,關門前落雨天,所以最後我排了二十分鐘,呢杯野就到我手。 黑糖波霸厚鮮奶,樣子係最靚仔嘅,黑糖如藝術品一樣慢慢流下去,同奶白的鮮奶相對比,呃li ke⼀流。 飲下去,黑糖在奶中溶化,甜得令人欣喜而又不會太過覺得泛濫,和我最愛的珍煮丹,差不了多少。 珍珠的軟綿綿,很有嚼勁,將那個黑糖奶香,全送入口中,是這杯飲品的靈魂。 虎虎生風厚鮮奶,對比黑糖波霸厚鮮奶,冇咁濃冇咁甜,珍珠如常咁精彩,不過,我個人覺得就似一個無化妝的美女。 在有糖衣包裝下,當然黑糖波霸厚鮮奶出色得多,不過如果你冇飲黑糖波霸厚鮮奶,虎虎生風厚鮮奶已勝過千言萬語。 當然,如果你睇左我打老虎篇文,就一定知道幾點黎最好,食完飯睇完戲先過黎,或者,好似我個朋友一早就黎,都係等二十分鐘,仲有,一定要飲黑糖波霸厚鮮奶,除非你兩個人可以交換飲。 不過,我始終都係最期望,珍煮丹可以落戶香港。 在這願望成真前,做武松,打下老虎先。 老虎堂 銅鑼灣渣甸街36號地下3號舖 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-16
35 瀏覽
放工時間去, 排左唔洗一個鐘!!落大雨, 都不減大家嘅熱情!試左虎虎生風~即係細珠加波霸!一拎上手, 底層熱, 上層凍!先打卡影相. 虎紋清晰可見!之後搖15下就飲得!飲嘅時候, d 黑糖珠已經俾d 冰整凍左!成杯飲品變到好冰!好味!唔會未飲d 冰出溶晒!好重黑糖味 有炒過嘅味道!口感好好, 珠好軟, 煙un唔會出現未熟嘅情況.奶味都適中, 唔會過濃~壞處係太細杯, 好快飲晒!!!有機場會再排!!👍🏻👍🏻希望之前人少d 啦~ 繼續閱讀
(以上食評乃用戶個人意見 , 並不代表OpenRice之觀點。)