452
22
8
港鐵旺角站 B1 出口, 步行約1分鐘 繼續閱讀
所有分店 (2)
電話號碼
26190868
開飯介紹
時尚且保留傳統韓式餐廳的裝修風格。主打日韓直送的1++韓牛、濟州島黑毛豬和岩手縣A4和牛。壺漬古法醃製牛肉,加入新鮮韓國雪梨蓉,富韓國特色之如亦令肉質鬆軟、增添果香。 繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
付款方式
Visa Master 現金
其他資料
網上訂座
餐廳運作模式 - B類
酒精飲品
自帶酒水 詳細介紹
加一服務費
室外座位
有關獎賞計劃
食評 (530)
等級4 2021-11-20
251 瀏覽
呢一間可能係香港還原度最高既韓國燒肉餐廳。入面既環境非常舒適,好寛廠,食得好自在,而且佢既抽氣系統非常好,食完唔會覺得成身油煙味。佢既泡菜係一大個比你自己剪黎食,保流原汁原味,亦好明顯食得出比起入貨既泡菜高質好多,更加鮮甜,非常加分。擔擔味噌茄子 $78茄子好新鮮,味蹭味唔會太濃,恰到好處。而且價錢非常相宜,值得點。方切和牛$258有8片頂級和牛片,油花分佈好平均,食落牛味都好重,夾埋生菜食超好食。韓牛肋眼上蓋$280比起方和牛片,更入口即溶,我個人更加喜歡呢一個部位,大大塊咁燒亦令人睇到都流哂口水。大墨魚$218墨魚超級新鮮,燒完即刻食仲有少少海水味,當中有幾片用左特別醬汁調制,非常出色。汁燒豬皮$78今餐既性價比之王非呢一道莫屬,而且我之前未食過咁樣燒豬皮,估唔到咁香咁好味,當然亦都要比credit佢既自家調味。韓牛石鍋飯$188醬汁用左少少蒜香,香得黎又唔會搶左韓牛既味道,搞拌完非常好食。菠蘿梳打,荔枝梳打 $36一杯味道唔會太甜,亦有新鮮果肉,新材實料。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-14
406 瀏覽
前幾日天氣轉涼同好友食完韓燒意猶未盡😝今日出開嚟旺角整野,就邀請寶寶同我食多次❗️不過今日就唔係食任食韓燒,而係食單點靚燒肉😎餐廳幾大幾寬敞❣️感覺比傳統嘅韓式燒肉店更乾淨企理,成餐飯都坐得好舒服☺️另外餐廳仲有戶外位置可以坐🪑天氣涼涼地🌬而蚊蟲又較少嘅話,坐喺戶外位置,飲米酒🍶食燒肉🥩感覺仲chill😆🥢🥢🥢餐廳主打日韓直送嘅靚肉➕海鮮🤩韓牛肋眼上蓋、上等牛小排、和牛、極上牛舌、濟州活鰻魚、大墨魚、大八爪魚🐙淨係睇Menu都已經覺得款款都好吸引☺️一點完菜就即刻上咗➡️四個韓式前菜、一小罐泡菜、一籃生菜➕三款燒肉調味料👍🏻真係好似身處喺韓國食燒肉咁,未嗌嘢食已經成枱都係😆同其他韓式餐廳一樣,所有前菜都可以無限refill🤩不過呢度連芝士粟米都可以無限refill😍簡直係芝士控嘅福音🥰前菜款款都新鮮爽口🌟涼涼哋配燒肉食真係一流🥳而泡菜嘅調味酸辣適中😝❣️唔算好辣,幾啱我哋唔太食得好辣嘅人👍🏻🥢🥢🥢先來一個熟食類食物➡️海鮮煎餅🤓一客兩件嘅海鮮煎餅好大件🙈煎餅嘅麵粉做餅底,海鮮主要都係魷魚➕蝦~另外有啲洋蔥、青蔥同埋少量嘅青椒🥢咬落仲熱辣辣,表面脆脆地,真係即整嘅😌🥢🥢🥢食完個熟食打底,慢慢開始燒嘢食🤓韓牛肋眼上蓋睇落紋理好靚😍而且肥瘦分布好均勻👍🏻➡️係全餐最正嘅肉🤩入口肉汁香濃,口感實在💕蘸啲秘製燒肉鹽或燒肉醬,再用埋新鮮嘅生菜包住塊肉一齊食,口感豐富又有層次,仲有韓式燒肉嘅滋味❣️真係好似去咗韓國咁呀☺️🥢🥢🥢方切和牛相對韓牛肋眼上蓋難咬少少,勝在細細件,容易燒又容易入口😌同埋肥肉位相對較少,唔鍾意食肥肉嘅人推薦食呢款~🥢🥢🥢大墨魚原塊大墨魚好壯觀😳不過好貼心地切到”一格格” 方便大家自己燒都容易d燒熟😆墨魚肉好白淨,睇落非常新鮮🌟食嘅時候真係食到新鮮肉質嘅彈牙感☺️旁邊嘅辣汁八爪魚鬚因為有用辣汁蘸住,所以燒完之後都帶有辣味,不過亦唔算太辣~爽口彈牙🤩🥢🥢🥢汁燒豬皮雖然呢樣食材有少少難燒🙈但燒完後咬落仲好濕潤🤩口感滑溜~帶有香濃嘅醬燒味道🥢咩汁都唔蘸都已經好好味❣️🥢🥢🥢和牛三文治雖然已經食到有啲飽🙈但都好想試呢一個和牛三文治,因為見到有人介紹話好食😆果然趁熱食,入面近30%生嘅吉列和牛肉真係冇得頂🤩入口即溶😚 配埋薄薄地而且烘得超香脆嘅多士,成件事真係Perfect match 🥰🥰食咁多肉真係要配番啲有汽嘅飲品🥤先可以中和返啲飽滯感先可以繼續食呀🤣我哋一人再嗌咗一杯梳打🍹份量都幾大杯,價錢仲抵過好多韓式炸雞店添👍🏻🌟🌟🌟青檸檬梳打➕菠蘿梳打 繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-31
1088 瀏覽
今日去旺角行街,呢個商場行過好多次,不過都係第一次嚟食飯,見呢間韓燒幾靚,就吸引咗入去食。呢度有熟食亦都有燒肉 ,一開始已經有幾碟韓國小食,而且泡菜亦都有好多,另外亦都有芝士粟米,職員話可以添加。我哋點咗壽喜燒和牛西冷($288),呢款牛職員會幫我哋燒,職員先用本身牛嘅脂肪嚟到開爐,然後問我哋食唔食得生雞蛋,之後佢就將生雞蛋同飯拌勻,跟住職員就會問我哋想食幾多成熟,我哋都揀咗七成熟,職員會將燒好嘅牛肉放喺已經拌左生雞蛋嘅飯上面 。西冷口感非常柔軟,入口即溶,而且牛味好香,有生雞蛋嘅飯亦都非常好味。另外我哋有點屬於稀少部位嘅和牛牛肋肉($158),經過秘製醬汁醃製,亦都充滿肉汁,用生菜包住嚟食很美味。慶州極上黑毛豬梅肉($198),豬梅肉有兩塊,每塊都大大片,非常抵食,而且口感柔軟,一啲都唔韌, 餐廳亦都會提供剪刀方便燒烤。熟食方面有和牛三文治($318),因為上網見到好多人叫,所以我哋都揀咗嚟食,三文治個賣相非常靚,麵包有輕輕烘過,和牛肉質粉嫩,吉列和牛增加鬆脆口感。另外係擔擔味噌茄子($78),份量亦都好多,醬汁好好味,亦都好開胃,茄子一啲都唔乾身。飲品方面叫咗菠蘿梳打($36)同埋青檸梳打($36),清新解渴。我哋兩個人食到非常飽,所以小食都冇再添加 。另外呢度侍應服務態度都好好,而且好有禮貌,值得一讚。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-06
1813 瀏覽
今次就講九月食既最後一次韓燒🤣 成日係T.O.P.行街經過呢間韓燒餐廳,但都未食過,今次終於入去左食😍 環境超寬大,坐左卡位,好舒服!! 今次我地食左:..🔹壽喜燒和牛西冷🔹和牛牛肋肉🔹慶州極上黑毛豬梅肉🔹燒鰻魚🔹和牛三文治🔹擔擔味噌茄子🔹菠蘿梳打🔹荔枝梳打..一來到,店員就會擺到成枱配菜🤩 例如泡菜、芽菜、雜菜等等~然後主角的肉就到了😍 壽喜燒和牛西冷同慶州極上黑毛豬梅肉都好大塊!! 店員好好,會問駛唔駛幫手燒,我地當然就請佢地幫手!! 和牛西冷加左調味,肉質好嫩,肉味濃,壽喜燒通常會配生雞蛋食,所以呢份壽喜燒和牛西冷會配一碟生雞蛋同一小顆飯團,撈埋一齊食,好有風味! 而黑毛豬梅肉好軟腍,口感豐富!..和牛三文治好特別!! 烤得香脆既多士,夾住厚厚的和牛,燒到半生熟,店員提醒要趁熱食,一咬就入口即溶🤤 肉味好濃!! 好鍾意食呢個!! 燒鰻魚係另一驚喜!! 未見過咁大塊鰻魚身咁上,店員燒鰻魚到一半時,會將鰻魚剪成一塊塊,再搽上醬汁繼續燒,勁香!! 魚肉好嫩,加埋鰻魚專用既醬汁,超惹味!!..然後繼續燒和牛牛肋肉,好好食;而擔擔味噌茄子就本身係熟食,唔需要燒,好特別既風味!! 泡菜本身有擺左一大壺,我地都食唔哂,真係好夠份量! 最後我地飲返杯菠蘿梳打同荔枝梳打來解渴作結😎 菠蘿梳打就比較fresh,而荔枝梳打就比較甜,有埋原粒荔枝肉係裡面!!.真係好高質既韓燒👍🏻 食得好滿足😌 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-01
2239 瀏覽
今日去開旺角,行街經過TOP,嗰度其實都幾多嘢食,去到最高幾層,啲餐廳嘅選擇都幾多,今日同朋友就選擇左一間韓式燒肉,裝修都幾靚,餐廳嘅位置可以望出去出邊嘅空中花園,餐廳嘅燈光比較陰暗,幾有氣氛。前菜 $0前菜嘅選擇都幾多,有芽菜、芝士粟米、小棠菜、泡菜、酸蘿蔔等等,前菜可以無限任添,喺食燒肉嘅時候食幾啖呢啲前菜,可以清下個喉嚨,我覺得最好食嘅就係個芝士粟米。海膽和牛卷 $82海膽和牛卷會有兩舊海膽,夾埋和牛同紫菜卷一齊食,幾香海膽味。慶州黑毛豬五花肉 $118將五花肉燒香,夾埋落啲生菜度一齊食,配搭非常之夾。汁燒豬皮 $78豬皮嘅醬汁好香,燒豬皮嘅時候記得唔好用太大火燒,因為豬皮容易燒燶。燒完好好食。黃牛牛肋肉 $158牛肋骨嘅脂肪感好足,入口有種好creamy嘅感覺,夾落生菜度食會更加好食。海鮮煎蔥餅 $112海鮮煎蔥餅嘅材料非常足夠,海鮮都幾多,點埋汁一齊食酸酸甜甜幾好食。原隻濟州八爪魚 $178八爪魚因為好難燒,所以我哋叫咗店員幫我哋燒,店員嘅燒法都幾專業,燒出嚟嘅八爪魚好香,好好味。最上等牛小排(鹽燒) $210牛小排嘅雪花都幾多,輕輕咁燒就可以,燒出嚟嘅牛非常好食。青檸檬梳打 $36菠蘿梳打 $36餐廳本身會有茶提供,可以不停咁添飲,但係我哋自己再叫咗兩杯梳打飲品。 繼續閱讀
(以上食評乃用戶個人意見 , 並不代表OpenRice之觀點。)