270
33
18
餐廳: NINETYs
優惠: 食飯都有得賺里數? 仲唔即刻訂枱?
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
港鐵灣仔站 B2 出口, 步行約4分鐘; 乘坐港鐵至灣仔經修頓運動場B出口越過電車路向皇后大道東步行5分鐘 繼續閱讀
所有分店 (3)
電話號碼
23690118
開飯介紹
店主曾於美國世界咖啡拉花比賽中奪得亞軍,並曾於台灣及悉尼開設cafe。餐廳提供多款咖啡豆,食客也可與店員交流咖啡心得。菜式則以澳洲菜為主,食物賣相精美。 繼續閱讀
營業時間
今日營業
08:00 - 22:00
星期一至四
08:00 - 18:00
星期五至六
08:00 - 22:00
星期日
08:00 - 18:00
公眾假期
08:00 - 22:00
*星期日至四最後落單時間: 17:30 星期五至六最後落單時間: 21:30
付款方式
Visa Master AlipayHK 支付寶 現金 八達通 AE 銀聯
座位數目
30
其他資料
支持防疫 詳細介紹
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車
電話訂座
賞訂座積分
外賣服務
加一服務費
當面支付
有關獎賞計劃
優惠
餐廳: NINETYs
優惠: 星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
食評 (351)
雖然我鍾意自己煮,但間中想出街食個靚素食早餐,參考一下專業的配搭。最近留意到「NINETYs」是因為它們的咖啡換植物奶唔需要加錢,再看下去發現都有好幾款唔錯的素食早午餐可供選擇,於是找個 Green Monday 去試試看。NINETYs 共有三間分店,灣仔、金鐘和中環都有,這天我就選了灣仔分店,由地鐵站行過去五分鐘左右,都幾容易搵到。除了免費換植物奶之外,我見佢地都經常做外埋咖啡特價,亦可以自己帶杯去買咖啡。我一直以為只是間咖啡小店,不過店內座位比想像中多。這天來坐低慢慢食,第一件事發現檯面樽水入面有活性碳,覺得非常有趣,我之前也在台灣還過這種一枝枝可以放入水的活性碳不過一直無用過 XD,店員說可以平衡pH值。店有有少少工業風裝修,樓底高可以看到水管氣喉配水泥牆身之類。素食餐點可以看右邊的部分,有牛油果、炒蛋和大菇吐司等,另外也可以吃優格碗。我覺得幾款素食吐司都幾好食,今次先試好似最正的牛油果吐司。咖啡店飲到的飲品這裡都有,我覺得比較特別是一系列特色茶品,十分好奇「Blueberry Cupcake」是甚麼茶。 Avocado Toast HK$108這裡的牛油果吐司不是單單壓爛牛油果加兩隻蛋咁簡單,上面還有一陀紫紅色的紅菜頭優格,擺盤仲非常精美添!見餐牌上面寫「masterchef recommendation restaurant 2019」,因為我最近都追緊 Masterchef AU 2020 的關係,所以份外有親切感,這裡的菜式也的確有點澳洲的感覺。雖然我唔確定應該點樣食佢,不過夾埋一齊係好好食,味道好有層次,最驚喜係下面個肉桂味貝果,香氣十足也跟上面的鹹食很合得來,尤其果個紅菜頭又真係幾得意。 Latte HK$42最近 Green Monday 同幾間咖啡店合作,推出免費換植物奶或免費植物奶咖啡的優惠,這個六月每逢星期一15:00-17:00來NINETYs,可享植物奶咖啡買一送一優惠。而佢地平日都可以免加錢換植物奶,所以唔一定要等星期一架。NINETYs 的咖啡有兩種豆子可以揀,一款可可一款果香,兩款都係混合豆,我見到有朱古力味當然即刻揀朱古力豆啦。第一啖入口真係有少少可可豆味,超香好好飲啊!隨咖啡還會附一小盤藍莓乾,平常喝咖啡都是附餅乾多,有藍莓乾咁健康又幾特別。因為這裡轉植物奶唔使加錢,朱古力味咖啡豆又勁好飲,菜式fancy又好食,我覺得應該會再來買咖啡或者約朋友吃早午餐。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-07
3595 瀏覽
難得黎到NINETYs 點可以唔試下佢既咖啡 咖啡由國際級咖啡比賽評審主理 細節位⁣上花左唔少心思⁣⁣⁣咖啡主要分 黑 白 滴漏 三大類 再細分唔同咖啡豆⁣黑白兩款咖啡 有Fruity blend和Choco blend供選擇 店員指fruity入口較重果香 而choco入口咖啡味較為濃郁 最特別之處係咖啡都會配搭小點 fruity會配上杏仁 choco則配上藍莓乾▪️Flat White $42⁣⁣最後選擇了Choco blend 店員建議先吃藍莓乾 再喝口咖啡⁣⁣咖啡就這樣喝已經很香醇 入口順滑 配上藍莓乾 咖啡味道果然更突岀⁣⁣作為dining cafe的NINIETYs 除左招牌咖啡 仲有好多唔同澳洲風既fusion菜▪️Piggy Piggy $168⁣⁣法式brioche bun入口充滿牛油香 放得久了只剩麵包邊帶點酥脆 但包體依然鬆軟不黏口 帶空氣感 來自沖繩的叉燒厚切 切的時候還以為會好韌 但入口竟然不韌不柴 是肉質偏實一點 配料蠻特別 用上蘋果和紅菜頭 甜甜酸酸很清新 減低了不少油膩感⁣⁣▪️Pork Egg Benedict $138⁣充滿期待的sourdough 可能是放得太久 已經不太脆身 麥香略為微弱 並沒有酸中帶香的感覺 炆豬肩入味軟冧 肉質不柴 但個人不太喜歡它的醬汁 甜甜的帶一點肉桂香 蛋放久了依然流心 整個吃上去更濕潤⁣▪️Siu Wan Rice $158⁣索價一百五十八大元的銷魂飯 對它期望很高⁣叉燒薄薄一塊帶點肥膏 軟冧香口 但竟然只有三片 炒蛋中規中矩 不算特別滑 米飯質素一般 醬汁偏少 難以拌匀整碗飯 伴碟的有番茄仔和蘆筍 整個感覺很fancy 但這個價錢 我還是去吃別的好了⁣▪️Cheesecake toast $98六道菜我最喜歡的一道 比起Cheesecake toast 我覺得Serradura toast的名字更合襯mascarpone cheese 配上質地柔軟 混入了朱古力碎的麵包 再舖上曲奇脆脆 味道十足木糠布甸 整個甜度跟比例很好 吃完不會有很甜膩的感覺 還有新鮮生果伴碟 有我最愛的無花果!唯獨份量偏少 只有一塊toast 定價偏高⁣⁣⁣⁣⁣⁣⁣⁣▪️Granola Mixed Berries Yogurt $78面層舖滿香脆的granola 下層的Greek yoghurt帶一點甜度 味道中規中矩 比較像自己也能輕易做到的yogurt bowl 性價比偏低▪️Passionfruit Salmon Tartare $168Sourdough薄薄一塊 烘得超脆 加有合桃和杏脯 入口麥香略為微弱 想不到三文魚他他竟可配上百香果 完全沒有違和感 整體很清新 感覺有點像開胃小菜整體而言 有值得一試的菜式 但定價偏高 不過大家確實可以一嘗咖啡 絕對不會失望 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-09
198 瀏覽
每一次行過灣仔呢間cafe NINETYS 都好想試下,但每一次我都好趕時間,所以遲遲都無去到😔。今日得閒就食下佢哋d tea set 。我見隔離枱d 擺盤好靚,所以好期待自己個份會點🧐。嘩。。。真係唔錯,順便可以打下咭,而且食物質素好,雖然今次冇叫到咖啡,因為嗰一刻唔想飲咖啡😛,食飽晚餐都唔洗食囉😎😎 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-08
191 瀏覽
呢排疫症外加上社會運動好多小店都,出盡奇招減價優惠,增加營業額, 呢間小店平時都行開中價,一個lunch都~150蚊左右( 未計加一), 都算少貴, 而家佢外賣做緊半價或者四十蚊兩餸優惠, 梗係要試下, 點知冇最伏只有更服😅😅DAY 1叫咗呢個價值40蚊嘅兩餸飯, 因為同咗朋友交換嘅關係可以試曬佢三個餸, 第一個餸係飯盒最上面嘅辣肉醬, 十分辣( 超過譚仔中辣), 而且佢有啲紅豆定紅腰豆去裏面相當之腥, 而右下角嘅就類似甜甜哋嘅醬( 似唔甜嘅豉汁),又唔係太鹹,其實食唔出係啲咩味,有d怪🤣 而黃色嗰啲就係咖哩雞,成盒飯裏面最正常嘅餸😂😂 但由於啲餸太多汁,撈埋落啲飯度,十分難食,同個樣望落超頹, 雖然係平但係物超所值🤮🤮 不值一試DAY 2今日諗住價錢貴一半嘅會好d,點知沒有最伏只有更伏😅就算價錢貴一半都好望落盒飯都好頹,拎到返公司打開一望完全唔值八十幾蚊😂😂 不過心諗賣相唔係最重要最緊要係好食, 點知呢盒飯樣又冇內涵更缺乏😂 雖然舊牛肉望落去好似好大塊(有两塊), 但係塊肉又肥又鞋, 仲嚡過阿婆對鞋底, 完全食唔落口, 諗住仲有兩隻蛋送埋啲飯佢,點知粒蛋食到怪怪哋味, 我諗係啲醬撈咗落去, 唯有食白飯, 點知啲飯爛pat pat, 好似餵bb嗰啲咁, 完全食唔落口, 收得人咁貴啲嘢食咁差, 無下次, 寧願去食快餐店,84蚊最好食嘅就係兩條菜心+番茄仔 其實呢間舖頭好多嘢都係預先大量整定, 放入保鮮櫃保溫, 所以令到啲嘢食唔好食🤣如果大家想去呢間嘢幫襯,真心要三思🤣 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-06
150 瀏覽
有咖啡 ,有故事, 有聽故事的人,社會雖然亂,疫情雖然未過,不過放假身邊有人同你一早起身食過brunch 都值得安慰。10:30到已經好多人,只差一點點,如果遲10分鐘我地就要等位,真係好彩。我鍾意嘅高樓底,仲有櫈仔可以擺袋,唔錯,不過檯細張仲有隙,好容易跌餐具落地,我地點咗piggy piggy , 即係豬扒burger , 另一個係salmon Tartare, 即係三文魚牛油果醬配薄餅,飲品係flat white 同 mocha burger 先到,份量好大,旁邊有食用花,好靚,賣相100分🥰,中間除咗豬扒外仲有青蘋果, 紅菜頭同羽衣甘藍,包有烘過,好香好新鮮,豬扒無乜調味又overcook , 所以有啲乾同諧。之後係salmon tartare, 同樣係無敵嘅賣相😍,三文魚牛油果醬好新鮮,不過都係無乜味,出面一般會加啲油,芝麻,鹽去整,咁配包會好味好多。flat white 嚟到都有驚喜,除咗本身咖啡仲有藍莓乾,好吸引。mocha 呢,朱古力醬除咗喺杯面仲會喺杯身😲,真係估佢唔倒,雖然揀咗Fruity 即係無咁濃味,不過我都覺得幾濃。 繼續閱讀
(以上食評乃用戶個人意見 , 並不代表OpenRice之觀點。)