全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17

好多人都锺意食自助餐,但系最近受疫情影响,都唔多敢食,sosad!有多间酒店见状,就马上变阵,将自助餐转为任点任食嘅形式,由专人送上枱或代夹,卫生啲,食都食得放心啲!

天后 Corner 18    

呢间酒店由即日起,以任点任食嘅午餐同晚餐代替原本嘅自助餐,提供一系列嘅烧海烧、阿根廷红虾、海胆、鸭肝等美馔,另外当然唔少得烤美国西冷牛肉满足一众牛魔王啦,就连Haagen Dazs雪糕都可以无限任点送到埋枱呢~ 

供应时间:
任食午餐(每日);任食晚餐(逢星期五、六)

供应期:即日起至另行通知

优惠券:任点任食午餐高达7折优惠
优惠券:任点任食晚餐高达65折优惠

尖沙咀 柏景餐厅 

尖沙咀呢间酒店嘅自助餐暂时暂停供应,平晚转咗做set dinner。嚟紧今个星期五(20/3)起,就会喺指定日子提供无限任点嘅午餐同晚餐。每位入座首先会送上虫草花圆肉杞子炖猪腱汤,同冻海鲜拼盘,晚巿时段更可升级送多客特选刺身拼盘!至於任点任食menu亦好丰富,刺身、寿司、沙律、烧扇贝、鹅肝烧饭团、法式普云苏烤羊排等通通都有得食,仲有Mövenpick 雪糕同多款甜品添!兼且有埋清润花果茶——金银花雪梨茶或无花果南北杏苹果茶呢~

供应时间:
任食午餐(逢星期日);任食晚餐(逢星期五、六)

供应期:3月20日 – 4月30日

黄竹坑 海湾餐厅及海湾咖啡室

一向主打可持续发展环保海鲜嘅呢间buffet,嚟紧呢个星期六(21/3)起转推任点任食嘅形式後,都会继续供应。每枱都可以享用无限量供应嘅海鲜拼盘,包括有面包蟹、青口、海螺等。至於其余美食,好似刺身、肉类、烧味、甜品等美食同热食,则会继续放喺自助吧位置,但就改由戴晒口罩同手套等防疫装备嘅餐厅职员代劳代夹。晚餐时段更特设阿拉斯加蟹、矶烧鲍鱼配柚子汁同埋开边即蒸龙虾等菜式添。

供应时间:
任食午餐及晚餐(逢星期六、日及公众假期)

供应期:3月21日 起 至另行通知

尖沙咀 海景咖啡廊    

望到海景嘅呢间酒店餐厅,推出「春日海陆盛宴」,由原本嘅自助餐,变为由餐厅团队逐枱捧上。盛宴中近30款嘅美食,好似各款嘅即烧牛扒:澳洲优质西冷牛扒、顶级肉眼扒、牛柳、腹肉牛排;多款海鲜包括松叶蟹脚、即开法国生蚝、淡水小龙虾等,以及薯条、沙律、烤羊架、烧春鸡扒等其他肉类选择,6款芝士蛋糕,仲有仲有Haägen-Dazs雪糕全部都系无限任点!法国红/白酒、啤酒、果汁同汽水都可以无限量添饮呢!

供应时间:
任食晚餐(每日晚餐时段)

供应期:即日起 至 4月30日

优惠券: “春日海陆盛宴” 低至8折

北角 绿茵阁  

位於北角嘅呢间酒店餐厅,同样将自助餐转为无限任点任食形式,各款海鲜、冻肉、刺身寿司、即蒸海鲜、串烧烤肉等原本喺自助餐中食到嘅嘢,一样食得返!当中包括泰式烧猪颈肉沙律、香草羊架、星洲香辣炒大虾、北京片皮鸭同酥炸广岛生蚝等多款环球美食,剔完点餐纸後会由餐厅职员捧上。而成餐最重要嘅甜品同Movenpick雪糕,一样都系无限任食,并由甜品师傅即场为大家供应!

供应时间:
任食午餐(逢星期日);任食晚餐(逢星期六、日)

供应期:3月21日 至 4月30日

文:Kar

相:各酒店Facebook


关键字
全城抗炎
酒店
自助餐
任食
尖沙咀
北角
黄竹坑
天后
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
3天前
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12
【即睇10月生日】酒店半价放题 Tiffany & Co.旗舰店导赏
2020-10-06