海景咖啡廊

Café on M
145
75
39
港鐵紅磡站 D1 出口 繼續閱讀
電話號碼
27312860
開飯介紹
位於酒店M層的Café on M,除了讓客人欣賞壯麗的維多利亞海港景色,更為商務洽談,家庭歡聚或相約好友提供了聚會的好去處。Café on M呈獻嶄新飲食新概念,將整個美食的烹調過程如舞台匯演般呈現眼前,確保為客人送上最新鮮美味的世界各國佳餚,帶來極級的感官享受。 繼續閱讀
營業時間
今日營業
06:30 - 22:00
星期一至日
06:30 - 22:00
付款方式
Visa Master AlipayHK 現金 八達通 AE 銀聯 JCB
座位數目
182
其他資料
網上訂座
Wi-Fi
酒精飲品
切餅費
電話訂座
賞訂座積分
外賣服務
加一服務費
海景景觀
前往餐廳網站
https://www.hongkong.intercontinental.com/zh-hant/dining/cafe-on-m/
以上資料只供參考, 請與餐廳確認詳情
有關餐廳
海景咖啡廊
海景咖啡廊屬全天候餐廳,以悠閒舒適為設計理念。餐廳地方寬敞,採用柔和色調,無論倚窗飽覽維多利亞海港景致,或安坐靠近大堂的一隅觀賞華麗裝潢,都能體會從容不迫的輕鬆感覺。

海景咖啡廊
海景咖啡廊提供巧手烹製的國際美食,薈萃各式新鮮海鮮及生蠔、壽司刺身及沙律、爐端燒、特色烤肉、中式點心、出爐糕點、印度美食以及令人垂涎三尺的精緻甜品,選擇應有盡有,為賓客呈獻回味無窮的餐飲體驗。
有關獎賞計劃
招牌菜
鱈場蟹腳 時令海鮮 日式刺身 即烤脆皮乳豬 Häagen-Dazs 雪糕
食評 (326)
等級6 2022-07-23
1925 瀏覽
依家都仲未有機會出國去吓旅行,就只好玩吓啲本地遊解吓悶,早前就喺抽到旅發局搞嘅「賞你遊」,呢日就喺跟個本地團遊吓港九,而最吸引喺午餐安排晌酒店食個半自助午餐,比起食啲一圍圍嘅團餐安心少少。而用餐地點就喺「海景嘉福酒店」嘅「海景咖啡廊」(Cafe on M),無諗過佢哋會做團客,聽導遊講,都喺疫情關係作出嘅嚐試,而小弟好多年前就曾經嚟食過下午茶,印象喺唔錯嘅,話晒都喺5星酒店嘛。咪睇啲環境相好似好爆場,話晒淨喺我哋嘅團都成60幾人啦,不過,旅行團安排得幾好,同行嘅團友嘅會坐埋一枱,唔理你一個人報,定兩個、四個報,總之就唔會跟陌生人搭枱,而且,編好晒枱號,對號入座就得喇。其實,餐廳嘅用餐區分好多個區域,我就覺得近酒店大堂嘅一邊就最好,因為夠晒開揚。如果有得揀,我都想坐出嚟,既人少啲,無咁聚埋一齊,空間感又強啲。我哋就叫免費嚟食一餐,如果一般客人嚟食又點計呢?沙律、凍肉、餐湯、麵包、甜品及飲品全自助,主菜就5揀1,有肉、有魚、亦有素食,均一價$208 + 10%,酒店嚟講都算唔貴喇。到周六、日、公眾假,就做番全自助餐!因為只喺沙律、凍肉、餐湯、麵包、甜品喺自助,加上又喺午餐,所以,唔好期望會有太多。席間聽到有啲團友話唔多嘢食,多少喺好主觀,老實講,俾100樣嘢你揀,都食唔到咁多架啦,只喺滿足個貪念而已,小弟就覺得好足夠喇。 沙律、凍肉先介紹呢部份,半圓形嘅食物枱就放有兩款沙律菜、近10款配料,以及5款醬汁,後面就有啲生果,唔想煩嘅,餐廳提供4款預拌好嘅沙律:薯仔沙律、意粉沙律、藜麥沙律、蘋果乳酪沙律。凍肉部份就有煙三文魚、巴馬火腿、雜錦凍肉拼盤,所以,樣樣都執啲,可以砌出份極豐富嘅頭盤。 呢一道就喺小弟嘅大滿貫頭盤,應該樣樣都有啲,拌沙律菜就揀啲黑醋搭柚子沙律汁,夠酸活清新,又灑咗好多煙肉碎同芝士粉,夾埋啲煙三文,當然鹹香好食啦。而其他食材,都一樣唔錯,好似啲巴馬火腿呀、蘋果乳酪沙律呀,都好好味,加埋啲藜麥沙律,有營兼。 餐湯、麵包餐湯方面,就只有一款:意大利雜菜湯,麵包就有兩款,都喺比較歐陸式嘅,而晌另一邊甜品枱附近,就有多款甜嘅丹麥酥,所以,又夾咗啲一齊跟雜菜湯享用。 當然,你睇見呢個餐湯配麵包嘅組合,唔喺得我一個人食,而喺同老婆共享。佢就大讚個餐湯好飲,得確用料豐富,湯味酸香鮮活,掂喎;而歐陸式麵包夠咬口,富麥香,丹麥酥亦好酥脆,甚富牛油香,伴湯一樣唔錯。 香煎海鱸配蒜蓉檸檬牛油汁老婆一眼就相中海鱸,因為佢喺偏食紅肉者,魚類或海鮮就啱晒佢。碟煎海鱸賣相簡單,但勝在做得有水準,外皮勁香脆,魚肉卻嫩滑細緻,甚有魚味,配上呢個香滑嘅蒜蓉檸檬牛油汁,更能提升魚嘅鮮甜味,老婆食完真喺讚不絕口。每道主菜都伴有扒蕃茄、法邊豆、薯蓉,其實,淨食道主菜都好夠飽。煎羊扒配青蔥迷迭香汁難得有羊扒菜式,就梗喺揀佢啦,由於喺「團餐」關係,一下子要出大量主菜,所以,侍應送上菜式時都講明一致先做到五乘熟,有需要先再幫忙「加煎」。五乘熟就啱晒我啦,一客有兩大件羊扒,份量非常之夠,落刀已感受到啲肉質有幾軟腍,煎得啱啱好,外層有微微焦脆,裡面色澤保持嫩紅,卻唔會滲出半滴血水,而羶味唔太重,沾上青蔥迷迭香汁,食味一流。 甜品甜品嘅選項唔太多,可以一次過講晒出嚟:泡芙、美式芝士蛋糕、桂花糕、迷你杯子蛋糕、紅棗桂圓糖水、麵包布甸、豆腐花,款式唔算有特色,叫做樣樣都有啲。然而,亮點就晌轉角另一邊,因為餐廳有供應「哈根大師」雪糕,放得滿滿嘅一冰櫃內。 飲品如所有自助餐,餐飲都喺自助,就放晒晌入門口位,不過,就無咩選擇,咖啡、紅茶、檸茶、檸水,喺咁多。有杯咖啡俾我,伴吓甜品,我都OK架啦。 雖然話甜品唔喺咁多款式,亦喺比較大路嘢,但試得幾多得幾多,先嚟第一碟喺5款小蛋糕。當然最鍾意喺朱古力芝士蛋糕同桂花糕,因為前者晌濃郁嘅朱古力味之下滲出芝士嘅鹹香味,有啲層次,而後者則帶有好清香嘅桂花味,質感夠挺唔會太削,入口清涼。 最後一擊,就梗喺進擊「哈根大師」雪糕啦,揀咗兩款口味:蜜糖香桃及抹茶,兩者都好正,尤其前者,甚具桃香,質感柔滑,再伴一伴少少麵包布甸,夾埋啲雪糕一齊食,確喺令今餐完美作結。 今餐基本上都差唔多試勻所有嘢,其實,我自己就比較鍾意食半自助餐多過全自助餐,因為,始終都食唔得晒所有嘢,半自助嘅話就比較啱啱好,相對價錢又會平好多。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-31
4122 瀏覽
🍽 尖東海景酒店自助餐🌆 到海景咖啡廊吃自助餐最優勝之處並非食物,而是景觀。倚窗而坐能飽覽維多利亞海港景致,能置身於維港夜景下進餐,體會從容不迫的輕鬆感覺。🦞 咖啡廊提供各式國際美食,晚市自助餐凍海鮮包括長腳蟹、麵包蟹、青口、螺、蜆、蝦和小龍蝦,對於自助吧沒有生蠔會有少許失望。龍蝦方面不是沒有,只不過不是自助任食項目,而是每人配額一隻。🦀 長腳蟹蟹肉實在比較咸,未能享用太多,麵包蟹蟹膏多,屬必吃海鮮,其他海鮮大致新鮮卻未被驚艷到。龍蝦由於只有一隻,並在客人吃至中段才奉上,在半飽的情況下享用而不覺特別鮮味,但龍蝦肉爽多汁亦有大量蝦膏,如果可以讓客人憑劵在開餐頭段自取會更得宜。🥗 凍肉有三款,沙律和沙律菜也有5-6款,配搭水果同吃,開胃美味。🍣 刺身區太多人取食物,豉油碟來不及補充,客人只好把豉油倒在取餐的小碟上。吞拿魚肉比較鬆散,成敗筆之一。🍖 自助餐必吃的熱葷當然是燒牛肉和即燒羊架,可惜牛肉烹調時間過長,肉質稍老,味道還是不錯的。推薦即燒羊架,肉嫩多汁,加上一點薄荷醬有解膩作用。🍤 炸物方面亦是即炸即取,炸蟹鉗天婦羅是用龍蝦鉗製成,蝦肉爽甜,但略嫌炸粉偏厚。北海道蟹肉可樂炸餅比較美味,外脆內香滑,creamy美味。對於當晚沒有提供炸蝦天婦羅,也是比較失色的。中式小炒外觀一般,所以就沒有試吃。中式燒味有燒肉和燒鴨,各自取了一點試試,屬高質之作。燉湯也是個人喜愛項目,是日燉湯是蟲草花燉雞,當晚取了兩燉來喝(心境比較老派)🙈🥘 印度美食和中西式粉麵檔都有提供,但未見太吸引,又怕吸收太多澱粉質,所以還是放棄品嚐了。西式區中白酒煮蜆亦相當有驚喜,粒粒飽滿多汁。🍮 甜品種類並不太多,亦未見特色,對於沒有拿破崙還是有點小失望,最特別的是綠色的斑蘭炸沙翁,鬆軟美味。最後,千萬別錯過 Haagen Dazs杯裝雪糕啊!小總結:酒店自助晚餐原價 $738+10%,經酒店網上預訂可享75折優惠,服務費以原價計算,埋單人頭價大概數$630/位,餐廳食物種類不算太多,甜品選擇亦較普通,但以此價格及環境來說,還算物有所值。👅 味道:4/5💰CP值:4/5🕴🏻服務:4.3/5🔰餐廳環境:4.5/5👀回頭率:4/5🍽 餐廳:海景咖啡廊Café on M🌐地址: 尖沙咀麼地道70號海景嘉福酒店M層🐮 #cowing吃在尖沙咀#foodie #hkfoodie #hongkongfoodie #852food #852foodie #foodstagram #尖沙咀美食 #相機食先 #吃貨 #食好西 #海景咖啡廊 #CaféonM 繼續閱讀
(以上食評乃用戶個人意見 , 並不代表OpenRice之觀點。)
一行三人,家庭聚餐,對食物冇乜期望,只係想坐耐D,邊食邊傾吓計。每位有限量既半隻焗龍蝦同焗蠔,味道一般。有職員逐枱提醒乳豬只出一次,但偏油,唔脆,仲有好強烈既羶味凍海鮮大部分都過鹹,比較可以既係龍蝦鉗同好難攞既麵包蟹。辣牛肉沙律同青木瓜沙律好開胃,酸辣甜比例完美。熟食方面,海南雞夠嫩,印度咖哩芝士同乳酪雞好正,香料足,味道算幾正宗。其他一般。有即煮海鮮泡飯,冬蔭功湯麵,冇試。甜品印象深既係Tiramisu,每次只出兩到三份,係可以見到未浸既ladyfingers,而咖啡酒係即場混合,可可粉亦係立刻篩上去。cheese好滑口,手指餅質地剛剛好,乾濕拿捏得啱啱好,推薦一試。Häagen-Dazs 有3個新口味,strawberry and watermelon,chocolate and strawberry twist and crunch, cherry and strawberry,仲有抹茶。最中意朱古力脆脆加士多啤梨,好有口感。飲品有自助區,有汽水,凍熱茶水,咖啡,奶可以自斟自飲,方便。整體食物一般,但staff好勤力,而且好留意客人需要,refill算快,即使差唔多完場,例如雪糕某味道冇哂,只要主動問,職員都樂意幫手入雪房攞。餐廳既氣氛好好,感覺舒服自在。 繼續閱讀
(以上食評乃用戶個人意見 , 並不代表OpenRice之觀點。)
等級2 2022-07-24
555 瀏覽
今次係因為staycation而嚟呢度食自助晚餐,環境唔錯,食物種類都算多,特別係前盤嘅海鮮都refill得好快。不過當中嘅龍蝦同埋焗蠔就只能夠拎一碟,有d唔夠喉。比較特別嘅係有海鮮湯飯,都比想像中足料。另外甜品方面都有非常多選擇,當然唔少得最鍾意嘅Häagen-Dazs雪糕啦!仲有好多種口味可以選擇添! 繼續閱讀
(以上食評乃用戶個人意見 , 並不代表OpenRice之觀點。)
等級2 2022-07-07
973 瀏覽
朋友生日來吃自助餐,當日主題是海鮮貝殼類,每位收費六百多元。龍蝦每人半隻,不是任食自取;食物種類不多,片皮鴨只出了一次,因為太多人排隊,我沒有排;食物選擇少,味道好一般;吃自助餐,我從來沒有幫襯粉麵檔吃湯面,這次破例了,竟然吃了一碗湯麵🍜。還吃了一些甜品及雪糕。 繼續閱讀
(以上食評乃用戶個人意見 , 並不代表OpenRice之觀點。)