【鼠年开饭】盆满钵满 团年盆菜最平74折!
2020-01-08

新春团年,特别系一大班亲朋戚友食饭就最啱食盆菜!一嚟盆菜寓意盆满钵满、丰衣足食,二嚟整热就食得够晒快靓正。今年仲有唔少盆菜主打唔同嘅矜贵食材,拣啱心水再睇埋有无OpenRice优惠,就最好尽早预订喇。
 

盆菜x古法羊腩煲 新同乐鱼翅酒家


鲍鱼鹅掌古法羊腩盘菜

呢间开咗超过半世纪嘅中菜馆连续第九年得到米芝莲二星,水准当然有保证。今年推出嘅两款盆菜分别系鲍鱼鹅掌烤鸭盆菜,同鲍鱼鹅掌古法羊腩盘菜。两款都有极上鲍鱼、鲍汁扣鹅掌、竹笙等,前者配豆酱烤鸭同茄汁海虾球,後者就有好啱冬天食嘅古法羊腩配鲜蔬拼盘。

►即买餐饮券:
【74折】33 头日本皇冠吉品鲍、鹅掌、古法羊腩盘菜 配 虾籽五味农场鸡 (4-6位用)
【77折】39 头日本皇冠吉品鲍、鹅掌、古法羊腩盘菜 配 虾籽五味农场鸡 (4-6位用)
【76折】33 头日本皇冠吉品鲍、鹅掌、烤鸭盆菜 配 虾籽五味农场鸡 (4-6位用)
 

素食传统任你拣 丹尼盆菜到会


(左)极上素盆菜,(右)至尊鲍鱼盆菜

近年越嚟越多人开始食素,呢间到会就非常贴心咁准备咗全素,无蛋奶成分嘅极上素盆菜!唔好以为素食就好寡,呢个素盆菜就有素鲍鱼﹑牛肝菌﹑野生竹笙﹑秋葵﹑鲜淮山等。另外仲有传统富贵盆菜,同再豪啲嘅至尊鲍鱼盆菜。盘菜都系即日新鲜制作,包送货服务同保温包装。

►即买餐饮券:
【9折】极上素盆菜(纯素无蛋奶) 8-10位,品尝素鲍鱼、野生竹笙等16款矜贵佳肴
【92折】传统富贵盆菜 6-8位用,品尝鲍汁螺片、大虾等19款矜贵佳肴 
【94折】传统富贵盆菜 10-12位用,品尝鲍汁螺片、大虾等19款矜贵佳肴
【94折】至尊鲍鱼盆菜 6 - 8 位用,品尝原只8头鲍鱼、如意花胶等20款矜贵佳肴
【95折】至尊鲍鱼盆菜 10-12位用,品尝原只8头鲍鱼、如意花胶等20款矜贵佳肴
 

红酒配鲍鱼盆菜 鹰巢 


鲍鱼花胶盆菜

食盆菜其中一个最开心嘅地方,就系可以试匀唔同矜贵食材!例如呢间酒店推出嘅鲍鱼花胶盆菜就包括大连蚝皇鲍鱼、滋补花胶、原只大虾、原粒瑶柱甫、 鲍汁扣鹅掌等,由酒店总厨精心主理。用埋优惠券仲送一支南非红酒,或一客酒店自家制无添加吉祥椰汁年糕呀。

►即拎优惠券:
以优惠价购买鹰巢鲍鱼花胶盆菜 再送椰汁年糕或南非红酒
 

和风海鲜VS法式盆菜 五饼二鱼美食料理


(左)和风海鲜盆菜,(右)法式红酒盆菜

讲开盆菜通常大家都觉得系中式,有无谂过可以系糅合日式甚至系法式元素呢?呢间到会就供应传统盆菜、和风海鲜盆菜,同法式红酒盆菜!和风海鲜盆菜有刺身带子、炸软壳蟹、青口、照烧鸡扒、油扬福袋等,法式红酒盆菜就包括炸龙脷柳、英式肠、牛肋条、炆牛尾、烟鸭胸等,同样丰富。
 

八头鲍鱼+燕窝福袋 香宫


团圆福至盘菜

同为米芝莲星级中菜馆,呢间餐厅今年推出由中菜行政总厨张师傅主理嘅团圆福至盘菜,采用多款矜贵食材:八头鲍鱼、龙虾、蚝豉、原只花胶筒、鹅掌、松茸燕窝福袋等等,再以精美瓷器盛载。新年要宴客嘅话一定够得体!
 

精致「福」字盆菜 满福楼


贺年盆菜

而湾仔呢间酒店中菜馆今年亦有推出寓意团圆嘅新春盆菜,选用意头十足嘅上乘食材:原只二十五头花胶、原只鲍鱼、原粒瑶柱脯、海蔘、蚝豉、虾球、发菜、贵妃鸡、鹅掌等,当中最抢镜嘅就要数到精致嘅「福」字萝卜!食之前记得「相机食先」呀。
 

鲍鱼盆菜配窝巴脆脆 荟一会


猪圆玉润金盆菜配窝巴脆脆

呢间到会嘅主厨蔡师傅曾担任米芝莲三星中菜厅副总厨,而且有超过二十年高级中菜制作经验。今年就谂到推出盆菜配窝巴!猪圆玉润金盆菜本身已经有原只鲍鱼、原粒瑶柱、金蚝等多款上乘食材,酱汁仲系用鲍鱼、金华火腿、老鸡等熬制,所以用香脆嘅窝夫点酱汁一齐食就最啱喇。
 

新春喜庆盆菜 逸东轩


鲍鱼发财盆菜

佐敦呢间米芝莲一星中菜馆之前换上全新装修,不变嘅系一样主打各式传统粤菜。今年佢哋推出两款新春喜庆盆菜:鸿运发财盆菜有顶级蚝豉、花胶、瑶柱甫、虾、猪仔脚、烧鹅、贵妃鸡等,同再加上原只十头鲍鱼嘅鲍鱼发财盆菜,丰俭由人。
 

人气足料网店盆菜 五味真火


(左)至尊版盆菜,(右)豪华版盆菜

呢间网店主打老火靓汤同炖汤,嚟到农历新年就推出三款唔同盆菜,至尊版有成12只鲍鱼!再加花胶、烧鹅、贵妃鸡、贝柱、客家腩仔、鲍汁鹅掌、美极大虾等,同佢哋嘅炖汤一样足料呀。想食平啲啲可以拣豪华版,少咗鲍鱼同花胶但一样好味。
 

迷你鲍鱼盆菜 饮茶 


福满小盆聚

通常啲盆菜都系6人分量,两三个人一齐就可以去呢间新派点心店试迷你盆菜!呢个福满小盆聚睇落细细份咁,其实有齐花胶、鲍鱼、海参、乳鸽、鲜冬菇、炆腩仔、莲藕、萝卜、枝竹同西兰花,十样食材唔会过多而且仲代表十全十美吖嘛。

 


文:Cathy

关键字
新年
盆菜
团年饭
优惠
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
4天前
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12
滋味到家!新鲜海野海鲜+逾200款蔬果肉类 食材直送上门网站推介2.0
2020-10-08