120
15
7
港鐵旺角站 E1 出口, 步行約7分鐘
繼續閱讀
電話號碼
22013661
開飯介紹
曾是中環希爾頓酒店頂樓的夜總會，有不少名人食家如趙世曾、何鴻燊等光顧，2016年於旺角重開，主打新派及傳統粵菜，由經驗豐富的廚師主理。招牌菜包括富貴雞、石鍋金錢扣南非鮑魚等。
繼續閱讀
營業時間
今日營業
11:30 - 15:00
17:00 - 21:00
星期一至日
11:30 - 15:00
17:00 - 21:00
公眾假期
11:30 - 15:00
17:00 - 21:00
公眾假期前夕
11:30 - 15:00
17:00 - 21:00
有關獎賞計劃
優惠
招牌菜
食家推介
相關文章
家陣市道好返些少，餐廳都開始見熱鬧，而優惠亦源源不絕，早幾日同太太出街食飯，就發覺旺角希爾頓酒店鷹巢中菜廳的套餐幾抵食。打開餐牌第一版已經見二人套餐（HK$688/兩位），推廣日期由2021年5月17日至6月30日 （不適用於2021年6月11日至14日與及18日至20日），但要注意，因為餐廳晚市只在星期五至日營業，午間反而正常。有點不得不提，近日政府推出所謂「ABCD」餐，暫時全港可以有「C」類的餐廳不足300間，翻看資料，鷹巢正是其中之一，即是可以容許6人一檯至晚上11時59分，而餐廳亦將部份地方劃開做「C」區，又真係好啱6人之家喎。不過今次同太太兩個人撐檯腳，「ABCD」都派不上用場，反而靜靜地享受二人世界。率先上場的前菜屬於懷舊系列的「燒雞肝拼蝦多士」，係無乜新鮮雞的情況下，見到有雞肝真係兩眼發光，燒得幾香同入味，但質感就似乎結實些少，配杯啤酒就一流。蝦多士炸得色澤金黃，多士幾脆口，亦不覺油膩。另一道是「杏香荔茸帶子酥」，鮮帶子用薄薄的一層荔茸包裹，再插上杏片炸香，火喉控制得幾好，油份瀝得清，帶子肉質嫩滑，不錯。至於湯品是「萬壽果燉海中寶」，記憶所及，對上一次都品嚐過，可能太受歡迎，所以一直保留。原個木瓜清燉，內裡有蓮子、竹笙、蟹肉、元貝及鮮蝦，木瓜的甜味都跑到湯裡，鮮甜得可以，木瓜肉燉至軟腍，只須輕輕用湯匙舀起果肉食。即叫即炸的「紅燒BB乳鴿」（每位一隻），上檯時仍是熱得燙手，咬落皮脆肉嫩，由於鴿身早已滷過再炸，所以本身好入味，其實連淮鹽都不用蘸點。重口味之後，當然要來碟清清地的「蝦子竹笙扒時蔬」，竹笙用上湯燴過，是預期中的爽口，置底的溫室荳苗亦翠綠幼嫩，玻璃芡能再薄一點會更喜歡。送上單尾「漁港風味籠仔蒸飯」，飯面放上魚柳及蝦乾，味道滲入飯粒，令口感更豐富，不過飯粒就稍為濕身。中式甜品是「手製客家欖仁豆沙茶粿拼蛋白杏仁茶」。茶粿是用小竹籠上檯，份量一口一件啱啱好，但略嫌外皮搓得未夠時間；杏仁茶質地夠薄但好香，蛋白推成幼絲效果好好。其實餐廳仲有其他套餐，由二人到六人，由最相宜既$688/兩位，到$3088/六位，真係各適其適。
繼續閱讀
聽說：鷹巢本來位於希爾頓酒店頂樓，氣派不凡！聽說：鷹巢曾是名人飯堂弟，已故的何博士是常客！聽說：鷹巢的叉燒，是香港的 Number One！聽了那麼多，終於來吃，辛丑牛年大年初四午餐：#普洱茶，濃而不澀，解膩！喜歡！#金牌叉燒皇，８分瘦２分肥，對我的胃口，好吃！#鮑汁荷葉飯，飯乾身，鮑汁充分吸收，份量很足！吃不完打包了半碟，晚上再吃，仍然好味！#芝士蝦春卷，芝士味濃，蝦肉爽脆，很好的組合！#水晶鮮蝦餃，招牌點心，蝦肉爽脆，好味！#布拉鮮蝦腸粉，這個一般，不及蝦餃好吃！#香菇蒸燒賣，也是招牌點心，冬菇香味濃，喜歡！#黑松露素餃，喜歡黑松露的會大愛這個，包括我！#百花釀魚肚，媽媽的最愛點心，她說好吃！#欖仁豆沙茶粿，茶粿皮有點散，扣分！
繼續閱讀
早兩日同同事飲茶，見到可以嗌粽食，嗌咗個瑤柱花菇五香鹹肉粽同蓮蓉鹼水粽share過下口癮。超大隻！勁大粒花菇同瑤柱，好足料，啖啖肉勁正。鹼水粽就好滑但唔會好甜，食完唔覺得好濟，overall黎講都唔錯！臨走見到有得訂粽，75折又幾抵食，間唔時都有去下鷹巢食野嘅，出品都唔錯，同同事夾咗幾隻粽，仲有得免費送貨。
繼續閱讀
第一次來鷹巢吃晚飯，估不到有驚喜，首先多謝服務人員BOWIE的細心安排，讓我和老公在入住酒店期間，既有舒適的體驗，又有精緻的美食，真是一舉兩得，我們都有選擇困難症，所以選了一個精選鷹巢美饌套餐。其中有幾味餸菜令我們回味。包括：1.叉燒皇伴海蜇頭叉燒肉質鮮美，海哲頭爽脆2.杏香荔芋帶子酥兩者很夾，炸得不油膩3.菜膽北菇燉花膠我們最愛此湯，清甜不膩，好喝4.芝士焗鮮蟹蓋可以優雅地吃蟹🤣🤣芝士濃郁其實辛苦了5天工作，能夠休閑地吃一頓豐富又美味的晚餐，都係值得嘅
繼續閱讀
二人套餐：「錦繡點心蒸籠拼盤」 呢個拼盤有翡翠帶子餃、香菇蒸燒賣、蜜汁叉燒包、芝士蝦春卷。小編見到呢個拼盤真係開心有曬小編鍾意嘅嘢，佢哋翡翠帶子餃真係鮮甜到咧就嚟甜過我啊。蜜汁叉燒包都相當驚艷，好耐無食過咁好味嘅叉燒包，外層酥脆內餡多汁豐富。-「精美中式甜品四重奏」雙色荷花酥、農場迷你雞蛋撻、香芒布甸、豆沙南瓜餅。雖然賣相好靚但四件甜品真係引不起小編嘅食慾，抱住求其嘅心態食落去真係眼珠就嚟跌落地，完全無估計咁鬼好味甜度啱啱好，絕對唔會話甜到要飲成1 L水。-三人套餐：
「錦繡點心蒸籠拼盤」 無論二人定三人套餐佢哋點心款式都係一樣嘅，咁就麻煩大家將你哋嘅眼珠仔拉上去睇多次。-「精美中式三層架」呢個三層架有雙色荷花酥、農場迷你雞蛋撻、香芒布甸、甘筍鹹水角。佢哋嘅甘筍鹹水角一定係最突出嗰個，乾筍特有嘅鮮甜配上鹹水角脆卜卜又帶點鹹香，好味到小編係張凳跳咗幾part舞。
繼續閱讀