【开饭热店入围名单巡礼】观塘区食上一层楼 工厦食匀中西菜系
2018-03-09

美食当前,相机食先。作为foodie,先影为敬再放上IG直情系反射动作!优秀开饭热店2018以「美食大晒 尽情Show Quali」主题,无论你系食家定系大厨,有好嘢自然要晒一晒!即刻睇睇各区同各类型必试热店如何大晒功架!



赶绝工厦食店?当然唔得!观塘区呢度一向系卧虎藏龙嘅美食地带,识得食梗系走入工厂大厦食!😍西餐、café、私房菜等百花齐放,而且比传统餐厅食肆更多创意花臣,价钱亦更亲民贴地!即刻睇睇入围开饭热店大赏2018嘅观塘区候选名单,再投选神圣一票俾心目中嘅最优秀餐厅啦。😉

#观塘 #工厂大厦 #工厦餐厅 #上楼


用心社企西菜  Go Inside Kitchen

图:junjun.wang.73Helenbobo39

呢间位於工厂大厦内的社企西餐厅,实而不华,食物款式虽然简单,但制作用心而且质素稳定,午餐选择多而且价钱贴地,赢得唔少OL街坊回头支持。招牌菜包括黑松露蜜糖烤鸡翼、西班牙黑毛猪猪鞍架、安格斯肉眼扒及德国黑椒咸猪手等。餐厅协助聋哑人士就业,好有意义!


运动主题餐厅  The Stadium

图:asin_moonMelodyWong5016

位於落成不久嘅活化工厦The Wave内,餐厅以运动为主题,地方非常宽敞又设有露台,除咗有多部电视直播各种运动赛事,亦有齐足球机、桌球、镖机等玩意。食物以美式为主,有沙律、意粉、汉堡等,质素高而且份量十足,加上供应手工啤,好适合一班朋友嚟吃喝玩乐开party!


人气羊肉米线  云南啊老表黑羊汤锅米綫

图:kwan._.hkfoodninja

食厌连续米线店?呢间主打羊肉米线可以话系观塘区名店,舖头零装修,主打黑山羊米线卖到街知巷闻。羊肉可以拣有皮或净瘦,虽然细碎但肉嫩唔羶。汤底睇落好清,但有阵阵羊肉香,而且饮完超暖胃。米线质感爽滑,一碗细嘅都好大碗,一到繁忙时间全院满座架!


精致找素  尚素

图:emm1026KC Esther

素食潮流当道,以前素菜馆大多粗糙,亦多用仿真素肉,不过近年来已经越来越精致。观塘呢间素菜馆主打中式素食,菜式款式多,更会用上唔同食材配搭,好似黑松露、时令菇菌等,又有水煮、素食者都可以食得有新意。招牌炖汤真材实料,火候十足,点心、小菜亦做得用心。


抵食火锅放题  

图:Pardon SiuVenusKi

餐厅远离地铁站,但因为火锅放题实在太抵食,吸引咗唔少人专诚去,更成功打入观塘区热店!放题有得拣多款汤底,包括木瓜椰子鸡汤、黑蒜豚骨、虾汤、泡菜汤等,$88起可以任食美国黑豚肉及一系列自助火锅配料,加钱亦可以任食欧洲草饲牛、美国雪花牛、牛舌、海鲜等。


创意芝士鸡煲  米走鸡Live

图:YYFoodNWineMissMaru

由长沙湾开分店开到去观塘,呢间芝士鸡煲专门店好有创意,观塘店设live band表演,可以边听音乐边打边炉。招牌菜有黄金芝士鸡煲,半溶芝士好似岩浆包住鸡肉,浓郁香口,鸡肉肉质好嫩滑,亦有火焰麻辣鸡煲可以拣。配料有接近100款,新鲜而且够大碟,手打饺子同丸类都有水准。


其他入围餐厅仲有隐世川菜馆蜀府川锅、粤式私房菜馆御膳、蒸餸小店新蒸武门同靓靓鹿仔主题café Deer Kitchen。观塘友,系时候去优秀开饭热店大赏2018网站,投选你心水餐厅一票!

立即投票:https://www.openrice.com/info/awards2018/index.html


文:Perrins

关键字
优秀热店大赏
热店
观塘
工厦
私房菜
西菜
火锅
放题
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】便利店寻宝 每周新品速报
2019-11-08
给自己一个休息时间 10-11月下午茶推介
2019-10-25
鼎王来了!味道服务媲美台湾 必食麻辣鸭血锅及员工教路秘制鼎王饭(有片)
2019-11-01
粮尾打气!5间湾仔平价饭堂推介
2019-10-24
10月份好评餐厅十强
2019-11-05