【优秀开饭热店大赏2021】13餐厅包揽两奖 港式/西式/多国菜篇
2021-05-26

年度盛事「OpenRice优秀开饭热店大赏」今年以「日嚐作乐」为主题,希望大家从每日品嚐到嘅美食中创造乐趣,从探索餐厅中感受香港「味」力。日前已经宣布赛果(按此即看赛果),名单上唔单止有唔少新面孔,更有13间餐厅一口气夺得两个奖项!今日就同大家睇睇当中六间港式、西式,同多国菜餐厅,下次约朋友谂唔到食咩就可以参考啦。
 

Bakehouse(最优秀湾仔/铜锣湾开饭热店)(最优秀开饭甜品店)


由资深面包烘焙大师Grégoire Michaud开设嘅烘焙店,好多时候都会见到有人排队等买新鲜出炉嘅面包糕点。酸种面包系用经过36个钟发酵嘅天然酵母,配以人手搓揉,先可以焗出口感得宜又天然嘅面包。牛角包同酸种葡挞都系食家推介!
 

Mamaday(最优秀尖沙咀开饭热店)(最优秀开饭西式餐厅)


呢间由餐厅名、装修到菜式都非常幽默搞鬼嘅楼上Cafe由台湾回流返香港开店一直都大受欢迎,有过瘾图案同金句畀大家打卡之余,食物配搭都有新意。例如好邪恶既咸蛋牛油果蟹肉比萨就用重口味嘅咸蛋黄配搭清新嘅牛油果同蟹肉,味道层次丰富。
 

虫二(最优秀开饭日本菜餐厅)(最优秀开饭新餐厅)

由唐楼活化而成嘅618上海街本来就系打卡热点,呢间位於顶楼又有齐室内同室外座位嘅Cafe就更加系人气新餐厅。必食之一系由上环店3rd Space带过嚟嘅麻糬班戟,仲有伯爵茶同桂花两款口味。另一推荐系一汁三菜便当,有埋步骤教大家点做茶渍饭二食呀。
 

Cobber Coffee and Tonys Pastry(最优秀观塘开饭热店)(最优秀开饭新餐厅)


图: tiffsuet

观塘工厦多平靓正餐厅是常识吧,能够喺呢区突围而出一定有佢嘅本领,而呢间Cafe就系靠住即叫即制嘅日式梳乎厘班戟。口感软棉由有蛋香,甚至有食家嘅评论系可以媲美日本过江龙!主食例如炖饭、意粉等都有水准,而且定价合理,难怪唔少回头客。
 

大渣哥茶记(最优秀观塘开饭热店)(最优秀开饭港式餐厅)


图: cowingKelvin720

茶记系唔少人打趸或者食Comfort Food嘅地方,不过呢间大渣哥就绝非一般茶记,唔少菜式都经过改良。例如招牌黑牛黑面就有浓郁有花生粒嘅沙嗲酱配鲜牛肉,加埋炒蛋同丹麦多士真系无得输。鲜茄焗猪扒饭就胜在食得出用新鲜蕃茄整,比坊间一般用茄膏整嘅味道自然得多。
 

番茄师兄(最优秀深水埗开饭热店)(最优秀开饭粥粉面店)


图: dandeliondays

边个话深水埗得文青Cafe?呢间小店连续两年夺得最优秀深水埗开饭热店!主打大人小朋友都锺意食嘅蕃茄汤面,汤底用大量新鲜蕃茄熬制,蕃茄味浓郁又唔过咸。无论系配骟牯牛、新鲜滑蛋,定系蔬菜都咁滋味。
 


OpenRice优秀开饭热店大赏2021 (查看赛果按此)


关键字
优秀开饭热店大赏
地区组别
菜式组别
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
5天前
【2021生日优惠】持续更新!6月寿星送海鲜拼盘
2021-06-01
《优秀开饭热店大赏2021》赛果公布
2021-05-24
5月份好评餐厅十强
2021-06-04
一秒变出 招牌十八层海胆杯 佐敦小店全新体验 魔术X铁板烧
2021-06-11